الموضوع: استفسار عن الطرق الرئيسية في الكويت

السلام عليكم اخواني أهل الكويت الحبايب
راح أطلع للكويت في العيد لكن مشكلتي أني ما أعرف أي شبر في البلد ،، فقلت أقل شيئ أكيد فيه طرق رئيسية تعتبر هي الشريان في البلد وعن طريقها ممكن أعرف كيف الوصول لأغلب المناطق الحيوية ،، فياليت تفيدونا عن الطرق الرئيسية واللي تعتبر شرايين الكويت واللي عن طريقها بحول الله ما راح يضيع الواحد طريقه

ولكم الشكر الجزيل

مواضيع عشوائيه ممكن تكون تعجبك اخترناها لك:

• قادم للكويت وأسأل عن شقق أفيدوني
• بزور الكويت في شهر 7
• عااااااجل
• هونج كونج استفسار بحالة الطقسسس
• تأجير السيارات
• الكويت بلصور
• هل يمكن التعاقد مع المدارس الخاصة بدون خبرة بفيزا حرة
• موقع مسجد مشاري العفاسي؟
• كوانزو
• أول زياره لي للكويت ممكن مساعده يا اهل الخير
• مساعدتكم لو سمحتوا
• تنبيه بضرورة الإلتزام بمكان كتابة الموضوع يرجى الدخول للأهمية
• مبروووك لاهل الكويت و زوارها بشاره
• حـــــديقه الحـــــيوان بالكويت
• تكفووووون ابي رد عاجل
• مشكلة سفري الي الكويت
• الهند ما خلو شي صور
• الجامعه العربيه المفتوحه بالكويت
• الفزعه يا اخوووان رايحين للكويت
• استفسار

هلا باخي الفاضل حياك الله في ديرتك الثانيه الكويت. انا انصحك في جهاز الجارمن نوفي في كل شئ من مجمعات واسواق

واي خدمه احنا حاضرين

السلام عليكم

اخوي اهم طريقين في الكويت طريق الملك عبدالعزيز (( الفحيحيل )) السريع وطريق الملك فهد السريع

وهم طريقين متوازيين يبدأون بطريق واحد من النويصيب وبعدين يتشعبون الى طريقين الى العاصمه يمشون مع بعض يفصلهم بعض المناطق .

عندك .. الدائري الاول و الدائري الثاني و ......... السابع عددهم 7

الدائري الرابع يوديك حولي والسالميه الخامس يطلعك على مجمع الافنيوز على طول والسادس على مجمع 360 هذيل اهم شي عندك

عندك شارع الخليج العربي (( على البحر )) اهم شارع يوديك ( المركز العلمي - مجمع المارينا - ابراج الكويت - سوق شرق ))

حياك الله بديرتك الثانيه وتشرفنا بحضورك

على طول منطقة السالمية

ومثل ماذكروا الاخوان

وبالتحديد في هذه المنطقة شارع الخليج العربي لان هذا الصمام للبلد (كل شي فيه )
على البحر
مثل ( فنادق - شقق مفروشه - مطاعم - المتحف العلمي - مجمع المارينا مول - حديقة الشعب (ملاهي) - المقاهي - ) والعديد

وفر وقتك و وفر جهدك وخذ جهاز جارمن زي ماقال لك الأخ المزعج واشتر راحة بالك واستمتاعك بالرحلة خاصة أنك ماتعرف شي بالديرة

بيض الله وجيهكم وسدد خطاكم ،، ما قصرتوا على الإفادة
بس استفسار لإخواني اللي اقترحوا جهاز جارمن ،، وش الموديل المناسب واللي بيكفي ويوفي ويكون سعره معقول ،، يعني ما أبغى فيه مزايا لا أحتاجها