الموضوع: السلام عليكم ورحمه الله وبركاته ؛؛ ؛يى الله بنات وحريم الكويت الانيقات

السلام عليكم

انا بعد اسبوع نازله الكويت بعون الله وحايه اخذ لي جوله بأسواقها
لان عندي زواج اختي وحابه اجهز لها من الكويت

1_ سمعت عن مجمع مكون من طوابق لخياطة الجلابيات والفساتين فممكن تعطوني عنوانه وين يكون ؟ وهل يبيه اشياء جاهزه ولا لا ؟؟
2_ وين ممكن الاقي فساتين للزواجات كشخه ومميزه ؟؟ وجلابيات فخمه ؟؟
3_ ياليت القى فندق راقي و سعره حلو بحيث يكون قريب من هالاسواق لاني راح ابقى 3 ايام بس ومابي اضيع وقتي وانا ادور على الفاضي ؟؟

اتمنى ياهل النشامه تساعدوني وتريحوني ولكم دعوه مني بظهر الغيب
لي رجعه هنا بعون الواحد الاحد
سلام ..

مواضيع عشوائيه ممكن تكون تعجبك اخترناها لك:

• فعــــاليـــات و فبراير
• شقق مفروشة حلوة أو فندق حلو أرجو مساعدتكم أول رحلة للكويت
• اين مراكز تعليم الغوص ؟
• الخطوط الوطنية تتسلم طائرتها الخامسة وتعلن إطلاق رحلاتها إلى اسطنبول
• زيارة الملك الى استاذ جابر الدولي صور
• لو تكرمتم اريد شقق مفروشة جيدة بغرفتين بالسالمية او بنيد القار
• مطلوب وعلى وجه السرعه
• عبارة أم الخير
• احداثية المباركية
• مطاعم علي بحر الكويت صور
• اهل الكويت الطيبين بغيت مساعده يا جماعه
• مهرجان هلا فبراير
• عـاجل فنـادق قريبه من المارينا
• سفرة الكويت قربت ارجو الدخول
• اذا ممكن شقة او فندق بجوال المارينا مول
• اماكن تجهيز المواليد ؟ استفسار
• جاى ومشارك بمعرض بارض المعارض بالكويت
• صديقتي بتزوركم ياليت تجون تساعدونها وتسون لها برنامج حـــلو
• ممكن احد يدليني وين بالضبط العربيد بلازا؟
• هل توجد سوق التنين الصيني في الكويت ؟

1-المجمع اسمه العربيد بالفراونية واهو ما عندة جاهز بس خياط.
2- بالنسبة لبدل العرس فى مجمعات بشارع سالم المبارك بالسالميةعندهم بدل اعراس وبعدالبوشبة الى بمجمع الصالحية ومجمع المهلب بحولى فوق و ذا بدل للعروس زياد انطوان اهو بعد بالسالمية شارع سالم المبارك, بصراحة شى خيال ماتدرين شتنقين ولا شتخلين شى راقى
3- بما ان شغلج اغلبه بسالم المبارك الى بالسالمية فى فندق شارع على ما اغتقد اسمه ibsمن الفنادق اقتصادية وعلى حسب راى اعضاء انه حلو

طيب على كذا معناها راح امر السالميه والفروانيه
السالميه والفروانيه قريبين من بعض ولا كيف ؟

لان مثل ماقلت لك حدي 3 ايام بالكويت بس او يومين فمابي اضيع وقت عرفتي كيف

السلام عليكم

اختي الكويت صغيره حيل يعني ايعد منطقة تاخذ نص ساعه تقريبا او 45 دقية

لا تحاتين المسافه


من السالميه للفروانيه ربع ساعه الى نص ساعه حسب الزحمة

حياكم الله

اهاا ظنيتها مثل السعوديه

شكرا لكم

مجمع زهره بالسالميه حق بدلات السهره
و ليلى قاليري هم بنفس الشارع

تفضلي هذا واحد عنده موقع يبيع دراعات وملابس سهره

http://www.indexsignal.com/vb/showthread.php?t=248488

شكرا لكم واتمنى من البقيه بعد يبدون رايهم لو سمحتم

اااااااااااااااب

من راأيي بتروحوين الكويت استمتعي بوقتك وانبسطي 3 ايام تجددين فيها
انا ما اددري انتي من اي مدينه بس انه السوق مثل الرياض وجده والدمام لكن اغلى في الشوبينج
خصوصا ملابس السهره بتكون الدبل -(انا ما اقولك كلا قاريته -لا سبق لنا بنجهز لمناسبه واتفاجأنا بأن الاسعار الدبل لنفس الفساتين)
روقي في الكويت وانبسطي لأنها فعلا حلوه الله يحفظها وبلاد الممسلمين

مجمع العربيد في الفروانيه

خلف الجمعيه

وبدل السهره اناعندي
السعوديه احلى بوايد
وعندك المعارض

فيها بودراريع