الموضوع: عطوني رايكم بمخطط الرحله

يعطيكم العافيه يا شباب وشابات ما قصرتم وياي كلكم بدون استثناء علشان اخطط حق رحلتي حق الولايات المتحده الأمريكية قارة الأحلام اللي يحلم كل انسان انه يروح لها اليوم بقولكم المخطط اشلون راح يكون ووين راح اسكن وابي منكم نصايحكم وتعديلاتكم اذا في أي تعديل أو أي ملاحظة ومشكورين مقدما ويعطيكم العافيه .

( المخطط )

1- الكويت --------- لندن (ترانزيت) --------- نيويورك المكوث في نيويورك لمده 5 أيام في فندق millennium broadway hotel‏
http://www.millenniumhotels.com/mill...ork/index.html

2- بعدين الاقلاع الى أورلاندو عن طريق خطوط jetblue والمكوث في أورلاندو لمده 12 يوم في احدى هالفنادق وعطوني رايكم بأحسن واحد فيها من ناحية الموقع والخدمة

http://www.ichotelsgroup.com/h/d/ex/1/en/hotel/mcopp

http://www.galleriapalmsorlando.com/

http://www.radisson.com/hotels/flkissim
واذا عندكم فندق ممتاز ويكون موقعه اوكي قولولي عنه

3- وبعدها الذهاب الى ميامي بالسياره والمكوث بها 4 أيام في فندق days inn

http://www.daysinn.com/DaysInn/contr...WRPoints=false

وياريت تعطوني رايكم فيه من ناحية الموقع واذا عندكم فندق أحسن منه قولولي عنه بعد

4- وبعدين الذهاب الى لاس فيغاس عن طريق الطيران الداخلي على متن american airline والمكوث بها 4 أيام في فندق New York-New York

http://www.nynyhotelcasino.com/

5- ومن ثم الانتقال بالسياره الى سان دييغو والمكوث بها 4 أيام في فندق days inn

http://www.daysinn.com/DaysInn/contr...false&tab=tab1

واذا عندكم فندق احسن منه قولولي ويكون طبعا نفس السعر مقارب وعطوني رايكم بموقعه بعد

6- وبعدها الذهاب الى لوس أنجلوس بالسياره والمكوث بها 7 أيام راح تتوزع بين الجنوب والشمال على حسب أشوف نفسي ووضعي وبالنسبه للسكن ما قررت للحين بس بالشمال راح يكون في منطقة وست وود

7- وبعدها التنقل الى سان فرانسيسكو بالسياره والمكوث بها 5 أيام في احدة هالفنادق

http://emea.hotels.com/hotel/details...94#description
http://www.travelnow.com/hotel/prope...n_US&cid=54076

وياريت أيضا تعطوني رأيكم بهالفندقين ولو عندكم شئ احسن ومقارب للسعر قولولي عنه

وبعد ذلك التوجه الى المطار للطيران على متن delta الى مطار نيويورك والعدوه الى أراضي الوطن العزيز أبي رأيكم بكل صراحه عن مخطط الرحله وياليت تفيدوني ومشكورين على كل شئ قدمتوه لي وسامحوووني على الازعاج اخوكم the-wise-man :24:

مواضيع عشوائيه ممكن تكون تعجبك اخترناها لك:

• أهم معالم ولاية ميزوري الامريكية
• صور من فى الولا يات المتحدة الا مريكية
• وضع جدول زمني لزيارة الولايات المتحدة
• عندما يكون الاب مرافق ترفضه السفاره الامريكيه
• هلا والله
• السعوديين المسافرين إلى أمريكا
• النماذج اللي توزع بالطائره
• لمن يريد شراء منزل في لوس أنجليس
• فنادق نيويورك Renaissance New York Times Square Hotel  
• اريد شقة في نيويورك
• اتصالات
• اخييرا بعد الكرت الاحمر طلعة الفيزا
• العاصفة الثلجية التي اجتاحت واشنطون
• محتار في الفنادق وأرجو المساعدة
• ابستفسار عن الخطوط الكويتيه الدوليه
• اسئله مهمة لكل مبتدء من المملكة إلى اورلاندو واحتاج لإجابتكم رجاااء
• شراء السيارة في امريكا
• تفاصيل مقابلتي يوم
• ما هي افضل طريقه لحمل مبلغ مالي كبير إلى أمريكا
• هذي البطاقات والافلا

مخطط رائع و انصحك براديسون في اورلاندو و ويتن في سان فران

اخوي مخططك حلو, لكن لو انت بروحك مسافر ما انصحك تمشي مسافات بعيده بالسياره

ماشاء الله التخطيط للفنادق والطيران ممتاز !!

انصحك انك تكمل نفس الطريقة وتكتب لك لسته بالاماكن وعناوينها تخزنها في الــ GPS علشان ما تخسر وقت وتوفر على نفسك مجهود هناك !!


فندق نيويورك ممتاز

اورلاندوا اذا واحد من الثلاثة افضل الردسون ساس

او اذا تبغى شي في نفس المنطقة وجميل وقارن الاسعار :

http://www.marriott.com/hotels/trave...riott-village/

http://www.marriott.com/hotels/travel/mcolx

http://www.marriott.com/hotels/travel/mcoly

كلها في نفس المنتجع ببوابة واحدة !!


بالنسبة لميامي فندقها كويس وموقعه ممتاز !!

وهذي بعض الفنادق الاخرى اذا حاب تقارن في السعر والافضل :


http://www.loewshotels.com/en/Hotels.../Overview.aspx

http://www.ritzcarlton.com/en/Proper...ch/Default.htm



لاس فيقاس هي الي افضل انك تغير الفندق لانه قديم وكئيب !!

ارشحلك واحد من هذه الفنادق الي حطيتلك اياها في استفسارك الاول :

http://www.arabtravelersforum.com/tr...0/#post2853910


وبطل تفتح استفسارات كثير خلها في موضوع واحد تعبتنا وياك


ساندييقوا انا مجربه ممتاز !!


وسانفرانسيسكوا

الفنادق ممتازة وموقعها بعد ممتاز !!


بالتوفيق

مشكوووووووورين كلكم وما قصرتووووا ان شاء الله هاليومين أستقر على كل شئ ومشكوووور يا امباك وأدري أذييييتك وياي بس ميخالف راح أأذيييك زياده أموووون بس للحين ما استقريت على فنادق لوس أنجلوس اشرايكم تعطووووني منطقتين اسكن فيهم في لوس انجلوس ويا فندق في كل وحده بس أسعار الفندق ما ابي غاالي لانه الميزانية راحت فيها لوووووول علشان استقر واخلص تعبت والله وانا ادور وافكر فكرولي اشوي

كنت بسألكم عن هالفندق في أورلاندو Regal Sun Resort عطوووني رأيكم فيه اشلون موقعه أوكي والا لأ وموقعه بالنسبه للأماكن السياحية وجودة الفندق أوكي والا لأ ؟ وحبيت اني استفسر عن الباركنج ملوت الفندق لاني دخلت الموقع وما قدرت احصل على شروط الباركنج جم رسومها باليوم اذا تقدرون تفيدووني لو سمحتوووا

حبيت تعذوووني رأيكم بجم فندق في ميامي claridge miami beach أدري انه بعيد اشوي بس حصلته بسعر حلو ويا الباركنج فري ونفسي ارتاحة للفندق ما ادري ليش وثاني فندق Hotel Nash , Miami Beach هذا اشوي قريب وحصلته بسعر حلو والثالث Carlton Hotel - South Beach وسامحوووني على الاطاله

يا جماعه اشدعوه محد رد علينه للحين تكفون ردوا علي بأسرع وقت