الموضوع: ساعدوني ،، الفندق بيحملني غرامة آلاف فرنك سويسري

السلام عليكم ورحمة الله

اللي عنده حل ، لا يبخل علي ، انا متورط ..

السالفة بدت قبل يوم ، جينا الفندق بعد تعب يوم طويل ، وفتحت الماي أعبي البانيو ، وانسدحت على السرير مع أم العيال ، وغفت عينا ، ولا حسينا إلا بطقت باب الفندق ، ولا نقوم إلا والغرفة غرقانة ماي ، ,,,

وبسرعة تداركوا الموضوع وشفطوا الماي.

وألحين أستقبل فاتورة ، بتكلفة 3000 آلاف فرنك اضرار الفندق ، !!

طبعاً أنا قلت له خلني أشوف الموضوع ، وألحين أبي مشورتكم .

هل السفارة بتفيدني ؟؟

وهل أنا ملزم بدفع المبلغ؟؟
لأن المشكلة مو مني ،، الحمام ما فيه تصريف ماي ، فليه أتحمل المشكلة .؟؟

مو المفروض أن الحمام يكون فيه فتحت تصريف ؟

مواضيع عشوائيه ممكن تكون تعجبك اخترناها لك:

• ثمنيه أيام في سويسرا شهر نوفمبر
• من وجهة الرياض ميلانوذهاب وعودة
• محتااااار وين اهل الخبره
• هل بينكم من يساعدني وينظم رحلتي لسويسرا ؟
• طلب توزيع ايام حول جنيف بالاضافة الى مكان السكن
• الى الخبرا هذي تنقلاتي في سويسرا هل تحتاج سويس باس
• قربت رحلتي،، محتاج مساعدتكم يابعدي
• كيف احجز موعد لتقديم الطلبات لسفارة سويسرا
• استفسارين فيزتي شنغن المانية فهل استطيع الوصول لسويسرا ؟
• استفسار عن جنيف و آنسي وانترلاكن و شاموني
• مساعدتكم لاول سفرة لنا
• مين عنده احداثيات ؟؟؟؟
• شهر عسل سويسري فرنسي ۔ اراءكم لو سمحتم
• ابحث عن شقتين في انترلاكن وتكون ذات اطلالة متميزة جدا لعائلتين
• كيف استخدم الايفون في تحديد الاماكن؟
• محتار ايش أختار
• الصرف و الميزانية ،،،
• مسجد في مدينة انترلاكن
• ملخص لاهم النقاط في رحلتي لسويسرا
• استفسار عن البوردينق وكم استفسار

الله يكون في عونك ..

اتصل على السفاره اذا تقدر .. يمكن يفيدونك ..

المشاركة الأصلية كتبت بواسطة عابر سبيل 2011
http://www.arabtravelersforum.com/tr...0/#post6182680

السلام عليكم ورحمة الله

اللي عنده حل ، لا يبخل علي ، انا متورط ..

السالفة بدت قبل يوم ، جينا الفندق بعد تعب يوم طويل ، وفتحت الماي أعبي البانيو ، وانسدحت على السرير مع أم العيال ، وغفت عينا ، ولا حسينا إلا بطقت باب الفندق ، ولا نقوم إلا والغرفة غرقانة ماي ، ,,,

وبسرعة تداركوا الموضوع وشفطوا الماي.

وألحين أستقبل فاتورة ، بتكلفة 3000 آلاف فرنك اضرار الفندق ، !!

طبعاً أنا قلت له خلني أشوف الموضوع ، وألحين أبي مشورتكم .

هل السفارة بتفيدني ؟؟

وهل أنا ملزم بدفع المبلغ؟؟
لأن المشكلة مو مني ،، الحمام ما فيه تصريف ماي ، فليه أتحمل المشكلة .؟؟

مو المفروض أن الحمام يكون فيه فتحت تصريف ؟

هل تأكدت ان الحمام لا يوجد فية تصريف ، هل ممكن تعطينا اسم الفندق وفي اي مدينة حتى الاخوان اعضاء المنتدى يأخذون حذرهم والله يكون في عونك

حمدا لله على سلامتكم

ارسلت لك ايميل

وربي يسهلها

تاكد مثل ماقال الاخ عن فتحت التصريف

وبعدها بلغ السفاره وان شاء الله يفيدونك

والله يكون في عونك

بلغ الشرطة ،،، اذا فندق محترم ويخاف على سمعته ، بخاف وبيلغي الغرامة

واذا فندق اي كلام بصير نذل معاك ،،،، وهذا رأيي بلغ الشرطة

ادعو ربك وقول (( اللهم اكفينهم بما شئت )) وان شاء الله تكون سهالات

انا حصل لي من قبل في فندق غلوريا عزك الله الحمام مافيه تصريف للمياه وطرطشت شوي مويه شويييي لايذكر من جراء الاستحمام على الارض وطلعت رحت اتمشى برى الفندق ورجعت لقيت حاطين ورقة تحذير ان لو اثاث الغرفه جاه شي من الماي بيحملوني قيمته وانا اللي ااتصل عليهم من الغرفه وطلبت المسئول شخص جدا محترم ومتفهم ووريته ان مو معقول علشان شوي مويه وشي بديهي بما ان حمامهم ماله تصريف للمياة بتجيه بعض القطرات المياه ولا ماسبب تركها بدون فرش وموكيت قلت له كان فرشتوها من قبل وانا اتقبل موضوعكم او زيدو وافرشو الحمام بمناشف وفعلا ناداها اللي تنظف وقال لها افرشي الحمام بمناشف كله وتعذر باسلوب لبق وحكيم .

والله يعينك ياخوي ويسهل امرك حاول انك ماترضخ لمطالبهم بسرعه وتفاوض معاهم بالعقل وكلم السفارة رقمهم تلقاة من ضمن الرسايل اللي جاتك اول ماوصلت لسويسرا واستشر محامي السفارة بيفيدك بأذن الله

الله يعينك اخوي

احسبها صح !

خلهم يغيرون الفرش وخسارة الوية قول وايت كامل

يعني كلها على بعضها ماتجي 500 فرنك

الله يسهل امورك

،،

مشكورين على تفاعلكم ،، والله انكم خففتوا علي من كلامك

وحتى توضح الصورة ،،

الماي ملئ الحمام ، والغرفة مفروشة بالسجاد ، أشبه أنه غسل السجاد.
طبعاً الماي ناقط على الغرفة اللي تحتي لذلك عرف بالمشكلة

وحملني فاتورتين ،
الفاتورة الأولى فاتورة السجاد (2000 فرانك)
وانا أشوف أن الفرش ما جاه شيء ، بس أنغسل ، واحنا تركنا الشمس تضرب في الغرفة حتى لا يخيس ، وجف الفرش وراحت الريحة ،
فليه يحملني فاتورة فرش (سجاد) ماجاه شيء؟؟

الفاتورة الثانية (1000) فرنك فاتورة السقف ، وعلى كلامه ما جاه مشاكل كثيرة ، وطلبت منه أشوف الغرفة ، وقالي بكره

هل اتفاهم معاه باللين ، ويقلل الفاتورة ،، ولا أشد معاه ، واقوله ماني دافع ..

علماً أنه كأنه واثق من موقفه وقالي كلم السفارة !!

طيب السفارة بكرة مسكرة والأثنين انا طالع من الفندق..

لو رفضت اني أدفع ،، أيش بيصير؟؟

طبعاً أثاثهم ما جاه شيء.؟؟
يعني أنا حاسس كأنه يبي يضحك علي!!

اجل ماعليك منه مادام ماتأثر شي من ممتلكاتهم ليش يطلب منك هالمبلغ مقابل ايش اجل !!

اطلب مديرهم وتفاهم معاه بس خل اعصابك باااااارده جدا وبالعقل ينحل الموقف ان شاء الله

المشاركة الأصلية كتبت بواسطة عابر سبيل 2011
http://www.arabtravelersforum.com/tr...4/#post6182854

طبعاً أثاثهم ما جاه شيء.؟؟
يعني أنا حاسس كأنه يبي يضحك علي!!




اي فندق وفي اي مدينه

ربك يسهلها اخوي

ان شاء الله خير

فيه نقطة مهمة انت غافل عنها ارسلت لك وياليبت ترد علي باسرع وقت ممكن هنا او على الايميل

المشاركة الأصلية كتبت بواسطة aboaziz
http://www.arabtravelersforum.com/tr...8/#post6182918

ربك يسهلها اخوي

ان شاء الله خير

فيه نقطة مهمة انت غافل عنها ارسلت لك وياليبت ترد علي باسرع وقت ممكن هنا او على الايميل

مرحبا بالعمدة .... وينك لنا فترة ماشفنا طلتك الحلوة
قلقنا عليك ....
المنتدى واعضاءه مالهم غنا عنك

معليه بقول رأيي بصراحه انت غلطان و تصرفك غير مسؤول
يعني بالله تمتلي الغرفه مويه و ينعدم السجاد و يوصل للغرفه ايلي تحت معناته كارثه
ايش ذنب الفندق ؟
و ايش ذنب الناس ايلي بتجي تنام بالغرفه بعدكم كلها ريحة خياس
لان طبيعي تطلع ريحه
تخيل هالشي حصل في بيتك ترضى ؟
لاحظت كل الردود محد لامك على تصرفك هالشي غلط
بعدين وشدخل السفاره
انتو تفتحو المويه و تنسوها و ينعدم السجاد و تجي السفاره تلتفت لاموركم ؟
منجد شي غريب

الرجال اللي فيه كافيه وبيغرم 3000 فرانك .. اعتقد هذا يكفي ..

وبعدين الانسان مو معصوم من الخطاء وهذا الشيئ صار عن غير قصد ..

الله يعينك والله اني حاس في معاناتك اخي الكريم ..

الله يكون بعونك شوف اخونا بوعزيز وش راسلك وراح يفيدك

الله يسهلها لاتحاتي
انت لازم تعرف انك غلطان بس المبلغ اللي طالبينه خيالي ومو معقول
3000 فرانك عشان سجاده اكيد المبلغ ملعوب فيه
بس انت الحين حاول تتفاهم معاهم على المبلغ انهم ينقصون منه ولا اطلب الشرطه هي تتصرف بالموضوع
ولاتشيل هم ان شاءالله تنحل امورك

لا تفع اكثر من 300 - 500 فرنك حق الموية والسجاد والسقف

واطلب السفارة والشرطة وخل المحامي يقدر الخسارة هذا افضل حل

الله يسهل عليك ويكفيك شرهم

,,

اختي ورد الجناين ،، كلامك على عيني وراسي ،،
بس لازم تعرفين ،، أن البانيو لازم يكون فيه فتحت تصريف للأمان موجوده في أعلى البانيو
والشيء الثاني ، الحمام لازم يكون فيه فتحت تصريف للماي ، لمثل هالأمور .

انا ما أنكر خطأي ، وأنا مستعد لدفع المبلغ ، ولكني أحس بأن الموضوع فيه تلاعب .
فالفرش ما تضرر ، وحتى الريحة راحت

المشاركة الأصلية كتبت بواسطة عابر سبيل 2011
http://www.arabtravelersforum.com/tr...4/#post6183114

اختي ورد الجناين ،، كلامك على عيني وراسي ،،
بس لازم تعرفين ،، أن البانيو لازم يكون فيه فتحت تصريف للأمان موجوده في أعلى البانيو
والشيء الثاني ، الحمام لازم يكون فيه فتحت تصريف للماي ، لمثل هالأمور .

انا ما أنكر خطأي ، وأنا مستعد لدفع المبلغ ، ولكني أحس بأن الموضوع فيه تلاعب .
فالفرش ما تضرر ، وحتى الريحة راحت




صدقني انا زعلانه على ايلي حصلك
وما عندي غير ادعيلك ان ربي يسهلك أمرك
اتمنى ما تكون زعلت مني

بيض الله وجهك يا بوعزيز في موازين حسناتك

,,

الله يجزاه الخير

وبتنحل المشكله ان شاء الله

الله يكون في عونك اخي الكريم ..

اتمنى تطمنى وش صار عليك

والشكر موصول لـ ابو عزيز الله يجزاه خير

دمتم بووووووود

من جد الله يعينك...

شوف طبيعي يغرمونك..بس اللي مو طبيعي انهم يغرمونك هالمبلغ الخيالي...

الله يسهلها عليك....وبالله عليك خلينا معاك ع الخط بلغنا اش يصير معاك اول باول........

ابو عزيز ربي يسعدك....

الله يعينك يارب ويفرجها عليه
ونصحيه من قلب اقرو الفاتحه بي استمرار وخليكم مواضبين ع الاذاكر
وربنا راح يرد كيدهم اذا كانو كذابين
وانت خليك مفتح هددهم انو تتدخل الشرطه في الموضوع وحاول تكلم السفاره
وربنا يسهلك كل خير ويصرف عنكم كل شر يارب
وطمنى ايش يسير معاك

مايقصر بوعزيز والله انه شيخ ..

في ميزان حسناته ان شاء الله ..

أنا وزوجتي نشكركم جميعاً ، واحد ، واحد ،، والله أنكم عون للجميع .

كلمته الصباح ، أن المبلغ غالي وكبير
فقالي : خاطب التأمين
قلت له : التأمين ما بيرضون بهالمبلغ الكبير ، هل أعطيك شهادة التأمين وأنت تخاطبهم
قالي : لا ، أدفع المبلغ وأنت خاطبهم

قلت له المبلغ كبير ،
فقالي بعملك خصم !!!

تخيلوا نزل المبلغ إلى 970 فرانك!!

هنا أنا حسيت أنه بيلعب علي ،فقلت له طيب التأمين يبون تقرير من الشرطة ، كلم الشرطة .

فشفته مرتبك ، وقالي من وين اجيب لك تقرير واليوم الأحد.
قالي خل الأوراق عندك وأجيب لك التقرير بعدين


------------------------------------


الرجال أحس أنه يبي يضحك علي ويمكن يأخرني بكره (الشيك أوت) وطيارتي المسا

فهل إذا اخرني بكره ، علشان أدفع وأمشي ،
هل أتصل أنا على الشرطة ؟؟
وهل في جهة رقابية على الفنادق ، في حال أذيت السياح؟؟

المشاركة الأصلية كتبت بواسطة عابر سبيل 2011
http://www.arabtravelersforum.com/tr...4/#post6185324

أنا وزوجتي نشكركم جميعاً ، واحد ، واحد ،، والله أنكم عون للجميع .

كلمته الصباح ، أن المبلغ غالي وكبير
فقالي : خاطب التأمين
قلت له : التأمين ما بيرضون بهالمبلغ الكبير ، هل أعطيك شهادة التأمين وأنت تخاطبهم
قالي : لا ، أدفع المبلغ وأنت خاطبهم

قلت له المبلغ كبير ،
فقالي بعملك خصم !!!

تخيلوا نزل المبلغ إلى 970 فرانك!!

هنا أنا حسيت أنه بيلعب علي ،فقلت له طيب التأمين يبون تقرير من الشرطة ، كلم الشرطة .

فشفته مرتبك ، وقالي من وين اجيب لك تقرير واليوم الأحد.
قالي خل الأوراق عندك وأجيب لك التقرير بعدين


------------------------------------


الرجال أحس أنه يبي يضحك علي ويمكن يأخرني بكره (الشيك أوت) وطيارتي المسا

فهل إذا اخرني بكره ، علشان أدفع وأمشي ،
هل أتصل أنا على الشرطة ؟؟
وهل في جهة رقابية على الفنادق ، في حال أذيت السياح؟؟

اخبار طيبة اخوي

مثل ما قلت لك التأمين إحتماله ضعيف يعوضونك للأسباب اللي حكيت لك عنها

لكن طريقتك معه كانت أكثر من رائعة وحسب النظام

وبغض النظر اذا يلعب عليك أو لا فأنا أرى أن تضع الموضوع خلفك وتدفع المبلغ المطلوب

ومع العلم ومن باب الأمانة فيه شغلتين ماحكيت عنها وهي :

1- الشرطة اخي موجودة 24/7 ومافي شيء اسمه يوم أحد

2- حاول أن تطلب منه مرة ثانية إستدعاء الشرطة لأني علمت من أحدى الأخوات السويسرات اليوم أن صاحب الفندق ايضا مؤمن وراح ياخذ من شركة التأمين ضعف اللي ياخذه منك

بعدها راح تكون عملت كل شيء بوسعك عمله

رحلة سعيدة

الله يعيييييييييينك وييسر لك امورك

ماقصر ابو عزيز الله يجزاه خير

بارك الله فيك اخي بوعزيز على جهودك في الساحة الحمراء

وبالنسبة لك اخي عابر سبيل حاول مع صاحب الفندق وان شاء الله بينزل اكثر من المبلغ

واستمتع برحلتك

اغلب دورات المياه في اووربا ما يكون فيه تصريف للمويه بدورات المياه بصراحه ما اعرف كيف يغسلونها

كم مره لما نسكن بشقق او فلل مايكون فيها تنظيف يومي ونجي نبغى نغسل دورات المياه بنفسنا مانلقى فتحه التصريف

الله يعينك اخوي وانت غلطت طبعا بس ان شاء الله تلقى حل

المشاركة الأصلية كتبت بواسطة دمـوع الوجـد
http://www.arabtravelersforum.com/tr...2/#post6185802

اغلب دورات المياه في اووربا ما يكون فيه تصريف للمويه بدورات المياه بصراحه ما اعرف كيف يغسلونها

كم مره لما نسكن بشقق او فلل مايكون فيها تنظيف يومي ونجي نبغى نغسل دورات المياه بنفسنا مانلقى فتحه التصريف

الله يعينك اخوي وانت غلطت طبعا بس ان شاء الله تلقى حل



صااااااقه...لدرجة اظطر امسح الارضيه بالمطهر والمنشفه...هذا نظامهم مافيه تصريف بارضية دورة المياه مثلنا....

عموما يهمنا جميعا راحتك عابر سبيل وخلاصك من المشكلة حتى بأقل الخساير

والشكر موصول لابو عزيز

وبالنسبة لمثل هالموقف وش طبيعة التأمين اللي ممكن يسوية الشخص تلافيا لمثل هالمشاكل ؟؟

ودمتم بود

,,

المشاركة الأصلية كتبت بواسطة حب الوفا
http://www.arabtravelersforum.com/tr...4/#post6186014

عموما يهمنا جميعا راحتك عابر سبيل وخلاصك من المشكلة حتى بأقل الخساير

والشكر موصول لابو عزيز

وبالنسبة لمثل هالموقف وش طبيعة التأمين اللي ممكن يسوية الشخص تلافيا لمثل هالمشاكل ؟؟

ودمتم بود

,,

للاسف لايوجد تأمين يعوض حامله عن اضرار تحدث بسبب الاهمال

لكن انا الي اعرفه السفارة يطلبون تأمين طبي على كل مسافر ، تأمين طبي وليس تأمين عن الاضرار الممتلكات

واخبرنا ياعابر سبيل عن آخر التطورات

المشاركة الأصلية كتبت بواسطة كابتشينو79
http://www.arabtravelersforum.com/tr...0/#post6186050

لكن انا الي اعرفه السفارة يطلبون تأمين طبي على كل مسافر ، تأمين طبي وليس تأمين عن الاضرار الممتلكات

واخبرنا ياعابر سبيل عن آخر التطورات

لتصحيح المعلومة

اسمه تأمين سفر أو تأمين شنقن

من ضمنه التأمين الطبي ضد الحوادث والتغطية ايضا حسب شروط ذكرتها بالتفصيل في الدليل

هذا للمعلومية فقط

الله يفرج عنك ان شاء الله

وتحية اعجاب وتقدير للاخ / ابو عزيز جزاه الله خير الجزاء

اعانكم الله اخوي وفرج عنكم. والحمد لله كل شيء بقدر الله. وفي النهاية كل امر تحله الفلوس يعتبر بسيط بالنسبة لغيره. اسأل الله ان يعينكم وينصركم. ونصيحتي تواصل مع اخينا الفاضل والشهم ابو عزيز فهو أكفأ شخص في هذه المواضيع وليس قصورا بالاخرين لكن من واقع خبرته. واحيي فيه شجاعته واهتمامه . لا تنساه من دعاءك ولا تنسانا. نرجو لكم التوفيق.

الله يسهل عليك وابو عزيز ما قصر
ان احتجت شيء انا بعد شوي نازل جنيف وبكره مسافر باذن الله الصباح

واذا الامر وصل للسفاره لا تهتم من هالناحيه الشباب ما يقصرون اكلمهم

الله يجزاك الجنة يابو عزيز ..

والشكر موصول للاخ فيصل ...

والله انكم عون وسند ..

محد يعرف اش صار مع الاخ....

بشرنا ، عسى امورك ضبطت ، والله يجزيهم خير الاخوان ماقصروا ، أنا اشهد أنكم بيضتوا الوجه وكنتم خير عون لاخوانكم في الغربة .

طمنى ايش سار معاك ؟

الله يفرج همك ويخلصك من هالمشكله ....

اي مشكله يمكن حلها بالفلوس تهووووون
ودفعة بلا ماتسوى الواحد يكدر نفسه عشانها وهذا اللي مكتوب لك

والله يفرج عليك

ليتك ترد علينا تقول ايش صار معاك...ونقول ان شاء الله خير

عسى المانع خير ان شاء الله


,,

الله يعينكم بصراااااااحه ما قهرني الا ان عابر يقول فتحنا الدرايش علشان تطقها الشمس والريحه راحت يعني صاحب الفندق ما غير لهم الرووووم رغم هالكارثه؟؟؟؟؟؟؟؟؟؟؟؟ سبحان الله الواحد يحسب ويخطط ويطلع له اتفه امر يعفس الرحلة بس مادام انكم سالمين 1000 فرنك اعتبرها انسرقت منك ومعوض خيييييييييييير

على عجالة ، حبايبي // والتفاصيل والصور لاحقاً

بالمختصر دفعت له 400 فرنك فقط ، لأني أخطأت وأتحمل خطأي ،،

ولأنه لم يستطع عمل ربورت من قسم الشرطة ، بل عمل تقرير ووقعه من مكتب للشرطة ، وحاول يضحك علي بأنه تقرير من الشرطة .. عموماً الرجل أنكشفت لعبته ، ولعبت انا بدوري عليه ، ولم أعطه سوى 400 فرنك


وما قصرتم جميعاً ،،ونعم الأهل
والأخ فيصل هم ماقصرت والسفارة هم ما تقصر ،
أنا ما تصلت عليهم لأني شبه سيطرت على الموضوع ، بس جهزت رقمهم أحتياطاً.

طبعاً الفندق أنا لا أذم فيه بل بالعكس فندق جميل وهادئ وقريب من محطة انترلاكن الغربية
بس تصرف المدير (الأرعن) عكر الجو .

فالذي يسألني عن الفندق ، فأنا أنصحه به ، وشاهدت العرب بكثرة عنده ، ويثنون على الفندق في سجل الزوار .
ولكن الذي سيسكن عنده ، لا ينسى حنفية البانيو مفتوحة !
وهذا صفحة الفندق في البوكينج
http://www.booking.com/hotel/ch/beau...king_confemail

وشكراً لكم ، وسأرجع للتحدث عن الفندق ، في وقت لاحق ، فلدي صور كثيرة له ، ولا أنسى اطلالت النافذة الجميلة

دمتم بحفظ الله ورعايته

الحمدالله ان امورك مشت على ما يرام ولا تعكر نفسك وتخرب عليك سفرتك ، استمتع بها لآخر لحظة ، وزين ان الموضوع وصل ل400 فرنك ، والف الحمدالله على السلامة اخوي عابر .

منجد الحمدالله ع سلامتك
400 فرنك تهوووون
ترجعو بسلامه يارب

المشاركة الأصلية كتبت بواسطة عابر سبيل 2011
http://www.arabtravelersforum.com/tr...0/#post6196840

على عجالة ، حبايبي // والتفاصيل والصور لاحقاً

بالمختصر دفعت له 400 فرنك فقط ، لأني أخطأت وأتحمل خطأي ،،

ولأنه لم يستطع عمل ربورت من قسم الشرطة ، بل عمل تقرير ووقعه من مكتب للشرطة ، وحاول يضحك علي بأنه تقرير من الشرطة .. عموماً الرجل أنكشفت لعبته ، ولعبت انا بدوري عليه ، ولم أعطه سوى 400 فرنك


وما قصرتم جميعاً ،،ونعم الأهل
والأخ فيصل هم ماقصرت والسفارة هم ما تقصر ،
أنا ما تصلت عليهم لأني شبه سيطرت على الموضوع ، بس جهزت رقمهم أحتياطاً.

طبعاً الفندق أنا لا أذم فيه بل بالعكس فندق جميل وهادئ وقريب من محطة انترلاكن الغربية
بس تصرف المدير (الأرعن) عكر الجو .

فالذي يسألني عن الفندق ، فأنا أنصحه به ، وشاهدت العرب بكثرة عنده ، ويثنون على الفندق في سجل الزوار .
ولكن الذي سيسكن عنده ، لا ينسى حنفية البانيو مفتوحة !
وهذا صفحة الفندق في البوكينج
http://www.booking.com/hotel/ch/beau...king_confemail

وشكراً لكم ، وسأرجع للتحدث عن الفندق ، في وقت لاحق ، فلدي صور كثيرة له ، ولا أنسى اطلالت النافذة الجميلة

دمتم بحفظ الله ورعايته

حمدا لله على سلامكتم وآخر الشر إنشاء الله

أعتقد أن غضب صاحب الفندق و طمعه في بداية الموضوع مما جعله يفرض عليك هذا الرقم الفلكي

الشعب السويرسي شعب جدا يحب النظام ويكره ويغضب جدا ممن يخالفه

وماتصدق كمية المخالافات المالية اللي تفرض على ربعنا في الفنادق مثل ماذكرت لك قبل في الايميلواللي اكثرها وتتكرر كثير هي نشر الغسيل هههه

أكثر مايقلق هذي الفنادق التشهير والدعاية السلبية خاصة اذا كان المسافر مثل حالاتي يكت في ويرجع الفنادق في التريب أدفايسور

ومثل حالتك تكتب في منتديات السفر ومنها العرب المسافرون

وكنت أنوي لعب الورقة الرابحة الأخيرة قبل موعد سفركم لكن عرفت فيما بعد بتغير سلوك صاحب الفندق وتخفيض المبلغ ليصبح معقول ومنطقي وعادل

انتهت قصتك على خير وسبحان الله الدنيا صغيرة جدا

الحمدلله على سلامتك

وتحية لفيصل وابوعزيز وبقية الاعضاء اللي شاركوا في هذا الموضوع

،,

الحمدلله عالسلامه اخوي

الحمدلله علي كل حال

اللهم لك الحمد انها انتهت على 400 ..۔ الله يوفقك يا ابو عزيز ويسخر لك يارب ولا يهون فيصل

يلاا الحمدلله ع السلامه .۔ تصرفك حلو عشان يغيرو النظره السلبيه لنا..

الحمدلله على السلامه اخوي و اعتبرها دافعة بلاء

انا قبل سنتين صار لي نفس موقفك في جنيف فندق كورنافين اللي بجنب محطة القطار و اليوم الثاني جاوا و شيكوا على دورة المياه و انتو بكرامة و لقوها مليانه مويه و زعلوا و قالوا لي ما يصير كذا الدور اللي تحتك اندمر سقفه من المويه و لازم نكلم المدير و جيتهم اليوم الثاني و قال لي الموظف كلمت المدير و قال لي بما انها اول مرة بنمشيها لك لكن مرة ثانية انتبه
و الصراحة انا انحرجت من تعاملهم المحترم معاي و لكن للاسف ما كنت ادري انو حمامهم مافيه تصريف فالمفروض على الاقل يكتبون لافته داخل الحمام