الموضوع: وين افضل اماكن في دبي

هلا والله اخوي

شوف اذا تبي مولات لا يفتوك الامارات مول .. ودبي موول والنافورة اللي فيها الراقصة ... وروح الحديقة المائة وادي الوايلد جميلة جدا روحلها الساعه 1 الظهر الزحمة والفلة إلى وتغلق الساعه 6 المغرب اوكي .. وانصحكم بمطعم ممتاز جدا واكله لذيذ في فندق جراند حياة وهو مطعم لبناني وفيه مطعم لبناني ثاني في فندق اتلنتس وفيه مطعم حلو هندي لذيذ اسمه جشن ولا يفوتك المترو وبرج العرب حلو مره ..

نفس السؤال مكرر

أضغط هنا

http://www.arabtravelersforum.com/travel375748/

دبي كلهـــا أمان يا طويل العمـــــر

وبالنسبــة للفندق ، على حد علمي في منه فروع في دبي وليس فرع واحد ، فرع في منطقة ديرة وفي فرع في البرشـــاء ، واعتقد في منه شقق في شارع صلاح الدين ، عموما لو كنت في ديرة بيكون السيتي سنتر قريب عليك ، أما إذا في البرشاء فبيكون مول الامارات قريب عليك. والمولين ما شاء الله عليهم.

أما بالنسبة لتاجير السيارة و السواقة فما شي يخوف ،الشوارع من أحسن شوارع العالم والأمور كلها طيبة.. إتوكل على الله.

نسيت أقول ، إنصحك بإقتناء جهاز ملاحة gps مثل جارمن ، يساعدك في الذهاب لكل الأماكن السياحية ، المطاعم ، الأسواق ... وكل الاماكن اللي تحتاجها .. ويرجعك لمكان إنطلاقك

إذا عندك الجارمن ... إنت والخيـــر رباعة

مشكوووورين كلكم ماقصرتوا

بس انا بنت مب ريال
والفندق صاير في ديره

تروحين وترجعين بالسلامه

عموما اقترح عليك انه يروح معك زوجك او اخوك او ممكن اختك اذا كان احد منهم فاضي منها تحسين بالامان اكثر ومنها تلقين احد يونسك

نرجـــو منك المعــــذرة أختي الفاضلة.

بالنسبــة لتأجير السيارة ، مثل ماقلت لج ، لا تخافين ولا تحاتين ، ما في شي يخوف ، بالعكس راح تزول عنج الرهبة من السواقة خارج البحرين الحبيبة ، وبالنسبة للرخصة البحرينية أكيـــــد مقبولة ، وأنصح بالتاجير من المطــار ولو كان المبلغ أعلى شوي لكن السيارات جديدة ونظيفة وتاخذين السيارة بدون تعقيدات ،تاخذين السيارة من المطار وترجعينها في المطار ، وكل المطلوب بطاقة إئتمان ورخصتج.

أما بالنسبة للتكاسي ، بعد ما في شي يخوف ، أصلا شركات التكاسي في دبي تحت اشراف مباشر من هيئة الطرق والمواصلات بدبي ، يعني جهة حكومية ، بس التعرفة غالية نسبيا.

بالنسبة للفندق مثل ما قلت لج قبل ، اللي في ديرة قريب من سيتي سنتر ، والفستيفال سيتي.

ولا يفوتج دبي مول أكبر مول في العالم وفيه تشكيلة لا نهائية من المطاعم وطبعا جنبه أعلى برج في العالم برج خليفة ، ممكن هناك تستمتعين بالنافورة الراقصة ، وبيكون بعد قريب علي مول دبي سوق البحــــر ، واذا عندج وقت روحي الممشى في جميرا بيتش ريزيدنس ، ومنطقة المارينا ، وميناء السلام ومول الامارات

الف شكر لكم جميعا على المرور والنصائح
والله اخوي حاولت احد من أهلي ايي معاي بس للاسف اللي دوام واللي عنده امتحانات واللي مرتبط بالاطفال
خبرك الدنيا مشاغل وانا رايحه دبي من قبل حق كورسات بس كنت مع زملاء وزميلات وسكنت في جبل علي والكورس اساسا كان يخلص متأخر
بس هالمره الحظ كلش ماكان معاي صرت بروحي في وسط دبي والكورس يخلص من وقت
طيب الشيخ بالنسبه لتاجير السياره جم مبلغ التأمين على السياره
احنا عندنا في البحرين تدفع خمسين دينار وتسترجعها لما ترجع السياره سليمه
اشلون النظام في دبي
وسؤال ثاني لو تكرمت خاااااطري اروح برج خليفه وين تباع تذاكر وبجم اسعارها
لاني حاولت احجز من الموقع بس الموقع للاسف مغلق
وجدااااااااااا اسفه على الاطاله والازعاج

السلام عليكم اختي

إذا نفس الفندق اللي تقصدينه ، المولات اللي بتكون جريبه أكثر حمر عين والريف مول ، والمولات هاي مب ذاك الزود

مقارنة بالمولات الثانيه في دبي ، ومن بعدها تقدرين تسيرين ديره ستي سنتر إن شاء الله يعيبج

وفي مولات بتكون تقريبا جريبه منه بس في بردبي ، عندج مركز لامسي ومركز برجمان، لأنه ممكن تعبرين

المعبر المائي فتوصلين جريب .. أما إذا ماحبيتي تضيعين وقتج، تقدرين تروحين ديره ستي سنتر واليوم الثاني

فستفل ستي

بالنسبه لإيجار السيارات ... غالبا يكون التأمين بالفيزا كارد ... لكن ممكن يكون فيه مكاتب تاخذ كاش ... لكن الاكثر ياخذون بالفيزا والسبب انهم راح يخصمون بعدين من الفيزا كارد قيمة مرورك تحت بوابات سالك

هلا اختي.....

ليش ما تييبين وياج حد من صديقاتج ....او اخواتج

الوحده كلللش مو حلوة

المهم

بالنسبه لقيمة التامين

مافي تأمين ...يسووون بلوك على الفيزا او الماستر كارد و ياخذون منها اذا صار شي

ان شاء الله ما بيصر شي لا تحاتين

شوااارعنا و لا اروع

بالنسبه للتذاكر....

تنباع في دبي مول


و الاسعار والله ما تحضرني حاليا بس اعتقد فوق المية درهم

يمكن 175 او اقل




يالله ....


حيّـــــــــــــــاج في دبي

و ان شاء الله لين تيين ....يكون قدرتي تحصلين حد ييي وياج