المشاركة الأصلية كتبت بواسطة the-wise-man
http://www.arabtravelersforum.com/tr...0/#post3036150
السلام عليكم ورحمة الله وبركاتوا
تحية طيبه وعطره لكل أعضاء المنتدى أرسلها لكم عبر أثير محطة المسافرون العرب من هوليوود لوس انجلوس
نشرة أخبار الثانية عشر بعد منتصف الليل ننقلها لكم بأهم الأحداث من موقع الحدث هولييود
اليوم آآآه وا وييلاه على اليوم كانت الأجواء جميله في الصباح الباكر وجبروت الشمس في غسق النهار شنو قاعد اقول انا ههههههههههه المهم الجو جميل ومشمس تم استغلال الطائرة الخاصة لنقل مراسلكم وحرمة المصون الي بوابة
six flags حيث كان في انتظارهم التشويق والاثارة والوناسه في هذه الحديقة التي تميزت بالألعاب المثيره التي بها ومن أشهرها تنوع قطارات الموت بها
شوقتني صراحة :101:
انطر روحتي على نار
عليكم بالف عاااافية:smile:
fms مشكوووور حبيب قلبي على المتابعه والمرور والله شوف انا من ناحيتي قلبي إرتاح بفلوريدا أكثر ما أدري ليش بس هم كليفونيا حلو وبس
q8ya metnaqla ان شاء الله تروحون وتستانيون آخر وناسه ونفرح برجعتكم وكل واحد فيكم مستانس على الآخر وبالتوفيق يارب في العجله الندامه وفي التأني السلامه كل شئ بوقته حلو
shaaadn ما ادري شنو اقولك اخوي بس الصراحه الفنادق اللي انا قاعد اشوفها كلها موتيلات بهالشارع احس انها ما تصلح للسكن حاول تدور بنفس الشارع او فرق شارع عنه بجوجل ماب لانه سوري ما راح اقدر اشوفلك لاني الحين انا بالفندق وباجر الصبح مسافر منطقه ثانيه انا آسف كنت اتمنى اني اقدر افيدك
المشاركة الأصلية كتبت بواسطة الكويت ديرتي
http://www.arabtravelersforum.com/tr...9/#post3040639
انا بانتظار التقرير ..... ابي التفاصييييييييييييييييييييل
ان شاء الله ما باقي شئ كلها اسبوع وأرجع الكويت بعدين أتفرغ حق التقرير :24:
المشاركة الأصلية كتبت بواسطة أم فارس
http://www.arabtravelersforum.com/tr...8/#post3043218
ماشاء الله مراسل ميه ميه.. الله يعطيكم العافيةانت والمدام..
الله يعافيج مشكوره وما تقصرين :24:
بسم الله ارحمن الرحيم
ننقل لكم الآن أخبار التاسعه مساءا عبر أثير محطة المسافرون العرب نتمى للجميع حسن المتابعه
آخر الأخبار اليوم الجو صحو والشمس تضيئ نهار سان فرانسيسكو والجو يميل للبرودة نسبيا حيث نسيم الهواء البارد يدخل الى احشاء الانسان في شوارع هذه المدينه ، أخذنه جوله جميله منذ صباح اليوم في بعض أماكن تستحق الزياره في هذه المنطقه وكانت الاجواء تعم بالفرح والبهجه على وجوه الناس واحتفال بيوم الأب المهم مابي اطول عليكم بس عندي ملاحظة حبيت أقولها عن هذه المدينه ولو انها جميله وتتميز بشغلات ليست موجوده في أي منطقه ثانيه ولكن شفت هناك شئ ما عجبني الصراحه وهو كثرة المتشردين في شوارعها وهذا ما ضايقتني بصراحه وعدم تنسيق الشوارع عندهم هالشئين ضايقوني كثير منذ ليلة البارحه بس الله كريم ويعدي هاليومين علينه بسلام
كانت معكم نشرة آخر الأخبار ينقلها لكم مراسلكم the-wise-man من قلب الحدث san francisco .
شكرا عفوا
strongman مشكوور على مرورك وبالنسبه حق سفرتي 35 يوم والفندق اللي قاعد فيه اسم مترو بولس صاير يم مجمع وست فلد سان فرانسيسكو سنتر ويبعد عن اليونين سكوير 5 شوارع وشنو صاير على قولتك ما أدري بس اللي قاعد اشوفه مو عاجبني الصراحه قمت أخاف أطلع بالليل وأتأخر بسبب كثرة المتشردين في المنطقه كل اشوي يايك واحد يقولك أبي زقاره وأبي فلوس قمت أخاف يعني مثلا أمس صار معاي هالوقف تالي الليل كنت طالع من السينما الساعه 12 ونص بصراحه خف وحرمت بعد اطلع بالليل والله كريم ويعدي هاليومين على خير .
shaaadn مشكور على المرور والجو في لوس انجلوس في النهار الجو معتدل بس آخر يوم وانا طالع منها صار غيوم اشوي ما ادري اذا نزل مطر والا لأ بس في الليل الواحد يحس بلسعة هواء بارد يعني توصل درجة الحراره بعد ما تطيح الشمس الى 18 - 20 درجه وسان فرانسيسكو أبرد في النهار الشمس قويه بس هوى بارد وفي الليل الهوى بارد جدا يعني لازم تثقلون الملابس اشوي وخاصتا حق الاطفال وسان دييغو مو حاره ولا بارده الجو معتدل بس في الليل هوى جميل يرد الروح انا قاعد انقل لكم هالاجواء في هذه الفتره وما ادري بالنسبه للصيف وتقدر تستعين بمواقع الارصاد الجويه لكل منطقه في النت وبالتوفيق يارب
الموسيقااار مشكور على المرور وبالنسبه حق نيويورك ما عندي فكره لاني انا كنت في نيويورك الشهر اللي فات كان الجو معتدل في الليل وحر قليل في النهار بس الحين ما عندي فكره تقدر تستعين بمواقع الارصاد الجويه للولايات اللي بأمريكا
سامحوووني على القصووور واذا ما قدرت أعطي الاجابه حقها بالنسبه لأسئلتكم كان معكم محدثكم the-wise-man يجيب عن استفساراتكم بشتى بقاع مناطق الولايات المتحده الأمريكية . شكرا عفوا
بسم الله الرحمن الرحيم
ننقل لكم وعلى الهواء مباشرة من سان فرانسيسكو نشرة أخبار التاسعه مساء نتمى لكم حسن المتابعه
اليوم كان يوم حلو وجميل والجو كان روعه رحنا رحله ان شاء الله راح اذكرها لكم بالتقرير كانت ممتازه وحلوه وبعدها تمشينها باليونين سكوير مع نسمات الهواء البارد وتغدينه في مطعم امباك المفضل الي اهو شيز كيك فاكتوري على نغمات الموسيقى الهاديه كان غداء شبه رومانسي ومع عليل الهوى بالدور الثامن حيث كانت اشراقة منطقة اليونين سكوير تشع من الأسفل بالجمال وكثرة الناس وتعدد المحلات حولينها وبس هذي كانت آخر الأخبار ننقلها لكم من قلب الحدث .
( نصيحه اللي يبي يروح سان فرانسيسكو هالفتره تره الجو في بروده يعني ياخذ معاه على الاقل جاكيت خفيف )
نتمى السلامه والصحه للجميع نشكركم على المتابعه كان معكم محدثكم the-wis-man من قلب الحدث سان فرانسيسكو
شكرا عفوا
عليك بالف عافيه ان شاله والله اسهل عليك ويحفظك من كل مكروه صح تره بليل مخطور الواحد يطلع اقصد في اي ديره انا لعام بالصيف في فرنسا هم بعد جذي بعد الساعه 9 اتشوف اشكال غير الي الصبح الي نايم بالشارع والي يبي فلوس حق امكرمين المشروب فعاد الافضل الواحد يتجنب يطلع وقت متاخر اشلون السواقه بشوارع سانفرانسسكو وبشكل عام انا ن شاله بعد اسبوعين رايح واشوي قاعد احاتي السواقه
المشاركة الأصلية كتبت بواسطة strongman
http://www.arabtravelersforum.com/tr...3/#post3052113
عليك بالف عافيه انشاله والله اسهل عليك ويحفظك من كل مكروه صح تره بليل مخطور الواحد يطلع اقصد في اي ديره انا لعام بالصيف في فرنسا هم بعد جذي بعد الساعه 9 اتشوف اشكال غير الي الصبح الي نايم بالشارع والي يبي فلوس حق امكرمين المشروب فعاد الافضل الواحد يتجنب يطلع وقت متاخر اشلون السواقه بشوارع سانفرانسسكو وبشكل عام انا نشاله بعد اسبوعين رايح واشوي قاعد احاتي السواقه
الله يعافيك حبيب قلبي ما قصرت فيك الخير شنو نسوي بعد حبيبي ساعات الواحد يحس بالملل يبي يروح سينما او ينزل السوبر ماركت يشتري شئ شنو نسوي بعد هذا حال الدنيا خلها على الله وبالنسبه عن استفسارك عن السواقه اذا تقصد السياره انا والله ضايق خلقي من السواقه اهني الشوارع مو منظمة كلش والاشارات صغيره ما تبين عدل خلي بالك والمواقف تره غاليه وايد نار الفندق اللي انا قاعد فيه الحين الموقف يوم كامل ياخذون 35 دولار بس مجبور لانه عندي سياره وحته المواقف العموميه مو رخيصه بعد هم فيها غلا اشوي فخلي بالك والله يوفقك ان شاء الله :24:
المشاركة الأصلية كتبت بواسطة Impact
http://www.arabtravelersforum.com/tr...1/#post3052301
ماشاء الله على المراسل الحيوي
تسلم على التقرير لاكن الله يخليك اكتب ان شاء الله بهذه الطريقة وافصل بين حرف النون والشين !!
ويعطيك الف عافية وترجع بالسلامة ياغالي ..
وبالعافية على قلبكم التشيز كيك فاكتوري
العفووووو ما سوينه شئ حاضرين للطيبين والله يسلمك وما قلت لي ليش تبيني افصل الحروف حاضرين راح افصل بس ميخالف انت عاد طوف من السرعه قاعد اكتب بدليات ساعات
المشاركة الأصلية كتبت بواسطة شراع الهوى
http://www.arabtravelersforum.com/tr...7/#post3055417
يقصد بفصل النون عن الشين يعني لاتكتب الكلمه بهالطريقه (انشاء الله)
بل تكتب (ان شاء الله ) اي اذا الله اراد
سوري عاللقافه
اشدعوه يا شارع الهوى يعني مو لهدرجه انا ما افهم يبه أدري بس قاعد أتغشمر ويا الريال ومشكور على مرورك
السلام عليكم ورحمة الله وبركاته
ننقل لكم الأن وعلى الهواء مباشرة نشرة أخبار التاسعه مساءا عبر أثير محطة المسافرون العرب
اليوم الجو جميل ومشمس ولاكن الهوى أجمل وفيه بروده تنعش الروح كانت جولتنا اليوم خارج سان فرانسيسكو في منطقه تبعد قرابة ساعه عن سان فرانسيسكو حيث تجولنا بها واستمتعنا بالتسوق في الأوت لت وبعدها في بست باي وها نحن الأن نعود أدراجنا الى الفندق لنستريح قليلا لنرى اين نذهب هذا المساء يمكن يكون سينما
كانت معكم محدثكم the-wis-man ينقل لكم أهم وآخر لأخبار من موقع الحدث
شكرا عفوا
المشاركة الأصلية كتبت بواسطة lady*bird
http://www.arabtravelersforum.com/tr...7/#post3055857
يعطيك العافية تخوي مشكور على النشرة من قلب الحدث....
عندي استفسار بخصوص الجو بأورلاندو لأني سمعت ان السنه هذي يايتهم موجة حر موطبيعية فأبي أعرف صحة هالكلام لأني ان شاءالله بكون هناك الاسبوع الجاي.. وشكرا
مشكوره على المرور اولا وثاني شئ الجو في اورلاندو المشكله انه الجو في اورلاندو تقومين الصبح من النوم الجو جميل والظهر حر موت ورطوبه وعلى قبل المغربيه مطر قوي يعني كل هذا يصير بيوم واحد وانا صادفتني هالاجواء اهناك تقريبا لمدة اسبوع نفس الشئ كل يوم لمده كنت اهناك اول شهر 6 فاللي اقدر افيدج فيه انه الجو متقلب وكان في عندهم حر ورطوبه وينزل مطر بأي وقت توقعي فلازم يكون معاكم شماسي او تشترون من اهناك رين كوت يبيعونه في مدن الملاهي والسوبر ماركت وفي محلات تبيعه بعد وبالتوفيق :24:
وعندج هالمواقع تقدرين تستعينين فيهم علشان تشوفين حاله الطقس :
http://www.wunderground.com/US/FL/Orlando.html
وعندج هالموقع
http://www.weather.com/outlook/trave...om=search_city
وتقدرين تستعين بأي موقع يبين لج حالات الطقس شكرا عفوا:109:
السلام عليكم ورحمة الله وبركاته
معكم محدثكم the-wise-man ينقل لكم اهم وآخرالأخبار عبر أثير محطة المسافرون العرب
اليوم الجو جميل ومشمس كالعاده تأخرنه بالقومه اشوي من النوم لانه ما ورانه شئ بنروح السوق اشوي نفتر ونتمشى وبالفعل رحنه السوق وتمشينه وتسوقنه اشوي وكانت نهاية التسوق الغداء في مطعم شيز كيك فاكتري لانه اليوم اهو يوم الوداع بالنسبه لسان فرانسيسكو ولأمريكا لانه في عند فجر الغد سوف نحلق فوق اجواء الولايات المتحده الامريكيه لنودعها بكل حسره وضيقة صدر والعوده الى وطننا الحبيب بس هم الوطن له حلاوته ولذته وفراقة كان صعب بصراحه كنت مبسوط وياكم في نقل آخر الأخبار من قلب الحدث من عدة ولايات وسامحوووني على القصور وعلى اي شئ كان سيئ مني وان شاء الله اشوفكم وانا بديرتي وانقل لكم أخر الأخبار وشنو صار معانه في نهاية الرحله ومع السلامه
( الوداع يا أمريكا والى لقاء جديد في زمن عجيب )
شكرا عفوا
المشاركة الأصلية كتبت بواسطة fms
http://www.arabtravelersforum.com/tr...2/#post3059352
اذكر اشين شي في سان فرانسيسكوو الطلعات والنزلات متعبه جدا و قلق.
اي والله بالسياره لاعت جبدي وبالمشي انكسر ظهري :109:
المشاركة الأصلية كتبت بواسطة the-wise-man
http://www.arabtravelersforum.com/tr...4/#post3059354
السلام عليكم ورحمة الله وبركاته
معكم محدثكم the-wise-man ينقل لكم اهم وآخرالأخبار عبر أثير محطة المسافرون العرب
اليوم الجو جميل ومشمس كالعاده تأخرنه بالقومه اشوي من النوم لانه ما ورانه شئ بنروح السوق اشوي نفتر ونتمشى وبالفعل رحنه السوق وتمشينه وتسوقنه اشوي وكانت نهاية التسوق الغداء في مطعم شيز كيك فاكتري لانه اليوم اهو يوم الوداع بالنسبه لسان فرانسيسكو ولأمريكا لانه في عند فجر الغد سوف نحلق فوق اجواء الولايات المتحده الامريكيه لنودعها بكل حسره وضيقة صدر والعوده الى وطننا الحبيب بس هم الوطن له حلاوته ولذته وفراقة كان صعب بصراحه كنت مبسوط وياكم في نقل آخر الأخبار من قلب الحدث من عدة ولايات وسامحوووني على القصور وعلى اي شئ كان سيئ مني وانشاء الله اشوفكم وانا بديرتي وانقل لكم أخر الأخبار وشنو صار معانه في نهاية الرحله ومع السلامه
( الوداع يا أمريكا والى لقاء جديد في زمن عجيب )
شكرا عفوا
الصراحه اتحفتنه بسوالفك ومغامراتك وانشاله ناطرين التقرير المصور وان شالله انا امسافر بعد سبوعين
حبيت اسالك عن المصرف اقصد يعني غير السكن والتسوق المصروف الجيب جم طلعات وسينمات ومتاحف واماكن سياحيه وانا الصراحه محتار بين اني اخذ كاش وايد معاي او على الكي نت او الماستر شنو تنصحنه وتقريبا جم صرفك حق 25 يوم :114:
السلام عليكم ورحمة الله وبركاتوووووا
عاد البطل بعد الرحله الطويله والشاقه نوعا ما في طول المده في السفر والتحدي في بعض المواقف اللي صارت معاي اهناك ،حاملا لكم كل اشواقي وحبي وتقديري الى هذا المنتدى بكل مافيه من بوابات واعضاء ومشرفين اللي اقدر اقوله عنه اكثر من رائع ،و مشكورين لانكم كنتم معي في رحلتي بكل الاحوال الحلوه والمره وانا اكن لكم كل احترام وتقدير .
وأحب اني اشكر كل انسان وقف معاي وقدم لي يد العون وعطاني نصيحه وساعدني بهذه السفره بكل مافيها ما أبي اذكر احد أخاف انسى اسم والا شئ
سامحوووني على كل شئ انقال مني وتقصير طلع مني
وفي النهاية مشكوووووورين على كل شئ وانتظرووووني في تقريري اللي ان شاء الله راح اتفرغ له هاليومين بس ميخالف تحملووا لاني توني واصل الكويت امس بالليل وتعبان من السفر فنطروني هاليومين وان شاء الله ازهب كل شئ وابدأ في التقرير ويعطيكم العافيه كلكم وسامحوووني مره ثانيه على كل شئ وبالتوفيق للكل
كان معكم مراسلكم the-wis-man نقل لكم آخر خبر بوصوله الي دولته الحبيبه الكويت بعد طول غياب
( يا كويت ترابج احنه نبوسه ولو بإيدينا ما ندوسه )
شكرا عفوا
المشاركة الأصلية كتبت بواسطة strongman
http://www.arabtravelersforum.com/tr...3/#post3059643
الصراحه اتحفتنه بسوالفك ومغامراتك وانشاله ناطرين التقرير المصور وان شالله انا امسافر بعد سبوعين
حبيت اسالك عن المصرف اقصد يعني غير السكن والتسوق المصروف الجيب جم طلعات وسينمات ومتاحف واماكن سياحيه وانا الصراحه محتار بين اني اخذ كاش وايد معاي او على الكي نت او الماستر شنو تنصحنه وتقريبا جم صرفك حق 25 يوم :114:
مشكووور حبيبي على المرور وبالنسبه للمصاريف والله ما اقدر افيدك بالضبط لانه كل واحد ومصروفه يعني انت شنو تصرف بالضبط يعني يمكن انت تاكل وايد :109: فأكيد مصروفك راح يزيد وعندك اذا شربت ماي وايد هم راح يزيد لانك كل اشوي راح تشتري ماي :101: اتغشمر وياك المهم بالضبط ما اقدر اقولك بس انا اللي شفته يعني انا ويا زوجتي كنه نصرف باليوم تقريبا 100 دولار من اكل وسوبر ماركت وحق البانزين السياره تقريبا يعني يزيد 20 دولار في اوقات او يقل على حسب نوعية الاكل والظروف اللي نكون فيها السينما كانت اسعار التذكره تقريبا 10 دولار او اكثر اشوي بس مو اقل من 10 $ وبالنسبه للأماكن السياحية والله ما اذكر بالضبط جم الاسعار لانه للحين ما عدلت اوراقي وشفت الاسعار بالضبط بس اللي اذكره انه يوم كنه في اورلاندو اسعار التذاكر حق دزني 4 أيام + اليونيفرسال استديو يومين + والسي وورد يوم طلعوا علي التذاكر حق شخصين تقريبا ب 800 وشوي دولار ماني قادر اتذكر الرقم بالضبط :24: وبس هذا كل اللي اقدر اتذكره الحين عاد انت سامحني اذا ما قدرت افيدك عدل
وثاني شئ بالنسبه حق الجمله اللي عجبتك حاضرين نضبطك بأحلى الجمل ان شاء الله :24:
Impact + shaaadn + fms وانتو بعد مشكوورين على ردودكم وتفاعلكم معاي وان شاء الله نطرووني في التقرير :113:
تحياتي للجميع اخوكم the-wise-man شكرا عفوا:24:
المشاركة الأصلية كتبت بواسطة q8ya metnaqla
http://www.arabtravelersforum.com/tr...6/#post3071446
الحمدالله على سلامتكم و نورتوا الديره
ناطريييين تقريرك
الله يسلمكم والديره منوره بأهلها وان شاء الله التقرير بالطريج لا تحاتون :24:
المشاركة الأصلية كتبت بواسطة Impact
http://www.arabtravelersforum.com/tr...8/#post3072788
الحمد لله على السلامة ..
وفي انتظار التقرير
الله يسلمك ان شاء الله هاليومين قاعد ازهب حق التقرير واعدل اوراقي :101:
المفضلات