الموضوع: محلات ملابس

[center]السلام عليكم ورحمه الله وبركاته
شخباركم
صباح الخير
ابي محلات ملابس مقاسات رجاليه كبيره مره مره مره ونسائيه مقاسات كبيره مره افضل محلات ملابس اطفال (بجامات - فساتين سهر مقاسات كبيره مره مره (مهم) -ملابس رجاليه من بجامات وحق بحر وهل الخرابيط مقاسات كبيره مره مره مره )
وابي محلات الشناط الي في المباركيه
افضل محلات الجلابيات (مثل الي علي الهام الفضاله قبل لاتضعف ) يعني جلابيات شعبيه وحركات
افضل محلات الاكسسورات تكون طبعا غريبه
افضل محلات شناط يكون حركات وتكون غريبه
اكرمكم الله جوتي ابي يكون حركات (محلات)
افضل المطاعم غير ميس الغانم وفريج صويلح
افضل امكان حق البوفيه المفتوح مع الاسعار

مواضيع عشوائيه ممكن تكون تعجبك اخترناها لك:

• مساعدتكم في الشقق الفندقيه
• مفاجاه تحت الكتمان اطلاق مشروع ضخم جدا في الكويت العام
• إستفسارات من اماراتي بيوصل للكويت بعد يومين
• مشروع كويتي وأفتخر
• مجمع الافينوز
• التاكســـــي في الكويت للمهتمين ،،،،،،
• دعوة للتسجيل في المرافئ الصيفية لا تفوتكم
• اريد شقق مفروشة في الكويت عوائل بسعر مناسب
• بسأل عن مدارس الكويت متى تعطل
• استفسارات عن بعض الامور ارجو الدخول من الجميع
• استفسارات عن ااكويت و الاماكن الترفيهية
• ذي افنيوز أكـــبر مـوول في الكويت معلومات وصور
• لدي الماس اريد من يشتري محلات في الكويت
• فزعتكم يااهل الكويت
• فضلا لا أمراشقق فندقية أو فندق
• ساعدوني الله يخليكم محتاره ومحتاجه مساعدتكم
• استفسار عن مسافه
• شركة مطاحن الدقيق الكويتيه
• طيران الجزيرة وحصة الأسد بمصر
• الحدائق و الألعاب المائية في الكويت صور معلومات

السلام عليكم

بجاوب علي بعض الاسئله ..

بالنسبه للمطاعم .. الافنيوز فيه مطاعم ما تنعد .. انصحكم بتجربه فيلا فيروز فيه و دين اند ديلوكا (كافيه و افطار) .. شوكلت بار .. نينو .. سواح .. و غيرهم
مطاعم 360 مول ايضا كثيره صارت .. و لازم تجربون مطعم جديد فيه B+F
مطاعم البدع بعد ..

بالنسبه لفلونه و فيكو و هالسوالف موجوده في جميع الجمعيات التعاونيه
و الحلويات الشعبيه بالمباركيه

بوفيه مفتوح مطعم الحمرا في الشيراتون .. اعتقد سعر الشخص 14 دينار او 16 مادري

اما المحلات فبتلقين في افنيوز و 360 كل اللي تبين .. و مارينا بعد

محلات المقاسات الكبيره مادري .. بس جربي Derby في سوق شرق
و كذلك في محل مقاسات كبيره رجالي في مجمع دار العوضي في شرق مره شفته

و حياج الله بالكويت

المطاعم مطعم مركز سلطان على البحر بشارع الخليج بوفيه والابراج بوفيه ومطعم البلد بمنطقة شرق بالبرج الازرق الدوار اما المقاسات الكبيرة عندك مجمع العدساني بحولي والمخازن بجانب بنك التسليف بالمرقاب ومثل ما قلت الاخت كويتية محل بالسرداب بمجمع دار العوضي بس ما انصحك فيه غالي شوي الحلويات الشعبية بالمباركية وفيكو وهالسوالف بسوق الجملة بالشويخ والجواتي وانتم بكرامة عندك محل الدو بسوق شرق وميلانو وستبس اما بيجامات الاطفال عندك الاسواق الشعبية مثل سوق المعلم هذا اللي اعرفه

الكويت ازغينونة نصبحة فروها كلبوها لا تقعدون عند المباركية فقط

مشكورين على المساعده الله يحفظكم من كل شر وان شاء الله نخدمكم في الافراح المباركيه لانه حركات قديمه نصير فيها مثل شجرة السدر

حياك الله في الكويت بلدك الثاني

الله يحيك ويحفظك

يعطيك الف عافيه على المساعده ربي يحفظكم من كل شر

الماعين (صحون كيسان جدور (جدر) طراز قديم
ويعطيك الف عافيه

المشاركة الأصلية كتبت بواسطة سوالف نسوان
http://www.arabtravelersforum.com/tr...6/#post4322926

الماعين (صحون كيسان جدور (جدر) طراز قديم
ويعطيك الف عافيه



ايي وانا خوج المواعين كل مكان .. لكن في اسواق شعبية في حولي تخصصة المواعين .. عندج خلف مجمع الرحاب في واحد .. وعندق واحد في حولي عند دوار صادق اسمة مواعين دوار صادق .. عندة المواعين الي تبينها ..وفي عندك سوق لندن الي بشويخ فية مواعين اشكال والوان وانصحك فية بشدة رخيص وزين

المشاركة الأصلية كتبت بواسطة bohasoon
http://www.arabtravelersforum.com/tr...0/#post4323560

ايي وانا خوج المواعين كل مكان .. لكن في اسواق شعبية في حولي تخصصة المواعين .. عندج خلف مجمع الرحاب في واحد .. وعندق واحد في حولي عند دوار صادق اسمة مواعين دوار صادق .. عندة المواعين الي تبينها ..وفي عندك سوق لندن الي بشويخ فية مواعين اشكال والوان وانصحك فية بشدة رخيص وزين



------------------------------------
ربي يحفظكم من كل شر مشكورين على المساعده

اللي افيدج

ذيك المره شفت مقاسات كبيره حيل في سيتي سنتر


و انا مو حيل مع المقاسات الكبيره


بالنسبة للمطاعم.

وااااااجد

عندج فرايديز و ساتشي و برج الحمام و و و الخ

شوفي تقارير بعض الاعضاء عن المطاعم


و هذا اللي اقدر افيدج


ومرحبا بج.


اختج

المقاسات الكبيره للرجال بالمخازن

يعطيكم الف عافيه

المواعين القديمة محلين بالمباركية :

عبدالغفار بولنـد + التميمي ، وكلهم مظاهرين لبعض ، وبجانب مقهى الدلالوه

خصوصاً عبدالغفار بولند عنده اشياء قديمة جداً .. بالتوفيق وسلمولي على أهل الكويت الأحبة

اختي بالنسبة للمطاعم مثل ما قالو .. اغلب مطاعم الافنيوز حلوة و 360 بعد ...و بعد في قعدات و مطاعم في المباركية ..

المقاسات الكبيرة .. رجالي ما اعرف ... نسائي في محل اسمه ايفانز او ايفنز شي جذي اشوفه في جمعية الشامية فوق بالزاويا اول ما تصعدين بين قسم العطور والتجميل و بين بودي شوب .. اتوقع له افرع لانه تابع للشايع بس ما اعرف

و في محل ما اعرف اسمه في مجمع نسيت اسمه بعد ههههههه !!! هذا المجمع في السالميه اللي شكله مثل برج حمام (الفندق اسمه غني شي جذي !! ) بس مو في المحلات اللي تابعه للفندق لا في المول نفسه .. يمكن اسم المول بلازا ؟؟ اللي يعرفه يعلمنا اسمه بليز ..بس ما ادري وينه بالظبط فوق ولا تحت !

في الرايه في محل اسمه بسلر .. عندهم مقاسات بس ما ادري اذا وايد كبيرة امي حبيبتي تشتري منه بس مقاسها مو اكبر شي و تشتري بعد من الصالحية من مارينا رينالدي هي تاخذ اصغر شي عندهم 21 بس عندهم المقاس يوصل لي 33 .. ال 21 قريب من ال 22 الانجليزي .. يعني مقاساتهم فعلا كبيرة

اتوقع المحلات اللي في مجمع النقرة فيها ... باجر اسألج رفيجتي و اعطيج خبر اذا في شي ثاني

و الدراريع .. الي مقابل المستشفى الاميري .. و في البلوكات ..

الاكسسوارات في الافنيوز .. و المهلب ..

الحلويات الكويتيه ..في المباركية ... الوطن .. الشمالي .. و في الجابرية بجانب ماكدونلدز محل اسمه هيل و زعفران

عندج الجملة في الشويخ الصناعية .. ناحية سوق لندن و محلات التمور

حياكم الله

ههههه اي اخوي اهم شي هالمحل ...

خلاص عرفت اسمه .. بلازا السالمية .. و اسم المحل اولا بوبكن

وين مكان عبد الغفار بولند بالضبط؟؟؟؟؟؟؟؟؟؟؟؟؟

المشاركة الأصلية كتبت بواسطة الفراشه المسافر
http://www.arabtravelersforum.com/tr...0/#post4617750

وين مكان عبد الغفار بولند بالضبط؟؟؟؟؟؟؟؟؟؟؟؟؟



بجانب مقهى الدلالوه فوراً .. اسألي أي شخص من بائعين المحلات بالمباركية ، وين مقهى الدلالوه وبيدلونج .. وبالتوفيق