الموضوع: الرجوك ساعدني

السلام عليكم لك اخي العزيز وللاخوة اعضاء المنتدى الطيب وبعد:

ابو عزيز تراي طالبك وارجوك طول بالك معي ترى اخوك عليمي بالسفر ما أطول عليك بأذن الله زواجي يبي يكون بشهر 12 هجري يوم 2 انشاء الله واسأل الله عزوجل ان يوفقني فية والصراحة كنت ناوي على سيرلانكا لاني قد زرتة وعارف الاماكن فيها لكن من يوم قريت عن تقريرك لمورشيس وانا الصراحة دخت ودخلت قلبي لكن محتاج مساعدتك وياليت تطول بالك معي ولا تمل مني ولك خالص الشكر والدعاء

1_ الوقت هذا وش رايك فيه 12 هجري ولا اجزم على سيرلانكا

2_ اطلع مع برنامج الامارتية علماً اني للحين ما مريتهم ولا ارتب انا ولا اخلي الترتيب من المكاتب هناك وياليت لو تكرم وترسم لي برنامج6 ايام على حسب مايقلون انها كافي ولا ازيد اكثر تراي ابي امشي على رايك من يوم اوصل الين امشي يعني وين اروح وش ازور الله لايهينك منتزهات اسواق والله مادري وش بعد

3_ التذكر كم تبي تطلع علي لاني حاولت ادخل على الامارتية لكن لم استطع تحديد السعر درجه سياحية. الفنادق مابين 5نجوم الي اربع نجوم

هذا الي بالي مادري وش الي ناقص لكن ياليت تساعدن واسأل الله ان يغفر لك ولا والديك والسلام عليكم ملاحظة مزنيتي مع التذكر 20 الف

مواضيع عشوائيه ممكن تكون تعجبك اخترناها لك:

• جزر المالديف اتمنى من خبراء السياحه واللي زاروها الرد ضروري
• استفسار عن موريشيوس
• مساعدة لرحلتي شهر العسل
• المالديف في فصل الشتاء
• بعض الاسئله عن موريشيوس
• سفرة فلاويه
• المالديف قرار واستشارة
• اول مشاركة وطلب
• سيشل لمن لديه الخبره
• استفسار مهم اتمنى افادتي
• أفتونا في موريشس
• مطار موريشوس
• أيهم أفضل الفل مون ام دونفلي بيتش
• كيف أجمع سيريلانكا وجزر المالديف في رحلة واحدة؟؟
• من يفيدني عن
• شاطيء بوراكي
• ابغاااا راااايكم تكفوووون
• اقتراحاتكم لو سمحتوا
• ҉ ҉ يا أهل الذوق والطيبه شباب وبنات منتدى العرب المسافرون҉ ҉
• طلب الله لايهينكم لمن يعرف عن موريشوس

والله كل واحده ما تتخير عن الثانيه بالنسبة لي

هلا بك اخوي وعلى البركة الزواج

تاريخ سفرك يوافق 8 نوفمبر بإذن الله

افضل طريقة لترتيب السفر هو عن طريق شراء باكج كامل

ميزانيتك للاسف لا تكفي لموريشيوس

محتاج اقل شيء 24 الى 26 الف ريال للرحلة

اقترح عليك قبل الخوض في تفاصيل الرحلة بحث موضوع الباكج مع احد مكاتب السياحة او الامارات للعطلات

الباكج عادة يكلف بين 20 و 23 الف ريال تضيف له 4 الاف للمصروف الخاص بالرحلات

عدد الايام المقترح 6 ايام

وبالتوفيق

المشاركة الأصلية كتبت بواسطة omar353
http://www.arabtravelersforum.com/tr...7/#post4116866

الله يرحوم والديك ما قصرت والله انها دخلت قلبي ودي اروح لها والخمس الاف مارح تعوق باذن الله لكن التذاكر كم سعرهن ولو تقريباً علشان احسبها صح وقرر والله يختارما فية الاصلح



هلا بك اخوي

الباكج = تذاكر الطيران + الفندق + الأفطار والعشاء + المواصلات من والى الفندق

اذا اشتريت التذكرة منفصلة بيكون سعرها بحدود 6 الالف ريال للشخص

لهذا السبب اقترحت عليك الباكج أوفر لك

ابو عزيز رجال وكفو ويبي يساعدك إن شاء الله

موريشيوس غالية شوي بس تستاهل وشهر عسل بعد يعني مايغلى على العروس شي بأذن الله ..

انا بأذن الله رايح بـ 22 نوفمبر يعني 16 ذو الحجة إن شاء الله لمدة 10 ايام وشهر عسل بأذن الله

التذاكر على الأمارتية شوي غالية ياخوي الشخص بـ 6100 ريال

الفنادق والفلل فيه الرخيص وفيه الغالي ..

الأمارتية اعطوني بكج بـ 29 الف ريال شامل السكن والطيران مع وجبة افطار وعشاء واستقبال خاص من الفندق بالمطار ..

الله يوفقنا وياك ويسهل علينا وعليك ومبروك الزواج مقدماً ..

الله يبارك بيك ومبروك لك مقدماً والله يوفقك يخوان رحت ليوم لم الامارتية وعطاني البكج ب 22 الف 7 ايام 6 ليالي والمشكلة قال اخر يوم تطلع من الفندق الساعه 12 ظهراً والرحلة تكون بحدود الواحدة ليلاً صراحه صرفت النظر وقررت اني اروح سيريلانكا 8لليالي و 2 يوم الملديف والحمد لله سيريلانكا مرتب اموري فيها وعارفها لاني سبق ان زرته قبل 5 سنوات ايام الجاهليه قبل الزواج الله يرزق العزوبية يارب لكن الملديف وهذي ابي فزعتكم يخوان 2 يوم ابي انبسط فيها فيلة ودلع لكن الله لايهينكم وش ريكم اروح على اي خطوط وين اسكن في الملديف ياليت ترسمون لي برنامج ل يومين فقط وتعطوني المكان الافضل ولكم خالص الشكر والدعاء

اخوي مبروك الزواج مقدما..وموفق ان شاء الله
بالنسبه لي توي جاي من المالديف الصراحه شي روووووعه خيال بمعنى الكلمه..فاذا رحت لسريلانكا وعقبها المالديف بتتحسف على الايام اللي فوتها بسريلانكا ..
رحلتك 10 ايام يعني ماتفرق لو نقصتها وخليتها 6 ايام مقابل وناستك بالمالديف ..
حاول تشوف على القطريه او السريلانكيه او الاماراتيه
واذا مصر على رايك..
انا سكنت بفندق كونراد روعه اخذت ووتر فيلا ورقوني لـ سبا فيلا خيااال بس الموج عالي وصعبه السباحه بالبحر اللي مخخصص لفلتك
وسكنت انانتارا حلووو ورايق اخذت ووتر فيلا ديلوكس روعه بس كفخامه الكونراد..موفق