السلام عليكم ورحمة الله
وأخيراً حصلت لابتوب ههههههههههههههههه
أخباركم أن شاء الله بخير ..
أكلمك الحين أنا من الشقة .. الأجواء في باريس حالياً فيها حرارة بسيطة .. لكن أول 4 أيام الصراحة الجو روعة روعة روعة .. وأمطار وخير .. لكن بعدها أختفت الأمطار .. وكان الجو مقتصر على الهوى البارد .. يذكرني بجو الشتا في قطر والخليج ..
زرت في رحلتي هذه ديزني لاند .. وكانت عبارة عن قريتيين كل وحدة أكبر من الثانية .. سعر التذكرة للقريتين هو 49 يورو .. لكن أنا خذت القرية الكبيرة بس .. وكان سعرها ب 39 يورو .. والحمد لله أني خذت قرية وحدة بس .. لأن القرية جداً جداً جداً كبيرة .. ويوم واحد ماتكفي لانك تلف ديزني لاند كلها ..
على فكرة . في محلات أهناك لبيع أغراض ديزني لاند .. وسعرها الصراحة أرخص من سعر محلات ديزني الي في باريس .. مثل الي في شارع الشانز ومجمع اللاديفانص .. يعني أنا فرضاً دش خاطري في دبدوب (شخصية من شخصيات شركة المرعبين) الأزرق والله ناسي أسمه هههههههههه (صرت ياهل) هههههههههههه .. بس الي يشوف أغراضهم عن جد ينجن .. المهم خذته من قرية ديزني لاند ب 19 يورو ونص .. وحصلته نفسه نفسه حكم في شارع الشانز ب 25 يورو !!
المهم .. شارع الشانز جداً مزدحم وخاصة مابين الساعة 10 صباحاً و5 عصراً ..
أي صح ... الفرنسيين جداً متعاونين مع الناس وخاصة الخليجيين .. وأنا عني ماعرف كلمه فرنسي إلا بنجور وبنسوار وميرسي... لكن والله أمشي حالي معاهم وعندهم طوله صبر وطوله بارض ينطورنك لين تفهمهم أيش تبغي .. ويساعدونك والله .. وحصلي أكثر من موقع .. ووجدت الي يساعدني ويدلني وهم مبتسمين ..
والصراحة شعبهم جداً راقي في التعامل مع الناس ..
وزرت اليوم متحف اللوفر الصراحة مافيه شئ فله .. كله تماثيل وأصنام
وزرت برج أيفيــل .. الصراحة منظر حلو من فوق .. الدخول للتوب فلور (الطابق العلوي) ب 10 يورو و20 سنت .. والطابق الوسطي ب 5 يورو والطابق الأول ب 3 و20 سنت تقريباً ..
وباريس الصراحة مش غالية جداً جداً .. الصراحة كنت متخوف .. لكن الي شفته .. عكس ذلك .. من المطار لين الشقة في اللاديفانص ب 42 يورو .. بس !!
وتذكرة المترو ب 5 يورو ذهاب وعودة لشخصين !!
يعني أسعارها حق تمشيه جداً ممتازة ..
على العموم .. أنا عطيتكم نبذه سريعة سريعة عن باريس .. وأي أستفسار أنا حاضر .. وأنتظروا الصور بعد أسبوع تقريباً .. لين أرجع وأرتب حالي شوي
تحياتي لكم
بومحمدمواضيع عشوائيه ممكن تكون تعجبك اخترناها لك:
- أحتاج لبرنامج مدته أيام بباريس عرسان
- السفر إلى فرنسا وماجاورها في رأس السنة استفسار
- ارجو مساعدتي في عمل جدول لرحلتي الى باريس
- استفسار عن جوازات السفر
- السفر من باريس الى انترلاكن
- إستفسار
- استفسار بخصوص السكن في فرنسا
- كيف اروح لدزني لاند عن طريق الباص ساعدوني
- عاجل اريد برنامج لرحلة سياحية لمدة ايام بباريس
- استفسار
- فنادق عطوني اسامي فنادق ضروري الرجاء الدخول باريس
- إستفسار عن سكن مناسب في باريس
- تصويت ايهم افضل فندق الشاتو فرونتناك او فرانكلين روزفلت؟؟
- ما الدولة المناسبة مع باريس
- ما هي أنسب تذكرة لخمسة أيام ؟
- العروض في ديزني لاند عروض الانوار والالعاب النارية اوقاتها وأيامها
- احداثيات آنسي وباريس
- السكن في ديزني لاند وباريس
- ابي تنسيقكم بالكامل ارجووو الدخلو يورو دزني و زلامسي
- ليالي في باريس احتاج معلومات مفصلة
رد مع اقتباس
المفضلات