الموضوع: حلم عمري اروح امريكا اللي قدم على الفيزا يساعدنيي

اهليين فيكم ..

حبيت استفسر عن اجراءات الفيزا لامريكا للسياحة هل هي فيها تعقيد وممكن يرفضوا يطلعون لنا فيزا ... لاني حابة نروح انا وزوجي شهر عسل لامريكا .. بس هو مو متحمس مرة ومو حاب ان الاجراءات تطول وفي الاخير مانقدر نسافر .. واللي حواليه مايشجعونه ويقولون له ان الفيزا والاجراءات مرة تطول وتطفش .... وانا حلم عمري اني اروحها وانا رحتها مرتين قبل من 12 سنة .. لا احد يقولي اوروبا ولا ماليزيا اناا مااشوف غير امريكا .. وكنت في البداية مقتنعة باوروبا .. بس انا اشوف امريكا شي ثاني ومافي مكان في الدنيا احلى منها

واتمنى من اللي قدموا على الفيزا وعندهم خلفية يساعدوني وينصحووني ايش اسوي يعني نبدا في الاجراءات ولا افقد الامل ... علما انني ابغى اسافر في شهر 7 اجنبي .... اذا قدمنا الحين على الفيزا يعني ممكن تطول ل3 او 4 شهور ...؟؟؟؟ او ممكن يرفضونا ..


واكون ممتنة جدا للي يساعدني ؟؟؟؟

مواضيع عشوائيه ممكن تكون تعجبك اخترناها لك:

• اخي ضرورررررري
• سؤال بخصوص دفع مبلغ الابليكيشان حقت الجامعة
• نداء لكل الاعضاء ارجوكم تساعدوني الفزعه الفزعه
• الانتقال من سان فرانسيسكو الى لوس انجلس
• اقامتي في نيويورك يومين واحتاج مساعدتكم
• رحلتي تتوقف في لندن في مطارين
• غدا موعد المقابلة
• اتصلوا السفارة وتوهقنا وش الحل ؟؟؟؟؟؟؟
• قبل المقابله احتاج توضيح
• اسئله عن فلوريدا وكالفورنيا في شهر ديسمبر ومحتاجين مساعدتكم وتوجيهكم
• عندى مقابلة فى السفارة الامريكية بمصر أغسطس أريــد العــوووووون منكـــــم
• كم تبعد شلالات نياقرا عن نيويورك
• أبغى مساعدتكم الله لايهينكم
• ابحث عن سكنك واستأجر وقارن هل هو بعيد أو قريب من معهدك بدون حاجة لأحد شرح مصور
• استفسار عاجل
• وشل الحل؟؟
• الى جميع الأعضاء الكرام
• اسئلة مبتدئين بأمريكا
• زوجتي واخوها والفيزا ياليت تفيدوني من خبرتكم مشكووورين
• رحتوا ديزني اورلاندو بدون اطفال؟ ابيكم شوي

أصعب شي في اجراءات الفيزا في الوقت الحالي هو موعد المقابلة الا اذا احد يبي يلغي وعلى طول تاخذين الموعد بدلاً عنه

بالنسبة للفيزا من يوم تسوين المقابلة الى حصولك على الجواز ماتأخذ وقت اذا امورك واوراقك اوكي.. 3 اسابيع بالكثير

انا قدمت عليها في وسط مارس وعطوني موعد بعد 25 يوم وسويت المقابلة وأخذو الجواز وقالو راح نرسلة عن طريق فيدكس خلال هالاسبوع

طبعاً نوع الفيزا (سياحة)


لاتشيلين هم ترى الدعوى سهالات بس اهم شي الموعد في الوقت الحالي

بالتوفيق

اهم شي المواعيد .. اقرب المواعيد في الرياض شهر 6 ميلادي

والظهران 7او 8 ميلادي


يمكن احد يكنسل يكون من نصيبكم ..

والاجراءات في العادة تاخذ من اسبوع لستة اسابيع

بالتوفيق

اشتريتي يوزر وحاولي تدخلين في المساء او اخر الليل عشان تكون الفرصه كبيره انك تحصلين موعد بدري هالشهر او اول الشهر الجاي .. وصدقيني مع تكرار المتابعه والمحاوله بتحصلين موعد بدري .. انا اتكلم من واقع تجربه

بالتوفيق

لا تشيلين هم حبيبتي

اذا مكتوبه لكم وفيها خيره بتتيسر اموركم كلها...

انا في خلال كم يوم لقيت موعده مقابله مناسب واموري في المقابله مشت تمام الحمدالله وبعد 3 ايام استلمت الفيزا وهي سياحيه...

انتي توكلي على الله وان شاءالله تتسهل امورك...

:smile:

مشكوورييين الله يعطيكم العافية ماقصرتوا

ان شاء الله يارب تتسهل واروووح امريكا

انا طلعت الفيزا الشهر اللي راح وكان موعدي فييوم الثلاثاء 17/3/2009
المقابلة اسهل مما كنت اتوقع والفيزا طلعت الحمد لله تعالى في 22/3/2009

يعني 6 أيام فقط

وكل هذا بعد توجيهات الاخ الكريم امباكت اللي بصراحة سهل علي امور كثيرة جدا
وما انسى الصديق العزيز اللي دلني على الموضوع

بالتوفيق ان شاء الله واذا احتجتي اي استفسار الاخوان ما راح يقصرون ان شاء الله وكلنا موجودين

بصراحة انا احس اني رحت لأمريكا من خلال اطلاعي على موضوع امباكت 2007 و2008

الله يوفقكم ان شاء الله ويسهل اموركم

اختي اهم شي تشتري يوزر (45 ريال) وتضيفين جواز زوجك وبعدين تشيكين المواعيد

وتابعي المنتدى ترى الاخوان دايما يبلغوا اذا فضيت مواعيد وحاولي كل يوم تشيكي اكيد احد بينكسل موعد

انا عندي موعد لشخصين في بداية شهر مايو وافكر اكنسلهم اذا ما تيسرت السفرة

واذا لقيتي موعد ترى الموضوع بعد كده جدا سهل :36_1_22:

واذا تسهلوها بأذن الله تتسهل :36_1_11:

بأذن الله تتسهل

توكلو على الله وقولي لزوجك مابي الا امريكا وبس وترى الامور سهله ان شاء الله بس تابعي الموقع وراح تحصلين على موعد قريب .. مثل حالتي هذا انا احاول والباقي على الله

انا موعدي يوم 27 هالشهر . أود المساعده في الإجابه عن السؤال ( تخطيط الرحله ) فيزا سياحية . وكذلك احتاج الى حجز فندق أود ممكن لديه القدره في مساعدتي . وهل سامبا تشترط وجود حساب لديهم لتسديد رسوم الفيزا؟ كم أخر فرصة لي لأرساله معلوماتي للسفاره علما أن موعدي 27/4/2009 أود الفزعه العاجلة من النشاما .



XXXXXXXXXX

تمنع سياسة المنتدى وع الايميلات الشخصية والارقام في الردوود

تكرار ذلك يعرض معرفكم للايقاف !!

مع تحيات مراقب المنتدى ومشرف البوابة الامريكية

Impact


وللموقع جزيل الشكر والتقدير

المشاركة الأصلية كتبت بواسطة freemanskyler
http://www.arabtravelersforum.com/tr...0/#post2834530

انا موعدي يوم 27 هالشهر . أود المساعده في الإجابه عن السؤال ( تخطيط الرحله ) فيزا سياحية . وكذلك احتاج الى حجز فندق أود ممكن لديه القدره في مساعدتي . وهل سامبا تشترط وجود حساب لديهم لتسديد رسوم الفيزا؟ كم أخر فرصة لي لأرساله معلوماتي للسفاره علما أن موعدي 27/4/2009 أود الفزعه العاجلة من النشاما .



XXXXXXXXXX

تمنع سياسة المنتدى وع الايميلات الشخصية والارقام في الردوود

تكرار ذلك يعرض معرفكم للايقاف !!

مع تحيات مراقب المنتدى ومشرف البوابة الامريكية

Impact


وللموقع جزيل الشكر والتقدير






لا يشترط وجود حجز فندق !!

ولا يشترط وجود حساب في سامبا يمكنكممن السداد في اي فرع للبنك !!

والاوراق تاخذوها معكم في المقابلة !!

وهذا الرابط بيفيدكم : http://www.arabtravelersforum.com/travel165542/


ملاحظة : الرجاء عدم تكرار وضع الايمل في الردوود وتكرار ذلك مخالفة تستوجب ايقاف معرفكم بسببها !!

بالتوفيق

نصيحة انازرت امريكا ولفيتها ترينها ماخذه اكبر من حجمها وماتستاهل السياحة شوفي لك بلد اجمل منها والله من واقع تجربه

بصراحة الكل وفى وكفى . ومثل ما قالوا اهم شي الموعد وترى مره ما يعقدوا الان في الفيزا .


وطمنينا عنك