الموضوع: اهل الكويت الغالين

السلام عليكم ان شاء الله نبي نجي للكويت بعد العيد وابي اسال ننقعد يمكن 5 ايام وابي اسال النهار وين نروح مع العلم انه معي طفلين والروحه كلها لهم وابي اسال عن ملاهي تصلح لهم اعمارهم 6و4 سنين كمان اشوف بالمنتدى سوق المباركيه وش المميز فيه وهل فيه قعدات تصلح لنا وشهي الاماكن اللي تصلح نروح له للاطفال وكمان اسواق ماراح اروح الا للمعلم والاوقاف والافينوز لانه فيه مكان اسمه بروي طيب المطاعم اللي تسوي غدا شعبي كويتي طبعن حنا مقررين نسكن ببودل وراح نطلع بالليل للكورنيش طيب اذا ماعليه امر ابي جدول تكتبونه لي بالاماكن المهمه والمركز العلمي هو الاكواريوم وبالنسبه للمدينه الترفيهيه متى تفتح وجزاكم الله خير

مواضيع عشوائيه ممكن تكون تعجبك اخترناها لك:

• استفسار عن المحلات التجاريه افيدونا يا اهل الكويت ؟
• استفسار عن المسرحيات وكيفية الحجز
• ابي اروح الكويت الاربعاء القادم من الرياض وابي المساعده
• زيارة لدولة الكويت لمدة يومين
• منتجع الجون الكويت الجليعه
• فعاليات المهرجان في مجمع العنود من يدلني عليه
• اريد اصدقاء من الكويت
• الملابس الكويتيه بتساعدوني ولا اظف وجهي انا وعفشي
• استفسار عاجل جدا
• سؤال مهم بخصوص طريق ابوحدرية المؤدي للكويت ، وسؤال عن منفذ النويصيب
• بنات الكويتـ أبحث عن المساعدة الاسئلة بساحة الاستفسارات
• وين الجلابيات بالجملة
• دلوني عالطريق
• رحلتي الأولى لدولة الكويت نهاية عام
• طريق الرياض الكويت الجديد؟
• و ين ألقى شقق مفروشة بالكويت ؟؟؟
• سؤال مستعجل
• مساعده في حجز شقق او فندق بالكويت
• استفسار يا اهل الخير
• المسافة

اين اهل الكويت ولا رد ياكافي

هلا بالغالي


ماشاء الله عليك مبين انك مجدول رحلتك وعارف الاماكن اللي تبي تروح لها لكن يبلك توضيح بلمسات خفيفه


سوق المباركيه المميز فيه انه سوق شعبي قديم وفيه كل اللي تحتاجه من ملابس واحذيه وشنط وعطورات ووساعات وغتر وشمع باسعار معقوله تميل الى الرخص(يصلح للهدايا) ولايوجد فيه مكان للجلسات العائليه سوى معطم شعبي او اثنين فطائر ومعجنات وفلافل عجيبه يفضل الطلب سفري نظرا للازدحام


مجمع الاوقاف التجاري يشتهر بالدراريع النسائيه ويوجد فيه محل مميز جدا وراقي لاستكانات الشاي والقهوه وملحقاتها وايضا اذا كنت من هواه تصليح الاجهره الكهربائه يوجد محل عجيب للادوات الكهربائيه وبالنسبه للاطفال يوجد صاله كبيره مغطاه اسمها (ارض الاطفال) الالعاب الاطفال من سن 3-16سنه في نفس المجمع لكن تحت بالسرداب وبالمناسبه هو قريب من سوق المباركيه يعني ممكن تخصص يوم كامل الاثنين تزور االاوقاف وتفرح الاطفال ومن ثم سوق المباركيه تتسوق فيه وتتتعشي



سوق المعلم سوق متوسط الاسعار وما يميزه مجمع متكامل سوق ووفيه مطاعم كثيره ومتنوعه وويوجد بالدور الاول صاله للالعاب الاطفال تناسب اعمار اطفالك الله يحفظهم


بالنسبه لبروي لالعاب الاطفال في منطقه شرق مابين سوق المباركيه ومجمع الاوقاف ولكن من وجهه نظري الشخصيه
مايستاهل العناء للذهاب له الان اغلب نوعيه الالعاب الكترونيه اسكتشافيه وانصح لاسبتداله في المركز العلمي قاعه الاكواريوم وحصور فلم علمي في سينما اي ماكس الموجوه هناك فيه تقنيه 3دي او مايسمى البعد الثلاثي

الافينيوز مول تجاري ضخم وفخم في اشهر الماركات العالميه ويوجد به دور سنيما ومطاعم متنوعه ويوجد بالقرب من المطاعم بالزاويه بالدور الاول صاله (ماجك بلانيت) لالعابا الاطفال من سن 4-18 وايضا هناك بعض دور السينما الافلام الاطفال بالبعد الثلاثي

الاكل الشعبي الكويتي
مطعم فريج صويلح
مطعم فريج عقاب
مطعم الستينات


اتمنى اني جاوبت على اغلب تساؤلاتك والاخوان مايقصرون معاك

وحياك الله الشيخ

ماشأ الله ماقصر بوطلال

شقق بودل عندهم نشرات بمواقع المتاحف والاسواق والمطاعم

وكل مايهم الزائر أطلبها من الأستقبال

تروح وتجي بالسلامه الظروف وحشـة

هلاوغلا انا انصح الصبح خلك في اسواق المباركيه قريب من المطاعم والمساء عندك الفروانيه باسواقها ومجمعاتها التجاريه .وقريب منها خيطان عندك مجمع اوتاد راقي وجميل والدبوس.السالميه باسواقها ومطاعمها الجميله من امتداد الدائري الرابع. حولي حولي بارك ملاهي للاطفال
الفحاحيل كويت ماجيك عندك مراكز التسوق في كل مكان

هلا اخي الظروف وحشة الصباح عندك مطعم البلد بمنطقة دسمان بوفيه افطار لبناني وعندك مطعم مركز سلطان ايضا بوفيه وعلى الخليج العربي وعندك كذا مطعم الجلسة فيه حلوة وشعبية وفطورهم اجبان وبيض ومربي وخلافه ولا تنسى شاي على الفحم وطبعا مثل ما انت عارف الجو لما تكون فيه موجود راح يكون بارد وحلو ويشجع على الجلسات هذي وعندك مطعم جديد اسمه ريوق بمنطقة الشعب البحري قطعة 8 ويقال والعهدجة على الراوي انه فطورهم رائع ومبتكر وفنتك وهو قريب من فيلا فيروزوعندك الابراج صباحا تحياتي لك

المطعم اللي جلسته خارجية وفيه اجبان ومربي وبيض وفول وخلافه وشاي على الفحم بجنب سوق السمك بالمباركية

ماشالله الاخوان كفو و وفو

حياك الله بديرتك الثانيه الكويت

عطله سعيده