الموضوع: استفسار من الاخوات الكويتيات

السلام عليكم ورحمه الله وبركاته

نويت اروح للكويت في اجازه العيد ان شاء الله وهذه اول زياره لي للكويت وعندي صديقات بس ما اعرف شو اشتري لهم من هدايا انا اماراتيه وابغي اعرف شو اكثر الاشياء اللي الكويتيين يشترونها من الامارات عشان اشتريها لهم كهدايا اتمني انكم تفيدوني يزاكم الله خير

مواضيع عشوائيه ممكن تكون تعجبك اخترناها لك:

• بووووووووووووووووووووووك فسفوري
• اسواق ومجمعات شعبية للهدايا ؟
• لعنة كلمة عوائل فقط تطاردني من الرياض إلى الكويت جزيرة فيلكا
• مقبرة الصليبيخات
• مطبق زبيدي
• كيف أستطيع الوصول لسوق المباركيه قادما من المملكه
• مارينا وينفر بالكويت لمحبي التسلق من تصويري
• توزيعات مواليد ؟؟
• احوال الطقس
• فزعتكم يابنات جابر
• استفسار عن شقق بلازا
• شاليهات السيشل
• الى اهل الكويت الاوفياء
• مجمع المارينا
• محتاج مساعدة في ميناء تينجن
• الى اهل الكويت الاعزاء
• اماكن رشحتها للزيارة وشرايكم فيها
• فيه محل شيكو بالكويت
• الترتيب الصحيح لزيارة اكويت
• ممكن مساعدة يا اهل الكويت؟

اسمحيلي باللقافه ... اتوقع بخور وملافع

اتوقع الجلابية ( وجهة نظر )

اعتقد حلويات ودرابيل

محل " هيل وزعفران "
ولقيت قبل كذا موضوع عنه

و حسب ماقريت فيه فرع له بالمطار
حلويات لذيذه وشكل يشرف كهدايا

انا سعوديه بس دايم اجي الاماارات واجيب هدايا جلابيات وزعفران هذا المعروف عن الامارات

اشكركم على الرد خواتي

اممم الملافع يعني الشيل ؟؟؟ صح هههه

اممم فكره هيل وزعفران حلوه والبخور ما ادري اي نوع من البخور يحبون هل العود المعطر اولا البخور العادي لاني اذكر يوم كنت في امريكا وحده قالت ما احب الدخون الاماراتي بس ما ادري هل كلهم ما يحبونه ولا هي بالذات


بعد فكرت الزعفران حلوه وفكرت فيها

الجلابيات اعتقد ان جلابيات الكويت احلي وارقى وعندهم بكثره


في انتظار اقتراحاتكم خواتي

اختى الكريمة كونى متزوج اكثر البنات الى يحبون هدايا من الامارات الدهن عود والبخور والزعفران

عليج نور الملافع هي الشيل .. اما بخصوص الدخون الاماراتي بدون زعل فعلا اغلب بناتنا ما يحبونه .. الافضل البخور العادي ( العود ) ودمتي

و عليكم السلام و رحمة الله و بركاته

حي الله اهل الامارات

اختي الغالية .. ابتعدي عن البخور المعطر .. الغالبية ما تحبه (نستخدم معطر بس شغل الكويت ) لكن الاشياء المميزه عندكم وايد خصوصا الملافع (الشيلة) الكل يوصي على ملافع من دبي ههه و البخور العادي .. في عطور شرقية ما تكون موجودة عندنا و انواع طيب و دهن العود .. عموما اي شي من القلب يوصل للقلب .

انا ابي هديتي رهش معجف من محل في ابو ظبي قريب من مجمع زايد وايد حلو مو موجود بالكويت واذا ماكو مو مشكله دهن عود.

اتغشمر حياكم الله بالكويت واحنا بخدمتكم

المشاركة الأصلية كتبت بواسطة كويتي1968
http://www.arabtravelersforum.com/tr...2/#post4377902

انا ابي هديتي رهش معجف من محل في ابو ظبي قريب من مجمع زايد وايد حلو مو موجود بالكويت واذا ماكو مو مشكله دهن عود.

اتغشمر حياكم الله بالكويت واحنا بخدمتكم




فالك طيب اخوي

بس اول مره اسمع عن رهش مجفف

هههه

اشكركم على الرد

للاسف ما صارت لي فرصه الاجازه اللي طافت اني اروح يمكن هذه الاجازه بس مشكله الملافع على قولتكم طبعا هذا مصطلح جديمم ومغبر ههههه
اني ما اريد اشتريها جاهزه التفصيل احلي واشيك الله ما ادري اذا في مجال اني افصل وحلوه فكره هيل وزعفران بنوع الهدايا بس والله ان بخورنا حلو وتجنن ريحته ما ادري ليش ما تحبونه ههه

المشاركة الأصلية كتبت بواسطة قطرة _مطر
http://www.arabtravelersforum.com/tr...4/#post4616814

فالك طيب اخوي

بس اول مره اسمع عن رهش مجفف

هههه



هههه معجف مو مجفف

ياللا ما عليه خيره و إن شاء الله تتيسر جيتكم هالإجازه اختي

هههه اي شفتهم كاتبين ملافع كتبت نفسهم .. الشيله نسميها لفه ..

توصلين بالسلامه إن شاء الله

حياج الله

بخور العود الكمبودى او غيره

زعفران

دراعات الخفيفه عندكم تشيكله مميزه

موفقه

انا وحدة اقولج ما يبون الا سلامتج كفاية طلتج عليهم بالكويت بس تكفي عن كل الهدايا ...................اهلا وسهلا لج بالكويت

المشاركة الأصلية كتبت بواسطة كويتي1968
http://www.arabtravelersforum.com/tr...6/#post4618966

هههه معجف مو مجفف




ههههه

خطا مطبعي يعني

المشاركة الأصلية كتبت بواسطة fab u lus
http://www.arabtravelersforum.com/tr...0/#post4623940

انا وحدة اقولج ما يبون الا سلامتج كفاية طلتج عليهم بالكويت بس تكفي عن كل الهدايا ...................اهلا وسهلا لج بالكويت




الله يسلمج اختي وتسلمين بس ما يصير الواحد يدخل على الناس وايد ورى وايد جدام ههه

تسلمون كلكم على الرد