الموضوع: واخيرا حجزت استفساراتي حتى موعد سفرتي

السلام عليكم جميعا

ان شاء الله راح يكون سفر بتاريخ 5\6\2010 الى 17\6\2010

13 يوم 11 ليله

والبرنامج راح يكون 2جاكرتا - 3 الجبل - 3باندونق - 3جاكرتا وش رايكم ؟

والسكن راح يكون جاكرتا فندق ميركوري - والجبل سيروني 2 - باندونق استون توربيكانا

س1\ وش رايكم احجز من كاها هناك او هنا من مكتب سفريات لاني مابي اتورط اخاف اروح هناك القها فل ؟

س2\ ماريكم اسكن طوال فتره اقامتي بجاكرتا بنفس الفندق او اغيره لفندق اخر خارج منطقه انشول لاني بيكون تمشيت

فيها باول يومين والغرض من التغير قد تكون اماكن التمشيات الاخرى الي خارج انشول بعيده المسافه عنها ؟

س3\ في المطار راح اخذ تكسي بلو بيرد يوصلني للفندق هل هي متوفره في المطار وهل سائقها يتكلمون العربيه او

الانجلش ؟

س4\ اذا بغيت اروح للجبل راح اخذ سياره خاصه وين احصلها سمعت انها تكون امام الفندق او احجزها من كاها ام ماذا

افعل او اروح بتكسي بلو بيرد واخذ من هناك من مكتب سلطان السياره وهل سيبقى معي في باندونق وثم الى جاكرتا او

لكل منطقه سائق ؟

س5\ ########jaka


ويعطيكم العافيه ... مع شكري وتقديري للجميع

مواضيع عشوائيه ممكن تكون تعجبك اخترناها لك:

• طيران اير اسيا من يعرفه؟
• محتااس ويبي رايكم تكفون
• رايكم يهمني في خطة السفر الى اندونيسيا
• استفسار أددد كده ــ
• الرجاء التصويت افضل طريقه لحمل المال في السفر
• اختفا ء نجم الكويت
• استفسار اصحاب الخبرة في اندونسيا
• مسافر ان شاء الله يومو سؤال لاهل الخبره
• طلبي غريب و أكيد احتاجمساعدتكم
• حجز فندق ووقت الوصول
• استفسارات متعددة للعضو بو صُباح
• استفسار
• مساعدة في الميزانية فقط
• احتاج مساعدة في تنسيق رحلتي
• امتلاك الاراضي في بلاد الاندومي
• سؤآل آندونيسيآ لـ ايآم
• استفتار عن مناطق الفيضانات
• استفسارات متعددة مطلوب سائق ومرشد سياحي
• ساعدوني الله يعطيكم العافيه
• أستفسار بخصوص عيد الاضحى في جاكرتا

لسلام عليكم جميعا



ان شاء الله راح يكون سفر بتاريخ 562010 الى 1762010

يعني وصولك لجاكرتا بيكون - ان شاء الله - السبت

13 يوم 11 ليله

والبرنامج راح يكون 2جاكرتا - 3 الجبل - 3باندونق - 3جاكرتا وش رايكم ؟

والسكن راح يكون جاكرتا فندق ميركوري - والجبل سيروني 2 - باندونق استون توربيكانا

س1 وش رايكم احجز من كاها هناك او هنا من مكتب سفريات لاني مابي اتورط اخاف اروح هناك القها فل ؟

اشوف لو تحجز اول ليلتين من السعوديه ,, في ميركوري افضل

لأن ميروكري انشول السبت و الاحد دايماَ فل


س2 ماريكم اسكن طوال فتره اقامتي بجاكرتا بنفس الفندق او اغيره لفندق اخر خارج منطقه انشول لاني بيكون تمشيت

فيها باول يومين والغرض من التغير قد تكون اماكن التمشيات الاخرى الي خارج انشول بعيده المسافه عنها ؟

لو تخلي الـ 3 ايام الاخيره بفندق ثاني احسن ,, تغيير

و انصحك بفندق جران ميليا

س3 في المطار راح اخذ تكسي بلو بيرد يوصلني للفندق هل هي متوفره في المطار وهل سائقها يتكلمون العربيه او

الانجلش ؟

ممكن تاخذ من مكتب في المطار بجنب مكتب كاها افضل

و الموظقين اللي في المكتب يتكلمون عربي ,, ولا تنسى تاخذ شريحة جوال بالمره

و خليهم يشغلونها لك افضل

س4 اذا بغيت اروح للجبل راح اخذ سياره خاصه وين احصلها سمعت انها تكون امام الفندق او احجزها من كاها ام ماذا

افعل او اروح بتكسي بلو بيرد واخذ من هناك من مكتب سلطان السياره وهل سيبقى معي في باندونق وثم الى جاكرتا او

لكل منطقه سائق ؟

تقدر تروح لمطعم اميره في شارع رادين صالح و تلاقيهم بالهبل

او ممكن تسأل صاحبة المطعم توقر لك , لكن احرص تكون السياره جديده

و التكييف ممتاز , و اسعارهم من 450 - 550 الف روبيه

على فكره صاحبة المطعم تتكلم عربي بطلاقه








ويعطيكم العافيه ... مع شكري وتقديري للجميع



بالتوفيق


,,

أخي الفاضل / الراحل

أجابتك الرائعــه والمميزة أم عزيز7 بارك الله فيها وجزاها الله كل خير

وتمنياتي لك ولمن معك برحلـة موفقـة ورائعـه أن شاء الله ...

ماقصرت تلأخت...

أجابتك الرائعــه والمميزة أم عزيز7 بارك الله فيها وجزاها الله كل خير

بس اعجبتني والله بسؤالك عن المعسل شكلك بالحيل خرمان وراعي جو!!!!!!!!!!!!!!!!!!!!! ههه

على فكرة محد راح يعلمك اماكن المعسل عشان لايكسبون اثمك............................

يعطيكم العافيه جميعا

ماقصرتوا ولاعدمناكم

وصولي راح يكون ثاني يوم يعني الاحد

طيب اذا بغيت احجز السكن بالجبل وباندونق وباقي ايام جاكرتا احجزها من مكتب كاها بالمطار ام لكل مدينه يوجد هناك

مكتب واحجز منه

وبالنسبه لصرف في الجبل وباندونق وين احصله او اني احولها كلها بالمطار او جاكرتا ياليت تفيدوني

واكرر شكري للجميع

يعطيكم العافيه جميعا

ماقصرتوا ولاعدمناكم

وصولي راح يكون ثاني يوم يعني الاحد

طيب اذا بغيت احجز السكن بالجبل وباندونق وباقي ايام جاكرتا احجزها من مكتب كاها بالمطار ام لكل مدينه يوجد هناك
الجبل السكن فيه من نفس موقع الفندق او من الحراس للفلل
باندونق تقدر تحجز من كاها في جاكرتا او في باندونق نفسها له فرع

مكتب واحجز منه

وبالنسبه لصرف في الجبل وباندونق وين احصله او اني احولها كلها بالمطار او جاكرتا ياليت تفيدوني

واكرر شكري للجميع
لاتصرف من المطار الا مبلغ بسيط حق الوصول والتكسي والسكن اول يوم بس لان سعر الصرف في المطار ارخص من وسط البلد
الجبل بتلقي فيه صرافين
باندونق بتجد صرافين فيها
جاكرتا بتلقي صرافين وسط البلد زي الصراف في سوق الاتريوم بلازا

يعطيك الصحه والعافيه اخي jaka

تعبتكم معي

بس الحجز من نفس الفندق من الجبل ماراح يكون غالي

او احجز من النت لاول يومين بجاكرتا ومنها احجز للجبل

مع شكري لك

يعطيك الصحه والعافيه اخي jaka

تعبتكم معي

بس الحجز من نفس الفندق من الجبل ماراح يكون غالي

معظم الفنادق و الفلل في الجبل ما تلاقيها عند مكتب السفريات كاها
عشان كذا تحجزها من نفس الفندق او من حارس الفيلا
و عموماً ما تعتبر غاليه


او احجز من النت لاول يومين بجاكرتا ومنها احجز للجبل

جاكرتا احسن احجز من كاها اللي بالمطار احسن
و اي منطقه تبي تروح لها احجز من اللي انت متواجد فيها
مثلاَ : احجز لباندونق من الجبل , و لجاكرتا من باندونق و هاكذا


مع شكري لك

,,,

عطتك زبده الزبده اختنا ام عزيز بارك الله فيها
الجبل مواقع الحجز من النت قليله فيه مثل فندق ومنتجع نوفوس بونشاك ريسورت
اغلب الفلل مالها مواقع لانها اقرب ما تكون بفلل منطقه الهدا او الشفاء اذا تعرف الحجاز والطائف
فلل خاصه يحطون لها سمسار او حارس يسوقها اذااهلها مو في المنطقه او اصلا تكون للاستثمار
وفندق سيروني لا يقدم خدكه الحجز من النت كماافادت اختنا الفاضله ام عزيز
------
بقيه المناطق زي ماافادتك ام عزيز ايضا
قبل تروح لكل منطقه احجز من كاها مثلا او رامانثا اي مكتب يناسبك سعره في الفندق اللي تبيه
-----------
اذا انت من الناس اللي تبي شغل ما يخر المويه تبي تحجز كل شي قبل تسافر فاتبع هالاسلوب
احجز ايام جاكرتا وباندونق (( المدن)) من النت وادفع قيمتها
والمناطق الريفيه تحجزها مباشره من هناك من حارسها او من الريسبشن زي فندق سيروني في بونشاك او ساري اتير في لمبانق مثلا
الفارق بالسعر بيكون بسيط في بعض الفنادق
مثلا اذا اخترت ميركوري جاكرتا فسعره بالنت بحدود 72 وبعض المواقع يكون فيها فارق 5 دولار اقل او اكثر
ومن كاها السعر تقريبا 69 دولار يعني الفارق ضئيل بالسعر
بس فيه فنادق اخري راح تجد فيه فارق بالسعر فيها
ميزه الحجز من النت بيريحك من البحث بس غالبا اغلي بشكل بسيط
ميزه الحجز من هناك السعر تقدر تتحكم وتفاصل فيه وتحجز حسب الارخص ويعيبه انك لازم تعمل ترتيبك كل منطقه تحجز لها قبل تطلع لها خاصه المدن مثلا
مع وجود ميزه للحجز من هناك انك تحجز كل يوم او يومين بشكل مستقل وتقدر تغير حجزك اذا غيرت برنامجك او ماارتحت في الفندق المختار
وهذا الامر ماتوفره كل مواقع النت بعضها يكون السعر غير قابل للاسترداد وبعضها يكون قابل للاسترداد مقابل خصم نسبه معينه من السعر تمثل نسبه مئويه من مجمل قيمه الحجز للسكن
وبعضها تفرض غرامه مبلغ محدد لالغاء الحجز
وبعضها لاتقبل الاسترداد وتقبل تغيير السكن او فئه الغرفه مقابل ضريبه محده
كل هذه الامور راح تجدها بحسب خيارات الحجز من النت حسب الموقع المحجوز منه
اما من هناك مباشره فانت حر ناسبك السكن تمدد لثاني يوم بالاتصال بمكتب سياحي او مرور به وتجديد الحجز
او ما ناسبك تطلع لغيره دون ما ترتبط بمعاملات روتينيه
هذا تفصيل لطرق الحجز اتمني تكون الصوره متضحه لديك بعدها
ورد اختنا ام عزيز كان شافي كافي لاسئلتك وحبيت اضيف عليه لتوضيح مااشكل عليك فقط

اشكر الاخت ام عزيز والأخ jaka

انا اشهد انكم كفيتو ووفيتو

وكثر الله من امثالكم

ايهما افضل فندق قراند ميليا او منهاتن او كراون

من حيث الخدمات والنظافه والاكل والموقع

واكون شاكر

وايهما افضل شريحه منتارى او سيمباتي

واكون شاكر لكم

تعبتكم بكثر الاسئله

المشاركة الأصلية كتبت بواسطة الرااااحل
http://www.arabtravelersforum.com/tr...2/#post3848362

ايهما افضل فندق قراند ميليا او منهاتن او كراون

من حيث الخدمات والنظافه والاكل والموقع

واكون شاكر



الموقع كراون بلازا
الافخم قراند بحسب راي من زاره ولم اجربه وجربت كراون فقط ومانهاتن
وتراهم مو بعيدين عن بعض مانهاتن وكراون بلازا
وجنوبهم ميليا ايضا ليس بعيدا عنهم








المشاركة الأصلية كتبت بواسطة الرااااحل
http://www.arabtravelersforum.com/tr...7/#post3849237

وايهما افضل شريحه منتارى او سيمباتي

واكون شاكر لكم

تعبتكم بكثر الاسئله



ارشح سمباتي من خلال تجربه شخصيه

يعطيك الف عافيه اخي jaka

وكثر الله من امثالك