السلام عليكم
سفرتي لسيشل مو اول مره هذي ثالث مره
وجزيرة سيلهويت هي رابع جزيره اروح لها من جزر سيشل
سفرتي الاولى والثانيه زرت فيها ماهي وبراسلين او (برالين) ولاديغ واللحين سيلهويت صارت الرابعه (اول كنت اقول سيلويت لكن موظفين المطار سمعتهم ينطقونها سيلهويت !!)
طبعا اللي يميز سيلهويت عن باقي الجزر اولا وجود منتجع وحيد فيها الا وهو لابريز وثانيا قلة السكان فيها يعني تقريبا فقط عاملين المنتجع واللي لاحظت ان اغلبهم هنود (من الهند )
واخيرا وهو الاهم غاباتها الطبيعيه وشواطئها الساحره
وفيها ايضا محميه تابعه لليونيسكو اسمها مارين ناشيونال بارك
طبعا الخطه والتخطيط والترتيب كله كان مع الامارات للعطلات وفعلا ماخيبوا ظني فيهم رتبوا لي كل شي من الى وحاجات ماكنت متوقعها منهم صاروا عاملين حسابهم فيها
اول ماوصلت استقبلونا بمناديل معطره وخذوا كل الفاوتشرات تبع الtransfer ماعدا فاوتشرات الاوتيل وركبونا جيب لكزس ووصلونا للميناء وبالميناء اخذنا القارب وتوجهنا على الجزيره ركبونا عربه صغيره ولفوا بنا حوالين المنتجع وعطونا خريطه سهله من اول ماطالعتها خلاص دليت كل شي فيها
الفيلا اللي اخذتها Beach Pool Villa فيلا شاطيء مع مسبح
المنتجع فيها 5 مطاعم وبار
مطعم واحد اسمه كافيه دوبان بقدم فطور نظام بوفيه
والغدا والعشاء منيو وتختار ويجيبونه لك اذا كنت فل بورد انا هاف بورد فطور وعشاء بس
الفيلا كل شي فيها يفوق الوصف
نظافه وهدوء وخدمة غرف وتنظيف سريعه اطلاله على الشاطي يعني بعد السرير مو الغرفه لاحظوا السرير عن الشاطيء بس عشرة امتار
هناك مافيه شي اسمه ملل دامك بالجزيره وبالمنتج عندك نشاطات كثير متوفره لك
الشاطي والمسبح والسبا والمطاعم وصالات الرياضه وملاعب التنس
تلف لحالك حوالين الجزيره الوايرلس متوفر ومجاني وبار يقدم عصيرات وكوكتيلات مناظر طبيعيه ترد الروح ولا ودك تبعد عنها
ماودي اطول كثير معكم بالكلام هذي الصور تغني عن كل شي
واي شي حابين تسالونه وتستفسرون عنه بخصوص الجزيره والمنتجع تفضلوا وقولوه هنا الموضوع انشالله راح يكون مرجع لكل شخص حاب يزور هالجزيره بالمستقبل وانشالله اقدر من خلال الموضوع اني اقدم اكبر افاده للي حاب يزوروها ويستكشفها
اليوم فقط ابكتفي بصور الفيلا وصور التقطتها لحوالين المنتجع
اخاف يصير زي موضوعي اللي راح انزل الصور ثاني يوم تنمسح
فقلت ابجرب لاني رافعها على موقع جديد وعلى الله مايخذلني زي الاول
وعلى فكره
الموضوع طرحته بقسم السياحه بمنتدى الاقلاع بأسم Thamer@
اللى هو انا I Love 90s العضو بمنتدى المسافرون العرب
وطرحته بتاريخ اليوم 25/9/2010 وان صادف ولقيتوا نفس الصور بمنتدى اخر بعد هالتاريخ فهو ملطوش منيمواضيع عشوائيه ممكن تكون تعجبك اخترناها لك:
- ممكن مساعدة
- اريد ان اذهب الى المالديف وماليزيا معا ؟؟ من اين ابدأ؟
- مساعدة لعمل تجديد شهر العسل
- استفسارات لاهل الخبرة بجزيرة موريشيوس
- ابو عزيز الرجاء الفزعه
- طلب استشارة عاجلة
- ضروري تفيدوني ما هي الدول التى يمكن زيارتها من مطار موريشيوس
- المقارنة بين موريشوس والمالديف وسيشل ؟
- كل من ذهب لهلتون المالديف ارجو مساعدتي
- استفسار عن سيشل
- ╣۞╠ المالديف╣۞╠ م
- استفســــــــــــــــار واستنفــــــــــــار
- سؤال لشهر عسل في المالديف او موريشيوس
- نحن شباباين نذهبماليزيامالديفمورسيش
- طيران الاتحاد إلى المالديف
- متردد أسافر المالديف بسبب الأزمة
- من اللي يعرف عن جزيرة قبرص
- ارجو المساعده لشهر العسل
- سفري بعد أسبوع بإذن الله
- اخي نجم الكويت اتفضل ابي شورك
المفضلات