الموضوع: موقع حلويات هيل وزعفران

السلام عليكم
انا باذن الله باسافر للكويت وهذي اول زياره لي
(يعني الله يعينكم على كثرة استفساراتي)
وحبيت اسئل عن موقع حلويات هيل وزعفران وياليت تحطون لي احداثية الموقع
وياليت بعد تكتبون لي افضل شي يبيعه


http://www.kll2.com/


انا لقيت هالصوره بالنت واعجبتني مره

وابغى اعرف كم سعر العلبه هذي

وشاكره لكم

والى لقاء اخر في استفسارات اخرى

مواضيع عشوائيه ممكن تكون تعجبك اخترناها لك:

• سكاي ايرلاينز الان من الكويت الى أنطاليا
• شقق فندقية لخمس أشخاص في بالقرب من قصر دسمان
• طلبتكم يالغالين لاتردوني
• استفسار يابناء درة الخليج الغالية
• مساعدة عااااجلة يا أهل الكويت
• ابي شقق مفروشه جديده قريبه من الابراج في الكويت
• فنـادق الـريتـز للشقـق الفنـدقيـه
• الشنط تقليد الماركات يا بنات الكويت
• ممكن محلات ملابس اطفال
• كيف زحمه الكويت في الاجازات
• الي الاخ ضاري
• ابغى مطاعم سعودية؟
• جــولة فــي الكــويـــت
• دينار تبرع من الشيخ سالم العلي لكل متقاعد كويتي راتبه دينار فأقل
• ساعدوني يابنات الكويت
• الأخوة السعوديون اللي بيغادرون الكويت اليوم الجمعه ممكن نتفق لا هنتو
• عدّت استفسارات
• الطريق الي الكويت من الرياض
• اسعار فندق المنشر
• يا اهل الكويت نخوتكم معانه

وعليكم السلام

هذا عنوانهم و رقمهم من مشاركة سابقه في المنتدى







المشاركة الأصلية كتبت بواسطة fresno
http://www.arabtravelersforum.com/tr...0/#post2638940

السلام عليكم ورحمة الله وبركاته ...

الخ الغالي ابو تركي ..

بالطبع محل هيل وزعفران معروف وشغله نظيف .. اما بالنسبة للمعلومات التي طلبتها عنه فهي كالتالي :


الجابرية – بجانب ماكدونالدز – تلفون 25329232
مطار الكويت الدولي – صالة المغادرن – تلفون : 24346032
الفحيحيل – شارع المطاعم – تلفون : 23910688



وبالعافيه مقدما .

السلام عليكم

مثل ماقالت الاخت زينه بس الي بالفحيحيل اسم الشارع شارع مكه وفعلا منتجاتهم حلوه بس اسعارهم شوي مرتفعه. في نفس منتجاتهم بسوق المباركيه ارخص.

حياكم الله

السلام عليكم ورحمة الله وبركاته

أنا من مجانين الحلوى الكويتية فلذلك أقولك هيل وزعفران مو شىء من وجهة نظري الخاصة صح أنه محلاته مرتبة وشغله فايف ستار لكن كجودة لك عليها تبين تتلذذين بطعم الحلوى صح روحي المحلات اللي بدلك عليهم وبتدعيلي :

محل اسمه الشمالي بسوق المباركية قرب مقهى الدلالوه ولاتنسى تشرب أستكانة شاي شغله حلوووووو .

وكذلك محل مقابل سوق البلوكات ( سوق الاقمشة ) اسمه الكواكب هذا بعد مشهور لكن أنا ذوقي صعب .

وكذلك محل حلويات الوطن ( الحلواجي) تقريبا انه عند مجمع الاوقاف ، تقريبا هذا أقدم واحد .

ومن منتجاتهم الشعبية :

حلوى كويتية - الدرابيل - الغريبة - السمسمية - الزلابية - الرهش ( الطحينية بالسعودي ) بس شىء أمممم

البقصم ( الشابورة بالسعودي ) - لسان الثور ( شابورة خفيفة ) - القرص العقيلي ... فيه حلى كثير عندهم لكن هذا اللي أتذكره حاليا والاخوان والاخوات مايقصرون بالمنتدى .

ولاتنسين تروحين المطحنة الدولية بمجمع الافينيوز فيه مكسرات وفصفص شىء حلووووو .

والله هيل وزعفران عجيييب وشي فروع في دول الخليج

المشاركة الأصلية كتبت بواسطة كول بيبي
http://www.arabtravelersforum.com/tr...4/#post3980204

والله هيل وزعفران عجيييب وشي فروع في دول الخليج

الناس أذواق سبحان الله فيه ناس تحب تدفع لكن مافيه جودة بالمقابل بس أسم أني أشتريت من المحل الفلاني المشهور ، الله يوفقك وأحترم وجهة نظرك . ودمتم بخير

كل اللي ردو علي شكرا ادددددددددددد الدوونيا

وهل الاقيها بالمباركيه بنفس العلب اللي بالصور؟

العلب تجي بلاستيك شفاف دائرية ، مثل السمبوسة بالحلوى البحرينية والنشاب البحريني نفس العلب إذا تعرفينها ...

أنا أتوقع أنك تريدينها هدايا مو شخصي لك علشان كذا مالك إلا هيل وزعفران مثل ماذكرت سابقا شغلهم مرتب وفايف ستار وإتيكيت ... لكن جودة لك عليها !!!

فعلا انا ابيها هدايا
لذلك ابغاها بعلب حلوة

ياليت احد يفيدني
هل الاقيها بالمباركيه بعلب تصلح كهدايا

المباركيه فيها كل ماتتمنى

تحياتي

المشاركة الأصلية كتبت بواسطة كول بيبي
http://www.arabtravelersforum.com/tr...4/#post3980204

والله هيل وزعفران عجيييب وشي فروع في دول الخليج

للعلم

هيل وزعفران الموجود بالكويت ليس لديه فروع خارج الكويت

نعم هناك محلات بنفس الاسم في دولة الامارات ولكن لا تتبع ولا تنتمى للمحلات الموجودة بالكويت

نسخه طبق الاصل ولكن لا يتبعون لبعض

الف الف شكر لكل من ردو علي
افدتوني كثير

المشاركة الأصلية كتبت بواسطة زيـنـه
http://www.arabtravelersforum.com/tr...9/#post3979259

وعليكم السلام
هذا عنوانهم و رقمهم من مشاركة سابقه في المنتدى



حاولت اجمع كل المعلومات المتعلقة بحلويات http://www.q8shots.com/kuwait-food/h...afaran-kuwait/ لتكوين تحت تصرفكم ويكون نقاش حول جودت المنتجات لاني وجدت اختلاف كبير بوجهات النظر يعني في ناس نقول بس تغليف وترتيب للهدايا اما الطعم مو شي وناس تقول هو احسن محل http://www.q8shots.com/kuwait-food/h...afaran-kuwait/ قديدة وشكرا وهذي صورة من فرع المطار
http://www.q8shots.com/kuwait-food/h...afaran-kuwait/

هيل وزعفران..صوغه من الكويت
مثل
الحلوى البحرينية بالبحرين
والقيمر العراقي بالعراق


أنا زبون دائم لفرع الجابرية وأعجبني الإستقبال اللطيف والإداره الكويتيه وطبعاً أعجبني الطعم
لكن أسعارهم مرتفعه
وأتوقع إختيارهم للأماكن الراقيه تجبرهم على رفع الإسعار...عندك مثلاً المباركيه إيجار المحل بالشهر 250 دينار وفرع الجابريه لهيل وزعفران أتوقع إيجاره لايقل عن 1500 دينار

هيل و زعفران شغل مرتب .. و طعم حلو !!! الوالد يشتري مرات من الوطن .. خصوصا الغريبه و السمسمية .. لكن ما تعجبني زود لكن اخواني يحبونها .. فالناس اذواق .. الدرابيل في كم وحدة تبيع .. شغل بيت شي خيالي !! ما جربت درابيل الوطن ولا الشمالي بس هم معروفين .. لكن ك تقديم عادي ... لكن هيل و زعفران ما راح يفشلج .. نظيف و طيب .. خصوصا غريبة الجوز روعه

و اذا تحبين في محل اسمه تمريه اعتقد .. في جمعية الخالدية .. لذيييذ .. من وجهة نظري طبعا هههه .. و عندهم انواع و احجام مختلفة من العلب و التغليف و شغلهم حلو .. و التمريه تجي في حجم صغير تنفع للتقديم كانها كور صغيرة و بنكهات مختلفة