الموضوع: جايتكم قريب باذن الله

السلام عليكم ورحمة الله وبركاته

ياليت حد يساعدني في تنظيم جدول لزيارة هالأماكن
لاني ماعرف وين اماكنهم وشو هم الاماكن القريبه من بعض

راح نوصل الكويت بأذن الله الساعه 7 المغرب تاريخ 16/11/2010م وبنرجع الامارات بيوم السبت تاريخ 20/11/2010م الصبح
وودنا نزور هالأماكن

المدينه الترفيهيه
سوق شرق
الأفنيور
اكوابارك في بنيد القار
ابراج الكويت
مجمع الفنار
مجمع المهلب
المركز العلمي
PAINTBALL KUWAIT
نبي نروح لـ مسرحيه بس مانعرف اوقاتهم
النافورة الراقصة
مجمع كويت ماجيك
مجمع سيتي سنتر ومنطقة الفحيحيل


تقريبا هذي هي الأماكن
واذا عندكم مقترحات ثانيه اكون شاكره لكم

مواضيع عشوائيه ممكن تكون تعجبك اخترناها لك:

• الدينار الكويتي كم يعادل بالريال لسعودي اتمنى رد سريع
• أرقام جميع المطاعم والكافيهات بدولة الكويت
• متحف السيارات القديمه والتاريخيه بالكويت
• باقي يوم واحد فقط على بدأ الحجز الاكتروني للخطوط الوطنية الجديدة
• استفسار
• الفزعه ياهل الكويت
• استفسار عن الاكواريوم
• شقق فندقيه حولي
• نقدم عزائنا للمملكة العربية السعودية
• عندي سؤال بخصوص بيوت الشباب ياليت تجاوبوني ولكم جزيل الدعاء
• ثلوج في الكويت معقوله
• ترتيب جدول لزيارة الكويت الحبيبة
• افضل مكان لصرف
• استفسااااار عن فندق بليييييييييييز ساعدوني
• ماهو أفضل فندق ممكن الواحد ينزل فيه بقرب الماريوت واسعاره معقولة
• كم يبعد شارع ابن خلدون عن منطقة مشرف معرض الكتاب
• وين اروووح
• صور لمطعم و مقهى بالراية
• من قطر الي الكويت ،، تجارب ، وتمشايه ،،
• سؤال تأجير مخيمات‏

حياكم الله بديرتكم اختي الكريمة الابراج واكوا بارك paintballبموقع قريب عند بعض مجرد خطوات اما سيتي سنتر والفنار بمنطقة السالمية عندكم حديقة الشعب ومارينا مول وبعد الكوت مول بمنطقة الفحيحيل واذا رحتي الافنيوز مول روحي لكافيه اسمه لورنزو كراسيه بيضاء واطلبي منه سويت اسمه ملفيه راح يعجبك وتدعيلي ههههههه

17/11

الصبح تروحون مارينا كرسنت على البحر مقابل مارينا مول في مطعم اسمه زيت وزعتر بعدين تعبرون الشارع للمارينا مول تتسوقون وتشوفون المجمع لانه قريب. عقب تروحون المركز العلمي هم قريب. بعدين قريب من المارينا مطعم فريج صويلح تتغدون فيه.


العصر او المغرب تروحون مجمع الافنيوز يبيله نص يوم تسوق ومقاهي وبالليل ادشون سينما.


18/11

تروحون مجمع الفنار والمجمعات الي حواليه وبعدين سيتي سنتر , المغرب تروحون الابراج وسوق شرق وبعدين عندكم الاكوابارك او المباركيه او يوم البحار كلهم يم بعض انتوا وزعوها .


19/11

الصبح تروحون الفحيحيل مجمع المنشر تسوق العاب بعدين تعبرون الشارع من كل الجهات اسواق ومجمع الكوت سوق ومطاعم وسينما , عقب تروحون مجمع كويت ماجيك العاب للاطفال وسوق . العصر عندكم مجمع 360 ومنه تاخذون طريق المدينه الترفيهيه .

( حديقة الشعب مو بعيده من المارينا = paintball kuwait مو بعيد من الاكوا بارك
= في مطاعم شعبيه في المباركيه تصلح للريوق والعشا والغدا )

بالنسبه للمسرحيات اذا لقيتوا حجز شوفولها يوم.

انا اقترح 16-11


ترتاحون ساعه و بعدها تروحون سوق شرق تتمشون بالسوق و تتعشون



17- 11


تفطرون بمرينا كرسنت و بعدها تتمشون بالمرينا الي وقت الغدا بعدها تردون ترتاحون و على العصر تروحون المركز العلمي تدشوف قاعت الاكتشاف و الاكواريم و بعدها سينما اي ماكس تطلعون تتعشون بالابراج الكويت وبجذي ينتهي اليوم ال 17 .



18 - 11


يكون يوم الجمعه تروحون الافنيو راح ياخذ منكم نص يوم لان وايد كبير تمشو بالسوق و بعدها دشو السينما وعلى العصر او يمكن المغرب تردون ترتاحون و في الليل تروحون مسرحيه انصحكم لطارق العلي في ميدان حولي .



19 - 11


يوم السبت روحو الستي سنتر لي العصر وبعدها المدينه الترفهيه لي الليل


ما انصح تروحون


1- الاكوابارك لان الجو بارد
2- النافوره الراقصه لان مافيها شي


انشالله اكون فدكم

حياج اختي نورتي الكويت





مليون بالمية راح يون عيد و الدنيا زحمة و لأن الجو راح يون حلو و بارد و الناس منتشرة في كل مكان و الحديقة المائية اكوابارك راح تصكر محد لاحظ من الاعضاء مع تقديري لهم


ابراج الكويت في مدينة الكويت في منطقة دسمان قريبه من اكوابارك جدا قريبه لدرجة انج تروحين لها مشي
و الافنيوز بعيد عن العاصمة داخل منطقة اسمها الري على الدائري الخامس شوي بعيد مو حيل


و سيتي سنتر يعني قصدج سوق السالمية في مدينة السالمية على نهاية الدائري الخامس


و مجمع الكوت بعيد جدا عن العاصمة 50 كيلو في مدينة فحيحيل على البحر يستاهل الروحة له ما دام محمد عبده مغني فيه

و مجمع 360 قريب من المطار و راح تشوفينه على طريق الكويت - المطار في ضاحية الزهراء


و سوق شرق في مدينة الكويت في منطقة شرق ( الحي الشرقي ) و حلو السوق كبير و راقي و فيه محلات ماركات و تقليد حلو حق العايلة الكبيره




و سوق المباركية الشعبي حلو حيل في مدينة الكويت منطقة المباركية سوق يستاهل المجيئ




و المسرحيات لازم تحجزين قبل العيد بأسبوع على الاقل صعب تحجزين في العيد اذا حجزتي في العيد لازم 23 24 -11 تشوفون المسرحية هذا يلي اعرفه عن المسرحيات






و المركز العلمي على البحر في السالمية حلو حيل


و اذا كان في بالج مطعم راقي ترا الكويت كلها مطاعم على البحر و داخل السالمية يعني لا تحاتين




و حياج الكويت مرة ثانية


اخوكم : ولد خمس نجوم