الموضوع: انتظ الجواب بفارغ الصبر

هلا بدولة وأرض ومحبي سمو الشيخ الأمير صباح الاحمد ( ابو ناصر) حفظه الله وحفظ جميع شيوخها وسكانها
السلام عليكم ورحمة الله وبركاته وبعد :


اخواني انا من محبي هالدولة حفظها الله وحرسها وكما قيل الجود والكرم ماينبع الا من هل الطيب وانتم اهل له عندي استفسار تكفوووووون اللي عنده إجابة وافيه ومعلومات دقيقة يجاوبني لاني مستفزع باخواني واحبابي الله لايحرمنا منكم ابداً.

فيه واحد يعز علي يبي يجي للكويت عنده مريض مصاب بالعين وسمع عن واحد عندكم يقال له جمال الشومر السؤال اللي يبي يتأكدمنه صاحبي هل جمال الشومر ممتاز ومجرب وعلاجه زين وهل فيه احد منكم يعرفه معرقة تامه هذا سؤاله

يقول الشاعر تكفى ترى تكفى تهز الرجاجيل ولولا ظروف الوقت ماقلت تكفى


انتظر الجواب بفارغ الصبر


اخوكم ومحبكم
عبدالرحمن التميمي
االسعوديه

مواضيع عشوائيه ممكن تكون تعجبك اخترناها لك:

• فندق روتانا المنشر
• للخبراء أبى أسافر للكويت أفيدونى
• انا بحاجة الى توضيح
• ذويقات كويت الحقوني ؟؟؟؟؟؟
• تخفيضات الصيف للملابس هل بدأت ؟
• بسوي زفة بالكويت دلوني وين اروح
• استفسار خاص بالمجمعات واماكن التسوق بالكويت
• صالون الهامه للرجال
• سويت جدول لرحلتي من الجمعهديسمبر واتمنىى تساعدوني في التعديل
• بخصوص اسعار السيارات في الكويت
• ممكن خدمه ضروري
• آلويكند آلقــآإدم إلى آلكويت
• فندق ريتز السالمية
• الخطوط البريطانية تزيد رحلاتها إلى الكويت
• مساعده عاجله ياهل الكويت بكرا السفر
• ماهي اقرب الفنادق لصالة التزلج
• فنادق في بكين
• ارجو المساعدة بخصوص الفنادق في كويت
• أهلا بضيوف عروس الخليج العين أوسع لكم من المكان
• جريدة الأن

اخى العزيز التميمى تحية طيبة معطرة ومليئة بالمحبة والمودة والثناء لك ولوالديك ولاهلك ولاحبابك

ولكل من يعز عليك. وكذلك نتقدم اليك بالشكر الجزيل على موقفك النبيل من الكويت واهلها

اما بخصوص المعالج الذى ذكرته فللاسف لا اعلم عنه شيىء لكنى اسمع عن دكتور استشارى نفسى

وشيخ دين اسمه عبدالله جاسم السيوحى وعنوان عيادته حولى شارع المثنى مقابل المدرسة الانجليزية

وأسأل الله ان يشفى صاحبك

أخيي omDD حفظك الله وحفظ الكويت وحفظ جميع من تفاعل معي الله لايحرمك الأجر والمثوبة وان يجعل حياتك دائماً وأبداً صحيحاً متعافي ووالديك ومن تحب ويعز عليك انا اعلم علم اليقين انكم فزاعة لاحرمني الله منكم يابعدي وماقصرت ورايح اوصله المعلومة بس اذا تكرمت وعلمت احد يعرف شيء عن الشيخ الشومر فجزاك خير الجزاء اولا وآخرا يالغوالي يالجيران الله لايخلينا منكم .

اخوكم ومحبكم
عبدالرحمن التميمي.

يامرحبا بالتميمي

تكفى لا تقول تكفى

هذا اللي حصلته لك عن الشومر


المعالج بالقران والسنه النبويه جمال الشومر

http://www.jamalalshomer.com

mailto:[email protected]

تليفونه
66839321
66007522


طبعا قبل الرقم لا تنسى فتح الخط 00965

اتمنى اكون افدتك

اتمنى من الله ان يمن على مريضكم بالشفاء العاجل

وان تتمتع انت وكل الاهل بالصحة والعافية

شكرا على الكلام الحلوووو والكلام الطيب ما يجي الا من الناس الطيبه شرواك ...

الله يشافي مريضكم ويفك عوقه

اما جمال الشومر ما سمعت احد جربه .. الا ان له برنامج تلفزيوني على قناة العداله وهو ليس شيخ دين بالمعنى الصحيح ولكن مجرد معالج .. وانا عن نفسي شخصيا مو مرتاحله 100 % .. لان كلامه فيه غرابه شوي

وحياكم الله بديرتكم الكويت

المشاركة الأصلية كتبت بواسطة q8i_cute
http://www.arabtravelersforum.com/tr...0/#post4397970

اما جمال الشومر ما سمعت احد جربه .. الا ان له برنامج تلفزيوني على قناة العداله وهو ليس شيخ دين بالمعنى الصحيح ولكن مجرد معالج .. وانا عن نفسي شخصيا مو مرتاحله 100 % .. لان كلامه فيه غرابه شوي



ياسلام عليك يا كويتي كيوت

كلام 10/10

وهذا اللي نقوله بس من يسمع

اخواني واحبابي الاعزاء:
محامي مع وقف
كابرون 1
q81
وجميع من شارك
الله يعطيكم العافية ياهبين الريح وهذا عشمي فيكم عزالله انكم فزاعة ولو يحصل ودي كل واحد فيكم اصافحه واقبل راسه ماقصرتوا ربي لايحرمني منكم والشي اللي ودي اعرفه وقلتوه هل هو مريح ام لا وجزاكم الله كل خير يارقى واغلى شعب
الله يبيض وجوهكم يوم تلقونه بعد طول عمر وعمل صالح امين

اخوكم ومحبكم ومغليكم
عبدالرحمن التميمي

ابعد عنه لا هو شيخ دين ولا معالج

انا أعرف ناس تعرفه شخصيا من صغرته .. هذا ما بقى مهنة ما امتهنها إذا ما فلح فيها غيرها وآخر شيء استقر على الرقية كون السوق يبي جذي

والقرار لك لك هذه نصيحة من أخوك ومتأكد منها 10000000000000%

الله يعافيك اخي سانيدي والساعة المباركة وتحت امرك بأي استفسار وما نرجوه الا هالكلام الطيب منك ودعائك هذي بالدنيا وما فيها تحياتي لك

اخوي طلحة عسى عمرك طويل على عمل صالح ومن يعز عليك قل آآآمين والله خلاص من كلام الربع وكلامك شلته من راسي والله يشافينا ويشافي مرضاكم ويسر امورنا واموركم بالدنيا ويجمعنا واياكم بالدنيا على خير وفي الاخرة بعد طول عمر وعمل صالح بجنات الفردوس. شاكر لكل من شارك وسيشارك.
اترككم في رعاية الله ,وكلكم يالكويتيين تاج راسي الله لايحرمنا منكم وباقة الورد هذي اقل هدية لكم اتمنى قبولها وشكرا .





محبكم
عبدالرحمن التميمي

اخوي التميمي

على حسب معلوماتي انه عندكم بالخفجي شيخ الناس تجيله من كل دول الخليج وكل الناس تمدح فيه

اعتقد انه افضل وأقرب

وعسى الله يوفقكم لما يحب ويرضى

التميمي العفوو طال عمرك ولا شكر على واجب

اسمحلي بهالنصيحه .. برايي تجربون مع مشايخ دين أول شي .. والشيخ اللي بالخفجي زين وممتاز حسب خبري فيه قبل 8 سنوات تقريبا كنت اودي الاهل له وقال حايشتهم عين لا اكثر لانهم كانوا يعانون من امراض والطب ما عرفها .. لكن بفضل الله ثم بقراءة هالشيخ تحسنت حالتهم كثير ... اما الشومر ما في مانع تخليه اخر شي مع الحرص طبعا خلال التعامل معه ... والله يوفقكم ويشفي مريضكم

يعطيكم ربي الصحة والعافية والمعافاة الدائمة والله لايحرمكم الاجر آآآمين لو تكرمت اخوي محامي واخوي Q8i الشيخ اللي في الخفجي وش اسمه بمعنى أصح وش يقال له من شان اقدر اسأل عنه واصل له بإذن الله وجزاكم الله خيراً واذا تكرمتوا اذا انكم تعرفون مكانه واسم الحي اللي فيه مع الشكر الجزيل ولايكفي الشكر لكن اقول الله يجعلم بجنة الفردوس امين

اخوكم ومحبكم
عبدالرحمن التميمي

اخوي انا انصحك بمشاهدة برنامجه التلفزيوني اذا كان ضايق خلقك وتبي تضحك بس

اخوي كويتي حفظك الله وسدد على طريق الخير خطاك تقصد جمال الشومر والا اللي بالخفجي ياقلبي


وبعدين احب اقول لكل الكويتيين هردلك هزيمة القادسية أمس ولاهي آخر الدنيا البرازيل هزمت من فرنسا على نهائي كأس العالم وهي ام الكوره والكويتيين رجال والنعم فيهم ولاننسى ايام جاسم يعقوب الله يذكر ذيك الايام بالخير

اخوي سانيدي كويتي 1968 يقصد شوف التلفزيون لتشاهد جمال الشومر على قناة العداله بس ما ادري متى وقت برنامجه بالضبط..
اما شيخ الخفجي فهو شيخ فاضل من قبيلة عنزه ...هو معروف تسأل اي احد بالخفجي راح يدلك عليه .. ما اعرف اسم الحي اللي هو فيه .. لكن اقدر اعطيك وصف خفيف.. وانت خارج من الخفجي باتجاه الكويت هو باخر حي على الشمال ويعتبر اخر بيت بالحي جهة البر يعني مافيه بيوت بعده ولا وراه ... قريب جدا من الحدود السعوديه الكويتيه...