السلام عليكم ورحمة الله وبركاته
صبحكم الله بالخير او مساكم الله بالنور والمسرات كلن حسب وقته
في الحقيقه انا من عشاق اندنوسيا واتابع اخبارها من هذه البوابه العظيم ومن هذا المنتدى الشامخ..
صدقوني مااقولها مجامله ولا اقولها عندما بدر لي حاجه .. نعم شامخ وشامل بأعضائها ومشرفيها
ولطالما ارتد ان اقدم شكري لهذه البوابه ولكل القائميين من مشرفيين وخبراء هذه البلاد وزوارها
ولكل من كتب فائده او معلومه على هذا الصرح العظيم ولاكن اقتصرت شكري كل هذه الفترة بالدعاء لهم
اي لكل من قرأت له موضوع ولكل من رد على التساؤولات ..
هل تعلمون كم هذه الفترة اللتي كنت اقرأ بها ؟قرابة السنه الكامله او اقل بايام او يزيد ذالك ايام
وانا اتابع المواضيع والتقارير ..دون الذهاب الى هذه البلاد ..
ولم اعشق هذه البلاد الا من هذه البوابه وقبل ذالك كانت فكرة بسيطه بيني وبين صديقي
وانتم من حول الفكرة الا صمله ( يعني رايح رايح الله لا يعوق بشر ) رجعه ..
في بداية الموضوع راح اعرفكم على محتسيكم ( انا ) وصديقي اللي مااقوله امش الا وقالي تم قدام
وش دخلها بالموضوع
في الحقيقه كانت رحلاتنا كلها داخليه وماخلينا منظر ولا حته جميله الا -ووقنا عليها ( أي شفناها )
ولاكن خارج البلاد بلاد السعودية لم نخرج ولا طلعنا جوازات ولا كنا نفكر الا بعد مااتى الامر الى بلاد الاندومي ..
تغير كل شيء وبدء الفكرة والبحث ..
لاااا !! نسيت مرة شفت انوار الكويت من حد السعوديه من الحفر عام 1418
يوم كنا نلقط فقع – طبعا هذي مايبيلها جواز ياكثر ماتطلع عن النص ..
ومن هذا المنطلق ولأننا اول مرة نخرج فبتأكيد نحتاج الا النصح والأرشاد السياحي وافضل الاماكن .. حتى نحصل على الهدف المراد
فلم اختار ولن اختار افضل من هذا المكان حتى اخذ منه المعلومات الوفيه والكافيه ..
ــــــــــــــــــــــــــــــــــــ
ــــــــــــــــــــــــــــــــــــ
ندخل في صلب الموضوع ..
طبعا راح تكون الميزانيه 10 الاف ريال من غير التذاكر ..
صح على طاري التذاكر ماعليش نسيت وسامحوني على المطامر والطواري ..
حجزت في تاريخ 1/6/1431 يعني بعد شهر تقريبا الموافق 15/5/2010 .
.والعوده في نفس الشهر 30 /5/2010 يعني 15 يوماً تقريباً نجلس هناك
طبعاً طلعت علي التذكرة ذهاب وعودة 2395 ريال للشخص الواحد وكثير من الناس يقولون غاليه التذكرة ..
وملعوب عليكم ..واستعجلتوا من هالكلام ..
تعذرنا لأنفوسنا وقلنا اول مرة نرووح سجل واحد فدى واول النكبات !!
وهناء كم سؤال ؟ طرى علي .
هل الوقت مناسب للسياحه ؟؟
الوقت مناسب باذن الله
وهل الميزاينه كافيه للمكوث هناك 15 يوم تقريباً؟؟
المبلغ المناسب تقريبا بحدود 12الف ريال
بما يعادل 200 دولار لليوم
مبلغكم قد يكون مناسبا ان رتبتم سكنكم واقتصرتم في بعض الخدمات
مثلا السائق الخاص بمعدل 40/45 دولار لليوم قد لا تحتاجونه في كل الايام
السكن يكون في شقه من غرفتين مثلا ب90 دولار افضل من السكن في فندق قيمه غرفته 60 دولار مثلا
يعني المبلغ مناسب في حال وضعتم باعتباركم التوفير في بعض المصروفات
اما مااراه انسب فهو زياده الميزانيه لغرض التمتع بالرحله بقدر الامكان
وهل التذكرة سعرة مناسب ؟
سعرالتذكره مختلف من خطوط لاخري ومن وقت لاخر
الاسعار تقريبا مناسبه ان اردتم اقل فمالكم الا تذكره في كلاس وهي فئه التذاكر غير المسترده ولا يمكن تغيير موعد السفر فيها
وتكون قيمتهااقل لكنها خطره خاصه لمن لايملك ميزانيه احتياطيه في رحلته في حال اراد التمديد للرحله او تقديمها لاي ظرف طاريء لا سمح الله
ننتقل الا النقطه الثانيه وهي الاهم في الموضوع !!..وهو الجدول المقرر لهذه الرحله ..
طبعا كل واحد يبي يروح لبلد سياحي لابد ان يضع له جدول حتى تكون الرحله مرتبه وتكون اكثر فائده ..
في الحقيقه انا وضعت لي جدول اكيد راح يكون متواضع لأنني لم ازور البلاد
ولاكن قررت هذا الجدول من متابعتي لهذا المنتدى وتقارير بعض الاخوان جزاهم الله خير .
ــــــــــــــــــــــــــــــــــــ
ــــــــــــــــــــــــــــــــــــ
الجدول كالتالي : هو الاقلاع من الرياض يوم السبت في تاريخ 15/5/2010والهبوط في جاكرتا في نفس اليوم
والجلسه في جاكرتا يومين ثم بونشاك 5 ايام وباندوق 5 ايام
طبعا فكرت في جزيرة بالي ولاكن الكل يقول غاليه انتبه لا تروح ...وتوهقت في اليومين الباقيه وين اروح ..
طبعا الكل يستغرب ويسائل ليش ماذكرت في الجدول وين اسكن ووين ابي اروووح من حدائق ومنتزهات؟ ..
الجواب : اني من كثر ماأسئل عن بلاد الاندومي عرفني ولد عمي على واحد من زملائه دائماً يروح هناك .. ماقصر الرجال عطاني بعض المعلومات ولاكن للأسف كثير من الاسئله السياحيه لا يعرف عنها شيء على العموم كلملي سواق هناك يمني ووصاه علي وقال له السواق ارسله وانا اضبط له برنامج وانا ابحث له السكن والسياحه ..
ولاكن احتياط مني انا مااريد اعتمد على سواق بس .. ودي انظم لي جدول بنفسي وبمسعدتكم حتى لا انصدم في السواق ويطلع نصاب او نختلف انا وياه في بعض الامور ثم يروح ويخليني افتح فمي هناك ( أي اتورط )..
ــــــــــــــــــــــــــــــــــــ
ــــــــــــــــــــــــــــــــــــ
هناء اضع بعض الاسئلة ؟؟
س1. اول ماانزل في مطار جاكرتا ماهي الاجراءات اللازمه ؟؟
اولا
يجب ان يكون جوازك متبقي عليه مده سته اشهر صلاحيه قبل انتهاء تاريخه
هناك كرت لونه اخضر يعطي لك في الطياره تقوم بتعبئته فيه معلومات عن اسمك وتاريخ الميلاد وتاريخ وبيانات جواز سفرك تقوم بتعبئه هذا الكرت في الطياره وعند هبوطك من الطياره تقوم اولا بالتوجه الي مكتب الفيزا
عند النزول من اليطاره بتلقي المكتب في يمينك عند الهبوط حسب نوع الخطوط الناقله ان كانت اندونيسيه او اجنبيه بحسب الصاله اللي تتوقف فيها الطياره تمسك سري مع الجماعه ويكون بيدك 50 دولار قيمه الفيزا لكم الاثنين ومعك جوازاتكم للسفر يقومون يطقون الفيزا في الجواز وتاخذ جوازك الي مكتب الجوازات تلقي كل الناس متوجهه اليه
بياخذ منك الجواز + الكرت الاخضر اللي عبيت بياناتك فيه
بيطق الختم علي الجواز ويقص الكرت الاخضر ياخذ ورقتين منه ويعطيك ورقه واحده((كعب)) تحط الكعب مع الجواز ولا يضيع منك احفظه مع الجواز في شنطه دبلوماسيه
تطلع لصاله العفش يمين ولا يسار حسب توجيه الموظفين لكم بحسب ممر سير عفشكم في الصاله تاخذ عفشك وتتوجه الي الصراف تصرف مبلغ بسيط ميه او ميتين دولار فقط اول يوم للسكن والتكسي باول يوم لان الصرففي المطار ارخص من وسط البلد ومنه تتوجه لمكتب اسمه كاها في صاله المطار تحجز منه السكن اللي تختاره تعطيه الفلوس قيمه السكن المختار وجوازك يعطيك ورقه ((فاوتشر)) وتستاجر تكسي من مكتب اسمه بلوبيرد تلقاه جنب مكتب كاها حسب الصاله اللي انت فيها تدفع قيمه التكسي في مكتب التاجير وياخذكم لخارج صاله السفر وياخذكم التكسي الي الفندق المختار
اول ما توصل الفندق تقدم لهم الورقه ((الفاوتشر)) اللي اعطاك اياه كاها ويعطونك كرت الغرفه للسكن فيها ويطلبون منك مبلغ 100 دولار تامين ((ديبازت)) ويعطونك ورقه علي مبلغ التامين هذا تطلع لغرفتك وتفتح صندوق السيفتي بوكس تلقي طريقه مكتوبه بورقه في الثندوق عن طرقه اقفاله وووضع رقم سري جديد له جرب اولا تضع رقم سري للصندوق بدون ما تحط اغراضك فيه ثم اذا نجحت العمله قم بفتحه وحط اغراضك فيه من جوازات واموال وورقه التامين اللي راح تعطيهم اياها لما تطلع من الفندق عشان يرجعون لك الميه دولار التامين
وافضل المساكن اللي اتوجه لها عند وصولي هناك ؟؟ والافضل ان تكون قريبه من المطار .
القريب من المطار ماراح ينفعك برنامجك بيكون التوجه جنوب جاكرتا والخروج من جاكرتا من طريق الجنوب متوجها الي بقيه المناطق
المطار يقع في شمال جاكرتا والسكن القربي منه غير مناسب لمن يريد التمتع بوسط جاكرتا لبعد المشوار ولان منطقه المطار منطقه ميته والحركه فيها قليله بدون فعاليات
انصحك بالسكن في وسط المدينه خاصه اول يومين من قدومك بتكون سبت واحد اي ايام ويك اند وزحام تستغلها بالذهاب الي الاسواق اقريبه للفرجه والتمشيه مثلا او تتجه لموناس قريب من وسط المدينه للفرجه ايضا
وارشح لكم السكن في فندق لومير وسط المدينه تماما بشرط ان تاخذون غرفه بسريرين لتقليل الصرفيه عليكم
يتميز الفندق بوقوعه بوسط الحي الشعبي وقريب من منطقه المطاعم العربيه في شارع رادين صالح
او فندق اكاسيا اقل سعرا من لومير وقريب منه
او فندق اخر يكون اغلي وفي منطقه ابعد كفندق مانهاتن او شقق اريادوتا القريبه منه
بقربهم سوق اسمه سمانقي بلازا وامباسادور مول ومو بعيد عنهم بقيه الاسواق الفخمه كقراند اندونيسيا
س2.ماهي افضل الاماكن السياحيه في جاكرتا والمتاحف ان وجد والاماكن التراثية ان وجد ايضاً؟؟
افضل المعالم الترفيهيه منطقه انشول ومنطقه تمان ميني
انشول وتمان ميني لا ينصح بزارتهما ايام السبت والاحد لشده الزحام فيهما وان احببت يمكنك الاكتفاء بتمان ميني في ايام السبت او الاحد لان الزحام فيها اقل من انشول
اشهر المعالم الاثريه هي موناس بوسط جاكرتا
المتاحف موجوده لكنها في اطراف المدينه ولا انصحك بزيارتها لانها ممله نوعا ما وانصحك ان كنت من محبي المتاحف والمواقع التراثيه الاكتفاء بموناس وتمان ميني
س3.هل الجلسة في بونشاك 5 ايام كثيرة ام حقها ؟؟
كافيه باذن الله وحقها
واي الافضل هناك السكن في فلل او شقق ؟؟
للعزاب الفلل افضل
وافضل اسماء الشقق والفلل هناك ؟؟
افضل المنتجعات والفلل هي جياكرتا ثم شيكروا
وشيكروا تجد فيها سعار مناسبه وهي ارخص من جياكرتا
كما يمكنك البحث بنفسك عن فلل مستقله خارج المنتجعات
وكم اسعارها؟؟
الاسعار لغرفتين تختلف اخي الكريم من منتجع لاخر ومن فيلا لاخري
عموما مبلغ 400 الي 600 الف مناسب بحسب موقع السكن واختاركم له بحسب مناسبته لكم
احرص ان تسال عن وجود سخان في السكن ام لا لان الجو بارد ليلا قليلا والسخانات هناك بالغاز غالبا ولا تتواجد في كل الفلل
وماهي المناطق السياحيه واسمائها ؟؟
انت في منطقه سياحيه اخي الكريم الجلوس فيها في شرفه الفيلا رائع
وهناك مناطق مقصوده هي الاهم
تمان سفاري تحتاج يوم من الصباح باكرا الي العصر تقريبا للعروض فيها
حديقه الزهور
شلالات شليمبر
البراشوت مصنع الشاهي ومزارعه ومدرجاته
س4.كم تبعد باندوق عن بونشاك ؟؟
95 كيلو و3ساعات سفر لان الطريق جبلي يمر بين وديان وتلال وليس طريق سريع
وهل المكوث في باندوق 5 ايام كثيرة ؟؟
نعم كثيره باند ونق مدينه متوسطه الحجم يقصدها طلاب الهدوء والتسوق خاصه لوجود منتوجات المصانع الاوت ليت فيها من ملابس وجلديات مختلفه
المدينه يكفيها لمن لا يحب التسوق يوم او اثنين ثم تتوجه الي منطقه لمبانق القريبه منها نص ساعه وهي ضاحيتها الجبليه وهي منطقه ريفيه رائعه
واي الافضل هناك السكن في فلل او شقق ؟؟
باندونق السكن يكون في فنادق او شقق
لمبانق في منتجعات او فلل خاصه
وافضل اسماء الشقق والفلل هناك ؟؟
الشقق في باندونق كثيره
اما الفنادق فالافضل غالي كشيراتون ومالايا
هناك فنادق اقل تكلفه وليست فخمه وتقع بوسط المدينه كفندق استون تروبيكانا
السكن في لمبانق الافضل للشباب هي منتجع ساري اتير او الفلل القريبه منه لوجود نشاطات رياضيه والعب في المنتجع يخص الشباب
المنتجع ليس رخيص لتميزه كموقع وليس لفخامته
يمكنك مشاهدته بشكل اكبر في التقرير الموجود في توقيعي
بسام تقرير قلب منتهي الصلاحيه
وكم اسعارها؟؟
الاسعار ف المنتجعات اغلي من الفلل الخاصه
المنتجعات تبدا من 620 الف تقريبا واعلي
الفلل تجدها اقل وتجد السماسره هناك عند مدخل بوابه المنتجع ساري اتير يدلونك علي الفلل في المنطقه
وماهي المناطق السياحيه واسمائها ؟؟
انت في منطقه سياحيه خالصه
في المجمع ساري اتير يوجد برك واحواض المياه الكبريتيه
بقربها يوجد منطقه البركان وليس بعيدا عنها شلالات ماربيا وغيرها كثير من المواقع فقط مر بالتقارير واختر ما تريده ويناسبك من مواقع في هذه المنطقه
س5.ماهي افضل المدن للجلسه فيها يومين ؟؟ وافضل المناطق السياحيه فيها ؟؟ واي الافضل هناك السكن في فلل او شقق ؟؟ وافضل اسماء الشقق والفلل هناك ؟؟ وكم اسعارها؟؟
سوال عرضي لا اري له مكانا امش علي ترتيبك السابق
جاكرتا بونشاك باندونق لمبانق جاكرتا
والله يعطيكم العافيه مقدما صدقوني ماكتبت الموضوع هنا الا لأنني كلي ثقه بأنكم راح تقدمون افضل ماعندكم
وختاماً اوعدكم بتقرير عن الرحلة وراح اقدم لكم تقرير يومي بكل الأحداث
مرة اخرى اكرر شكري لكم وان لم تردوا على موضوعي ..
فأنتم قدمتوا لي الكثير من خلال متابعة لكم طيلة السنه اللي راحت
والسلام عليكم ورحمة الله وبركاته
رحله موفقه اخي الكريم
انصحك ان تلغي بالي من رحلتك لضيق الوقت اولا وللميزانيه المحدوده ثانيا لان بالي تحتاج الي سفر طيران داخلي مما يكلف مبلغا اضافيا في سفرتكم
رتب برنامجك بحسب الايام ثم عد واطرحه هنا في نفس الموضوع مع الانتباه ان مده رحلتك ليست كما ذكرت في سوالك
فهي اقل بيومين
لان موعد اقلاعك لا يعني وصولك في نفس اليوم فانت ستصل في اليوم التالي الي اندونيسيا
وموعد سفرك وعودتك لن يعد ضمن ايام الرحله
رد مع اقتباس
المفضلات