اليوم السادس
بسم الله الرحمن الرحيم
صباحكم ورد ,,, اليوم صحينا متأخرين شوي نزلنا افطرنا بالفندق وطلعنا تقريبا الساعه 10,30 توجهنا لمحطة الباص وقررنا نروح لشلالات كريمل المهم كنا واقفين ننتظر الباص يجي وجاء الباص ركبنا والا هو مليااااااااااااان ناس مافيه مقاعد فاضيه نجلس فيها ونزلنا طبعا تهاوشنا شوي انا والمدام لانه ماوده نزلنا لان موعد الباص الثاني بيجي بعد ساعه (( عسى في الامر خيره )) وحنا جالسين ننتظر شفنا لوحه مكتوب عليها post bus جنب المحطة دخلنا للمكتب وكان موجود موظفه وسألناها عن الباصات فقالت انتم بتروحون مكان ؟؟ قلنا ايه بنروح لشلالات كريمل وقالت ان قيمة الذهاب والعوده لكريمل لشخصين 35 يورو لكن فيه عرض على تذكره اسمها (( pinzg-tick-erwe)) مدتها 5 ايام شامله التنقلات لعدة اماكن سياحيه مثل ( شلالات كريمل – كابرون – الزحليقه سالفادين - سنترزيلامسي – اماكن اخرى كثيره ) بقيمة 41 يورو للشخص اتفقنا نشتريها وقالت تلقونها بالباص طلعنا من المكتب وجلسنا ننتظر الباص لين جاء وركبنا معه وطلبنا منه تذكرتين بقيمة 82 يورو رحنا لكريمل ووصلنا بعد ساعه ونص بس كان الطريق ممتع والجو مغيم
لما وصلنا لمكان الشلالات ركبنا مع تاكسي بقيمة 17 يورو عشان يودينا للقمه بس كان الطريق يخوووووووووف بقوه وحنا بالتاكسي تشوف الناس تحتك ومناظر تدوخ الراس
,,,, نزلنا من التاكسي وبدينا نمشي على رجولنا والمناظر حولنا شي فوق الخيال مناظر خلابه والا صوت الشلالات وربي تقل حلم مو علم طبعنا مشينا مسافات طويله وتعالوا شوفوا الناس شلون مستانسه ومبسوطه وحنا انواع التصوير
وحنا نازلين بنص المسافه بدا المطر ينزل على شوي شوي اليييييييييييييين صار شديد من شدته ماقدرنا نكمل مشي وكان موجود مطعم قلنا ندخل لين يخف المطر طلبنا 2 صحن بطاطس مقلي بقيمة 8 يورو
جلسنا ساعه لحد ماخف المطر وبعدها طلعنا عشان نكمل باقي طريقنا والله ياهو طريييييييييييييييييييييييييييييييق طويييييييييييييييييييييييييييل نزلناه لحد ماوصلنا محطة انتظار الباصات ننتظر الباص اللي رايح لزيلامسي وقتها تعرفنا على شخص مصري اسمه ((ايهاب)) ساكن في زيلامسي له 22سنه شخص محترم ونصوح وخدوم جلسنا نسولف مع بعض لين وصل الباص ركبنا الباص وصلنا ورجعنا للفندق ريحنا شوي وبدلنا ملابسنا كان الجو خياااااال
رحنا لسنتر المدينه نتمشى بالمحلات ونتفرج اعجبنا كثير محل سوارفيسكي كنا بنشتري حاجه والفيزا ماهي معنا حجزناها لين بكرا.. بعدين اخذنا بيزا وبيبسي بقيمة 11 يورو ورحنا نفرم بالبحيره لحد ماأظلمت الدنيا ورجعنا للفندق تعباااااااااانين وعلى طول نمنا ,,,, تصبحون على خير ...........
المصاريف
التذاكر 82 يورو
التاكسي 17 يورو
بطاطس مقلي 8 يورو
بيتزا وبيبسي11 يورو
المجموع= 118 يورو
المفضلات