الموضوع: ليالي بوروكاي الساحرة

عن قريب سوف اسرد لكم موضوع سفري الى الفلبين بتاريخ 10/1/2006 والتي كانت في مانيلا ومكاتي ثم الانتقال بالطائرة الصغيرة الى جزيرة بروكاي الساحرة .
انتظرونا فقط :surf

مواضيع عشوائيه ممكن تكون تعجبك اخترناها لك:

• هلتون موريشيوس
• ماهو افضل شهر للسفرالى جزيره موريشيوس
• رحلة إستجمام لشخصين أرجوا الإفادة سيشيل
• تكفون ساااااااااااااعدوني فورااااااااااااااااااااً
• مسااعده بموروشيوووس
• من فضلكم اريد رايكم في هذه الفنادق
• إستفسار عن الجو وعن عملة موريشيوس مقابل اليويو
• رحلة خمس أيام لموريشوس دبي
• أبحث عن شركات للنقل بموريشيوس
• المكالمات في موريشوس
• الي راح فندق الهيلتون في موريشيوس يدخل
• حجزت لموريشس وهذي عرضي وش رايكم ؟؟
• استفسار من الخبير وخبراء المالديف
• النقل من المطار الى
• مطلوب هنا
• رحلتي الثانيه إلى جزر المالديف الرومانسيه تقرير مميز
• افضل جزر في العالم هنا
• اسنفسار عن جزيرة موروشيوس
• طلب إلى أبو عزيز
• فزعتكم تكفون للي بيروح لموريشوس الله يوفقكم

وين يالحبيب مضيع تراك ... :biggrin:

هنا بوابة امريكا ,,,

lol
-------------------------------------------------------------------------------------------------------

يمكن :36_1_31: ويبيلك :36_1_40: الله يعافيك
إذا طبت بنتابع معاك الموضوع
وهذي :36_3_11: أرجو تقبلها بصدر رحب
بس بداية الموضوع شيقة تراها ، أرجو المواصلة واحنا متابعين

يعطيك العافيه اخوي نحن نتظر الباقي من موضوعك

بسم الله

وينك ،،،، تراني رايح بعد أسبوعين الفلبين ،،، مانيلا ،،، وبوركاي ،،، وأول مرة ،،، ياريت التفصيل الممل

بارك الله فيك ،، وفي الانتظار

اخوتي الاعزاء طبعا بأعطيكم تفصل الرحلة والتي كانت في مخيلتي عن طريق صديق عزيز جدا على قلبي ومسافر متألق ومميز وكنت ناوي اسافر الهند ولاكن صديقي العزيز قال ماأنصحك بالهند ياليت تشوف الفلبين وتأخذ معلومات عنها عن طريق هذا المنتدى الرائع المميز .
قررت اخيرا وقبل السفر بأسبوعين السفر للفلبين وطبعا السؤال المعتاد هل تحتاج زيارة الفلبين الى تأشيرة سفر والحمد لله الفلبين من الدول التي لاتحتاج الى فيزا اذا كانت اقامتك اقل من شهر .
توجهت لمكتب الخطوط السعودية وحقيقة شيء مؤسف جدا جدا جدا وخبروني ان اقرب وقت بعد شهر والمفروض السفر بعد اسبوعين طبعا لا بد من فيتامين ( و ) في الخطوط السعودية وفعلا حاولت بفلان وعلان وحصلت على درجة افق بعد اسبوعين وحب خشوم ووساطة وشيء والتذكرة بذاك الحساب عاد انتم اعلم بالخطوط السعودية واسعاااااااااااااااااااااااااااااااااااااااااااااا ااااااااااااارهاااااااااااااااااااا الموت اخيرا صديقي العزيز الي خبرتكم عنه قال ماعليك انا احاول اشوفلك على الخطوط الفلبينية وفعلا بيض الله وجه هذا الصديق الوفي ولا طلب مني ريال واحد وقال لما تأخذ التذاكر عطني الفلوس فعلا وصلت التذاكر وبنصف تكلفة التذاكر على الخطوط السعودية على يوم 10/1/2006 الي هو يوم عيد الاضحى المبارك وفيه احد الزملاء الله يذكرة بالخير عندما قلت له انا مسافر على الخطوط الفلبينية ضحك مرة مرة مرة وقال ؟؟؟؟؟ غريبة ياخي اول مرة اسمع ان الفلبين تملك طاااااااائراااااااااااااات طبعا ضحكت ههههههههههههههههههههههههه منة وماااااااااااااااااارديت الاخ طبعا يتوقع الطائرات بس ملك للخطوط السعودية وان مافية طائرات في العالم الا الخطوط السعودية والمشكلة ان اخينا في الله دائم السفر لدول اوروبا وامريكا عموما هذي علامة تعجب التركها لكم وانتم الي بيحكم اخيرا توجهت لمطار الرياض الدول الرحلات الاجنبية المغادرة ودخلت الطائرة اير باص قمة الروعة وقمة الهدوء واغلب الركاب من الجنسية الفلبينية اقلعنا من الرياض الساعة 1 صباحا وفعلا استمرت الرحلة قرابة 10 ساعات ووصلت بحمد الله الى مانيلا الساعة 3 عصرا بتوقيت مانيلا وكان تعامل موضفي الجمارك والجوازات في مطار مانيلا قمة الروعة وقمة الانسيابية وحسن الاستقبال لابخشيش ولا هم يحزنون حقيقة زعلت كثير على حالتنا في المطارات السعودية والمقابلة الى يقابلون فيها ضيوف بلدنا اول مايدخلون السعودية حقيقة شيء مؤسف من رجال الجوازات ومن الجمارك والي سافر برا اكيد شاف كيف ربعان يعاملون الاجانب وخاصة شرق اسيا معاملة اعزكم الله الحيوانات ما اطول عليكم السالفة قبل سفري حجزت عن طريق مكتب عطار للسفر والسياحة يومين في فندق الحياة ريجنسي في مانيلا يومين بـ 500 ريال سعودي تعرفون انا ما اعرف البلد زين قلت خليها استراحة وبعدين اخطط وين اروح ووين اجي .
اخذت تكسي من المطار بـ 500 بيسو يعني تقريبا 38 ريال سعودي من المطار حتى الفندق وعلى مسؤلية الشركة يعني امان بعد الله لأن بعض الشباب خوفوني مرة مرة مرة الله يسامحهم وبس .
وصلت الفندق تمام الساعة 4 عصرا وحقيقة فندق روعة في منتهى الفخامة والجمال جلست فية يومية روعة وكان اليوم الاول راحة طبعا واليوم الثاني الجول في المنطقة المحيطة بالفندق والبحث عن مكتب سفر وسياحة وفعلا توفقت في هذا المكتب ارجوا من الي يروح للفلبين على طول يتوجه له مباشرة وصاحبة المكتب Elsaa.Tumamaoتعرفني كويس بأسم khalid assiri
وعنوانها
( unit 20 corcel arcade )
Airport road pasay city
Te:8530738
Cell no :09174771923
Email:[email protected]
طبعا كل ماتحتاج الية من تغيرر عملات وحجز فنادق وحجوزات طيران وكل الي تبية تعمل لك اياه .
بالنسبة للفنادق عن طريقها ارخص لك من ان تذهب لهم لوحدك وجب انت وشوف بنفسك الفرق يعني بتوفر ثلث التكلفة تقريبا طبعا انا ما لي اي مصلحة منها ولا منك اخي القاريءالكريم بس حبيت اعطيك معلومة فقط .
كنت ناوي اسافر باقيو وطبعا من خلال احد الزملاء يقول لا تفوتك وخاصة اذا كنت من هواة الطبيعة طبعا اختنا السا ماقصرت قالت بأحضر لك سواق ليموزين بلأجر اليومي فقط وانت عب البنزين وبس ويقعد معك حى ترجع والمسافرة بالسيارة تقريبا 6 ساعات حقيقة ماتشجعت لعدم وجود وقت كافي لان في مخيلتي بوروكاي وبس قلت لا خلاص انا هونت ابي يومين في مكاتي ومكاتي حي من احياء مانيلا رائع في الليل خاصة ويتميز بالفنادق الفخمة والكبيرة .
ما تصرت السا حجزت فندق يومين اليوم تقريبا بـ 2000بيسو يعني 150 ريال تقريبا لان البيسو وقتها 13ريال توجهت لفندق مكاتي بلس وطبعا وجبه الفطور من ضمن الحجز في اي فندق توجهت العصر الى منطقة في مانيلا عن طريق التاكسي بـ150 بيسو يعني 13 ريال اسمها ( بي ووك ) ممتعة لهواة البحر وهواه المشي وهو عبارة عن كورنيش في مانيلا وتشوف العماير الكبيرة الرائعة وتزور متحف مانيلا وحاول تزور المتحف قبل المغرب لآنه يصك المغرب تقريبا وبعدها التجول في بي ووك وتشوف المطاعم المنتشرة على الكورنيش مع الموسيقى يعنى ماراح تمل حتى الصبح اكل وتمشية وضحك وتشوف الاهالي كيف مبتهجين ويعبرون بذالك بالرقص الفلبيني طبعا وقت ممتع حتى ساعة متأخرة من الليل وتوجهت للفندق بنفس السعر تقريبا ولحقت الفطور ونمت العصر اليوم الثاني جات السا ومعا تذاكر الطيران الى بوروكاي وحقيقة كأنها شوي غاليه ذهاب وعودة بـ7739 بيسو تقريبا بـ 600 ريال تقريبا عن طريق asian spirit والمسافة تقريبا ساعة واحدة الطائرة اربع مراوح 48راكب تؤدي الغرض وممكن تروح عن طريق السفينة بربع التكلفة لاكن مدة 24ساعة ولك الخيار.
الفندق محجوز عن طريق السا واسمه Red coconut روعة ولا في الاحلام ومحاد بأشجار الكوكنت الحمراء تجربة فريدة من نوعها عموما ما اطول عليكم توجهت من مطار مانيلا للخطوط الداخلية وخدمة ممتازة جدا واحترام للسائح وخاصة العربي وبتسمع كلمة هاندسم على طول من الجميع في المطار يعني تدلل ياعم انطلقت الطائرة وكان اغلب الي معنا من الصين وكوريا والظاهر انهم عرسان جدد والله اعلم عموما بعد اقل من ساعة وصلت الطائرة الى المهبط وهي عبارة عن جزيرة مجاورة لجزيرة بوروكاي وجدت لوحة الفندق المضيف وكان من ضمن ركاب الطائرة معي نازلين بنفس الفندق الغريب انك لابد من تبديل حذائك اعزكم الله الى الزنوبة من اجل مايخرب حذائك لانك بتمر في البحر غصب عنك بدلت الحذاء اعزكم الله وركبنا مع مرشد الفندق بواسطة التكتك يعني دباب ومعاه 3 كفرات وصلنا الشاطيء ووجدنا قارب الفندق في الانتظار دخلنا القارب وابحر بنا مدة نصف ساعة تقريبا ودخلت الغرفة الرائعة بنظافتها وحسن استقبال مضيفينها على قبل المغرب والجزيرة اغلب الي فيها من الجنسيات الاوروبية والمطاعم على امتداد الشاطيء يعني مسافة اكلم تقريبا من مطعم في مطعم في فندق في فندق كل شخص وحسب استطاعته في المساء تجولت في الجزيرة على الشاطيء ولا يفوتك المساج وخاصة في رجل اعمى يعمل مساج رائع جدا بـ 500 بيسو لمدة ساعة كاملة وحقيقة ماهر جدا اسأل عنه وبتلاقيه .
اخذت مساج ورحت للمطعم واكلت الكركند اول مرة في حياتي مايشبع لاكن حلو وطريقة الطهي والتحضير رائع مع اجواء الليل الممتعة وكنت بحاجة لمبلغ من المال وكان موجود مكينة صراف في نفس الجزيرة والحمد لله سحبت المبلغ الي ابي وبتحصل مكائن الصراف في اغلب احياء مانيلا اليوم الثاني قمت من الصبح وما بأفوت الفطور طبعا وخاصة المأكولات البحرية وياااااااااماااااااا بتشوف الرز الابيض بدل الخبز في الفلبين وعلى اي وجبة حتى البيتزا يعطوك رز ابيض بدل الخبز ههههههههههههه.
بعد الفطور توجهت للبحث عن اصحاب تأجير القوارب لمدة 3 ساعات بـ 1500 بيسو روعة وجولة على الجزيرة ولا في الاحلام وخاصة الي يبي يشوف اسماك النيمو الحمراء والخضراء وانت الي تطعمها توقف القارب بعد ساعة وسالني هل تريد الغطس ومشاهدة الاسماك وافقت ونزلت اسبح واتمعن في خلق الله وجمال الشعب المرجانية الغوص عن طريق الخرطوش يعني سهل جدا وبعد نص ساعة طلعت وكملنا الجوله على جزيرة رائعة دخولها بـ 100 بيسو تشوف الكهوف الي عملتها الامواج في الصخور مناظر رائعة وجزيزة صغيرة جدا وجميلة مدة الرحلة فيها نصف ساعة تقريبا بعدها عدت الي الفندق وتناول الغداء في مطعم على البحر وحقيقة الغداء مايشبع لاكن سي فود على قولتهم بـ 1800بيسو يعني بـ150 ريال والسبب في ارتفاع السعر الاوربيين حسبنا الله عليهم ونعم الوكيل .
وفي المساء مساج عند الرجل الاعمى وجلسة في مقهى رائع وشراء هدايا من الجزيرة استعداد للسفر اليوم التالي .
في الصبح فطور وسباحة على الشاطيء حتى الساعة 10 والعودة للفندق وتجهيز حقائب السفر وفي تمام الساعة 2 مغادرة الفندق والعودة بالقارب ثم التكتك ثم الطائرة الى مانيلا من لا يفوتكم تقديم الفش فاش والايس تي في الطيارة ههههههههههههههههه مشي حالك ياعم.
رجعت لمكاتي والسا رتبت لي العودة في فندق اكسفورد وصلت الفندق ورحت لمقهى القدس في شارع برقص والتجول في برقص والمبيت وفي اليوم الي بعدة توجهت بعد الظهر الى سوق sm طبعا عبارة عن سوق كبير جدا ومن جميع المنتوجات فيه بس السعر عندنا ارخص من عندهم بكثير شريت هدايا كتذكار وتوجهت الى قاردن بل وهو عبارة عن مجمع كبير من المطاعم الفخمة امام السوق مباشرة يعني 50 متر وانت واصل المطاعم وتمتع بجميع انواع المأكوكلات في العالم لاكن السعر غالي شوي يعني انا مسافر وباقي معي كم بيسو قلت افرتكها وابسط ياعم السفر بكرة انشاء الله .
اليوم الي بعدة غادرت الفندق وتوجهت للمطار ولابد يكون معك 550 بيسو ضريبة سفر لجميع المسافرين حتى تتمكن من تختيم الجواز وحقيقة معاملة الناس بالمطار تخجل مقارنة بالمعاملة الي هنا مليون مرة وترتيب ونظام يعني يكفيك الصمت الي في الصالة وبس على الرغم من الزحمة وتسهيل المهمة لإنهاء اجراءات السفر ختمت الجواز وتوجهت لصالة المغادرة وركبت الطائرة اقلعنا بحول الله وقوته وكلي ذكريات جميلة لن انساها في هذا البلد الجميل وليالي بروكاي الساحرة رحلة سوف تبقى خالدة في ذهني واتمنى من الله ان اكون وفقت في طرحي للرحلة عسى ان يحوز على رضاكم واستحسانكم .