الموضوع: ابو عزيز والاعضاء فزعتكم ابي الجواب النهائي

صباح / مساء الخير

بفضل من الله وبفضل تقاريركم تم اختيار ( سويسرا _ اسبانيا ) لشهر العسل ان شاء الله وراح احجز هاليومين ان الله اراد بيوم 20 نوفمبر 2011 الى 6 ديسمبر 2011

اخترت سويسرا لان راح يكون شتاء وان شاء الله نستمتع بمناظر الثلوج وتساقطه .. واخترت اسبانيا لان الجو راح يكون ادفئ بكثير بعد برد سويسرا وللاستجمام

لكن ابي فزعتكم هالمره لان جوابكم اللحين هو الي راح اعتمد عليه بعد الله بحجز الفنادق والتذاكر ان شاء الله

وابي رايكم بتقسيم الايام وبالفنادق من ناحيه النظافه والموقع والاسعار وعطوني جدول مبسط لهالمدن .. ودام للحين ماحجزت ولا سويت شي .. يعني التخطيط قابل للتغيير .. مع احتماليه 60 بالميه اني استأجر سياره بانترلاكن لكن على حسب جو المدينه والثلوج والرغبه

جنيف / يومين .. فندق East West Hotel

انترلاكن / 4 ايام .. فندق Metropole Swiss Quality Hotel

زيورخ / 3 ايام .. محتار بين فندقين .. الاول Morenpicle Hotel .. الثاني ( لي ميريدين )

ماربيا ( اسبانيا ) / 5 ايام .. فندق Melia Don Pepe Hotel

مدريد ( اسبانيا ) / يومين .. Hostal Sant Domingo

.
.

انا كتبت فنادق اسبانيا ومده اقامتي فيها .. قلت ممكن احد يفيدني فيها من واقع تجربه .. وراح استفسر عنهم ان شاء الله فـ بوابه اسبانيا

عموما .. انا شايل هم رحلتي من سويسرا الى اسبانيا وان شاء الله من زيورخ الى ملقا ( اسبانيا ) لان للحين ماعرفت شلون بحجز واقص التذاكر .. لان ماعندي بطاقه فيزا .. وابي طريقه احجز واقص فيها تذاكر بدون مشاكل بالمطار او بمسار الرحله عشان اتطمن .. واقدر احجز من زيورخ الى ملقا عن طريق مكتب سياحي ويعطوني التذاكر ولالا ..؟

وياليت تفيدوني لان احس الوقت راح علي وممكن عشاني مو متواجد بالسعوديه بارتباطي بالدراسه بالخارج

ودي ..

مواضيع عشوائيه ممكن تكون تعجبك اخترناها لك:

• اللهم في هذه الليلة المباركة وفق من يرد على استفساري بخصوص جدول رحلة سويسرا
• كيفية استخراج فيزا لسويسرا من مدينة ابوظبي ضرووووري
• تم حجز الطيران والسيارة باقي مساعدتكم في توزيع الايام والسكن
• سفرة قصيرة في نوفمبر
• فندق حلو بجانب اليورب بارك ؟
• أرجو منكم مساعدتي في رحلتي الأولى الى سويسرا
• الحجز والتأمين
• استفسار بخصوص فنادق جنيف الجانب السويسري
• اول سفرة الى سويسرا
• ماهو اجمل فندق وسعرة معقول في انترلاكن
• استفسار عاجل جدا عن الرخصة السعودية بمطار جنيف
• عاجل الله يعافيكم
• السفر الى سويسراء من أكتوبر الى اكتوبر
• ارجوكم مساعده تكفون طلبتكم استفسارات عاجله
• للمساعدة في
• استفسار بخصوص الفيزا آرجو المساعدة
• استفسار عن شراء السويس هاف عن طريق النت
• السكن في سويسرا ارجو المساعده
• أستفسار بخصوص مطارات سويسرا
• استفسار عن الشينقن

17 مشاهد ولا احد رد فيهم ..؟

لاهنتوا لو الواحد فيكم كتب كلمتين كان استفدت منها

بغض النظر عن البرنامج وتفاصيلة ,,,,,,,, بطاقة الفيزا مهمة . نصيحة من اخ لاخوه ,,,, باقي معاك فرصة حاول يكون معك كريديت كارد بأي طريقة .لان حتى بعض الفنادف لو دفعت كاش راح بحجزون مبلغ من البطاقة كضمان.

كان ودي اتفاعل معك في موضوعك لكن الايام هذي دخولي متقطع ولا اضمن اني اتابع معاك الردود.

للاسف معلوماتي قليله كان نفسي افيدك لكن بالنسبة لفندق متروبولي انترلاكن رائع جدا وانا حجزت فيه لرحلتي الشهر الجاي اول اكتوبر ان شاء الله وبعد فندق لي ميريديان زيورخ ممتاز جدا هذا اللي اعرفه

بالنسبه للحجز اكيد المتكب السياحي يحجزلك ويجبلك التذكرة جرب كلم اي مكتب سياحي واستفسر

وموفق وان شاء الله الاخوه يساعدونك

واما انترلاكن بمكانك زيارة التالي

اليوم الاول :
jungfraujoch - top of europe
اليوم الثاني HARDER KULM
اليوم الثالث
شلالات تروميل باخ وقمة Schilthorn

لاتحرموني من فزعتكم وارائكم

انا لسه راجعة من انتزلاكن لباريس وكنت ساكنة في فندق قمة والفيو تبعه يجنن وكان رخيص بس كان في قرية بونيجن قريب من انترلاكن وتحت الفندق مباشرة فيه باص يودي لانترلاكن في 5 دقايق لاني حسيت الفنادق اللي في انترلاكن كلها مافيها فيو يستاهل
4 ايام كافية جدا وبالتوفيق

ونصيحة لازم فيزا عشان تسهل امورك وتقدر تحجز عن طريق النت بسهولة للفنادق والطيران

كيف بتشيل معك كاش كبير ؟ طيب واذا ضاع او انسرق او صار له شئ؟ كيف يبي يكون موقفك ؟


انصحك بالتالي :

1- بطاقه فيزا مسبقة الدفع والي يقدمها ( الراجحي - الاهلي - وأعتقد الجزيرة )

2- بطاقه فيزا عاديه ( غير مسبقة الدفع ) وتكون للأماكن الرسميه مثل ايجار السيارات

علما ان بطاقه الراجحي مسبقة الدفع غير مقبوله لدى مكاتب ايجار السيارات

بخصوص تقديمك لبطاقه الراجحي هناك طريقتين لها

الاولى : من البنك مباشرة ويتم تسليمها لك مباشرة ( ولا انصح بها ابدا ابدا ابدا ) لان حروفها مطبوعه وليست محفورة .

الثانيه : اطلب من نفس البنك انهم يطلبونها لك من الاداره وتكون محفورة .. والموضوع ياخذ منك 5 ايام عمل وتجيك من خلال فيديكس


كل الموضوع تحط لك مبلغ 5000 ريال ولما تخلص تحول دفعه ثانيه فيها من خلال موقع الراجحي

انتبه لا تتوهق ولا تاخذ معك فيزا

واعيد واكرر لن يتم تاجيرك سياره الا ببطاقه ائتمانيه حتى لو تستاجر من يوروكار في السعوديه وتستلم السياره هناك سيتم طلب بطاقه ائتمانيه لأخذ تامين المخالفات

ولن يتم تسليمك السياره اطلاقا

اتمنى اني افدتك بهذه المعلومه