السلام عليكم ورحمة الله
شحالكم يالاخوان
يا جماعه انا ناوي اسوي شهر العسل او اسبوع العسل في موريشيوس في شهر 11 واسئلتي كالتالي :
1- شو افضل فندق او منتجع تتوفر فيه بنغالو + حوض سباحه خاص .. او يتوفر بنغالو فيه (شاليه فوق ماء البحر ) .. بحيث يكون الفندق او المنتجع فخم وايد ومودرن و وااااااااااسع يعني لو تكاسلت اطلع من المنتجع يغنيني عن الطلعه واقزرها مشي فالمنتجع + يكون قريب من الاماكن الطبيعيه مثل الشلالات و الانهار والبحيرات .. يعني ابغي طبيعه في طبيعه .. وحبذا لو قريب من المطار (( شكلي لازم انا اللي ابني منتجع بهالمواصفات ))
من جد شبابات وبناتات .. نصايحكم مهمه جدا .. بخصوص السعر ( مااااايهم اي سعر عادي ) بس المكان يستاهل
انا من قبل سرت سيشل وسكنت بالفورسيزن وكان ممتاز بصراحه .. يعني ياليت الفندق ما يقل عن مستواه وفنادق الهيل توب اللي فيه .. كان شي مميز وجديد
تقدرون تعطوني 3 منتجعات وانا اشوف شو افضلها بالنسبه لي
2- شو تتوقعون جو موريشيوس بعد علم رب العالمين في 11 - 11 - 2011 .. هذا تاريخ عرسي بس اتوقع السفر راح يكون بعده بيومين او 3 + هالفتره زحمه ولا كيف ؟
3- بختصار شديد شو افضل الاماكن الطبيعيه وهل تتوفر هناك ملاهي العاب ولا لا ؟؟ شغل مصنع الالماس والشاي والمتاحف ما اميل لهم وايد ( ابي طبيعه خلابه + تسوق + ملاهي )
4- كيف بخصوص النقل والتكاسي هناك .. وهل تتوفر عندكم ارقام سائقين ذوق وخلوقين وفاهمين البلاد والسياحه فيها باسعار معقوله ولا اسوي مثل كل سفره واعتمد على مواصلات الفندق وهي غاليه كالعاده ؟
5- شو فيه موريشيوس من شي مو موجود في سويسرا غير البحر ؟؟؟
ومشكوووووووووووووووووووورين وايد وايد سامحوني طولت عليكم بس تعودت منكم اني ما اسافر الا بعد الرجوع اليكم وهذا من عشمي فيكم يا اخواني الاعزاء .. ومب ضروروي تجاوبوني على كل الاسئله بس اجوبتكم مهمه جدا جدا
مشكووورين مره ثانيه
اخوكم خريش في هاديمواضيع عشوائيه ممكن تكون تعجبك اخترناها لك:
- سؤال لأهل ىالمالديف
- جزيرة تيومن او تيومان؟؟
- موريشيوس في ديسمبر
- زيارتي لجزيرة كيش بالصور
- جزر مالديف مجمعوعة استفسارات
- استفسار عن الطقس
- ممكن خدمه بسيطه منكم
- موريشيوس افاده ممكن
- ما رأت عيني غيرك ملاك ياالمالديف
- أي فنادق المالديف؟؟
- بخصوص وقت الوصول لجزر المالديف
- ليالي في المالديف بـ الف ريال تستاهل ؟
- بسافر موريشيوس في شهر ومحتاج مساعتدكم
- في المالديف كم يأخذ الفندق وديعة من بطاقة الفيزا عند الدخول
- للي حجزوا عن طريق الامارات للعطلات
- لعشاق موريشيوس مسبح خاص داخل فيلا او فندق
- احترت بالاختيارالنمساسيشلموريشوساسبانياالمالديف
- استفسارات لاهل الخبرة بجزيرة موريشيوس
- تأشيرة ريرنيون
- صور منتجع كرومبا بالمالديف
المفضلات