الموضوع: مرحباأنا عضوة جديدة وأحتاج مساعدتكم ضروري

السلام عليكم ورحمة الله وبركاته
مساءكم / صباحكم خير

أنا صار لي ثلاث شهور وأنا أقرأ بهالمنتدى الأكثر من رائع
وبغيت اليوم مساعدتكم في برنامج شهر العسل اللي راح يكون في أبريل القادم
شخصين
من تاريخ 7 ابريل الى 22 ابريل 2012 ( 15 ليلة )
أبغى مساعدتكم في تنظيم خط سير الرحلة
إحنا مبدئيا فكرنا في التالي:
باريس 5 ليالي - جنيف أو منترو أو لوزان 3 ليالي - انترلاكن 3 ليالي - ميلان ليلتين - روما ليلتين

وودنا نزور فينسيا بعد .. فهل ممكن نطلع لها من ميلان مثلا؟ أنا شفت ان المسافة من ميلان الى فينيسيا ثلاث ساعات وشوي
بس هل المواصلات سهله ومتوفره ؟ يعني هل القطارات متوفره روحه ورجعه بنفس اليوم ؟؟
اذا نقدر .. يصير ممكن نخلي ميلان - ثلاث ليالي وروما ليلة وحدة بس .. وش رايكم؟
وايضا من ميلان الى روما ؟ هل فيه قطارات يوميا ؟

وقد ايش تكلف القطارات غالبا ؟

بالنسبه للفنادق سهله الله يخلي بوكينق بس إذا أحد عنده أي إقتراحات ياليت..

يعني سؤالي عن المواصلات مابين سويسرا وأيطاليا وداخل ايطاليا نفسها؟ هل هي سهلة مثل داخل سويسرا ؟
وهل الأفضل أننا نستأجر سيارة في سويسرا؟ أو نكتفي بالقطارات؟

وبس
ويعطيكم العافيه

مواضيع عشوائيه ممكن تكون تعجبك اخترناها لك:

• مساعدة في برنامج أوربي فرنساسويسرا لمدة يوم
• وش رايكم بجدووولي حلو او لا
• فزعتكم يالنشامى رحلتي لاوربا بعد ايام وبدون جدول ولاحجوزات
• أرجو المساعدة في تنظيم رحلتي
• أتمنى توفيق الله رحلة لسويسرا
• في انترلاكن اي الفندقين افضل
• استفسار ل ولايهونون البقيه
• استشارة لشهر العسل في سويسرا واوربا في شهر يناير
• مين عنده احداثيات ؟؟؟؟
• الطريق من مرسيليا الى انترلاكن
• مساعده في تقسيم الايام في سويسرا
• مساعدتكم ف السويس باس
• رأيكم يهمني ومشورتكم تاج على رأسي
• سائق خاص و دليل سياحي في سويسرا
• خبراء انترلاكن رأيكم في هذا الفندق بليز ؟
• جدول لـ ايام في سويسرا ارجو المساعدة
• هل احجز الفندق قبل دخوله بيوم واحد
• استفسار عن قرية القريبة من انترلاكن
• رحلتي فى سويسرا والنمسا
• رحلة يوم الى ميلان و ديفون الفرنسية وباريس

رحلتكم بشكل عام فيها هجوله كثيييييييير ومشوره واشوفها متعبه الا اذا كنتم من الناس المحبين للتنقل وعفشكم بسيط وحركتكم خفيفه يمكن اختصار المحطات والعودة من ميلان واقترح عليكم البرنامج التالي جنيف محطه اولى واستجار سياره من الجانب الفرنسي والجلوس بضواحي جنيف 4 ليالي ثم الانتقال الى انترلاكن ساعتين ونصف والجلوس 4 ليالي ومنها الى ستراسبورغ الفرنسيه 3 ساعات وهي منطقة قريبة من ملاهي اليورب بارك وبادن بادن الالمانيه الجلوس ليلتين ثم تسليم السياره والانتقال بالقطار السريع المباشر الى باريس اقل من ساعتين ونصف عموما القطار من ميلان الى فينيسيا ساعتين ونصف ومن ميلان الى روما 3 ساعات ونصف (القطار السريع المباشر ) ولكن بما انكم راح تمرون ليش رتجعون الى ميلان يمكنكم الانتقال من فينسيا الى روما ال من 4 ساعات بالقطار ويمكن استخدام ىالطيران الاقتصاديى easyjet تحيااااااااااااااااااااتي

احنا قررنا نكنسل روما
ونخلي الرجعه من ميلان
بس المشكله في ذيك الفتره لما تبحث عن سكن في ميلان تلقى الاسعار مرره مرتفعه وبوكينق يقولك انها فتره زحمه في ميلان عشان كذا مرتفعه الاسعار
عشان كذا نفكر نسكن في لوقانو مثلا

يعني راح تصير باريس 5 ليالي - جنيف 4 ليالي واستئجار سيارة منها لزيارة (آنسي وديفون - ولوزان ومونترو - وميجيف وشامونيه) - انترلاكن 3 ليالي - لوقانو 3 ليالي

طيب هل من الاحسن اننا نكنسل انترلاكن ونخليها لوقانو 3 ليالي - ميلان 3 ليالي (ونزور فينيسيا )

كذا بيصير أحسن وأخف وأريح لان الفنادق قلت وصارت اربعه بس

وش رايكم

زين ما سويتي الحين ترتيبك افضل ولكن لا لا لا تكنسلين انترلاكن ولو تقدرين تزيدنها يكون افضل لسببين الاول انها منطقة جدا رائعه وطبيعة خلابه ورمونسيه للعرسان السبب الثاني لان الطريق من جنيف الى لوقانوا طويل ويحتاج الى منطقة في المنتصف وليس هناك افضل من ان تكون انترلاكن خصوصا انكم سوف تستأجرون سياره لان المتعة تتضاعف بوجودها وبالنسبه للسكن في لوقانو ايضا زين ما سويتوا لان ميلان سوف تكون قبيحة خصوصا بعد باريس وطبيعة انترلاكن وجمال ضواحي جنيف كما ان لوقانوا ليست بعيده عنها بالسياره ساعة ونصف وبالقطار السريع ساعه يعني بامكانكم تاخذون القطار وتذهبون اليها نهار كامل لانكم لو ذهبتم بالسياره سوف تحتاجون الى مواقف وزحمة وضيعه فروحوا بالقطار اريح لكن المشكلة في حال الذهاب في اليوم الاخير الى المطار اتوقع هناك باصات تنقلكم من لوقانوا الى المطار مباشره واخيرا انصحك بزياده يوم اخر لانترلاكن لو يكون من باريس افضل بحيث يكون التوزيع كالتالي 4 ليالي باريس 4 ليالي جنيف وضواحيها 4 ليالي انترلاكن 3 ليالي لوقانوا تحيااااااااتي