المشاركة الأصلية كتبت بواسطة ARYAM UAE
http://www.arabtravelersforum.com/tr...0/#post6292530
وبعد تذكرت استفسار مهم جدا جدا جدا
الا وهو التكييفطبعا كلكم تعرفون ان أغلب المناطق الريفيه لا يوجد بها تكييف مثل انترلكن ( اذكر فيها فندق واحد بس فيه تكييف اظني فندق فكتوريا ) بس حتى لو يكون الجو بارد نوعا ما في الصيف في الخارج بس لما نكون داخل الفندق ومسكرين الدرايش يكون الجو كتمه ونحنا مب متعودين ننام والدرايش مفتوحه وغير ذلك ممكن يكون في اصوات مزعجه من الخارج
عاد انته شو رايك في هالأمر
وشو المناطق اللي تحرص تحجز فيها سكن مكيف (المدن الكبيره مثلا مثل ميلان وميونيخ وجنيف وزيوريخ وفيينا)
أرجو ما اكون أزعجتك باسألتي
ودمت بكل خير
مثل موقع بوكينج يعطي خيارات بالمواصفات اللي تبغينها في السكن
فاذا حابه تسكنين في فندق مكيّف اضغطي على خيار التكييف
وبتطلع لج كل الخيارات المتاحه ان وجدت
بس بالأخص في بعض المناطق مثل انترلاكن وزيلامسي وهالقرى الخيارات قليله
فبالتالي ممكن تكوني محصوره بفندق معيّن ... وهالفندق ممكن مايكون مناسب لكم لامن موقع ولامن مستوى
هذا اللي يعيب بعض المناطق وبالأخص فنادق اوروبا وقت الصيف ..۔ انت وحظك مع الجو وتقلباته
==
وأعترف بأن المدن مهما كانت فهي ليست من هواياتي ..۔ اللهم أول محطه للوصول وآخر محطه للمغادره
وبالنسبه لي أنا رحت ايطاليا السنه اللي طافت وكانت سفرة شباب عزاب ..۔ فأبد ماكنت احاتي الجو
وسكنا قرب ساحة الدومو وماكنا نحاتي المواصلات كون عندنا سيارتنا
فانتو ان كانت عندكم سياره اسكنو في الفندق اللي يناسبكم ولاتحاتو موقعه
لكن ان كان ماعندكم سياره فاختارو سكن قريب من الدومو .۔ بس بترجعو للخيارات المحدوده
بالنسبه لميونخ سكنت في شقق قرب المارينا بلاتز ( ساحة مريم ) وكنا نروح مشي
السكن عن طريق السماسره العرب المعروفين هناك
لكن في فنادق لو حابين حلوه ومواجهة للساحة مثل Hotel Königshof
وفي شقق بعد عند عرب ومش بعيده .۔ بس طبعا هاذي أسعارها أغلى ..۔ باختصار لأنهم عرب واحنا عرب
==
جنيف رحتها وماعجبتني ..۔ وان الله أعطاني عمر وزرت سويسرا مره ثانيه ماراح أضيع وقتي فيها مره ثانيه
بتروح وقت المهرجان شهر 8 ممكن هذا يعطيها جو
غير هذا شارع وبحيره ومقاهي ... وبعدين شالسالفه ياجماعه ؟!!
بس قلت دامي موجود في سويسرا بمر على جنيف اللي يتكلمون عنها دامي في الجوار
غير هذا القرار للي بيروحها بس أنا ماعجبتني ..۔ ويعذروني أهل جنيف لكن هذا رأيي الشخصي وعن قناعه
علما بأني مارحتها في هالسفره .. لكن زرتها في سفره سابقه
==
زيورخ سكنت في الماريوت وكان حلو على النهر
==
فيينا سكنت في الماريوت بعد ..۔ حلو وأمامك مباشره حديقه حلوه للأطفال والتمشيه
وموقعه كان حلو .۔ خلفك الساحة
==
هذا باختصار المناطق اللي يفضل السكن في هالمناطق
وانتي واختيارج للفندق المكيف
==
ومافي أي ازعاج الشيخه ..۔ مرحبا بج أي وقت
المشاركة الأصلية كتبت بواسطة رسم الخطى
http://www.arabtravelersforum.com/tr...0/#post6293290
يعطيك العافيه اخوي ابو مانع تقرير مميز وحرصك على الرد على كل أسئلة الاعضاء برضو هذا بحد ذاته تميز
فكرة التنويع في اماكن السكن وبالاخص الغير معروفه فكره ممتازه
انا معاك 100% بالنسبه لطبخ في السفر السنه الي طافت رحت النمسا والمانيا و سويسرا وفرنسا وكان الطبخ على طول الرحله في السكن وكل مستلزمات الطبخ اخذتها معاي من البلد حتى اللحم والدجاج والربيان
متابعينك
للأسف الصور الي في التقرير ماطلعت عندي
الله يعافيكم و يواليكم الصحه والعافيه على الدوم ان شاء الله
ومانقوم الا بالواجب ..۔ فشكرا على كلماتكم النيره واللي نعتبرها تاج على روسنا
والتنويع حلو ويبعدك عن البرستيج والروتين المعتاد عليه
وأحلى شي سويتوه انكم أخذتو كل مستلزماتكم وياكم
وهذا تأييد لكلامي بأن طبخك بنفسك في هالسفرات يعطي طعم آخر للسفره
أهنيكم على ماقمتم به
والصور موجوده لكن ممكن يكون تواجدتو وقت بريك أو اجازة ويك اند والصور في اجازه (*_^)
أتمنى انكم قدرتو تشوفو الصور بعد وضع ردكم هذا
ولو ماصار نوصلها لكم على سيدي وين ماتكونو ونعطيكم لها بالدقه العاليه ..۔ لاتحاتو
المشاركة الأصلية كتبت بواسطة aryam uae
http://www.arabtravelersforum.com/tr...4/#post6295214
شكرا لك أخوي بومانع على مجهودك الرائع
وهذا تقريبا نفس خط السير اللي انا سويته
وصدقوا اللي قالوا : ما خاب من استشار
وبعد افكر أخلي سكني في المانيا واللي هو المحطة الأخيره قبل العوده الى الوطن يكون في قارمش وليس ميونخ ما دام المسافه بينهم مش كبيره تقريبا ساعه وثمان دقايق وأنا من ضمن برنامجي زيارة القمة الثلجية في قارمش و لأني أحب أسكن أكثر وقت ممكن في المناطق الريفيه وأبعد عن المدن
ودمت بكل خير
ولو اختي حاضرين وماسوينا الا الواجب
==
ممكن يكون قارمش ليش لا
أنا كنت ساكن في ميونخ وأطلع الى قارمش والمسافه مش كبيره
لكن انتو لو كنتو تبغو تروحو ميونخ للتسوق مثلنا خلو سكنكم في ميونخ نفسها
لأنكم حول الأسواق وماراح تضربو مشاوير كل يوم من قارمش الى ميونخ عشان السوق
وبتروحو السوق أي وقت تبغو وترجعو السكن أي وقت .۔ وترجعو تواصلو تسوق .۔ الخ
لكن ان كنتو بتخصصو لها مجرد طلعه وحده مثلا وماودكم تسوّق ف اسكنو في قارمش أحلى وأشرح
==
وها يا أريام شي استفسارات اخرى بعد ؟
ترانا حاضرين ولاتترددي
المشاركة الأصلية كتبت بواسطة كوتي
http://www.arabtravelersforum.com/tr...6/#post6295256
الله يجعلك يابو مانع ووالديك ومن تحب في الجنه
حرصك على مساعدة الاعضاء يدل على طيب معدنك واصلك
رح يابو مانع جعل ربي يوفقك ويسعدك ويرزقك
والله يكثر من أمثالك
الله يجعل الجنه مثواك ومثوانا ومثوى جميع اخونا الأعضاء والقراء وجميع المسلمين يارب
ومن طيب أصلك يالحبيب ..۔ ومانقوم الا باللي نقدر عليه
وان شاء الله ان الاخوان يكونو راضين عن كل مانطرحه سواءا من تقرير أو استفسارات على أسئلتهم
وعساك عالقوه استاذي
المشاركة الأصلية كتبت بواسطة um zainab
http://www.arabtravelersforum.com/tr...8/#post6295698
رسم الخطى ممكن اعرف كيف اخذتي معاك الدجاج واللحم والروبيان في الطائرة؟
هلا اختي ام زينب
هالأغراض أكيد ان رسم الخطى شاحنينها مع العفش وليس في الطائره يدويا
يفضل تثليجها ووضعها في ترمس أو حافظة مع وضع ثلج لحفظها عن الذوبان
الواحد يعمل حساب وقت خروجه من البيت + وقت الاقلاع + مدة الاقلاع + مشواره للسكن هناك + احتماليه التأخير فالرحله وفي المطار نفسه قبل استلام الأغراض
فتكون مثلجه صح تحسبا لعدم ذوبانها خلال فتره بسيطه وللمحافظه عليها
==
وبعد مانستغني عن تجربة رسم الخطى لافادتنا بطريقتهم
المشاركة الأصلية كتبت بواسطة شارلوك هولمز
http://www.arabtravelersforum.com/tr...4/#post6298934
جهد متميز حبينا ابومانع
وجهد ايضا في الاجابة على الاستفسارات الاخوة الله لايحرمك اجرة
وبانتظارك
هولمز
منور ياهولمز وشكرا على ماأبدعت من حروف
طالت الغيبه ...۔ يعلها بالناقص
المشاركة الأصلية كتبت بواسطة eessa
http://www.arabtravelersforum.com/tr...2/#post6299222
عسى المانع خير يا أبو مانع
أشتقنالكم وأشتقنا لتكملة تقريرك يا الغالي
سؤال؟سعر الكوخ اللي أنت حاطه باليوم!!!!!
متابعينكلك أطيب التحايا
الحمدلله المانع خير استاذ عيسى
اللهم اني فالدوام ودخولي مجرد ردود كتابيه
لكن ان شاء الله في هالويك اند اختم التقرير بكم صوره متواضعه
==
ونعم شيخي .۔ السعر باليوم
==
قلنا رخص ياعيسى بس مو للدرجه هاذي ... أجل تتوقعه فالاسبوع !!
ههههههههه
حبيبي والله ياعيسى
المشاركة الأصلية كتبت بواسطة aryam uae
http://www.arabtravelersforum.com/tr...8/#post6303178
صباح الخير بو مانع
الحمدلله على السلامهعن أكون أزعجتك باستفساراتيوالله عاد أنا أشوف المكان اللي باستفيد منه أكثر وأحط استفساراتي وما لي خص وانته كريم ونحنا نستاهلوبعد أدري ما بتقصر باي معلومه تعرفها ممكن نستفيد منها أنا والأعضاءودمت ذخرا لمنتدى العرب المسافرون
وشكرا شكرا شكرا لك
صباح ومساء الخير الشيخه
ويسعد أيامج دوم يارب
==
لاشكر على واجب
ونحن حاضرين في أي وقت طال عمرج
وأبد ماعلينا كلافه ونتشرف بخدمتكم
واذا عندج أي استفسار بعد لاتترددي
الأهم من هذا اني أقدر أفيدكم ولو بالقدر البسيط
وختامه مسك وفل وعنبر وطبيعه وأنهار واشجار وثلوج بعد
شفت صوره من الصور طايح فيها ثلوج أكيد هاي المنطقة مرتفعه وايد ما أدري اذا انته ذكرتها من قبل والا لا برجع أقرا التقرير من أول واذا لا اكتبلنا اسمها اذا سمحت بصراحه تلخبطت عندي الأسامي من كثر التقارير اللي قريتها
وشكرا جزيلا والله الكيبورد يعجز عن الشكر
المشاركة الأصلية كتبت بواسطة شارلوك هولمز
http://www.arabtravelersforum.com/tr...0/#post6312160
ارفع القبعة لك استاذي ابومانع تقرير يستاهل التثبيت وبقوة
ماشاء الله مانع واخوانه وش زينهم الله يحفظهم
عشنا معاك ايام جميلة وفيت بوعدك
ومع ضروفك ووقتك اللي مومساعدينك ومع ذلك وفيت
لن اقول ودعاً بل سنلتقي على الخير والمحبة
هولمز يحيك ويتمنى لك ولاسرتك السعادة في الدارين
منور بوجودك اخوي هولمز
وأعترف بتقصير بدر مني في هالتقرير وتأخرت عليكم
بس انتو أهل الأعذار وبتعذرونا أكيد
وأنا اللي فعلا استانست بحضوركم ومتابعتكم لكل ماسطرت في صفحاتي المتواضعه
أسأل الله أن ينفع بما كتبنا ويعفو عن ما أخطأنا فيه
وأسأل الله رب العرش العظيم أن يشفيك استاذي
وأن نراك فالقريب العاجل وأنت بكامل صحتك وعافيتك يارب
ولنا لقاء باذن الله في الوقت القريب
المشاركة الأصلية كتبت بواسطة ARYAM UAE
http://www.arabtravelersforum.com/tr...4/#post6312744
وختامه مسك وفل وعنبر وطبيعه وأنهار واشجار وثلوج بعد
شفت صوره من الصور طايح فيها ثلوج أكيد هاي المنطقة مرتفعه وايد ما أدري اذا انته ذكرتها من قبل والا لا برجع أقرا التقرير من أول واذا لا اكتبلنا اسمها اذا سمحت بصراحه تلخبطت عندي الأسامي من كثر التقارير اللي قريتها
وشكرا جزيلا والله الكيبورد يعجز عن الشكر
المنطقة اللي فيها ثلوج هي مقر سكننا في سويسرا
وسبق وقلت بأنها تبعد عن انترلاكن مسافة 46 كم
و فعلا هي مرتفعه الشيخه ..۔ 1500 م
و اسم المنطقة هو
adelboden
وهذا رابط للكوخ نفسه من نفسى الموقع اللي حجزت عن طريقه
http://www.en.e-domizil.ch/vacation-...rland/#summary
وفيه كل التفاصيل اللي تحتاجونها عنه
المشاركة الأصلية كتبت بواسطة الكعبي15
http://www.arabtravelersforum.com/tr...4/#post6312814
تقرير جميل ورائع .۔
الله يعطيكم العافيه .۔
تسلم يالكعبي على متابعتك المستمره
والله يعافيك من كل شر
المشاركة الأصلية كتبت بواسطة كوتي
http://www.arabtravelersforum.com/tr...6/#post6313336
جعل اليدين اللي سوت التقرير مايجيها النار
شكر وتقدير واحترام لك اخوي ابومانع على كل ماقدمت
الصراحه انت غيرت مفهوم السكن للاعضاء
بس ياليت يالغالي لو تحط عنوان السكن في سويسرا
والله يجزاك خير ويوفقك ويرزقك ويسعدك
الله يجيرنا ويجيركم من النار ان شاء الله
ويجعل الجنه مثواكم ومثوانا يارب
ولاشكر على واجب استاذي
بالعكس أنا اللي أعتذر ان بدر مني أي تقصير
==
والعنوان مايمنع أكرره في أي رد طلب مني
تفضل الشيخ هذا الرابط بكل تفاصيله
http://www.en.e-domizil.ch/vacation-...rland/#summary
وعين الرحمن ترعاك
المشاركة الأصلية كتبت بواسطة ARYAM UAE
http://www.arabtravelersforum.com/tr...6/#post6314466
خلاص بومانع عرفت اسم المنطقة حتى أنا مخزنتنها في برنامج الطقس اللي في الآي فون بس طول الوقت على بالي انها في سويسرا بس اسمها طويل وصعب الصراحه
بس الصور شي شي فنان في الشعر وفنان في التصوير بعد ( ما شاء الله عليك )شو كيمرتك ؟؟؟
معلش يا أريام خلينا نعيد حبه حبه عشان مانضيع
القريه هاذي في سويسرا ..۔ يعني اللي كان فبالج طول الوقت صح ليش غيرتيه
واسمها مثل ماذكرت
adelboden
==
بالنسبه لنوع كاميرتي هو نيكون دي 90
Nikon D90
والعدسه اللي أستخدمها في السفر وتريحني من أخذ أكثر من عدسة في السفر لتعدد استخداماتها هي
Sigma 18-250mm f3.5-6.3 DC OS HSM
ومعظم الصور الموجوده في هالتقرير ماخذهم بهالكاميرا وهالعدسه
لكن شايل معي كاميرة فيديو سوني للعائله بالاضافه لكاميرا كانون صغيره للاستخدامات السريعه
==
وأشكرج على كلماتج الجميله
ومنج السموحه ..۔ ولاتزعلين منا ترانا نسولف وياج
والله يحفظج ان شاء الله
المشاركة الأصلية كتبت بواسطة the universal
http://www.arabtravelersforum.com/tr...6/#post6315336
كل بداية ولها نهاية ولكن نهيتك مميزة بصور راائعة ماشاء الله
الله يعطيك الف عافية ويخلي لك كتاكيتك وزوجتك يارب ۔
لنا لقاء بتقرير اخر باذن الله
تحياتي وشكري لماقدمته للجميع
(( سبحانك اللهم وبحمدك اشهد ان لا اله الا انت استغفرك واتوب اليك ))
وأنا أقول لكم وللعرب المسافرون
==
كل شي وله بدايه أكيد فيوم بينتهي *** الا ّ حبي لك ياغالي من الى مالا نهايه
==
الله يعافيكم ويواليكم الصحه والسلامه يارب
ويخليكم لمغليكم
وباذن الله لنا لقاءات قادمه
وأشكركم على متابعتكم وردودكم المميزه مثلكم
الله عليك يا أبو مانع ما أقول ألاا الله يحفظ لك مانع وأخوانه وامهم يارب ويخليك لهم
الله يرحم والديك
ابداع تقرير سلس وغير ممل الله يعطيك العافيه تصوير أحترافي قواك الله
عندي سؤال بخصوص السكن بسويسرا هل تنصح بالسكن في نفس المكان اللي سكنت فيه (مع العلم أنه السفره شهر عسل ) ولا فندق أفضل حق الدلع ۔ هل تأيد فندق معين في انترلاكن او لوسيرن
اسف على الإطاله
المشاركة الأصلية كتبت بواسطة سواح1111
http://www.arabtravelersforum.com/tr...2/#post6315682
والله صور تبيض الوجه يابو مانع
طبيعة واجواء قمة في الروعة والروقان..الله يرزقنا جنة الفردوس
بس اذا ماعليك امر شوية صور وتفاصيل للكوخ بسويسرا
الله يحفظلك مانع واخوانه يارب
الله يجعلنا واياك من تبيضّ وجوههم يوم القيامه ...۔ قول آمين
شكرا على ماكتبت وشكرا على ماأبدعت
==
وتفضل يالحبيب هالرابط فيه كل ماتبحث عنه بخصوص سكن سويسرا
http://www.en.e-domizil.ch/vacation-...rland/#summary
المشاركة الأصلية كتبت بواسطة aryam uae
http://www.arabtravelersforum.com/tr...8/#post6320118
hollersbach أنا قصدي هاي المنطقة اللي في النمسا بس طلع الثلج مب فيها طلع في سويسرا
المهم المنطقتين كلهم حلوات
والحين انا أتشاور بين نيكون وكانون
خلاص باشتري نيكون دام الصور اللي في تقريرك منها
خذي النيكون وان شاء الله تفي بالغرض
وننتظر ابداعاتج في تقاريرج عن كل سفره تقومي بها
وننتظر ابداعاتج في كل صوره تلتقطينها
وأي خدمه بعد نحن حاضرين
المشاركة الأصلية كتبت بواسطة لية كذا
http://www.arabtravelersforum.com/tr...6/#post6320146
الله عليك يا أبو مانع ما أقول ألاا الله يحفظ لك مانع وأخوانه وامهم يارب ويخليك لهم
الله يرحم والديك
ابداع تقرير سلس وغير ممل الله يعطيك العافيه تصوير أحترافي قواك الله
عندي سؤال بخصوص السكن بسويسرا هل تنصح بالسكن في نفس المكان اللي سكنت فيه (مع العلم أنه السفره شهر عسل ) ولا فندق أفضل حق الدلع ۔ هل تأيد فندق معين في انترلاكن او لوسيرن
اسف على الإطاله
تسلم يالحبيب على كل ماكتبت وأبدعت
وتسلم على دعواتك الجميله واللي تدل على طيب أصلك
ومبروكين مقدما والله يجمعكم على خير ويوفقكم لما يحب ويرضى
ويبارك فيكم وفي مالكم وأولادكم ..۔ وعسى الله يجمعكم مع بعض في جنات الفردوس يارب
==
استاذي الفاضل
القريه اللي أنا سكنت فيها في سويسرا قريه هاديه ورومانسيه وتصلح لتجديد شهر العسل
لكن دامك بتروح كبدايه وأول سفره لكم مع بعض ..۔ فأنصحكم بالسكن وسط انترلاكن
تعرف استاذي الخجل في البدايه شي لابد منه ولا حد ينكره ..۔ سواءا من الطرفين أو حتى من طرف واحد
ف يبغيلكم جو فيه شوية حركه وزحمه تبعد هالحاجز ..۔ عالأقل في أول سفره لين تتعودون
ومنها انت شي أكيد مابتخلي العروس تطبخ من أول أيام ( ولا ناوي تسويها يا ليه كذا )
وعندك فنادق وسط انترلاكن حلوه وباطلالات حلوه ..۔ بعطيك أكثر من خيار وانت لك القرار
Victoria Jungfrau Grand Hotel & Spa
http://www.booking.com/hotel/ch/vict...X1&aid=1329869
Hotel Bellevue
http://www.booking.com/hotel/ch/bell...X8&aid=1329869
Brienzersee
هالفندق يبعد حوالي 3 كم عن وسط انترلاكن ..۔ شوفه لو ناسبك
http://www.booking.com/hotel/ch/brie...869&lang=en-gb
وفالأخير أتمنى لكم سفره واقامه سعيده
والله يتمم عليكم على خير
و تروحو و ترجعو بالسلامه ان شاء الله
ماشاء الله عليك
ما قصرت يا ابو مانع تقرير كامل و متكامل
با النسبة للتصوير البنورامي هل كان با الكامير دي90 و بعدين تم دمجها با الفتوشوب
ام بكاميرا اخرى
ها الصورة فين كانت و على ارتفاااع كم تقريبا عن سطح البحر
و ما وجدت عوائق اثناء السير على الثلج با السيارة
ام الامور سهلة
كل الشكر لك و لتقريرك الأرووووع
المشاركة الأصلية كتبت بواسطة لية كذا
http://www.arabtravelersforum.com/tr...4/#post6320824
الله يسلمك يالغالي ۔ ويبارك فيك ۔ تسلم على الدعوه الحلوه
ضحكتني لمن قلت بتخلي العروس تطبخ تخيل عاد عروس وتطبخ بشهر العسل (مافيها شي بس قويه )ههههه
[size="3"]تفضلت وقلت استاذي الفاضل
نتعلم من بعضنا ياخوي والحال واحد
وبالنسبه ل ديفون و لوسيرن
ديفون أحلى مافيها انها أرخص من جنيف
و أعتقد هذا سبب رئيسي لتحول الناس للسكن فيها لأن الفنادق والشقق أسعارها أقل
و لوسيرن حلوه ويكفيها من يوم الى يومين ومش بعيده عن مقركم في انترلاكن
والسموحه منك الشيخ على التأخير
السلام عليكم ورحمة الله
خليتك ترتاح من أسئلتي فترة لا بأس بها
بغيت أسالك
سكنكم في النمسا يبعد تقريبا 6 ساعات و26 دقيقة عن سكنكم في سويسرا ما تشوف ان المسافه بعيده وتآخذ وقت طويل
وبعد لي طلب اذا ما عندك مانع بس انته عندك مانع وسعيد ما شاء الله ههههههه
ما خبرتنا عن رحلاتك اللي كنت تقوم فيها للمناطق المجاورة لسكنكم سواءا في النمسا والا سويسرا وهل في اماكن جديدة اكتشفتها غير المتعارف عليها وكم كانت مدة سفرتكم
وشكرا لسعة صدرك وطولة بالك
المشاركة الأصلية كتبت بواسطة برنسs
http://www.arabtravelersforum.com/tr...0/#post6322240
ماشاء الله عليك
ما قصرت يا ابو مانع تقرير كامل و متكامل
با النسبة للتصوير البنورامي هل كان با الكامير دي90 و بعدين تم دمجها با الفتوشوب
ام بكاميرا اخرى
ها الصورة فين كانت و على ارتفاااع كم تقريبا عن سطح البحرو ما وجدت عوائق اثناء السير على الثلج با السيارة
ام الامور سهلة
كل الشكر لك و لتقريرك الأرووووع
حياك الله اخوي البرنس
ويامرحبا بك ومسهلا
==
بالنسبه للصور المعروضه في التقرير كلها مأخوذه عن كاميرة نيكون دي 90
سواءا الصور العاديه أو حتى البانوراميه
بعدها أقوم بدمجها عن طريق الفوتوشوب مثل ماتفضلت شيخي
==
والصوره اللي فوق كانت في ساحة الكوخ في قرية أديلبودن في سويسرا
ولعيونك بعد أحط الرابط هنا
http://www.en.e-domizil.ch/vacation-...rland/#summary
والسكن كانت على ارتفاع 1350 م عن سطح البحر
==
والثلج كان في استقبالنا أول يوم لنا في سويسرا وذاب بعد يومين
والحمدلله ماواجهتنا أي صعوبات أثناء القياده بين الثلج خلال هاليومين
لأن مثل ماتعرف استاذي نحن على ارتفاع وهالثلوج فقط في المناطق المرتفعه
يعني لما ننزل تحت تنمحي آثار الثلوج والشوارع عاديه والامور طيبه فيها
بس بعد أثناء قيادتنا للسياره فوق كان الحذر لابد منه
لأن الثلوج تزلق ونحن ماكنا مجهزين السياره للثلوج وبالأخص التواير مثل سلاسل للكفرات ..۔ الله يعزكم
( في سفرتي اللي طافت لايطاليا وفرنسا وقت الشتاء كنا ماخذين هالاحتياطات ومستأجرين معدات الثلوج لنا وللسياره )
==
والاحتياط واجب في كل الظروف
والله يحفظنا ويحفظكم وين ماتكونو يارب
المشاركة الأصلية كتبت بواسطة aryam uae
http://www.arabtravelersforum.com/tr...0/#post6332470
السلام عليكم ورحمة الله
خليتك ترتاح من أسئلتي فترة لا بأس بهابغيت أسالكسكنكم في النمسا يبعد تقريبا 6 ساعات و26 دقيقة عن سكنكم في سويسرا ما تشوف ان المسافه بعيده وتآخذ وقت طويلوبعد لي طلب اذا ما عندك مانع بس انته عندك مانع وسعيد ما شاء الله هههههههما خبرتنا عن رحلاتك اللي كنت تقوم فيها للمناطق المجاورة لسكنكم سواءا في النمسا والا سويسرا وهل في اماكن جديدة اكتشفتها غير المتعارف عليها وكم كانت مدة سفرتكم
وشكرا لسعة صدرك وطولة بالك
عليكم السلام والرحمه اختي أريام
وزين ماقصرتي ..۔ كانت فتره لابأس بها حافظي على هالمستوى ههههههههههه
المده صحيح 6 ساعات ...۔ لكن 6 ساعات بين طبيعه وخضره وجبال وأنهار وشلالات ومناظر ماتنمل والوقت يجري
ونحن ياطويلة العمر طالعين من السكن مش بدري بدري ..۔ طالعين حول الساعه 10 الصبح
فطرنا وجهزنا غدانا وشليناه ويانا واستوقفنا في الطريق نريّح ونتغدا وستمتع بالأجواء لأن معتبرينه طلعه عاديه ورحله يوميه
ماكنا مفكرين بالخط والمشوار ومسافته أو مدته ... لأن هذا جدول يومي نطلع الصبح ونرجع المساء
اللهم جدول هالطلعه غير ... كان من مقر اقامه الى مقر اقامه ومن دوله الى دوله اخرى
==
لكنها على حسب مزاج الواحد
ففي ناس ماعندها مشكله ويا المسافات ...۔ وأنا واحد منهم
وفي ناس تتعب من الخطوط وماودها تضرب مشاوير ..۔ ممكن لأسباب صحيه أو نفسيه
وكل واحد وموقعه من الاعراب
==
وأنا ماكنت بخبرج عن رحلاتنا لأن عندي مانع ..۔ بس بخبرج عشان عندي سعيد هههههههه
بالنسبه للرحلات ماشاء الله اخواننا مامقصرين بتقاريرهم وتعدد وجهاتهم
لكن يكفي انك انت تشوف شي جديد بنفسك وتستمتع في سفرتك
بغض النظر سبق وزارها اخوانك العرب قبل أو انت أول من قام بزيارتها
==
والسموحه على اختصاري
لكن أتمنى تلقين فيه اللي تبحثين عنه
==
وعين الرحمن ترعاج
عيبتني وايد جملة
كل واحد وموقعه من الأعراب
كل الشكر لك
تعرف أنا يوم أشوف المسافات أختار منطقة في وسط الطريق ذو المسافة الطويلة للاستراحه والاستكشاف يعني مثلا الطريق بين كابرون ولوزيرن طويل خمس ساعات وشي فاخترت انسبروك لان سمعت وقريت عنها وايد فليش ما أمر عليها وبعد في نفس الطريق فادوز عاصمة ليختنشتاين اذا الوقت يسمح نمر عليها بعد
وصدقت في سالفة الطريق ان ما ينمل منه لو زادت عدد الساعات من حلاته وزينه وخاصة الاستراحات اللي فيه كأنها حدايق العاب وطبعا الجو حلو ويساعد حتى مره نحنا طلعنا من جنيف قاصدين باريس وخذنا في الطريق ما ادري ثمان والا تسع ساعات لانا كنا نتوقف في الطريق ولا حسيت بالوقت أبدا كأنهم ساعتين والا ثلاث ساعات مروا علي
أتذكر في أول التقرير كتبت في أول مشاركة لي اني حاسة اني باستفيد من هالتقرير وايد واحساسي صادق وفعلا استفدت وايد مع ان هذا أول تقرير أقراه لك
مجددا كل الشكر لك
المشاركة الأصلية كتبت بواسطة aryam uae
http://www.arabtravelersforum.com/tr...8/#post6332508
بعد عندي ملاحظة
اسمك بومانع وتحت الاسم الفارس وباقي الأعضاء مكتوب لهم غير (مسافر متميز) (مسافر متألق)عندك واسطة ؟؟؟؟؟؟؟؟؟
والا هذا كان اسمك السابق ؟؟؟
دقيقه في ملاحظاتج ماشاء الله عليج
ترا مسافر متميز و مسافر متألق بعد زينين يا أريام
المشاركة الأصلية كتبت بواسطة yas599
http://www.arabtravelersforum.com/tr...2/#post6335162
يعطيك العافية على التقرير
ويسلم يديك من النار والله يجزاك الف خير على كل حرف تكتبه من اجل مساعدة المسافرين
وحاب اسألك عن توقيت الرحلة متى كانت ومتى شفتوا الثلج بسويسرا ؟؟
الله يعافيك شيخي من كل شر
والله يجيركم ويجيرنا من النار ان شاء الله
==
كانت سفرتنا الى سويسرا في شهر يونيو ( شهر 6 ميلادي )
والثلوج كانت في استقبالنا أول يوم وصلنا فيه
المشاركة الأصلية كتبت بواسطة aryam uae
http://www.arabtravelersforum.com/tr...0/#post6335960
عيبتني وايد جملة
كل واحد وموقعه من الأعرابكل الشكر لكتعرف أنا يوم أشوف المسافات أختار منطقة في وسط الطريق ذو المسافة الطويلة للاستراحه والاستكشاف يعني مثلا الطريق بين كابرون ولوزيرن طويل خمس ساعات وشي فاخترت انسبروك لان سمعت وقريت عنها وايد فليش ما أمر عليها وبعد في نفس الطريق فادوز عاصمة ليختنشتاين اذا الوقت يسمح نمر عليها بعدوصدقت في سالفة الطريق ان ما ينمل منه لو زادت عدد الساعات من حلاته وزينه وخاصة الاستراحات اللي فيه كأنها حدايق العاب وطبعا الجو حلو ويساعد حتى مره نحنا طلعنا من جنيف قاصدين باريس وخذنا في الطريق ما ادري ثمان والا تسع ساعات لانا كنا نتوقف في الطريق ولا حسيت بالوقت أبدا كأنهم ساعتين والا ثلاث ساعات مروا عليأتذكر في أول التقرير كتبت في أول مشاركة لي اني حاسة اني باستفيد من هالتقرير وايد واحساسي صادق وفعلا استفدت وايد مع ان هذا أول تقرير أقراه لك
مجددا كل الشكر لك
عين الصواب اختي أريام ..۔ وهذا أفضل حل للاستفاده من طول الطريق والمناطق اللي يمر عليها
و دولة ليختنشتاين حلو الجلوس فيها وخاصة في الأجواء المغيّمه وفوقك القلاع التاريخيه
تصلح لاستراحه قصيره لوجبة خفيفه وسوالف فهالأجواء وآيسكريم بنكهات ليختنشتاينيه
==
وتشرفنا بج والله انتي والاخوان اللي شاركونا بردودهم وتجاوبهم ويانا
وماطرحنا هالتقرير الاّ لافادتكم بكل اللي نقدر عليه
والاستفاده منكم ومن خبراتكم ..۔ أو حتى من تساؤلاتكم اللي تغني عن تقرير بأكمله
المشاركة الأصلية كتبت بواسطة أبو مانع
http://www.arabtravelersforum.com/tr...8/#post6336658
دقيقه في ملاحظاتج ماشاء الله عليج
ترا مسافر متميز و مسافر متألق بعد زينين يا أريام
بس الفارس أزين منهم
أول مره ..................۔ أكمل الفراغ
المشاركة الأصلية كتبت بواسطة aryam uae
http://www.arabtravelersforum.com/tr...2/#post6337552
بس الفارس أزين منهم
أول مره ..................۔ أكمل الفراغ
مشكلتي متخرج كي جي 1
وانتي أسئلتج كي جي 2 صعبه عليّ
المشاركة الأصلية كتبت بواسطة شارلوك هولمز
http://www.arabtravelersforum.com/tr...6/#post6374286
ابو مانع حبيبي
كل عام وانت بخير والاسرة الكريمة
ومن تحب
هولمز
أتمنى انك تكون بألف صحه وعافيه ياخوي هولمز
ياريت لو تطمنا عنك وعن صحتك ونشوف حروفك الجميله من جديد وانت بأتم الصحه والعافيه يارب
المشاركة الأصلية كتبت بواسطة Proud2BQ80
http://www.arabtravelersforum.com/tr...7/#post6936257
جزاك الله كل خير .. فعلا استفدنا من تقريرك
بس ممكن رابط سكنك في النمسا
اقصد الكوخ نفسه .. اسم الكوخ
دخلت على الموقع اللي كتبته .. بس بغيت اسم الكوخ نفسه او الرابط مباشرة
تفضل استاذي هذا رابط الكوخ مباشرة
http://www.almliesl.com/house/salzbu...184-125s1.html
موفقين ان شاء الله
اخوكم
أبو مانع
السلام عليكم ورحمة الله وبركاته ،،
منتدى وموضوع اكثر من رائع بوجود منهم من امثالك يابو مانع وتقبل مشاركتي الاولى.
سؤالي يا غالي :
كم يبعد الكوخ عن مطار جنيف لاني ناوي يكون مطار الوصول جنيف ؟
واذا امكن تزودنا بالاحداثيات
ولكم كامل الاحترام والتقدير مني ومن الجميع على رقيك في تعاملك وذوقك الجميل من الموبايل
المشاركة الأصلية كتبت بواسطة aljuraish_m
http://www.arabtravelersforum.com/tr...2/#post7674962
السلام عليكم ورحمة الله وبركاته ،،
منتدى وموضوع اكثر من رائع بوجود منهم من امثالك يابو مانع وتقبل مشاركتي الاولى.
سؤالي يا غالي :
كم يبعد الكوخ عن مطار جنيف لاني ناوي يكون مطار الوصول جنيف ؟
واذا امكن تزودنا بالاحداثيات
ولكم كامل الاحترام والتقدير مني ومن الجميع على رقيك في تعاملك وذوقك الجميل من الموبايل
عليكم السلام ورحمة الله وبركاته
المنتدى رائع بوجود جميع الأعضاء ... هم أهل الخير والبركه
واللي وجودهم وتفاعلهم مع بعض هو اللي معطي رونق وجمال وطعم لهذا الصرح الرائع
الله يديمه من ود وتقارب .... وشاكر لك هالمقدمه الطيبه
==
المسافة استاذي من الكوخ الى جنيف تقريبا 231 كم تقريبا
المسافة أتوقع مابين 3 - 4 ساعات ... حسب الشوارع وضيقها وزحمتها ومنحنياتها والسرعات المحدده .... الخ
هالاحداثيه وسط المدينة
n 46.493904
e 7.560515
موفق الشيخ
السلام عليك يا بو مانع ..
تقريرك رااااائع و ردوووتك اجمل ....وحبيت طرقت تخطيط لرحلاتك ...
فعندي اساله لو تسمح ؟؟؟؟
مخططيم لسفر لاوربا في الصيف كرحله عائليه (8اشخاص و 3اطفال). حبين اروح فرنسا (باريس-دزني لاند-الريف الفرنسي او ستراسبوغ)
سويسرا (انترلاكن )و ايطاليا..
عيبني فكره الاكواخ الي طرحتا و عندي استفسار حول الحجز في الموقع .. كيف ؟؟
ابي مساعدتم في الفناطق... لمدن ؟؟؟
و شكرااااا
المشاركة الأصلية كتبت بواسطة pc123
http://www.arabtravelersforum.com/tr...3/#post8228243
أسعدك الله أخي ابو مانع كما أسعدتنا وأمتعتنا بهذا التقرير الجميل أسلوبك الرائع في سرد التقرير ..و اجاباتك على الاستفسارات بكل رحابة صدر تعكس جمال اخلاقك
المشاركة الأصلية كتبت بواسطة pc123
http://www.arabtravelersforum.com/tr...3/#post8228243
..،ما شاء الله تبارك الله..
و شكرا لك
الله يسعدنا واياكم استاذي الفاضل
وانتو عنوان هالتقارير وحلاهاوالشخص يفرض نفسه من تربيته ومحيطه ومحيط الناس اللي حوله شرواكمشو تتوقع يكون ردك على شخص يدعي لك بالخير والسعاده مثل ماتفضلت ؟!!أكيد ودك بالدعوه تصير ثنتين ... والثنتين يصيرن ثلاث ... والطمع فالخير مطلوبفأبد من ناحيتنا ماعلينا أي كلافه ... ونتشرف بخدمة كل محتاجوالله لو تنظر لها .. دقايق ماتاخذ عليك ... لكنها توفر عالسائل ضرب مشاوير ومصاريف و والخهذا من غير الشخص اللي عنده نساء وأطفال ... اجابتك على سؤاله ريحت هالعائله كامله من التأخير والتشتيت في بلاد الغربه وتعب المطار وضرب الخطوط
والدليل رد الأخ مقدام عليك هنا
http://www.arabtravelersforum.com/tr...b=user_related
شوف اجاباته كيف خدمتك .. ولو مامشيت عليها شو كان وضعك
==والله ياخوي ... لنا الشرف بخدمة كل محتاجلأن أكيد مالنا غنى عنكم .... وبيمر الوقت وبتخدمونا وبتخدمو غيركم==اخوكم
أبو مانع
المفضلات