بسم الله والسلام عليكم والرحمه ..
انا من اكثر من سنه تقريبا وانا ودي اقول كمة حق في شخص اكن له كل التقدير والاحترام والمشكله المدح بالوجه مذمه ..
لكن اسمحولي اشكر الاخ العزيز المحترم والراقي جدا .. استاذ aboaziz ..
لأنه وبكل صراحه وبكل فخر اتشرف اني سافرت من ورا تقاريره بس للأسف ماكنت اعرف كيف اسجل فالمنتدى وبصراحه للحين ماعرف كيف اطرش لك اخي العزيز رساله خاصه
اشكرك واشكرك واشكرك واسمحلي اهديك هالابيات المتواضعه من بنات افكاري ..
لاني ترا ظبياني ساكن جزيره
ولن بوظبي ادري دماها بدمّــك
تكتب .. وانا فكري يحدد مسيره
كن الجزر ظمـّيـتها وهي تظمـّـك
غيرك ترا عند الجزر ( مافي سيره)
لازم نسمـّـي كم جزيره بـأسمك
والسموحه منك اخوي الغالي والسموحه من اخواني فالمنتدى الجميل الرائع هذا .. واكرر شكري لك اخوي بو عزيز .. ماقصرت وعساك على العافيه .. واتمنى من الاخوان فالمنتدى يشاركوني امتناني واحترامي للأخ بو عزيز ..
كل التقدير لكم
اخوكم من بوظبي
خريش بس هادي ..
مواضيع عشوائيه ممكن تكون تعجبك اخترناها لك:
رد مع اقتباس
المفضلات