السلام عليكم ورحمة الله وبركاته
وعليكم السلام
الاماكن الي اتمنى زيارتها (دبي مول -الامارات مول- اوت لت-سوق نايف -سوق مرشد-سوق الكرامه- اتلانتس-الممشى-سوق جميرا-سكي دبي-......ياريت تعطوني بعض الاماكن الممتعه ) بتلاحظون اغلب اختياراتي للكبار لان ماعندي اطفال
اختي اول شي تحديد قرب الاماكن
استعملي طريقه كنت انصح فيها الاعضاء
من مقر اقامتك روز قاردن
اخذي دبي جزئيين جزئ يميين وجزء يسار
الجزء اليمين والاماكن اللي فيه
وجزء اليسار والاماكن اللي فيه
ابدي معاهم الانسب لكم
حسب ماهو بالخريطه
نجي لي الجزء اليمين حسب قربه من روز قاردن
اللي اهو الامارات مول
بعدها دبي مول وبرج خليفه والنافورة الراقصه
( وهذا سهل انك تاخذين المترو من المحطة القريبه من
روز قاردن لان يودي له مباشرة) بعدها يجي الاسواق الشعيبة
سوق المرشد ، نايف ، الكرامه يبعد عنهم مسافه قريبه
هذا يفضل تصير بيوم واحد لقربهم لبعض
نجي للجزء اليسار
سوق الجميرا
بعدها فندق اتلانتس
بعدها الممشي
سوق الاوت ليت
نصيحة الغيه ما يستاهل المشوار بعيد مكلف بالتاكسي
واحتمال ما يعجبكم
وغير كذا ابغى استفسر عن الأسواق تكون فاتحه الظهر يعني فترة من 1-الى 4 العصر ؟؟
المولات تفتح من 10 الصبح لغاية 10 بليل
وبالعطل للساعه 12 بليل
اما الاسواق الشعبيه تفتح بعد 4 العصر
وبالنسبة للمترو كيف طريقته بطاقه بشحن ولا بأيش؟
موجود بكل محطه مكتب اتسعلامات ومكاين للبيع والشحن
فيه لمحطه وفيه لرحله وفيه ليوم
فيه كتيبات عند كل محطه فيه انواع البطاقات واسعارهم
ومطار دبي صح كبير ويضيع الواحد فيه؟؟
انتم تشوفونه كبير لكن اهو مقسم الي
Terminal 1
Terminal 2
Terminal 3
Terminal 4
وطبعا حسب الخطوط اللي جايين عليها وين راح توصل
وايش افضل سفينه تجوال ببالبحر بدون عشاء ؟
براي الشخصي سفينة الباتو
علي شارع السيف مقابل السفارة البريطانية
وبرج خليفه ايش فيه ؟؟يعني اروح اشوف ايش مكتبه ولا متحف ولا وشو بالضبط؟
برج خليفه فيه فندق بس طبعا غالي
وفيه باعلي شي منصة لمشاهدة دبي علي الطبيعة
ودخوله مباشرة 400 درهم
لكن اذا تحددون موعد لاحق يصير 100 درهم
والحجز يتم عند بوابة الدخول للبرج
سوق جميرا هو نفسه السوق الي فيه قارب وجلسات على البحر وديكوراته شعبية ؟؟؟
نعم هذا اهو السوق المقصود
بالنسبة للتكاسي الصباح وبالليل نلاقيها بسهوله ولا بنقعد نتظر وندور؟؟ لان بعض الاعضاء يقولوا في بعض الاسواق نادرا ماتلاقي تاكسي؟
بالعكس اكثر شي بدبي التكاسي
وكل مول فيه صفت تاكسي الي ماله نهاية
بس الانتظار وقت الويك اند في المولات
كيف تكون زيارة البحر يعني مثل جده عندنا نروح اي وقت وفيه جلسات وكوفيهات ؟؟؟ ايش اقول للتاكسي عشان اروح البحر؟
شاطي الجميرا بس قليله الكوفيات مو نفس الصورة اللي ببالكم
حديقة زعبيل حلوة يعني تنفع للكبار؟
حلوه بس في احلي منها
حديقة خور دبي
وحديقة الممزر بس تستخدمون تاكسي فا حديقة الممزر بعيده عليكم
ان شالله اكون وصلت المعلومات اللي ببالكم
بالتوفيق
المفضلات