الموضوع: البنشاك ولا بالي

السلام عليكم ورحمة الله وبركاته اولا احب اشكر جميع المشرفين والاعضاء في هذا الصرح العظيم على مايقدموه من خدمات ومساعدة لاخوانهم
انا انشاء الله طالع مع المدام لاندونيسيا لاول مره 7 ايام في بداية اغسطس
قررت اخذ يوم في جاكرتا للراحة ويومين في ابود في بالي وثلاث ايام في ؟ ويوم اخير في جاكرتا
السؤال الثلاث ايام وش رايكم اروح للجبل بونشاك ولا اكملها في بالي بصراحة محتار
واذا تنصحوني بالبونشاك وين اسكن في فله في مجمع ولا فندق
مع اني ابغى شي يكون فخم جدا وتكفيني اكيد غرفة وحدة ويكون امن ومطل ومرتفع
اشوف الاخوان يمدحون سيروني 3 لاكن الفلل اللي في مجمعات كيف وضعها
وكيف احجز من هنا عشان ارتاح من التدوير علما اني راح اصل من بالي مساء الاحد
انتظر نصائحكم

مواضيع عشوائيه ممكن تكون تعجبك اخترناها لك:

• السلام عليكم تساؤول
• أرجو المساعدة لرحلتي العائلية والأولى ياغالين
• استفسار خطييييييير
• استفسار وسائل المواصلات بين و
• المرأة في شعار ستاربكس
• احترت بخصوص السكن في بالي ما بين اخذ فله او فندق
• استفسارات عن الجبل و بالي لأول مره
• و قررت السفر الى بلاد الاندومي جدول السفر و مقترحاتكم و ملاحظاتكم
• فزعتكم يا أخوان
• ما الارخص الحجز بالانترنت ام بالمكاتب السياحيه في جاكرتا وبالي ؟
• افضل وقت لسفر الى اندونيسيا
• بالصور والاسعارتقرير فني عن شراء البورسلان والأطقم دراسة الجدوى – مواصفات المواد
• شباب في رحلة الى جزيرة مجموعة استفسارات ارجو الدخول
• محتاج استشارتكم
• تكفون وش أسوي تكفون
• نصائحكم ؟؟
• اقتراحاتكم لاماكن سياحية حالياً
• مطلوب فلة في جزيرة بالي
• تساؤل بخصوص جواز الاولاد الله يخليكم
• استفسار شارع صالح رادان

والله ياخوي طالما ان رحلتك قصيره ولمدة 7 أيام لاترهق نفسك بالتنقل والمواصلات
خلك في مناطق قريبه من بعضها أو خلك في منطقه واحده مثل بالي واقضي أجازتك كلها فيها

تحياتي / بومنتظر

بالي وبس مدام معك ام العيال

أذا بغيت النصيحــة زود عــدد أيام رحلتكم لان مدة رحلتكم

قليلــة جدا جدا ،،،

المدة قصيرة

لكن الافضل تقضيها في بالي والسكن يكون في منطقة نوسا دوا ورتب جدول للفعاليات التي تحب زيارتها

وستجد كتيبات في الفنادق وخدمة النزلاء عن جميع مايخص بالي وانشطتها السياحية

نصيحة محب السكن في قراند حياة بالي الافضل

يعطيكم العافيه على سرعة الاستجابه
انا كنت معتمد بالي كل السفرة بس قلت ليه ما اغير واجرب اروح شي ثاني بس شكلي باخذ بكلامكم
واخليها كلها في بالي بس ليش الكل ينصح بنوسادو وفنادقها مع ان سمنياك حلوه واقرب منها بكثير للمطاعم والمحلات

عندي سؤال ماله دخل بالموضوع الاتريوم اللي في جاكرتا اللي فيه الصرافين وين موقعه بالضبط هو قريب من اي الفنادق انا ناوي اسكن في واحد من ثلاثة كراون بلازا او نيككو او ميركيور انشول هو حولها وياليت اسمه بالانجليزي عشان ابحث عنه الله يعافيكم

المشاركة الأصلية كتبت بواسطة ERIC7
http://www.arabtravelersforum.com/tr...1/#post3772421

يعطيكم العافيه على سرعة الاستجابه
انا كنت معتمد بالي كل السفرة بس قلت ليه ما اغير واجرب اروح شي ثاني بس شكلي باخذ بكلامكم
واخليها كلها في بالي بس ليش الكل ينصح بنوسادو وفنادقها مع ان سمنياك حلوه واقرب منها بكثير للمطاعم والمحلات

عندي سؤال ماله دخل بالموضوع الاتريوم اللي في جاكرتا اللي فيه الصرافين وين موقعه بالضبط هو قريب من اي الفنادق انا ناوي اسكن في واحد من ثلاثة كراون بلازا او نيككو او ميركيور انشول هو حولها وياليت اسمه بالانجليزي عشان ابحث عنه الله يعافيكم



يا اخوان بعد البحث لقيت هذا السوق هل هو الاتريوم اللي فيه الصرافين Plaza Atrium‎ وهذي صورته

اذا هو وش اقرب له الكراون بلازا ولا نيككو مع ان شكله بالسيارة موب بعيد عن كراون بلازا على جوجل ماب

نعم هذا الاتريوم اقرب فندق له هو فندق لومير ملاصق له تماما ولا انصح بسكنه للعوائل
لايغرك قوقل مابس في جاكرتا جاكرتا مدينه لا يعرفها الا من خبر زواياها وعرف اتجاه شوارعها

انا من رايي انك تاخذ فيلا مستقله لحالك لا تسكن في مجمعات لان المجمعات شباب وزحمه ,, ما ترتاح اذا معك اهلك

فيه فيلا مستقله كثير انت روح بونتشاك ومر على مكتب او السواق خله يفر فيك بالفلل وشف اللي تناسبك وخذها

بس نصيحتي خذ عزبتك معك يعني خذ اجبان ومعلبات (( فطورك )) و كيس رز واستأجر شغاله خلها تطبخ وتنفخ لك بالفيلا

واضرب لحم التيس على 70 ريال الله يديم الرخص

سفرة موفقه وتحياتي لك

يعطيكم العافية على الافادة كعادتكم ماتقصرون مع احد
مع اني الى الحين محتار اروح البنشاك ولا بالي

شوف حبيبي طالما سفرتكم عدد ايامها قليل
فالافظل انك تخلي اول يومين بجاكرتا أول يوم يوم الوصول وثاني يوم روح من الصباح على الجبل وارجع اخر النهار
وتكون ان شاء الله كسبت اثنتين مع ان ماراح يكفيكم يوم بس الشكوى لله مدتكم قصيرة
واطلع بعدها على بالي اذا تبي على البحر مالك الا نوسوادا او سمينياك مدام حرمك معك
واذا طبيعة ابود
يعني قسم وقتك بين هذا وهذا
واليوم الاخير لجاكرتا
بس اذا تقدر تزووووووووود المدة فصدقني راح بتنقهر من المدة مرررررة قليلة ومو مستاهلة على تكلفة التذكرة
الله يستر عليكم ويحفظكم وترجعون ان شاء الله سالمين غانمين حاملين معكم ارقى واجمل لحظاتكم
حفظك الباري عزوجل

صـراحه المده قصيره سبـعة ايـآم
لو تزودونهـآ افضل لان 7 ايام يوم للذهاب ويوم للمغآدره فبتكون 5 ايام حرام
إن شآءالله تزودهآ
ولو ماقدرت خلهـآ بآلـي
لكن البنشآك الناس يفضلونها احسن من بالي
وشكرآأ

اخي دام سفرك خمسة ايام فقط فأنصحك يوم جاكرتا وثلاثة بالجبل والاخير بجاكرتا
اريح لك وافضل من جميع النواحي

اتمنى لك الوفيق اخي

مشكورين يا اخوان على ردودكم ادري ان المده بسيطة لاكن الشكوى على الله لان اطفالي صغار ولازم اخليهم هنا وانا ما اقدر اخلي عيالي اكثر من كذا عند جدانهم (فشيله) واذا خذتهم بخسر اشياء كثيره اولا مايتحملون تغير الجو والاكل وخطر عليهم من الحشرات والزواحف المنتشره في شرق اسيا وغير كذا ماتقدر تستمتع وهم معك ولا تقدر تطلع رحلات طويله بحدود 9 او 6 ساعات لان اعمارهم تحت السنتين وانتم عارفين غثا البزران لو اوروبا ممكن اخذهم لاكن شرق اسيا صعب
وهذا سبب قصر المده اضف الى ذلك اخر يوم او يومين بيدخل رمضان الله يبلغنا اياه ويعينا على صيامه وقيامه وحتى لو بمدد بتصير في رمضان يعني ما راح استفيد من الاجازه هناك ( وتغيير وقت السفره صعب جدا جدا بالنسبة لي الا اذا بتاخر حول الستة اشهر وانا من الحين طفشان ولانيب صابر كيف انتطر 6 شهور زيادة
وبعدين على كلام الاخوان صحيح ان التذاكر غاليه وحسوفة فيها 7 ايام خصوصا انها طالعة علي التذكرة 3075 لاكن السكن طالع علي باكثر بكثير من قيمة التذكرة ولاكن الجايات اكثر انشاء الله وبنطول فيها
واشكر الكل على ارائهم واقتراحاتهم لاكني قلبتها يمين يسار مالها الا بالي وبركه لان التنقل بياخذ وقتي وجهدي لو بروح منطقة ثانيه

اخوي اذا نويت بالي وحدها بهذا الوقت وبهذا السعر للتذكره انصحك تتحمل ترانزيت اذا كانت سفرتك من السعوديه وتاخذ رحله ما تنزل جاكرتا وتطب بالي مباشره كالخطوط القطريه مثلا فيها ترانزيت الدوحه من السعوديه وفيها ترانزيت اخر مثلا سنغافوره او حسب برنامج الرحله
المده قصيره جدا والتنقل هناك برحله داخليه يضيع عليك يومين يوم رايح بين جاكرتا وبالي ويوم راجع لجاكرتا من بالي
فكر وقرر واسئل عن السعر واستخر

المشاركة الأصلية كتبت بواسطة jaka
http://www.arabtravelersforum.com/tr...6/#post3777156

اخوي اذا نويت بالي وحدها بهذا الوقت وبهذا السعر للتذكره انصحك تتحمل ترانزيت اذا كانت سفرتك من السعوديه وتاخذ رحله ما تنزل جاكرتا وتطب بالي مباشره كالخطوط القطريه مثلا فيها ترانزيت الدوحه من السعوديه وفيها ترانزيت اخر مثلا سنغافوره او حسب برنامج الرحله
المده قصيره جدا والتنقل هناك برحله داخليه يضيع عليك يومين يوم رايح بين جاكرتا وبالي ويوم راجع لجاكرتا من بالي
فكر وقرر واسئل عن السعر واستخر



الله يجزاك خير على التنبيه انا بالفعل شيكت على الخطوط القطرية بس لقيت اقل شي 5000 ريال للتذكره غير الترانزيت الطويل جدا في الدوحة واحد 6 ساعات وواحد تقريبا 14 ساعة غير ان اوقات الوصول والمغادرة سيئة جدا يعني بيروح عليك ليلتين في السكن زياده بسبب اوقات رحلاتهم يعني الخطوط السعودية افضل بكثير

طيب شيك من مكتب سفريات علي خطوط اخري كالسنغافوريه مثلا قد تجد سعر مقارب
ولاتنسي ان عندك رحله داخليه قيمتها تقريبا 100 دولار ويمكن اكثر فاضف قيمتها للدوليه فان وجدت اي خطوط مناسبه توصلك لبالي بدون مرور بجاكرتا وسعرها مقارب اعتقد تكون افضل في حال كان الترانزيت وقته مو طويل