الموضوع: معلومات عن نيويورك

الأخوه الأفاضل مشرفي وزوار هذا المنتدى الرائع

بفضل الله ثم بفضل توجيهاتكم وآرائكم ومشوراتكم أنا الآن موجود في نيويورك
وأرغب في بعض الأستفسارات
1- هل هناك معارض سيارات في نيويورك ممكن الواحد يزورها وهل تنصحو بسيارات نيويورك للتصدير
2- أبغى مجمعات تكون أسعارها معقوله للهدايا
3- أبغى مكتبات في التايمز سكوير يكون فيها كتب وأشرطه تعليم اللغه الأنجليزية
4- محلات أثاث ومفروشات معروفه ومشهور وأسعار معقوله

واذا في موقع انترنت يكون فيه كل هالأشياء أكون برضه شاكر

وجزيتم خيرا مقدما على خدمتكم

مواضيع عشوائيه ممكن تكون تعجبك اخترناها لك:

• ارجو المساعدة
• عاجل وللاهميه ارجو الافاده
• تمت مقابلتي اليوم
• كيفية اخذ الصور وبعض النصايح في استخدام الكاميرا مهمة جدا للمسافرين
• استفسار عن مواقيت الفصول الاربعه
• احتاج برنامج سياحي لامريكا
• اريد شقه في شيكاغو قريبه من مستشفى التاهيل
• هل هذا حقيقة ام اشاعة
• موضوع يخص الفيزاء ولا عليكم امر ادخلو
• اختبار التوفل دعواتكم لي
• استفسار عن كالفورنيا وفلوريدا
• هل هذا هو النموذج لطلب موعد من السفارة ؟وماذا يقصدون بتصريح عنوان البريد الإلكتروني ؟
• رحلة كاليفورنيا لشهر سبتمر
• رسالة من السفاره
• أورلانــــــ ـــــــدو
• إستفسار عن الأفضلية بين دزني كروز والكاريبين ؟؟
• تخطيط رحلة لأمريكا في
• اسبوع في لوس انجلوس خبراء امريكا أبغى عصـــــارة خبرتكم لو سمحتوا
• الى مشرفنا العزيز رحلة امريكا
• الرشـاد وتفتيش المطار افيدوني

هلا والله اخوي سليمان ..
وش رايك في جو نيويورك اليوم .. ما يعلى عليه بصراحه ..
كنت طالع اتغدا في منهاتن ما ودي ارجع البيت ودي امشي طول اليوم ..

1- هل هناك معارض سيارات في نيويورك ممكن الواحد يزورها وهل تنصحو بسيارات نيويورك للتصدير
ما شفت معارض خصوصا في منهاتن قليل راح تلاقي معارض لسيارات مستعمله لان الاجارات غاليه هناك. يمكن فيه ولكن انا ما اعرفها.
انا ما عندي خبره بالسياره بس احس سواقتهم اهل نيويورك سيتي و شوارعهم تكسر السيارات بتجيك دمار.. انا مستغرب ليش شوارعهم حوسه.

و اذا كنت انت من محبيت السيارات الحين اطلع وبسرعه روح الى معرض السيارات بكره اخر يوم .. فيه معروض نيويورك للسيارات انا كنت بتكتب عنه ولكن تكاسلت..
اخر يوم للمعرض ١٩ ابريل 2009





موقعه مو بعيد عن التايمز سكوير ..

Jacob Javits Convention Center 11th ave
between 34 & 39 Streets



الدخول يتذاكر واسعارها :



ولو تبي معلومات اكثر عنه وعن ساعات المعرض موقعهم على الانترنت:
http://www.autoshowny.com/
_________________

2- أبغى مجمعات تكون أسعارها معقوله للهدايا
في منهاتن قليل المجمعات وماهي كبيره. التسوق اكثره يكون في المحلات الي بالشارع.
واذا كنت تبي مجمع تقدر تروح لواحد في نيوجيرسي عن طريق القطار الي يربط الولايتين PATH
وفي مجمع في منطقة كوينزز تقدر تروح له بالصب واي.
المجمعات هذي عاديه فيها محلات ملابس وزي كذا ..

بالنسبة للمجمع الموجود في نيوجيرسي ..
Newport Centre Mall
تقدر تروح له بتاكسي او عن طريق المواصلات العامه ..



المجمع الثاني الي في كوينزز
Queens Center Mall
http://www.shopqueenscenter.com/
هذا المجمع الوصل له اسهل من الي فوق في المواصلات العامة ..

تركب القطار R من محطة التايمز سكوير بس تاكد ان القطار متجه uptown او كوينزز و تنزل في محظة اسمها woodhaven Blvd Stationً
تقريبا 40 دقيقة بالقطار ..



ومنهاتن مليانه محلات في كل مكان ..
__________________
3- أبغى مكتبات في التايمز سكوير يكون فيها كتب وأشرطه تعليم اللغه الأنجليزية
المكتبه الي احبها واحب اروح اجلس فيها .. Barnes & Noble
لها اكثر من فرع في منهاتن روح وشيك على الكتب حقت اللغه ومهوب متأكد هل فيها اشرطه او لا ..



وعلشان تعرف عناوينها اما عن طريق موقعهم على الانترنت تكتب عنوانك الحالي ويطلع لك المكتبات القريبه منك او عن طريق موقع Google - Maps

وفي مكتبه ثانية بس انا افضل الاولى اكبر و فيها تشكيله اكثر

المكتبه الثانية اسمها Borders Bookstore
_________________
4- محلات أثاث ومفروشات معروفه ومشهور وأسعار معقوله
ما في شي في بالي الحين .. خصوصا انك تبي في منهاتن.

أخي فهد

دايم سباق وفيك الخير والله يعطيك على قد نيتك
مشكور على الرد

أنا اليوم أخذت تذكره 4 Loops رحت الظهر uptown وقبل شوي جيت من Night tour والجو شي ماحصل ماشاءالله

بحاول انشاءالله أروح المعرض بكره فرصة نشوف الجديد ونقارن الأسعار ونتأكد من الأشاعات
اما بالنسبة للمحلات على قولك المحلات واجد في منهاتن وانشاءالله تكفي

عندي استفسار ثاني اذا سمحتلي

في بالي أروح واشنطن للتمشية وعندي اقتراحين
الأول اني اطلع تور عن طريق الباص لمدة يوم كامل الى واشنطن وبعدين أرجع الى نيويورك لأني جلستي في أمريكا قصيره
والثاني اني أروح واشنطن وأجلس يومين وبعدين أرجع نيويورك

هل واشنطن تستاهل يومين والا يوم يكفيها واستغل الجلسه في نيويورك أحسن

وشاكر لك على سرعة ردك وتعاونك الدائم

العفووو .. بالعكس ما سويت شي

من جد اتسمتع بالجو هذا احنا تعبان وملينا من البرد لا نطلع ولا نجي ..

اذا كنت ناوي تروح واشنطن ما ادري احس مشوار تروح وترجع بنفس اليوم لان الطريق بالباص تقريبا ٤ ساعات.. على الاقل ليله حلو تشوف فيها واشنطن.

واذا مليت من نيويورك تقدر تروح اتلانتك سيتي تروح وترجع بنفس اليوم كتبت عنها في منتدى التقارير .. تلاقيها في اخر الردود. هذي تنفع رحله يوم واحد وفي باصات تروح لها من منهاتن.

و لا تنسى الكاميرا في المعرض و حط لنا تقرير عنه وصور لنا السيارات الجديده .. انا و روميتي كنا مخططين نروح له بس ربي ما كتب..

أخي الكريم فهد

مشكور على الرد والمعلومات
أنا قررت وحجزت ليلتين في واشنطن انشاءالله وبعدين أرجع نيويورك وثم الى الرياض

ايش رايك اروح واشنطن بالباص او بالقطار
أنا دخلت على موقع شركة Boltbus ولقيت مكانين للذهاب الى واشنطن Newyork 33rd and 7th By Sbarro's والثاني
Newyork 6th between Grand and Watts والمكان الثاني مافي الا وقتين فقط للسفر
اذا ممكن ايش الفرق بينهم وايش تنصح

على فكره اخوي فهد
ترى اعتذر عن عدم ذهابي الى معرض السيارات ووالله اني متفشل منك لأن هذي ثاني مره تطلب مني شغله ولا أسويها
أخذت جوله اليوم الصبح Downtown بالباص وعدمني البرد
أمس قلنا يازين الجو واليوم اخذ حق أمس
مارجعت الا الساعه 2 متجمد وعلى الغرفه
فأعتذر على التقصير

المشاركة الأصلية كتبت بواسطة سليمان 2009
http://www.arabtravelersforum.com/tr...6/#post2835012

أخي الكريم فهد

مشكور على الرد والمعلومات
أنا قررت وحجزت ليلتين في واشنطن انشاءالله وبعدين أرجع نيويورك وثم الى الرياض

ايش رايك اروح واشنطن بالباص او بالقطار
أنا دخلت على موقع شركة Boltbus ولقيت مكانين للذهاب الى واشنطن Newyork 33rd and 7th By Sbarro's والثاني
Newyork 6th between Grand and Watts والمكان الثاني مافي الا وقتين فقط للسفر
اذا ممكن ايش الفرق بينهم وايش تنصح

على فكره اخوي فهد
ترى اعتذر عن عدم ذهابي الى معرض السيارات ووالله اني متفشل منك لأن هذي ثاني مره تطلب مني شغله ولا أسويها
أخذت جوله اليوم الصبح Downtown بالباص وعدمني البرد
أمس قلنا يازين الجو واليوم اخذ حق أمس
مارجعت الا الساعه 2 متجمد وعلى الغرفه
فأعتذر على التقصير



بالنسبة للباص او القطار ..؟
انا جربت الباص واعجبني بصراحه اما القطار ما جربته و الباص كسعر و فيه انترنت اعجبني

مرات احب ادخل اشوف الخيارات كلها لمن اقترح لواحد شي معين علشان يكون عنده صوره كامله ..

دخلت على موقع القطارات .. حطيت تاريخ بكره و قلت الرجعه بعد ليلتين في واشنطن .. طلع لي المجموع 144$ اوكي الواحد يقدر يدفع 100$ دولار فرق ولكن هل في شي مميز ويستاهل !!
وقت ارخص قطار بين واشنطن ونيويورك ٣ ساعات ونص يعني نص ساعه فرق من الباص ..!!




بالنبسة للموقعين في نيويورك كلهم واحد بس الي يختلف نقطة الانطلاق والاوقات .. الافضل لك لو انت ساكن في التايمز سكوير الي على شارع ٣٣ بيكون اقرب لك وفيه اوقات اكثر. بس احجز من بدري و تاكد من وين ينطلق لان ما فيه اسم الشركه راح تلاقي العاده يجي قبل ما يمشي بعشر دقايق او ربع ساعه ويركبون الناس و يمشي. بس هم كاتبين تفاصيل الموقع و غير كذا شكل الباص حقهم معروف ومكتوب عليه اسم الشركة.
موقف الباص في شارع ٣٣ قدام مطعم سوباروو.





33St. & 7 Ave

Description
This is an outdoor stop at the northeast corner of the intersection. The bus will stop in the designated bus stop area on 33rd Street in front of a Sbarro’s Italian restaurant.




بالنبسة للمعرض تراني مهوب حريص عليه .. بيني وبينه نص ساعه بالسب واي ولكن اصلا ما تحمست له .. وبعدين حرام عليك تقول بررد الجو اليوم حليو بس هوا .. لازم تلبس وتتدفى .. لان اشين شي هالفتره الامراض تنتشر مع تغيرات الجو.

و بعدين ما بينا اعتذار او شي وسع صدرك .. اهم شي تنبسط في امريكا وترجع بذكريات حلوة ..

اذا فيه ذكريات حلوه من هالزياره فتراها معرفتي فيك عن طريق النت وعساها ما تكون فقط ذكريات


أنا ما فهمت قولتك "مافي اسم الشركه" لأن الموقع اللي دخلته حق شركة Boltbus وباصاتهم معروفه ومكتوب اسم الشركه عليها وبصراحه ممتازه

سؤال على الطاير
ايش احسن وقت لزيارة Empire State of Building خلال الليل أو النهار يعني أقدر أروح الحين او اخليها بكره

وواحد ثاني بعد
من وين أقدر أأكد حجز الخطوط السعوديه

وشاكر لك وتحمل أسالتي لأني عارف انها لسه ماخلصت

المشاركة الأصلية كتبت بواسطة سليمان 2009
http://www.arabtravelersforum.com/tr...6/#post2835075

اذا فيه ذكريات حلوه من هالزياره فتراها معرفتي فيك عن طريق النت وعساها ما تكون فقط ذكريات


أنا ما فهمت قولتك "مافي اسم الشركه" لأن الموقع اللي دخلته حق شركة Boltbus وباصاتهم معروفه ومكتوب اسم الشركه عليها وبصراحه ممتازه

سؤال على الطاير
ايش احسن وقت لزيارة Empire State of Building خلال الليل أو النهار يعني أقدر أروح الحين او اخليها بكره

وواحد ثاني بعد
من وين أقدر أأكد حجز الخطوط السعوديه

وشاكر لك وتحمل أسالتي لأني عارف انها لسه ماخلصت



ايه لمن تروح العنوان او الموقف المكتوب ان بالباص بيوقف فيه ما راح تلاقي لوحه في الشارع مكتوب فيها موقف الباص .. انا هالكلام صار لي لمن رحت لمحطة الي في كنال ستريت. انت اهم شي وقف عند مطعم سبارو و بتشوف الناس صافين وينتظرون الباص و لمن يجي باصك ورهم ورقة الحجز و اركب معهم.

بالنسبة للمباير ستيتر انا رحت لها بالنهار قبل المغرب وجلست فيها لين غربت الشمس. ولكن خويي الي ساكن معه راح الامباير ستيت و عمارة ثانية اسمها Top of the Rock Observation Deck و يمدح الثانية .. من ميزتها انك تشوف السنترال بارك والعماير اما امباير ستيت ما تشوف السنترال بارك .. وعلشان كذا انصحك تروح للثانية موقعهم على الانترنت ..

http://www.topoftherocknyc.com/welcome/default.aspx



اتوقع بالنهار افضل تشوف الشوارع و العماير اوضح .. الحين متاخر..

معليش اخوي
باقي سؤال حق تأكيد الحجز للخطوط السعوديه
أدري اني اشغلتك ونسيتك

اشلون اقدر ازور Cnn

وانت ذكرت في تقريرك عن زيارة العروض التلفزيونية الكوميديه
كيف اقدر اروح

وعد آخر سؤال
الليله

المشاركة الأصلية كتبت بواسطة سليمان 2009
http://www.arabtravelersforum.com/tr...6/#post2835127

معليش اخوي
باقي سؤال حق تأكيد الحجز للخطوط السعوديه
أدري اني اشغلتك ونسيتك

اشلون اقدر ازور Cnn

وانت ذكرت في تقريرك عن زيارة العروض التلفزيونية الكوميديه
كيف اقدر اروح

وعد آخر سؤال
الليله



لا معليش ما انتبهت والله .. بالنسبة للخطوط السعودية مكتبهم تقريبا بعيد شوي من منهاتن. ولكن افضل شي تتصل عليهم. انا حتى لمن جيت بدفع لهم فلوس التذكره ما طلبوا مني اجيهم اخذوا رقم الكريدت كارد بالتلفون وارسلت لهم فاكس و قالوا اوكي كل شي تمام وارسلوا لي التذكره على الايميل.

اتصل على الارقام الموجوده و ان شاء الله راح يساعدون وفي بعض الموظفين يتلكمون عربي.



مع اني ما اذكر انهم يطلبون التأكيد ولكن الحرص زين ..


اما بخصوص CNN
مركز السي ان ان الي يدخلونه الزوار الي اعرفه في مدينه اتلانتا ولايه جورجيا .. اما في نيويورك ما اذكر لهم مركز يسمحون فيه للزوار.


اما عن البرنامج الي يصورونها في نيويورك في اكثر من واحد يصور بس احب واحد لي وقف عرض برنامجه الفتره الحاليه ما ادري وش بيسوي ..

من البرامج الي تسجل في نيويورك :



ولطلب التذاكر كاتبين اما انك تسوي طلب عن طريق الانترنت او تطبع ورقه و تروح تسلمها شخصيا عند المسرح.

علشان طلب التذاكر عن طريق موقعهم:

http://lateshow.cbs.com/latenight/la..._info/tickets/




The Colbert Report

هذا برنامج كوميدي سياسي على فناة كوميدي



تعبي طلب عن طريق موقعهم ..

ولكن الظاهر اما انهم وقفوا تصويره او ان المواعيد كلها مليانه..

The Daily Show with Jon Stewart


http://www.thedailyshow.com/tickets.jhtml
في ايميل تقدر تجرب وترسلهم المشكله صعب انك تحصل تذاكر في ايام قريبة .. ولكن جرب ما راح تخسر شي.

فيه السرك في نيويورك هالايام شكله حلو .. انا ان شاء الله بروح له يوم الاثلاثاء ..

http://www.cirquedusoleil.com/Cirque...ntro/intro.htm

وكتبت عنه موضوع في المنتدى ..

وفي محاضره للامير تركي الفيصل السفير السابق في امريكا يوم الثلاثاء .. مسويتها جامعه نيويورك والدعوه عامه بس لازم ترسلهم ايميل لو تبي تحضر. انا كان ودي احضرها ولكن صدفت اليوم الي بروح له السيرك.
يوم الثلاثاء ٢١ ابريل



واي سؤال تحت امرك عادي ما عندي شي ..