الموضوع: راح ادرس في برايتون و أبي مساعدة من اللي راح لها

قوه

شلونكم

انا انشالله بتاريخ 5\7\2009 راح اروح برايتون لدراسة اللغه و راح ادرس في مدرسة اسمها يورو سنتر و راح اسكن مع عايله لمدة شهرين

هذي اول مره اسافر فيها بروحي و ما اعرف ولا شي هناك :×

مادري شنو اكتب بس اتمنى تساعدوني شنو الاشياء اللي احتاجها حق هناك

و ياريت اللي رايح هناك يفيدني بأي معلومه يعرفها حتى لو كانت غير مهمه
و اتمنى تقولون لي عن الطقس عندهم شلون صاير شهر 7 و 8 يعني نص كم ولا كم طويل :tongue:

و لا تنسون اي معلومه تعرفونها قولو لي اياها بليز لأني حاس اني متوهق مادري شنو راح يصير :unsure:

و يعطيكم العافيه :24:

مواضيع عشوائيه ممكن تكون تعجبك اخترناها لك:

• كنداااااااا
• احتاج الي مساعده
• بنت الصقور وبـآقي الأخوهـ مسـآعدهـ عـآجله لاهنتوـآ
• جديد كيف أغلفه مرة أخرى ؟
• دراسة على جناح طائر
• أرجوكم أريد مساعدة ضروري افيدوني اخواني
• استفسار
• اكسفورد
• ودي ادرس برى
• دراسة اللغة لمدة شهور ممكن مساعده
• أرجوكم يالربع أرغب في قبول للغة بأمريكا
• ياجماعة ويش سالفة ؟؟
• ياشباب شهادة القياس
• تكفون الرد اسرع شي التقديم على الملحقيه والانظمام للبعثه؟
• الدارسون في لويزيانا والقريب منها انتبهوا الاعاصير مهم مهم مهم مهم
• عدنا والعود أحمد
• كيف أحصل على قرار الإبتعاث؟
• استفسار عن الانترنت في سوريا
• احتاج مساعدتكم في ايجاد بعثات تعليميه
• مين راح بريستول

مرحبا بك

المدرسه في السنتر وقريبه من السوق وكذلك البحر والمطاعم وكذلك المسجد المدينه الي بشارع بدفورد بعد محل تاج محل للاكل الحلال بشارع الوسترن رود

موقع العائله مهم الان هل تحتاج الى مواصلات او لا

عموما جو بريطانيا الايام هذي جيد لكن لابد من الاحتياط

لكم كل الاحترام

مشكور اخوي على المعلومات بس ما قلتلي يعني الملابس اللي اييبها اكثرهم نص كم ولا كم طويل لول

و اتمنى من اي احد يمر يعطيني بعد معلومات

و أسأل الله العظيم رب العرش العظيم ان يشفي والدتك انشالله

الايام هذي الصراحه لبس صيفي لكن الجو يبرد شوي بالليل

امل الاطلاع على الرد رقم 2
http://www.arabtravelersforum.com/travel180668/

لكم كل الاحترام

مشكور اخوي أفدتني وايد مو شوي بهذا الرابط و يعطيك العافيه

الاخ مجموعه انسان كالعاده مايقصر ابدا في اي معلومه

الله يجزاه خير .

موفق ان شاء الله اخوي q8_loving

ونتظر منك بعد العوده ان شاء الله

بعض الانطباعات ورأيك في المعهد والمدينه .

تروح بالسلامة اخوي وأتمنى لك الفائدة

طبعا المدينة من الحجم المتوسط

حلوة بس مليانة عرب خصوصا بالصيف
فيها بعض السلبيات لكن ما لك وما لها

البقالات والمطاعم العربية كثيرة ولله الحمد

فيها أكثر من مسجد ، لهجة أهلها جميلة جدا ، والناس هناك لطيفين في التعامل مع الأجانب

أنصحك لا تكثر العفش علشان ما له داعي

خذ لك ملابس معقولة ، مثلا 7 قمصان و 4 بناطيل

القمصان كم قصير عادي في الصيف علشان الجو دافي
بس لازم يكون معك قميص كم طويل ودافي شوي للاحتياط

المدرسة مشهورة وكبيرة ولها فروع كثيرة
التنقل سهل جدا جدا حيث الباصات موجودة وبكثرة

أنصح تشتري بطاقة باص لمدة شهر ( ون منث تيكيت ) قيمتها تقريبا 55 جنيه وتسأل عنها سوال الباص ، علشان تقدر تستخدم الباصات وقت ما تحب ، وتروح أي مكان تبغاه في محيط المدينة وهي طريقة اقتصادية ومريحة جدا

فيه كذلك بطاقات لأسبوع واحد
أو تقدر تاخذ تذكرة ليوم واحد

بالنسبة للهاتف أقترح تاخذ شريحة ( لابارا ) فهي الأفضل وابدا أبدا لا تاخذ غيرها

أقترح تاخذ معاك هدية بسيطة للعائلة
وكل ما كنت مؤدب وهادىء وجاد كل ما قدروك واحترموك أكثر

نصيحة في الختام : أنت سفير بلدك ودينك ، فكن خير سفير بأخلاقك وجديتك والتزامك بتعاليم دينك

تروح وترد بالسلامة
وأي خدمة بس عطنا إشارة

srn005
تسلم اخوي و انشاالهه اذا رحت راح احط لكم تقرير مصور

ناعوس
يعطيك العافيه و ما قصرت حبيبي معلوماتك افادتني وايد
وهم فكرة الهديه وايد حلوه و انشالله راح اسويها
و عندي سؤال .. البطاقة هذي لمن اخذها اقدر اركب الباص اي وقت على كيفي؟؟
و اذا عندك فكره تتوقع شكثر احتاج مصروف هناك حق شهرين (باليورو) ؟؟
و اذا على الاكل شلون اعرف اكلهم فيه دهن خنزير او خمر او من هالاشياء عشان لا آكله؟؟
و مشكور و ما قصرت و اذا عندك اي معلومه و بتحطها بتكون مسويلي خدمه كبيره ^_^
و انا انشالله باجر راح اسافر و حدي حدي متحمس

تروح بالسلامة

التذكرة هذي لما تشتريها تقدر تركب الباص وقت ما تحب ، انشاء الله تجلس فب باصاتهم 24 ساعة وتتنقل من باص إلى باص وهي أفضل طريقة للتنقل في المدينة .

بالنسبة للأكل طبعا تقول للعائلة انك ما تاكل أي شي فيه لحم خنزير pork أو lard اللي هو دهون الخنزير أجلك الله.

بالنسبة للمأكولات اللي فيها كحول كثيرة مثل الحلويات والآيسكريم ، وكل ما عليك تسأل البائع إذا فيها spirit أو لا ، أو تقرأ قائمة المحتويات .

المصروف يختلف من شخص لآخر ، لكن أعتقد انت دافع حق المدرسة والسكن ، فما باقي عليك غير المصروفات الإضافية وهذي قليلة جدا . يعني أتوقع راح يكون مصروفك اليومي ما يتجاوز 30 يورو بالكثييير .

بعدين اخوي تراهم يستخدمون الجنيه الاسترليني ، أما اليورو فقلييل جدا .

وترانا بالخدمة ياالغالي
بس ركز على دراستك أهم شي .

هلا اخوي ناعوس ^_^

هذي العمله اللي صرفتها



مادري شنو بس جنه يورو

اذا مو هذيل المطلوبين قول لي خل الحق اغيرهم اليوم :110:

تمام عليك

هذي الجنيهات الاسترلينية المستخدمة في أنحاء بريطانيا ، ويسمونها باوند

بس احرص يصير معاك في البداية أوراق من فئة 5 أو 10 باوند

ترى فئة الخمسين صعب أحيانا تحصل أحد يصرف لك لما تشتري شي بسيط ، تعرف ما عندهم نخوة العرب


اخوي إذا عندك استفسار قبل ما تسافر ترى في الخدمة

الله يوصلك ويردك بالسلامة

ونشوفك هناك بحول الله

احححححح عاد انا اللي صرفلي اياهم ابوي كلهم فئة 50 ماكو فئة ثانيه

يلا مو مشكله نروح هناك و انشالله تتدبر :109:

و يعطيك ألف عافيه اخوي الغالي على سعة صدرك و افادتك لي

و انشالله بعد 3 ساعات و نص راح اروح المطار و للحين مو نايم :tongue:

و يعطيك العافيه مره ثانيه و نشوفكم قريب انشالله ^_^

now i am in the school in brightom

الحمد لله على سلامتك
مع تمنياتي لك بإقامة سعيدة ومريحة ورحلة موفقة
وشد حيلك في دراستك الله يوفقك

ماشاء الله في برايتون .. بالتوفيق والنجاح
وشكر كبير للأخ ناعوس لأنة فادنا احنا بعد بكثير أمور

المشاركة الأصلية كتبت بواسطة Q8_LOVING
http://www.arabtravelersforum.com/tr...8/#post3104128

now i am in the school in brightom



[size="4"]
good luck my brother:113:
i was reading your thread from the very beginning

وبالنسبة للاخ الفاضل ناعوس
ما نستغني عن نصايحك ،، :24:
انا بعد عندي سفرة للندن وباريس شهر 10 و 11

يعطيكم العافيه كلكم و أخص بالذكر الاخ ناعوس ^_^

و انا كل شي اشوفه قاعد اصوره و انشالله راح احط موضوع كامل عن الرحله ^_^

الله يوفقك إنشاء الله وشد حيلك في هالشهرين علشان تطلع بأكبر قدر ممكن من الإستفاده

الله يوفقك وكيف العرب بالمعهد لايكون اغلبه عرب اعتقد ان السعوديين بالمعهد هذا كثر ولاتنسانا بالصور
وبالتوفيق

موفق ان شاء الله
وشد حيلك

مشكورين

و بالنسبه للسعوديين اي فيه سعوديين و انا معاي بالكلاس 3 الاسبوع الياي واحد منهم بيروح
المدينه بكبرها فيها وايد سعوديين و كويتيين لأنها سياحيه ... بس عددهم مو بالهبل كثر لندن
بس بالنسبه للمعهد وايد زين و مكانه حده قوي و تحس باهتمام الادارة فيك
تقريبا 150 طالب او 200 مقسمين على طابقيت
واللي يبي يروح نصيحة خل يختار هالمعهد و ديرو بالكم من معهد اسمه ef صاحبي راحله و توهق :\

كويس ثلاث الي اعرفه ان المدينه والعاهد اغلبها عرب سعوديين وليبيين وخليجيين خاصه المستويات الاولى
اهم شئ ابعد عن العرب والله يوفقك

هلا بالغالي

اي انا كلاسي كان فيه 3 و اليوم قلو صارو اثنين
بس في ليفيل تحتنا فيه 6 شباب و بنت سعوديين بكلاس واحد
و اهي المدينه لمن تتمشى فيها تلاقي وايد سعوديين و في كويتيين بس مو وايد وايد
يعني فيها عرب بس مو كثر لندن
و مشكور عالدعوه