الموضوع: بعض الاستفسارات عن ولايه كاليفورنيا

السلام عليكم

كيف حال الاخوان .. عساكم بخير وصحه ..

عندي الله يسلمكم بعض الاستفسارات بخصوص ولايه كليفورنيا .. انا اجازتي بتكون اسبوعين في فلوريدا واسبوعين في كاليفورنيا .. فلوريدا مافيها مشكله .. اما كاليفورنيا خبروني الاخوان عنها انها غاليه مره ويمكن اغلي من فلوريدا بأربع او خمس اضعاف من ناحيه الفنادق والتسوق وكل شي .. اتمني من الاخوان اصحاب الخبره ابداء رأيهم بخصوص الموضوع هذا .. هل صحيح الغلا هذا ولا بس كلام وغلاها هل شي بسيط عن فلوريدا .. لاني بروح شهر عسل والله يعينا على المصاريف .. ولو يحددون الاخوان كم تقريبآ تكلف السفره يكون افضل عشان اعمل حسابي من هنا ..

الاستفسار الثاني عن الوزن في الطيران الداخلي هل لكل شخص خمسين بوند فقط ولا شنطتين وكل شنطه خمسين ؟ وهل بأمكاني اني اخذ معي شناط داخل الطياره ولا ممنوع ؟

الاستفسار الاخير هو السيارات الايجار تجي معها جي بي اس ولا لازم اطلب ؟ والافضل اني اشتري جي بي اس لحالي ولا اطلبه مع السياره ؟

اتمني من اصحاب الخبره او المقيمين في امريكا الاجابه على الاستفسارات .. ولكم جزيل الشكر

مواضيع عشوائيه ممكن تكون تعجبك اخترناها لك:

• يجماعه ميامي بيتش عذبتني
• الاخ العزيز امبكت ضروري
• مساعدة من استاذنا الكبير
• استفسار بالنسبة للجو شهر
• احتاج مساعدة في برنامج لشهر ونص
• أستفسار عن ابليكيشن يابنت الصقور
• استفسارات عن الفنادق
• استفسار عن شلالات نياجرا؟؟؟
• شارع التحلية ضروري دخولك لاهنت
• اوفر طريقة لشحن الطرودصناديق و السيارات من امريكا
• ما فيه احد يبي يبدل موعدة بموعدي
• مسافرة الى نيويورك تطلب مساعدة
• سيناريو مقابلتي التي تمت اليومللفاذدةوتساؤل بسيط
• للي بسانديغو
• استفسار بخصوص العيش والعمل في امريكا
• شهر من نيويورك الى واشنطن
• هداية الله ثم شوركم
• كلية الطب في امريكا وبالأخص لاية الينوي
• المدينه المائية في تقرير صور
• الفزعه ياجماعه بخصوص السكن في هيوستن ضروري ومهم جدا

اغلى بشوي بحكم التاكس اكثر !!

لكن مو لدرجة 3 او 4 اضعاف !!

اغلى بشوي !!

بالتوفيق

ماقصرت يا مشرفنا الغالي .. بس باقي استفسارين ماجاوبتني عليهم .. وفي انتظار ايضآ تعليق باقي الاعضاء على الموضوع ..

شكرآ

هلا بولد الديرة

بالنسبة عن استفسار الوزن لازم تتأكد من موقع الطيران نفسه لأن يختلف من شركة لأخرى

بس على حد علمي لا يوجد شركات تسمح بشنطتين على الطيران الداخلي

و للعلم بعض الشركات لا تعطي بالمرة :108: يعني United تقدر تاخذ معاك شنطة صغيرة داخل الطيارة و الشنطة الكبيرة على الوزن تدفع عليها 15$ و الثانية 25$ للشخص الواحد

لازم تتأكد من الموقع مباشرة

مع ودي
أم عالية

عزيزي ..

مثل ما تفضلت عضوتنا الغالي ام علالي

لاكن هناك بعض الخطوط تسمح بحقيبتين مثل Southwest

وكل حقيبة تكون 50 باوند اي 23كيلوا

والبعض الاخر له فقط حقيبة واحدة والبعض ولا حقيبة

لاكن يمكنك ان تخلوا العدد الي تبون برسوم اضافيه يرجى مراجعة نظام الحقائب في اي خطوط !!

هناك اتفاقية بين الخطوط الدولية مثل الاماراتية الاتحاد والقطرية وغيرها اا كانت الرلات الداخلية في اريكا في نفس اتذكرة الدولية يعتبروها رحلةدولية ويطبقوا عليها نظام شناط الرحلات الدولية الي هي حقيبتين كل وحدة 50 باوند!!


بالنسبة للسيارة لازم تطلب الــ GPS او تاخذوا منعندهم لما تروح !!


بالتوفيق

هلا بولد البحرين ..
بالنبسة للشباب ما قصروا وضحوا لك كل الاستفسارات ..

انا سكنت في الولايتين فلوريدا و كاليفورينا .. الاسعار فيها فرض بي مهوب كثير يوصل الى ٤ او ٥ اضغاف .. خصوصا مثلا المحلات والتسوق راح تشوفها موجوده نفسها في كل مكان وبنفس السعر ومثل ما قال امباك كل ولايه لها نظام ضرايب خاص. مثلا في نيويورك لو تشتري ملابس و سعر القطعه الوحده الظاهر اقل 110 ما يكون عليها اي ضريبه.
بالنبسة للفنادق والسكن اغلى .. سعر الاربع ٤ الفندق تقريبا من 150 دولار و اكثر يعتمد على مستواه وموقعه.

الاستفسار الثاني مثل ما قالوا يعتمد على نفس الخطوط و اكثر الخطوط بالنبسة للحقائب الي تدخلها معك يكون شنطة صغيره شخصيه مثل لاب توب او شنطة نسائية ومعها شنطة ثانية صغيرة هذي مجانا. و اما الي تدخلها يعتمد على الخطوط. لو ما عرفت تشيك على موقع الخطوط الخاص في رحلتك اكتبه والشباب بيوضحون لك سياستهم.

بالنسبة لل GPS انا افضل ان الواحد يشتريه لان اجاره يوميا يمكن يوصل 10 دولار .. تزيد او تنقص .. وانت بتجلس تقريبا شهر 30 يوم لو تشتري واحد ويكون خاص فيك وتستخدمه في رحلاتك القادمه لامريكا. انا شخصيا سويت هالشي شريت لي واحد من ثلاث سنوات وكل رحله في الصيف استخدمه. انصحك بماركه Garmin ولو بتشتريه من ديرتك انتبه هل خريطة امريكا فيه او لا.

الله يعطيكم العافيه على التوضيح الوافي والكافي .. مشكوره اختي ام علالي .. مشكور اخوي Impact ..

مشكور اخوي fms ..

بثقل عليكم في اخر شي لاني ودي اروح ونا عارف كل شي .. بالنسبه لو اني بشتري اغراض واجد واخاف اني في تنقلاتي في الطيران الداخلي يصير على وزن وش انسب حل لاني مرتب بركب مرتين طيران داخلي .. وهل هناك شركات رخيصه اشحن عليها الشناط الي ديرتي في اخر السفره بس تكون رخيصه .. لان لو نفس سعر الجارج على الوزن الزائد اخذها معي احسن واضمن .. اتمني من الاخوان الاجابه واكون لكم شاكر ..

في نظري إذا بتشحن آخر الرحلة فما يسوى العنوة

لا تنسى إن الطيران الدولي تقدر تاخذ شنطتين لكل شخص

أتوقع في نظري تاخذ شناطك معاك....بس للعلم ان كثير من شركات الطيران في أمريكا تتعامل مع FedEx لشحن الشنط....
آنة شفتها على كم شركة طيران...بس الصراحة أحسه غالي يبدء من 79$

مع ودي
أم عالية

المشاركة الأصلية كتبت بواسطة ابن الرفاع
http://www.arabtravelersforum.com/tr...2/#post2828816

الله يعطيكم العافيه على التوضيح الوافي والكافي .. مشكوره اختي ام علالي .. مشكور اخوي Impact ..

مشكور اخوي fms ..

بثقل عليكم في اخر شي لاني ودي اروح ونا عارف كل شي .. بالنسبه لو اني بشتري اغراض واجد واخاف اني في تنقلاتي في الطيران الداخلي يصير على وزن وش انسب حل لاني مرتب بركب مرتين طيران داخلي .. وهل هناك شركات رخيصه اشحن عليها الشناط الي ديرتي في اخر السفره بس تكون رخيصه .. لان لو نفس سعر الجارج على الوزن الزائد اخذها معي احسن واضمن .. اتمني من الاخوان الاجابه واكون لكم شاكر ..



عفوا لكن ما عندي فكره عن الشحن بس في احد المواضيع كاتبين عن مكتب يمدحونه ارامكس في مدينه لوس انجلوس.
بعدين ترا الوزن المسوح فيه بطيران الرجعه تقريبا 100 باوند لكل شخص تراها مو قليلة .. على الخطوط السياحية .. بس لازم توزن الشنطين صح تخلي كل وحده خمسين باوند لان ما عندهم نظام المجموع يكون 100 باوند.
نظامهم ان كل شنطة ما تتعدى 50 باوند
بالاضافه كل واحد يقدر يسحب شنطة صغيره و يدخلها معه الطيارة.