الموضوع: النقرة الشمالي والجنوبي وين ؟؟؟

مساكم الله بالخير ...........

سؤالي اليوم عن النقرة الشمالي والنقرة الجنوبي ...

وين تقع هاي المنطقة بالضبط ؟؟؟ يعني تتبع اي منطقة .. حولي ؟؟ السالمية ؟؟ وين تقع بالضبط ؟؟

وسؤال ثاني ... شو اهم الاسواق اللي فيها ؟؟؟

اعرف ان أسألتي مزعجة ... لكن احب احط لي جدول عن الاماكن اللي بزورها في كل دولة قبل لا أوصل ...

تحياتي للجميع ...

مواضيع عشوائيه ممكن تكون تعجبك اخترناها لك:

• أين أجد ثوب الزَري بالكويت؟؟؟
• اول مرة اشارك في المنتدى ساعدوني
• يا أهل الكويت طالبكم الرأي في هالفندق
• شواطىء جزر الكويت
• سؤالين عالطاير
• اول زياره للكويت
• طلبتكم طالعة الكويت الخميس القادم
• وين افضل اماكن لبيع الجلابيات وفساتين الاعراس للنساء وقطع الكنادير للرجال
• ارجو المساعدة
• بمناسبة قرب الرحله
• مخلص فيز فرنسا
• من البطل اللي بيجاوب على اسئلتي كلهااااا
• آمل الافادة بخصوص تغيير حجز على الخطوط الكويتية
• ما هي أفضل شركة تأجير سيارات في الكويــت
• أبي رايكم بأي منتجع أحجز ؟؟؟؟؟؟
• سافرت الكويت وشبة اسبوعي اجي ابي حل
• هل احتاج الى فيزا للدخول الى دولة الكويت ؟؟؟؟
• ممكن تساعدوووني تكفووووووون؟
• مساعدة
• انا في سيشل وممكن مشورتكم

المشاركة الأصلية كتبت بواسطة LIFEisKNIFE
http://www.arabtravelersforum.com/tr...0/#post4195957

مساكم الله بالخير ...........

سؤالي اليوم عن النقرة الشمالي والنقرة الجنوبي ...

وين تقع هاي المنطقة بالضبط ؟؟؟ يعني تتبع اي منطقة .. حولي ؟؟ السالمية ؟؟ وين تقع بالضبط ؟؟

وسؤال ثاني ... شو اهم الاسواق اللي فيها ؟؟؟

اعرف ان أسألتي مزعجة ... لكن احب احط لي جدول عن الاماكن اللي بزورها في كل دولة قبل لا أوصل ...

تحياتي للجميع ...





هلا بأختى الفاضله حياج الله بين أخوانج وخواتج تفيدون وتستفيدون بالنسبه المجمع الشمالي والجنوبي

أدخلي علي هذا الرابط مشرفتنا السابقه المرام أم عمر وأن شاء الله تستفيدين



http://www.arabtravelersforum.com/travel264195/

اختي العزيزه النقره الشمالي والجنوبي في منطقة حولي وهما مجمعان يطلان على شارع الملك فهد

ويى النقرة الشمالى بمنطقة حولى! اول مرة ادرى انا خبرى انهامنطقة بالنقرة من اسم المجمع

السلام عليكم

هذا الرابط فيه كل المطلوب

http://www.arabtravelersforum.com/travel252097/

النقرة الشمالية و الجنوبية في حولي شارع بيروت و نفس الشارع فيه سنتر بوينت و مجمع المهلب ومطعم حسني و مطعم الستينات و تقدرين تجين له من طريق الملك فهد و انتي متجهة للعاصمة تلقين مدخل يدخلك على شارع بيروت

مساااااااااااااااااكم بالخير والنور والسرور .....

اولا الله يسامحكم .. انا واحد مب وحده

ثانيا جزيل الشكر لكم .. لكن الى الان ما عرفت المجمع وين مكانه بالضبط ... اللي عرفته هو ان المجمع في شارع بيروت وقريب من مجمع المهلب وقريب ايضا من حولي بارك وايضا قريب من مجمع بيروت ومجمع المعلم وسنتر بويت ....

لكن السؤال وين مجمع النقرة بالضبط ؟؟؟؟؟؟؟

جزيل الشكر للجميع ...

هذا هو مجمع النقرة .. مطل على شارع بيروت .. وفي الصورة واضح الجزأ الاول والثاني . وبينهم جسر ...

رفعت الصورة عشان تعم الفايدة ...

هدي هدي اعصابك لاتزعل كل مافي الموضوع ان مجمع النقرة الشمالي والجنوبي في منطقة حولي وتلاقيه بالويه موبدواعيس لادخلت منطقة حولي اسال اي احد ويقولك باي مكان لاتحتاس ولاشي ,والكويت مومن كبرها كل شي يم بعض يعني كل منطقة يم الثانية وان قلت للحين مادليت بنتحر
وتحياااااااااااااااااااتي
اختك اصول

المشاركة الأصلية كتبت بواسطة اصول2
http://www.arabtravelersforum.com/tr...4/#post4198664

هدي هدي اعصابك لاتزعل




شو السالفة ؟؟؟؟
منو المعصب ؟؟؟؟؟؟






المشاركة الأصلية كتبت بواسطة اصول2
http://www.arabtravelersforum.com/tr...4/#post4198664

وان قلت للحين مادليت بنتحر




ما تسوى تنتحرين على مول

انا وصلت المول ورفعت الصورة


لكن ... اذا فعلا ما تبيني اعصب ... شوفي لي مجمع المعلم او سوق المعلم ... وين مكانه بالضبط ؟؟؟

ويا ريت لو صورة من جوجل ايرث او جوجل ماب


تحياااااااااااااااااتي لج ...

كولولووووووووووووووووووووووش الحمد لله على السلامة على البركة صدقني فرحت لك شايله همك
سوق المعلم خل آخذ انفاسي شهيق زفير اوكي اقدر اقولك ان ماخاب ظني يم صيدلية الغانم بحولي هم تقدر تسال ويدلونك الطيبين
وهاف انايس داي

تصدق وتآمن بالله ان الاجانب اللي ترس هالديرة يدلون احسن منا احنا الكويتيين خلف الله علينا هاجين برة الديرة ومخلينها لهم ,عشتوا على اللي مايحب يسأل في الشوارع احنا يوم يينا الخبر نشفنا ريج الاوادم وين شارع سويكت لابقى هندي ولامصري ولاغيره صرنا هزءة من التسال الله يسامحك
وهم اسال وماضاع من سأل وان شاء الله تلقى لك الدليلة للاوصفت لاحد مكان مساكين يروحون ورا الشمس يوصلون الاطراف من التضيع الحمد لله والشكر ورحلة موفقة

سوق المعلم هو نفسه سيتي سنتر السالميه وسوق النقره هم مقابل سوق المهلب الي شكل السفينه في حولي

شوف اخوى راح اعطيك الوصف شفت حولى بارك فى يمها اشارة كمل سيدة لا تلف يمين او يسار بعد ماتعدى اشارات شوى راح تشوف مبنى من الرخام البيج يمه صيدلية هذا المعلم. وبعد فى فرع بمجمع بيروت بحولى بالسرداب قريب من حولى بارك بس ماتوقف باشارة تاخذ فرعى يمين وتكمل سيدة لما تلقى مجمع رمادى وطبعا وصفى هذا لما تكون حولى بارك على ايدك اليسار على حسب خريطة الى حاطة

المشاركة الأصلية كتبت بواسطة اصول2
http://www.arabtravelersforum.com/tr...5/#post4199535

عشتوا على اللي مايحب يسأل في الشوارع



خخخخخخخخخخخخخخخخخخخخخخخخخخخخ

سبحان الله .. هذا طبع فيني ... ما احب اسأل .. احب الف وادور لين اوصل الى المكان اللي ابغيه ... والحين الحمد لله افتج الجوجل ايرث او الجوجل ماب واخذ الاحداثيات والاتجاهات وأنزلها في جارمن السيارة وعلى طول المكان المطلوب ....







المشاركة الأصلية كتبت بواسطة اصول2
http://www.arabtravelersforum.com/tr...5/#post4199535

تصدق وتآمن بالله ان الاجانب اللي ترس هالديرة يدلون احسن منا




تصدقين ... هذا على مستوى الخليج بالكامل ... ولهم مواقع على الانترنت فيها كل المعلومات ... طبعا بالانجلش ...

المشاركة الأصلية كتبت بواسطة مرايا 73
http://www.arabtravelersforum.com/tr...1/#post4199591

سوق النقره مقابل سوق المهلب الي شكل السفينه في حولي




تصحيح للمعلومة .... سوق النقرة مش مقابل المهلب ... النقرة على امتداد المهلب ... في نفس الشارع ...

المشاركة الأصلية كتبت بواسطة مرايا 73
http://www.arabtravelersforum.com/tr...1/#post4199591

سوق المعلم هو نفسه سيتي سنتر السالميه




انا مب من الكويت ... انا اماراتي من دبي .... لكن من خلال البحث في منتدانا .. الاغلب قال ان سيتي سنتر السالمية في السالمية .. والمعلم في حولي !!!!!!!!!!!!

متأكد من المعلومة ؟؟؟


تحياتي لك ....

المشاركة الأصلية كتبت بواسطة βνĹĂĢŔĨ-q8
http://www.arabtravelersforum.com/tr...1/#post4199641

شوف اخوى راح اعطيك الوصف شفت حولى بارك فى يمها اشارة كمل سيدة لا تلف يمين او يسار بعد ماتعدى اشارات شوى راح تشوف مبنى من الرخام البيج يمه صيدلية هذا المعلم. وبعد فى فرع بمجمع بيروت بحولى بالسرداب قريب من حولى بارك بس ماتوقف باشارة تاخذ فرعى يمين وتكمل سيدة لما تلقى مجمع رمادى وطبعا وصفى هذا لما تكون حولى بارك على ايدك اليسار على حسب خريطة الى حاطة




اذا كان حولي بارك وراي من جهة اليمين وكلمت طوالي بوصل لتقاطع اشارات .. واذا رحت سيده بكون على امتداد شارع تونس وفي اول الشارع مجمع رحاب وفي اخر الشارع مجمع البحر او البحار ..... صحيح ؟؟؟؟

المشاركة الأصلية كتبت بواسطة bint elQ8
http://www.arabtravelersforum.com/tr...1/#post4203671

صح سيتي سنتر السالميه في السالميه هههه سيتي سنتر في سوق السالميه و المعلم بعد في سوق السالميه بس في اكثر من فرع .. فرع حولي موجود على شارع تونس .. حولي بارك على شارع تونس بعد .. اذا خليت حولي بارك علي شمالك و كملت سيده يجيك تقاطع (شارع تونس مع شارع بيروت) كمل سيده يكون الرحاب على شمالك .. كمل بعد قدام شوي تلقى المعلم على يمينك .. طبع اذا كملت الى آخر الشارع تلقى مجمع البحر على اليسار اما اذا تبي تروح مجمع النقره من شارع تونس .. اذا كنت ناحية حولي بارك تخليها عاليسار بعد و تكمل سيده لين توصل التقاطع اللي قلتلك عنه بس ما توقف في الاشاره طبعا .. لا .. تاخذ فرعي يمين .. و تكمل سيييده .. تمر على مجمع بيروت و يجيك دوار تعديه و تكمل سيده و دوار ثاني و وسيده بعدين اشاره .. وانت بالاشاره تقدر تشوف مجمع النقره الشمالي و الجنوبي على يمينك و شمالك و الجسر اللي يربطهم .. خلك يمين الاشاره و اول ما تلف المواقف على اليمين بينها و بين المجمع شارع ! و اذا انت على طريق الملك فهد تلقى دخله لحولي .. هالدخله هي نفسها شارع بيروت و ابد اول شي علي يمينك و شمالك المجمع .. بس الاساسي اللي اقولك عنه طبعا بيكون عاليسار !! هههه قصه !! اي و المجمع ترا حيييييييييل قديييييييييييييييم .. لكن ما عليك من شكله .. تلقى فيه شغلات وايد باسعار رخيصه .. عموما حولي بكبرها قدييممه و زحمه بس فيها وااااايد اشياء و صح كلامك المهلب مو مقابل النقره المهلب على امتداد نفس الشارع بس آخر شي .. يعني بعد التقاطع اياه ههه اتمنى انه شرحي يكون واضح .. و حياك الله في ديرتك




صحيح ان الشرح طول ... لكن تصدق بالله ... الشرح واضح جدا ... شغلت الجوجل ايرث ومشيت معاك خطوة خطوة ....


جزيل الشكر من صميم القلب ... اشوفكم على خير ثالث ايام العيد

ههه اي ادري انه شرح مطول .. يالله الحمدلله انه واضح ..

ولو .. العفو .. و انا اختك ..توصل بالسلامه اخوي و تنور الكويت

المشاركة الأصلية كتبت بواسطة bint elQ8
http://www.arabtravelersforum.com/tr...1/#post4206161

ههه اي ادري انه شرح مطول .. يالله الحمدلله انه واضح ..









المشاركة الأصلية كتبت بواسطة bint elQ8
http://www.arabtravelersforum.com/tr...1/#post4206161

ولو .. العفو .. و انا اختك ..توصل بالسلامه اخوي و تنور الكويت