الموضوع: استفسار

السلام عليكم

انا راح اجي مع الاهل للكويت بأذن الله يوم العيد

حبيت اسأل عن مجمع الاوقآف ياليت احد يدليني ايااه لاني اول مره اجي للكويت
وياليت يكون شرح مفصل
ومجمع مناور بالفروانيه ممكن أحد يدليني اياه بالتفصيل لأني زي ماقلت اول مره اجي للكويت

ومشكورين

مواضيع عشوائيه ممكن تكون تعجبك اخترناها لك:

• انا مسافر الكويت اليوم
• فندق في هونج كونج
• ماهي أيام الاجازة الاسبوعية الويكاند وطريقة شراء سيارة في الكويت
• إستاذ الشيخ جابر الأحمد الرياضي تحفة معمارية قمة في الروعة
• المركـــــز العلمـــــي بالكويت
• الكويت شغل عدل والبلد فعلا يبيله زيارة ؟
• اين اجد معارض السيارات
• الطريق من حفر الباطن للكويتوالشغالة كيف النظام؟
• أول زياره لي للكويت ممكن مساعده يا اهل الخير
• فندق كورت يارد ماريوت
• مهرجان فبراير
• دهن العود
• أرجو المساعدة
• و ين الطيبين أهل الكويت
• احتاج اسماء شقق فندقية قريبة من المجمعات
• أرغب في نقل بعض الأثاث لصديق بخدمة من الباب للباب فكيف أفعلها؟
• ابتعبكم بس مالي غيركم مساعده
• ممكن القى جواب
• من حايل الى الكويت مرورا بأم رقيبة صور
• تحويل فيلكا إلى مدينة ترفيهية متكاملة

مجمع الاوقاف يقع وسط المدينة قريب من مجمع ديسكفرى بمنطقت شرق

مجمع مناور يقع بالفروانية قريب م فندق كراون بلازا بالفروانية

حياك الله ببلدك الثانيه الكويت

الله يهنيك باكويت و شوووف تقريري
( رحلتي الي الكويت ) انشاء الله تستفيد من الموضوووع

المشاركة الأصلية كتبت بواسطة بيت الكويتى
http://www.arabtravelersforum.com/tr...5/#post4208277

مجمع الاوقاف يقع وسط المدينة قريب من مجمع ديسكفرى بمنطقت شرق

مجمع مناور يقع بالفروانية قريب م فندق كراون بلازا بالفروانية




بعد اذن صاحب الموضوع .... وقبل كل شي مساكم الله بالخير .. وتقبل الله منا ومنكم صالح الاعمال ...


لاحظت في المنتدى ان الاعضاء ما شاء الله عليهم خدومين وجاهزين للرد على اي استفسار .. لكن لاحظت لما يكون السؤال عن معلم سياحي او فندق او مجمع تسوق او سوق ... لاحظت ان الوصف ما يكون كافي .. نحن مش عيال الديرة .. يعني مش كويتيين .. حد من الامارات وحد من السعودية والبحرين وقطر ... وهذا النوع من الوصف ما يكون دقيق بالنسبة لنا ...

مجمع الاوقاف من المجمعات اللي حطيتها في الجدول .. لكن للاسف ما قدرت احدد مكانه بالضبط على الخارطة عشان تحفظه في الجارمن ...

كل المعلومات اللي حصلناها عن المول انه في منطقة شرق وبجوار مول ثاني !!!

يا ريت لو حد من الاعضاء يحدد المول بوصف ادق شوية ...

في رد من الردود قريت واحد من الاعضاء كاتب ان الكويت مدينة صغيرة والشوارع ما تضيع وكل شي واضح وسهل ... هذا بالنسبة للكويتيين ... لكن تظل الكويت دولة .. والكويت العاصمة مدينة لها وزنها من جميع النواحي ..

وجزيل الشكر للجميع

ويعذرني صاحب الموضوع على التدخل ...

لكن احب الفايدة تعم على الجميع ...

المشاركة الأصلية كتبت بواسطة bint elQ8
http://www.arabtravelersforum.com/tr...5/#post4213504

صح كلامك اخوي LIFEisKNIFE .. و لا يهمك بحاول اوصفلك الطريق كثر ما اقدر

اذا كنت جاي من طريق الملك فهد باتجاه مدينة الكويت اللي هو نفسه طريق رقم 40 (ما كنت اعرف الارقام بس سايقناالجديد ما يعرف الا الارقام !!) المهم تكمل سييييده لي آخره .. طبعا هو من بعد تقاطعه مع طريق الدائري الخامس يصير اسمه شارع المغرب ... و تكمل سييييييييييده تجيك الجابريه على يمينك و بعدها حولي و بعدها القادسيه و بعدها المنصوريه على يمينك و ضاحية عبدالله السالم على يسارك بعدهم على طول بيجيك تقاطع المغرب مع الطريق الدائري الاول ما توقف في الاشاره .. تاخذ فرعي يمين .. يعني تنزل عالدائري الاول .. تكمل شوي بتجيك اشارة .. تاخذ يسار و على طول بتجيك اشارة ثانيه تكمل سيده على شارع مبارك الكبير شوي تلقى الاوقاف على يمينك المبنى لونه رمادي و في مواقف من الخلف و بعد سنتر بوينت خلفه .. اي و بعد على نفس الشارع اللي فيه الاوقاف اذا كملت سيده .. بتجيك اشاره بعدها كمل بعد سيده بتلقى البلوكات (سوق الاقمشة) على يسارك .. او تكمل شوي قدام تجيك اشاره تكمل سيده و بعدين تلف يسار عند بنك الخليج هني المباركيه .. او تكمل على الشارع اياه تلقى البورصه على يمينك !!! ما ادري يمكن بعد تبي البورصه ولا شي
عموما ادري اني عطيت تفاصيل زياده حبتين .. بس والله الطريق سهل و انا حبيت اعطيك اسماء المناطق اللي تمر عليها على شان تكون مرتاح و متطمن انك صح .. و منها تتعرف على الكويت .. و آسفه عالاطاله
ان شاء الله تنورون الكويت و كل اموركم تتيسر بالخير




من خلال الوصف وصلت الى المبنى الرمادي المطلوب ... ورفعت الصورة عشان تعم الفايدة ....

صحيح ان الشرح طويل لكن مشيت معاج خطوة خطوة

جزيل الشكر ... تحياتي لج ...