الموضوع: تفاصيل مقابلتي اليوم مابو

بسم الله الرحمن الرحيم
بما ان كل واحد قص قصته اليوم خلوني اعطيكم حكايتي هذا الصباح مع السفارة والله يوفق الجميع ان شاء الله ...
اولا اتقدم بالشكر والعرفان للمشرف العزيز :24:ولجميع اعضاء المنتدي الذين قدمو النصح والمعلومات التي استفدت منها بالمقابله مع السفاره صباح هذا اليوم ولا اريد ان احدد عشان ما تزعلون مني:113: واقدم لكم بعض النقاط التي لاحظتها هذا اليوم لتعم الفائده للجميع:108: :ولو ان الخوان الي كانت لهم مقابله اليوم ذكروهافي مواضيعهم وجزاهم الله عن الجميع كل خير
كان موعدي بتاريخ 16 جون وموعد ولدي وهواقل من 14 سنه كان اليوم الساعه 10 والمدام والبنات وهم اقل من 14 سنه في 27 جون
حضرت الساعه 6 صباحا ومارضو العسكر بنقطة التفتيش الدخول الى حي السفارات قبل 6:30 لاني كنت صادق معاهم وقلت لهم عندي موعد بالسفاره الامريكيه :101:قال ما تفتح الا سبع قلت مايخالف اروح اخذ قهوه بساحة الكندي قال كلم الضابط بس اخونا قال انا كلمت حرس السفاره وقالو لا تدخلون احد قبل 6:30 وشفت ناس جالسه تنتظر وقال النظام على الجميع قلت نحترم النظام ليش لا!!!
كان موعدى عشر وحسب ما فهمت انه من سبق لبق بس قال لنا الاخ المنظم وهو مؤدب جدا ان السفارة بداءت من يوم امس ان يكون الدخول حسب وقت الموعد الا اذا مابقي احد قبل موعدك تدخل عادي ولذا انصح بعدم الحضور الا قبل نصف ساعة من الموعد وهذا نظامهم بالصيف فقط
تكلمت انا وياه وقلت انا جاي على موعد ولدي وهو مو مطلوب حضوره لانه اقل من 14 سنه قالي عادي ادخل بدل منه ولما جاء دوري راح وكلم البنت الي بالشباك عشان يفهمها الموضوع
طبعا شفت ناس واجد يرجعونهم يصورون قلت خل اسال هالحبيب هل الصوري الي معي تمام والا لا؟ قال تمام .عاد انا كنت مصور عند استديو بتقاطع ابوبكر مع شارع الامام ومحرصه ان تكون حسب طلب السفاره الامريكيه بشرط ان ما يكون عليها اي تتش بالكمبيوتر ويوم جيت استلم الصور والا الدعوا مختلفه ومركب قميص وبدله وكرفته الحقيقه ما بغيت اعرف صورتي وقلت له ماراح تمشي عندهم قال اذا ما مشت تعال وخذ فلوسك 25 ريال 6 صور طبعا المهم وضعت اوراقي بلمف ونصيحه لا تدبسهم مع بعض وكان يحتوي على :

برنت للموعد حيث لاحظت اكثر من شخص لم يحضروه وطلب منهم المنظم احضارة
الجواز الاصلي وصوره منه وكذلك لاحضت بعض الاشخاص يبحث عن الة تصوير لانه لم يحضر صوره لجوازه
السند الاصلي لتسديد الفيزا بالبنك الامريكي
وتعريف بالراتب بالانجلينزي
الجوازات القديمه للاحتياط علما بانهم لم يطلبوها بالمقابه يمكن لاني عطيتهم جدول بجميع الرحلات من عشر سنوات
النماذج156 -157 -158 ولو ماكن 158 مطلوبه للفيزا السياحيه بس اخذوها مني
عرضت عليهم مخطط الرحله والفنادق الي حجزت فيها وما اخذوها او طالعو فيها
وعرضت عليهم كشف الحساب ومع ذالك ما خذوه ولا طالعو فيه
طبعا قابلت اول وحدة عربيه وحبيبه جدا قالت كم جواز عندك؟ قلت اثنين لي ولولدي اقل من 14 سنه. قالت وين امه؟ قلت ماجت لان موعدها مش اليوم. قالت عندك موافقه انك تسافر انت وياه؟ قلت لا لان حنا بنسافر كلنا . قالت بس انت مقدم الجواز لك وله وهذا طبعا يفهم منه انك بتسافر انت وياه فقط يا انك تحضر موافقه من امه وشهاده الميلاد او تحضرها معك وقالت نصيحتي لا تقدم جواز الولد خله مع جواز امه واخواته احسن لك ولهم ولا تنسى تجيب صور من شهادات ميلادهم . قلت جزاك الله خير شورتك وهداية الله ورحت وجلست.
طلع رقمي مره ثانيه قمت وبصمت ورجعت شوي طلع رقمي مره ثالثه قمت ورحت للشباك .. طبعا اذا قلت مقابله معنى كذا انه غرفه بمكتب وتجلس ويسالك وانت تجيب بس الدعوا صارت مقابله وقافيه لا تتجاوز 5 دقائق وكانت بنت مؤدبه جدا بعد الترحيب قالت وش عند رايح ؟ قلت اجازة. قالت وين تشتغل وكم لك من سنه وماهو طبيعة عملك طبعا لقيتها فرصه اني انطلق عليها بالكلام وكانت عندها فكره جيده عن الشركة الي اشتغل فيها . بعدين طلعت لي بسؤال ؟؟ ليش سافرت لليمن ؟:112: قلت والله كنت رايح مع واحد من الاصدقاء لمدة اربع ايام عشان البزنس حقه لانه تاجر تحف واشياء قديمه و بعدين قالت اتمنى لك سفر سعيد وعطتني الورقه الزرقاء وقالت تابع الموقع او انتظر اتصال نطلب جوازك بعد اسبوعين .. قلت الله يسهل اذا كان لنا بالسفر خير ان شاء الله يبي يصير
طبعا انا دخلت الساعه 9 لانه ماعاد بقي احد موعده قبل عشر وطلعت 10 وربع
وهذي هي الحكايه
واخيرا اتقدم مره اخري لمشرفنا المبدع وجميع الاعضاء بالشكر والعرفان لما يبذلونه من جهد ووقت لمساعدتنا في هذا المنتدى الرائع .. الله يعطيهم العافيه ويرحم والدينا ووالديهم وبارك الله في الجميع:113:

مواقف جانبية:

قابلت واحد من زملاء الدراسه ماشفته من 20 سنه شف وشلون الصدف !!
واحد من الاخوان من الشرقيه نقص عليه مبلغ بسيط جدا عند تسديده لفديكس وكملت له وجلس ينتظرني الين ماخلصت واصر الا اروح معه للصراف عشان يرده لي وانا اقوله والله المبلغ ما يستاهل بس انه اصر فالدنيا مازال فيها الخير من الناس مشاء الله عليهم.
واحد من الاخوان لقيته باين عليه القلق والخوف وماغير يسال وش اسئلة المقابله ؟قلت له اكيد كان عندك عقده من الاختبارات وذكرت له ان الموضوع ما يستاهل وانه كله تساهيل وتوفيق من رب العالمين وعطيته كم نكته وسعت خاطره شوي:115:.
الثقه بالنفس والتوكل على الله مطلوبه دائما في جميع امورنا الدنيويه والله يوفق الجميع
الحقيقه اعجبوني بنات بلدي:113: ماشاء الله عليهم حشمه وركاده الا القله التي لا تمثل نسبه!!
من اليوم وطالع انصح بعدم الحضور الا قبل الموعد بنصف ساعه وخاصة العوائل لان الحر بداء يشتد.
سالت احد الزملاء الذي وجدته بالسفاره ليش ما عطوني ورقه خضراءوستلمو جوازي مثل غيري قال لان عندك زيارة اليمن ويحتاجون يدققون على الموضوع بس ان شاء الله خير.

مواضيع عشوائيه ممكن تكون تعجبك اخترناها لك:

• نوع الفيزا السياحية b1 ولا b2 ولا b1 /b2
• مين معه الجنسية الامريكية؟
• يااااااااا حاملي الجواز الامريكي كذا صار لي يوم قدمت على استخراج الجواز
• فنادق مطار نيويورك
• من جرب هذه الشقق في روتشستر
• محتار و طالب مساعدتكم في اختيار المدينه
• استفسار مهم جدا سفري قريب
• استفسار عن لوس أنجلوس
• وضع خطة لزيارة امريكا في يوم
• استخراج فيزا للمولود كيف
• طالع من شيكاغو الى سموكي ماونتن اثناء الطريق هل هناك ما يستحق الزيارة والتوقف؟
• كيف اغير نوع التاشيره
• لو سمحتوا سؤال بسيط
• كليفلانــــــــــــــــــد
• سكن لمدة طويلة
• استفسار بخصوص الجلبريك للايفون والايباد
• وين اروح بامريكا
• ابي هاتف جوال في شيكاغو
• بنت الصقور او العارفين استفسار بسيط
• ارغب في الحصول علي هجرة الي امريكا

الله يسهل عليك

ويكتب لك الخير باذن الله

موفق باذن الله

ياذا السفاره اللي تقلق العالم كاننا في اختبار وهو في الدنيا

فما بالك باختبار الاخره الله يسهلها دينا واخره

شكرا اختي على مرورك .. ومثل ما تفضلتي الموضوع ما يستاهل ان يكون الواحد قلق وخاصة للفيز السياحيه بس اذا كان الموضوع خاص بالدراسه او ضروف صحيه والله ما الومهم وكل شي بتوفيق الله سبحانه... بصدق توقيعك اعجني جدااااا

بس ما ادري المقابلة داخل الغرفة او من الشباك حق البنوك ؟؟ و هل يجب استعمال الهاتف

المشاركة الأصلية كتبت بواسطة المهاجر المغترب
http://www.arabtravelersforum.com/tr...3/#post2900863

بس ما ادري المقابلة داخل الغرفة او من الشباك حق البنوك ؟؟ و هل يجب استعمال الهاتف



عدتا يكون شبك مثل البنوك واذا الصوت مو واضح الغلب يستخدموا الهاتف !!

بالتوفيق )

من الشباك حق البنوك ؟؟

صحيح تذكرت زمان اول يوم ابوي يعطيني الفلوس وفاتوره الكهرب عشان اسددها !!:115:

المشاركة الأصلية كتبت بواسطة cadillaca
http://www.arabtravelersforum.com/tr...6/#post2899106

شكرا اختي على مرورك .. ومثل ما تفضلتي الموضوع ما يستاهل ان يكون الواحد قلق وخاصة للفيز السياحيه بس اذا كان الموضوع خاص بالدراسه او ضروف صحيه والله ما الومهم وكل شي بتوفيق الله سبحانه... بصدق توقيعك اعجني جدااااا

عادي انا مقدمه على فيزة علاج من 2004 :109: ومحد يمي

اؤمن بقضاء الله وقدره:106:

وشاكره اطراءك على توقيعي

موفق بإذن الله
شكلك كنت بعدنا لأن مقابلتنا كانت يوم السبت
ما أدري ليش ما سألونا لا أنا ولا زوجي ولا كلمة كانو يطالعو في الأوراق وبس
وفي النهاية أعطونا ورقة خضراء

يمكن لأن زوجي ما بقى شئ ما جاب لهم حتى في أوراق ما طالعو فيها
أو يمكن نحن في خلال 10 سنوات كانت سفرياتنا لبلدان الأجنبية فقط
إلا دبي مرتين ومع ذالك ما سألو عنه

أما بالنسبة للنساء قلة قليلة المتحجبات والباقي الله يهديهم ويصلح حالهم وحال رجالهم

على فكرة الحمد لله أخذنا جوازاتنا أمس يعني بعد يومين من المقابلة
بشرنا جات جوازاتكم ولا لسى

مبرووووووووووك وتروحون وترجعون بالسلامه ان شاء الله بس لا تنسون التقرير وهذا ياجماعه اقل شي نقدر نرده لمشرفنا بارك الله فيه وبالتوفيق ونتبهي للكتاكيت لا يضيعون ترا يوجد في بعض الصيدليات او محال الاطفال زي السير يربط بيد الطفل ويد ابوه او امه وفيه بعد زي الربطه باليد تكتبين اسمه وتلفوناتكم لا قدر الله وصار شي بسهوله يمكن الاتصال بكم وهذي نصيحه ملتاع لجميع الاخوان ولاخوات الي يسافرون او يطلعون للاسواق حتى بالسعوديه... والله يحفظ الجميع

والله موضوعك ممتاز ومفيد جدا
قراءه قصص الاخرين وتجاربهم تساعدنا كثيرا
شكرا
وبالتوفيق ان شالله
عقبال ما تستلم الفيزا ان شالله

المشاركة الأصلية كتبت بواسطة shaaadn
http://www.arabtravelersforum.com/tr...5/#post2915385

والله موضوعك ممتاز ومفيد جدا
قراءه قصص الاخرين وتجاربهم تساعدنا كثيرا
شكرا
وبالتوفيق ان شالله
عقبال ما تستلم الفيزا ان شالله



شكرا على مرورك وننتظر تجربتك وملاحظاتك الشخصيه لمقابلتك مع السفاره .. عسى الله يتممها على خير ان شاء الله وتاخذون الورقه الخضراء

والله الانتظار شين ياجماعة!!!! حتى الان لم يردو عل طلب التاشيره (انا من اصحاب الورقة الزرقاء):112: وش رايكم موعد مقابلة المدام ولاولاد قرب في 9 -6 -2009 وانا الحقيقه ما ودي ادخل جوزاتهم قبل ما اعرف نتيجة جوازي:114: لان فيه خطه بديله الي اورباء؟؟؟

مشكله السفر الي امريكا يحتاج تخطيط وتجهيز من وقت مو خذني جيتك

اذا المقابله 9 -6 متى تطلع متى تحجزون ورمضان مضايقنا 22 -8 ....بصراحه حيره ...وكاتبين ع الورقه الي يسلمونك ايها بعد ما ياخذون الجواز لا تحجز ولا تسوي شي ابدااااااااا ......!!!!

عارفين اجراءتهم تطول !!
الله يساعدك

اذا كان الوالد اقل من 79 سنه لازم يحضر للمقابله الله يسهلها عليكم ان شاء الله والله اني شايل هم اخوك الله يفرج كربه ان شاء الله

السلام عليكم ورحمة اللة وبركاتة و اليكم اخر الاخبار :

تم طلب ارسال جوازي الى السفاره بتاريخ 30-5-2009.
تم ارسال الجواز عن طريق مكتب فيدكس الي مقابل مصنع البيبسي بشارع الاحساء بتاريخ 6-6- 2009 بعد دفه الرسوم 130 ريال ذهابا وايابا
مازال الانتظار جاري لاستلام الجواز من مكتب فيدكس .


سوف نزودكم باخر التفاصيل حال وصولها

اتمنى للجميع التوفيق

بالتوفيق اخوي كادلاك والله يسهل امورك وبانتظار جديدك القادم ....

السلام عليكم جميعا ورحمة الله وبركاته ... اليوم كملت 9 ايام والجماعه صاكين على جوازي بعد ما طلبوه وارسلته لهم في 6-6-2009 وش القصه :114: .. هل هذه المده طبيعيه؟؟ والا جازتلهم صورتي وخلوه عندهم لان البنت الي بغرفة الاستقبال الي برا سائلتني يوم شافت الصور قالت شكلك بالواقع احلى من الصور :101: عاد انا تشققت :115:وقلتلهاخلاص ما عاد ابي تاشيره هذا الكلام يكفيني !!

المشاركة الأصلية كتبت بواسطة cadillaca
http://www.arabtravelersforum.com/tr...1/#post3021541

السلام عليكم جميعا ورحمة الله وبركاته ... اليوم كملت 9 ايام والجماعه صاكين على جوازي بعد ما طلبوه وارسلته لهم في 6-6-2009 وش القصه :114: .. هل هذه المده طبيعيه؟؟ والا جازتلهم صورتي وخلوه عندهم لان البنت الي بغرفة الاستقبال الي برا سائلتني يوم شافت الصور قالت شكلك بالواقع احلى من الصور :101: عاد انا تشققت :115:وقلتلهاخلاص ما عاد ابي تاشيره هذا الكلام يكفيني !!

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه

شف ضحكتي من قلبي

هم خلوه عشان يتكاثر جوازك عشان عاجبتهم صورتك خخخخخخخخخخخخخخخخخخخخخخ

معاد انت مسافر وش مستعجل عليه متى ماجاء يجي:109:

والله انبسطت اكثر عقب هالضحكه بعد... الله يضحك سنك بعافية اولدك ان شاء الله وتدوم هالضحكه على طول يارب ... الواحد وش يبي ياخذ من هالدنيا الا سعة الصدر والعمل الصالح

السلام عليكم

ياشباب عندي استفسار بالنسبه

للسفاره انا عمري 18 سنه بالهجري

بس بالميلادي باقيلي 3 شهور تقريبا
هل يلزم حظور الوالد معي للسفاره

؟؟ مع العلم انه فيزتي طالب

وشكراا

المشاركة الأصلية كتبت بواسطة مجود999
http://www.arabtravelersforum.com/tr...4/#post3029794

السلام عليكم

ياشباب عندي استفسار بالنسبه

للسفاره انا عمري 18 سنه بالهجري

بس بالميلادي باقيلي 3 شهور تقريبا
هل يلزم حظور الوالد معي للسفاره

؟؟ مع العلم انه فيزتي طالب

وشكراا



مو شرط !!

بس يكون معك ورقة من والدك مصدقة بأنه سيصرف عليك وموافق على سفرك !!

او انك مبتعث على حساب الدولة !!

بالتوفيق

اخيرا استلم ت التاشيرة

الحمدلله والصلاة والسلام على من اتبع الهدى :::: واخير تم استلام الجواز اليوم من مكتب فيدكس :8888:.. وللمعلوميه اقدم لكم التواريخ التاليه :
عملت المقابله في 10-5-2009
طلب ارسال جوازي الى السفاره بتاريخ 30-5-2009.
ارسلت الجواز بتاريخ 6-6- 2009
تم استلام الجواز بتاريخب29-5-2009 مرصع بتاشيرة خمس سنوات وبنجمه واحده تحت الصوره
بهذه الرحله الطويله حبيت اختم هذا الموضوع بالشكر والعرفان لكل من قدم معلومه او مسانده ولو رد بسيط او دعاء لي بهذا الموضوع ... واخص منهم:
اختي الكريمه وارثه الطيب بحق وحقيقي الله يحفظها للعيالها ان شاء الله :113::x1::24:
وخوي المهاجر عسى الله يرده لبيته وماعاد يهاجره مره ثانيه :x1:
و خوي الصغير بسنه الكبير بمقامه مشرفنا الرئع امباكت عسى الله يرزقه الذريه الصالحه ان شاء الله :x1::x1::x1::x1::x1::x1::x1::x1::x1::x1::x1::x1::x 1::x1::x1::x1::x1::x1::x1::x1::x1::x1::x1:
وختي ام الكتاكيت عسى الله يحميهم وتشوفهم كبار ويطيرون ان شاء الله بس مو بعيد عنها:113:
و خوي الرئع موسيقار المنتدي الي دايم مطربنا بمواضيعه الرئعه:24::113::x1:
وخوي موجود عسى الله يوفقه و يحفظ له شبابه ان شاء الله :x1:
واخير اختنا العزيزه علينا كلنا شاااادن الي عامله مثل النحله تتنقل من غصن الى غصن بهذا المنتدى وتوزع نصائح وتعليقات لها الاثر الكبير في نفوسنا جميعا :24::113::x1:
والشكر موصول الى كل فرد من افراد هذا المنتدى الرائع وزواره واخص زوار موضوعي والي تجاوزو 800 زائر وعسى ربي يحميهم من كل مكروه ان شاالله فردا فردا

الف مبروك ياغالي

والف شكر على الدعوة الجميلة

تروحوا وترجعوا بالف سلامة يارب .. موفقين

ألف مليووووون مبروووووك يا غالي

والله العظيم فرحت لك من قلبي

الله ييسر أمورك كلها و تروح و ترجع بالسلامة ان شاء الله

شكرا اخوي الحبيب امباكت على شعورك
اخوي VIP lموجود يا الف هلا وسهلا ... وبعدين الناس الطيبه ما فيه داعي تحلف لانهم من دون ما تعرفهم احاسيسهم باينه وتطلع من القلب الى القلب تحياتي لكم

ألف مبروك ورحلة موفقة إن شاء الله

مبروك ورحله موفقه ان شاء الله

الف الف الف مبروك وبالتوفيق

ماسويت والله شي غير الدعاء لكم وانا قلت لك لا تكنسل موعد الاهل:112: لانه حاسه بتطلع فيزتكم لكن ماكتب الله تتسهل اذا رديتوا من السفر سوي موعد لهم وقدم على الفيزه لهم يمكن يكتب لكم رحله السنه الجايه اذا ربي كتب عقباااااااااااااااااال اللي ينتظرون الفيزه الله يسهلها عليهم باذن الله ودعاويكم تتسهل امور ابني الباقيه:24: