الموضوع: للتوفيرأخف عدة للطبخ

أخواتي واخواني الأعضاء .

الكل يحب السفر والكل يسأل عن الميزانية التي تحتاجها السفرة من : السكن والمواصلات والأكل والسياحة والترفيه وكلها

حسابات لها أول ومالها آخر .

وبما اني كثيرة الأسفار حبيت أعطيكم فكره عن توفير مصروف الأكل لبعض الأيام وهي : ( عدة الطبخ )

أول ما يوضع في الشنطة هو:الجدر الكهربائي AUTOMATIC RICE COOKER سعة 1,8 لتر استعماله سهل وآمن في

الفنادق ، يطبخ فيه الرز الأبيض والمكبوس ( والشوربة يترك بدون غطاء ) والمرق والفول و.......... .

يوضع الجدر مع كرتونته ويوضع بداخله البهارات ومفك العلب والسكين والملاعق وغيرها.

غلاية الماء الكهربائية متوسطة الحجم وعدد ؟؟؟ ملاعق وصحون وأكواب ومغرفة الرز من نوع ملامين ( بلاستيك ) وسكين

يفضل ذات غطاء أو تلف بالقصدير جيداً والبهارات والشاي والقهوة ودله صغيرة للقهوة والأجبان والرز حتى الحليب (علب

صغيرة في كيس )ولا تنسون التونة المفضلة لديكم

توضع الأغراض مع الملابس أو في شنطة صغيرة .


أتمنى تكون عجبتكم الفكرة .

مواضيع عشوائيه ممكن تكون تعجبك اخترناها لك:

• تكفون الفزعه رحله شهر العسل
• المساعدة في تنظيم رحلة للنمسا
• اقرب محطة لفندقي ؟
• استفسار عن تغيير الخطوط للوصول الى النمسا
• افيدوني في مسار رحلتي الاوروبية لاول مره جزاكم الله كل خير
• جدولي السياحي الى النمسا و ايطاليا
• نعم أحتاجكم فلا تحرموني مشورتكم
• الأكل الحلال في السفر كيف نعرفه وكيف نطلبه
• أرجو المساعدة بخصوص النمسا ألمانيا تركيا
• اسبوعين الافضل سكن في مكان واحد او تغيير السكن ؟؟
• جدول رحلتي باآجر السفر عطوني رآيكم فيه
• استفسار عن أفضل المناطق الريفية الي يمكن زيارتها برحلة 12 يوم فـقـط
• ميونخ + لوقانو + زيلامسي + ميونخ
• متى مواعيد عمل سفارة النمسا في رمضان ؟
• ماهي شركة الإتصالات التابعة للإتصالات السعودية ؟
• مكان مكتب الفيزا
• اتمنى من اهل الخبرة المساعدة
• هل فيه قطار يوصل من ميلانو لزيلامسي ؟؟
• ۞۞۞ بالفيديو ۞۞۞ زيلامسي النمساوية وانترلاكن السويسرية ۞۞۞
• الرجاء المساعدة في أصدار تأشيرة أو فيزا للنمسا

الله يعطيك العافيه

فعلاً خفيفه ومريحه وتصلح للفنادق

تسلم أخوي على المرور ويعطيك الف عافية

السلام عليكم

ماشاء الله.... طريقة حلوة ومرتبة...
الله يسعدج على الفكرة الطيبة

فعلا اشكرك

هذا اللي زوجتي تسويه عندما نسافر

اشكرك على الموضوع

يعطيك العافيه اختي وفعلاً اغراض مهمه وصغيره بنفس الوقت

فعلاً نعاني من سكن الفنادق والطبخ فيه يعني مثلاً في زيلامسي سكنت في فندق رومانتك جلسنا خمس ايام اتمنيت لو ناكل طبخ بيت لكن مايجي فندق وطبخ

لكن السؤال ايش هو القدر الكهربائي اللي تقصدين؟

أخوي dream Smil شكراً لك وللأعضاء لمروركم الطيب



هناك أنواع من القدور الكهربائية بس خذ أخفها وزناً.


وهذه صورته :

السلاااااااااااااااااااااام عليكم

الصرااااااااحه !!

وبعد الي صار معنا في سفرتنا الأخيره وكانت في عيد الفطر في انترلاكن وباريس !!

مؤؤؤؤؤؤؤؤؤؤؤؤيد وبقوه للطبخ في السفر :24:

بعد ماحسبتها وفرنا وبدون مبالغه حوالي 4000 يورو !!!!

وسالفتنا كالتالي :

اول ماوصلنا انترلاكن وكانت زوجة أخوي الكبير معانا وهي اول مره اتسافر معنا ..

بعد ماسوينا الدخول للفندق فقلنا للقروب تعالوا نتمشى في انترلاكن ونتعشى ولما تعشينا في مطعم شاليمار وكان العشا مش ذاك الزود حتى راعي المطعم اعتذر وقال انه ماكان مستعد لأستقبال الزوار بالكميه هذي لانه كان قبلنا خليجيين ..

بعد هالعشا زوجة اخوي احلفت انها تطبخ طول مدة السفره وكانت مدة السفره 10 ايام ..

وبعد ماردينا قطر قلت لها قولي أمين !!

قالت امين ..

قلت لها جعل يمينج ماأتعرض على النار :8888:

اضحكت وقالت ماقصرت ولكن ليش !!

قلت لها حسبت كم وفرتي علينا واطلع المبلغ حوالي 4000 يورو :24:

ومن بعدها اتفقنا ان سفراتنا الجايه ان شاءالله بيكون عشانا في السكن والفطور داخل في حساب الغرفه اما الغدا فراح نكتفي بالكوفي شبات والوجبات الخفيفه لين وقت العشا

وسااااااااااااامحونا طولنا عليكم

فكره روعه صراحه
ولو اني لما اسافر ما احب اطبخ لأني ابي اغير جو واستانس
بس مرات ايب معاي جبن قلاص واشتري التوست من الدولة اللي اروح لها حق العشا او الريوق اذا ما مدانا نتريق في الفندق

على العموم يعطيك الف عافيه وما قصرت

الأروع مرورك أختي أم عزيز تسلمين يا الغالية .

صحيح كلامك السفر للوناسة بس أحياناً وخاصة في الدول الأوروبية ،

ماتلاقين مطاعم حلال والكل يعتمد على الأكلات السريعة .

بس ليش ما نتصبر بأي شيء يسد الجوع لغاية ما نوصل الفندق العصر

ونطبخ ذاك المكبوس ( على تونة ) اللي يفر الراس فر ،

لأنه أسهل طبخة وألذها بس مجرد خلط كل المقادير .وبالهنا والصحة .

صدقتي غاليتي .. وانا بعد اسوي نفس الشي عندي جدر الضغط و التوست اهم شي اشلهم وياي دايما .. و يفكوني من صدعة الراس والتونا صديقي فالأسفار ...
ما قصرتي ع الطرح لج مني كل تقدير

تسلمين يا الغالية deech على المرور الطيب ،

وتحياتي للجميع .

المشاركة الأصلية كتبت بواسطة عبودي212
http://www.arabtravelersforum.com/tr...0/#post3620490

ممكن تفيدوني انا افكر اروح للريف النمساوي لمدة 15 يوم ومعي عائلة كبيرة ومحتاجين للطبخ هل اقدر احصل اللحم والدجاج بسهولة



انا انتظر الرد على هذا السؤال المهم بفارغ الصبر

تسلم على النصائح وفعلا الطبخ يوفر الكثير من المال

موضوع أكثر من رائع ،،

وهو ما فعلته في سفرتي العام الماضي لسويسرا ،

وكانت فرصة رائعة لمشاركة ( المدام ) في الطبخ ،

وكذلك ما فيه ألذ من الأكل الي تسويه ( المدام ) ،

ومن أروع الأشياء أن تأخذ ( الكاتم ) (والدافور ) وفي أي مكان ، تحت أي ظلال ، وقف وهات يا كبسة ..

ياسلااام ..

كلام سليم وافكار يشكر عليها الجميع

أشكر مرورك الطيب أخي أبو البطلين .

حسب معلوماتي أن الفنادق الأوروبية لا توفر مطابخ وحتى

القدر الكهربائي احتمال يكون ممنوع الطبخ به الا بالسر يعني

بعد ما تطبخ لازم اتخبيه في مكان آمن وتفصل الكهرباء عنه .

ومن ناحية القهوة ، أنا أغلي الماء بالغلاية وأضع القهوة والهيل

في الدلة وأصب الماء عليها .

أما القهوة الجنوبية انشاءالله الأخوات والاخوان يفيدونك .

ههههههههههههه دروس طبخ .

شكراً لمرورك الطيب violetq8 .

الفكرة حلوة والحاجة أم الاختراع والجوع كافر .

القدر مريح ويوفر لك فلوسك وتعبك في البحث عن الحلال .

[center][font="Arial"][size="5"][color="Indigo"]السلام عليكم ورحمة الله وبركاته

والله يا أخواتي واخواني حان دور الجدر والاستعداد للسفر ، والكل يعرف انه

السنة ما سمعنا لا عن انفلونزا ولا عن مرض بس السنه الأمر اختلف !!

الأخبار كلها عن البركاااااااااااااان ودخانه وصل وين

وما تتضاعف المدة المحددة للسفر يعني بدال ما نقعد 20 يوم تصير 40 يوم

وان شاء الله ما تغلق المطارات ، ولا تتبهدل فينا السفارات هههههه

القدر الكهربائي اول مره اسمع عنه .. و اكيد ينفع بالفنادق فكرة حلوه مره
لكن بغير الفنادق مالك إلا الكاتم

الله يعطيك العافيه

أسعدني مرورك العطر أخي الكريم بوردينق

جربه حتى بالشقق لأنه استعماله أسهل ،

ويعطيك ألف عافية .

هالفكره حلوه وتوفر كثير
يعطيك العافيه

أسعدني مرورك أختي الغالية وفاااء نورتي الصفحة

والله يعطيك ألف عافية عزيزتي .

تسلمين عالنصايح

صراحه موضوع شيق ونشكر السفيره على طرحه بس حبيت اسال وايضا المدام تسال اهى
تقول تبى جدر الضغط وانا اقول جدر الرز الكهربائى ( ومستحيل اخذ الاثنين) فجدر الرز
الكهربائى شنقدر نسوى فيه من الطبخات وياليت اهل الخبره يعطونا الطريقه ( مثلا نقدر
نسوى فيه كبسه دجاج) ؟
شكرا

السلام عليكم ..
أخواني حبيت أسأل عن أسعار الدجاج والسمك للطبخ علماً بأني أريد السكن في كابرون وأين توجد .
وجزاكم الله خيراً .....

الله يسلمك layan30 وألف شكر على المرور العطر .

أشكرك أخي الكريم kuwait2008 على مرورك الطيب ،

الله يسعدك مع المدام اللي تحب لك التوفير .

تقدر تطبخ عزيزي ( الرز الأبيض - مكبوس التونة - مكبوس الدجاج بس تكون قطع

الدجاج صغيرة حتى تنضج - المرق - الشوربة وتطبخ بدون وضع غطاء الجدر - الفول -

العدس - والبيض - البلاليط - البرياني : يطبخ أولاً الرز ويوضع في اناء آخر ثم يغسل الجدر

وتطبخ به مرقة البرياني ثم يسكب الرز فوق المرق ، .......الخ )

ههههههههه قلبنا لمطبخ منال العالم والسفيرة

طيب اقدر اخذ ودافووور يعني عاااادي مااافيه محاااكمه لاني ركبت غاززز بالطياااره ههههههههههه بس فكررة القدر حلوووو

مشكووووووورة فكره ونصيحة راااااائعة واهم شي الوزن يكون خفيف ... المشكلة بكل سفره اهلي دائما بقولون ناخذ اغراض طبخ وانا ارفض واكابر واحاول اقنع نفسي اننا مو محتاجين اغراض طبخ وبهارات لاننا جايين نتمشى ونستانس ومو لازم اشغل الاهل بالطبخ والنفخ وهي جايه ترتاح وتتمشى بس بعد يومين احن لطبخنا خصوصا الكبسة اذا تفطرت كبدي من اكل المطاعم واتحسف

تسلمين أختي الغالية السفيرة *ب* على الموضوع المفيد

والأفكار الرائعة وجزاك الله خيراً ، وترجعون بالسلامة .

تسلمين أختي الغالية سلطانه على المرور العطر ،

أختي عوضي بالخضار والبقول .

تسلمين أختي الغالية أميرة الأنوثه على المرور العطر ،

أختي ليش تعرضي نفسك والآخرين للخطر ؛ لأن أي علب

مضغوطة أو فيها غاز ممنوعة بالطائرة ،واستعمال القدر أأمن ،

والله يحفظ جميع المسلمين يارب العالمين .

أختنا السفيرة مساك الله بالخير
لازلت أنتظر الرد على سؤالي !!!

تسلم أخي الكريم اوكسجن على المرور الطيب

وصدقت الوزن خفيف والأكل فيه نظيف ،

أتمنى السلامة للجميع .

الله يسلمك أختي الغالية uaecat ومرورك الأروع عزيزتي .

مساء النور والسرور مساء معطر بطاعة الرحمن

أخي الكريم ولد رامه وأنا مثلك أنتظر أحد الأعضاء

يرد عليك لأني ما زرت النمسا من قبل ،

وتسلم على المرور الطيب .

حبيبتي سلطانه لازم تاخذين مصفاية ( مشخلة ) وبعد ما يغلي الماء

ضيفي البلاليط وبعد ما ينضج صفيه بالمصفاة واخلطي السكر والهيل والزعفران ،

ورديه بالجدر خمس دقائق ( أنت تتحكمين بفتح الكهرباء للجدر ) وبالهناء يا رب .

حبيبتي أخاف يعطونا بلوك بعد دروس الطبخ هههههههه

فكره رائعه اختي السفيره

الأروع مرورك انتهينا ودمتم في حفظ الرحمن .

تسلمين الغالية موضوعج مهم خاصة للعوايل الكبيرة وللي معاهم أطفال ... ^ـــ^

الله يسلمك حبيبتي أم محمـد ومشكورة على المرور العطر ونورتي الصفحة .

المشاركة الأصلية كتبت بواسطة السفيرة*ب*
http://www.arabtravelersforum.com/tr...0/#post3833120

حبيبتي سلطانه لازم تاخذين مصفاية ( مشخلة ) وبعد ما يغلي الماء

ضيفي البلاليط وبعد ما ينضج صفيه بالمصفاة واخلطي السكر والهيل والزعفران ،

ورديه بالجدر خمس دقائق ( أنت تتحكمين بفتح الكهرباء للجدر ) وبالهناء يا رب .

حبيبتي أخاف يعطونا بلوك بعد دروس الطبخ هههههههه

يا بعد عمري .. تسلمين والله ما قصرتي ..

لالا كله و لا البلوك .. عاد شو انسوي لازم نتعلم وجبات خفيفة حق عيالنا في السفرات ... في السفر مدري شو ايهم ينفجعون !

يعطيج العافية اختي السفيرة .. و لو عندج وجبات بسيطة طرشيها ع الخاص ما عليج امارة .. لاني ابسط الاشياء الي اسويها شوربه ( الاكياس الجاهزة ) .. معكرونه .. و رز أبيض ...

يزاج الله خير

حلوه فكرة الجدر الكهربائي وان شاء الله اجربها انا عادة اذا بفندق اخذ معاي الشغلات السريعة مثل

(( جبن + مرتديلا + نقانق + تونة + اندومي , نودلز + شوربة السريعة + نسكافيه وشاي وقهوه ))

يعطيكم العافيه يا خواتي واخواني الاعزاء
انا ان شاءلله مسافره وبقعد فيها 25 يوم باذن الله فقولولي شنو اخذ وشنو ما اخذ والشقق شنو فيها عشان اعرف
وشكراااا لكم
واذا هناك في ارز ولحم وسوالف الطباخ والا مافي وشكرا

السلام عليكم ورحمة الله وبركاته

أختي hessa2006 بعد تنظيف اللحم أو الدجاج يقطع قطع صغيرة

ضعيه في الجدر مع الماء والبهارات وافتحي الكهرباء واتركيه حتى ينطفئ أوتوماتيكياً

وأتركيه قليلاً ليبرد الجدر ثم ضيفي الرز على اللحم أو الدجاج الناضج مع قياس الماء

لكل كوب رز كوبين ماء ، وبالهنا من الشيف السفيرة

موفقه

ياليت بالتفصيل

أختي العزيزة ااالريم شكراً لمرورك العطر ،

إذا رايحه تسكنين بشقة تقدرين تاخذين قدر الضغط ولكن في الفنادق ممنوع ،

والغلايه احتمال توجد بالفندق أو لا ، وإذا كنت ممن لا يستغنى عن الشاي

في الرحلات فالأفضل تاخذي الشاي والترمس .

وإذا تحبي تاخذي رز وسكر وملح والشوربات ومعلباتك المفضلة مثل التونه ....

ورأيي الأسهل القدر الكهربائي لأنك ما تعلمين بالظروف .

أتمنى اني أفدتك ، وبالسلامة ان شاء الله للجميع .

تسلمين يالغاليه
الله يذكرك بالشهاده ذكرتيني بالرز ههههه
انا مااحب الشاي لكن اقول يمكن نعناع لي مثلا
اما القهوه فأنا مدمنه عليها واللي معي بعد
وذكرتيني بالسكر
تصدقين اخاف من قدرالكهرب اخاف احطه على خط موخطه وينفجر

هلا بأختي ااالريم ، ومالت على العدو

العدة سلمك الله أنا أحطها في شنط الملابس

موزعة ومربوطة بأكياس ، بس ما تكون مع صابون ،

والملح لأنه يمكن تحتاجينه أول ما توصلين ،

والقدر تقدرين تستخدمينه بالفندق بس بالسر .

ولا تخافين من القدر استخدامه آمن بإذن الله .

ملاحظة : حاسبي من البخار الصاعد من القدر يكون حار .

بتلاقينه في محلات اللي تبيع أدوات المطبخ والسوبر ماركت .

والله فكره مرررره حلوه
الله يعطيك العافيه اختي
بس ودي اسال انا عندي جدر كهرب لكن خطه 110
ما ادري يصلح لاوربا او لا

والله يعطيك العافية القلب الغائب وتسلم على المرور الطيب .

أروبا الفولت عندهم 220 ، الأفضل تاخذ جدر بالفولت 220 .

السفيره*ب*
تسلمييييييييييين ياقلبي يعطيك الف عافيه

الله يسلمك أختي

جرس الانذار ما يرن على البخار

ويرن على الدخان الكثيف ، وتوكل على الله ولا تخاف.

أنا آخذ كل حاجاتي علشان ما أدور بالأسواق عليها وأضيع وقتي ،

والصابون اللي تستعمله في البيت ، لأنه في الشقق فيه صابونه صغيرة لليد ،

عزيزي خذي العدة كاملة من بيتك ، وأدوات المطبخ موجودة بالشقة ،

بس بالفندق ما فيه والملاس خذي بلاستيك ،

وأكياس الزبالة ( أجلكم الله ) موجودة عندهم .

المشاركة الأصلية كتبت بواسطة السفيرة*ب*
http://www.arabtravelersforum.com/tr...6/#post3863566

السلام عليكم ورحمة الله وبركاته

أختي hessa2006 بعد تنظيف اللحم أو الدجاج يقطع قطع صغيرة

ضعيه في الجدر مع الماء والبهارات وافتحي الكهرباء واتركيه حتى ينطفئ أوتوماتيكياً

وأتركيه قليلاً ليبرد الجدر ثم ضيفي الرز على اللحم أو الدجاج الناضج مع قياس الماء

لكل كوب رز كوبين ماء ، وبالهنا من الشيف السفيرة

مشكوره وجزاج الله الف خير
بس ما قلتي لنا كم الوقت تقريبا ياخذ طبخ الكبسه( عشان نعمل حسابنا)؟

ألف شكر على المرور العطر kuwait2008 ، والوقت : يتوقف الجدر أتوماتيكياً

بعدما ينشف الماء " أي عند النضج " .

خلوكم في برانكم احسن رايحة النمسا وشايله قدورها

المشاركة الأصلية كتبت بواسطة ابو منجد
http://www.arabtravelersforum.com/tr...3/#post3947943

خلوكم في برانكم احسن رايحة النمسا وشايله قدورها



مشكور وجزاك الله خير وهذا من ذوقك

المشاركة الأصلية كتبت بواسطة ابو منجد
http://www.arabtravelersforum.com/tr...3/#post3947943

خلوكم في برانكم احسن رايحة النمسا وشايله قدورها



وين المشرفين عن مثل هالاشكال..من جد شي يقهر

الف شكر لك اختي السفيرة على الموضوع الاكثر م رااااائع

الكثير استفاد من الموضوع وانا اولهم

لا صحيح يعني الواحد يسافر للسياحة في اجازة هدفها الراحة والتغيير في كل شيء بما في ذلك نوعية الطعام وتجربة مطبخ البلد اللي يسافر له الواحد.
اما اشوف بعض او كثير من الاخوة والاخوات خصوصاً من منطقة الخليج ينفقون الكثير على السفر في الاجازات ولكن لا يعرفون كيف يستغلونها في الاطلاع على ثقافة وعادات الشعوب التي يسافرون الى بلدانها بما في ذلك تذوق اطعمتها التقليدية.
و ممارسة سلوكيات عجيبة ( وما اقدر اقول غير ذلك) مثل الطبخ والنفخ في غرف فندقية غير مهيأة لذلك شيء غير حضاري البتة. وبعدني حبكت الا كبسة خلال هالكم يوم اللي رايحنها لا وبعض الناس حتى الشيشة يشيلونها معهم.
وانت يا سواح لا تقهر نفسك تراني متخلف وخذني على قد عقلي