الموضوع: محتار بين فندق ايبيس شرق وايبيس السالمية

السلام عليكم ورحمة الله وبركاته

صراحة محتار بين الاثنين

ابي الافضل من حيث النظافة ومواقف السيارات وهي شي مهم لي لاني متعقد من فندق اللي سكنت فيه في دبي

علما بان سعر اللي بشرق 25 دينار لليلة
واللي بالسالمية 29 دينار لليلة

واثنينهم بدون فطور

ارجو تعطوني رايكم

العام الماضي جيت وسكنت في كويت كونتتال بس اشوف مرفع سعره الى 35 دينار

صراحة فنادق وشقق الكويت صارت اغلى من دبي من حيث السعر علما بانها اقل مستوى

مواضيع عشوائيه ممكن تكون تعجبك اخترناها لك:

• دليل المتاحف في الكويت صور معلومات
• إذا ممكن معلومات عن الأماكن السياحيه
• عدستي الخاصة تتجول في فندق السالمية هوليدي إن
• زيارة للكويت ايام
• أين أجد ملابس شركتي بوما وأديداس الرياضية بالكويت الحبيبة
• فندق بلازيو
• تقرير شامل وطني الكويت
• فروحه الكويت بالفــــــنار
• قص تذاكر مسرحية الصيدة بلندن من السعودية
• رحلتي بالصور من الكويت الخبر وادي الدواسر الى ابها البهية
• بالصور كوتش الأمريكية تفتح أول متجر لها في الكويت
• استفسارات بخصوص السفر إلى الكويت في رمضان
• شراء الأثاث من الصين
• الكويت يوم الجمعه متى يفتحون
• يا جمال الكويت
• رحلات بحرية مشوقة بالكويت سلسان
• من الكويت العيد الأجواء الشقق
• المخطط الهيكلي لمترو الكويت سيكون جاهزاً في مارس
• اون تايم للساعات
• افتتاح أول متاجر جاك ويلز فيجراند أفينيو

إيبس شرق جديد .. لكن الغرف في إيبس صغيره لأنه عموما أهوا فندق إقتصادي ومن ناحيتي أنا .. انا راح أختار إيبس الي بالسالميه لأنه موقعه ممتاز حواليك الكثير من الكوفي شوبس والمطاعم وكذلك مركز سلطان (جمعية تعاونيه) وهم حواليك الفنار مول والمارينا مول وكلهم مشي تقدر تروحلهم .. ومن ناحية المواقف الي بالسالميه فيه له مواقف تحت بالسرداب ف لا تحاتي أبد

مرحبا اختار السالميه ولا تفكر عندك كل شى حواليك من المولات والكوفى شوب ومركز سلطان فيه مطعم فوق تقدر اتريق والريوق بوفيه مفتوح والسعر مناسب وحياك الله بالكويت

http://www.arabtravelersforum.com/user51857/

http://www.arabtravelersforum.com/user262558/

مشكورين اخواني على تفاعلكم

وتم الحجز على السالمية مع انه كاتبين انه الزوار في بوكنج انه الباركنج صغير ( سيارتي فورد ) وبالموت يحصلون يالله ربك يسهلها

انا سافرت الكويت حول 10 مرات صراحة الكويت شرحه

كنت اسكن في شقق اللي بدسمان او بنيد القار وما مره سكنت بالسالمية واالعام الماضي رحت مرتين سكنت بشقق ستي سويت

والمره الثانية سكنت بالكويت كونتتال كان تعاملهم راقي وفطورهم رائع واذكر يوم نزلنا المطعم كانت ريحت الدخان فايحه في المطعم اول ما دخلت قلت لهم ليش مو ممنوع الدخان شفتهم مرتبكين واشوف زحمة مصريين والا اشوف سعد الصغير وشلته يتريقون

حجزت امس على ايبيس السالمية واليوم جاني مسج بخصم الليلة الاولى من الماستر كارد مع انه مكتوب في بوكنج اني اقدر اكنسل الحجز قبل بيوم

كنت بحاول احجز على شقق بودل ارخص وشامل الفطور

بس ياالله

زين سويت حجزت اللي بالسالميه الصراحه موقعه وايد حلو وقريب من المجمعات
واذا احتجتوا سوبر ماركت بجانب مركز سلطان ومفتوح 24 ساعه والمطاعم بعد
وحتى بالليل الجو الحين حلو في كافيهات الفنار والبستان مكانهم حلو وستار بوكس بجانب سنتر بوينت

بخصوص بودل المكان بشارع المطاعم والحين وقت اجازة وعيد راح يكون شارع المطاعم زحمه وازعاج اما بخصوص ايبس موقعه ممتاز بجانبه مجمعات وكافيهات يعنى لو تحتاج اى شى ببليل تقدر اتروح من غير سياره خطوتين وانت بمركز سلطان وعندك ريوق مركز سلطان اتمنى لكم اجازة سعيده بين اهلك بالكويت

انا سكنت بايبيس شرق توه جديد فاتح قبل ثلاث اسابيع طليت على ايبيس السالمية طبعا الغرف نفس الشي صغيره مره لكن نظيفه والستاف مره زين الفرق الموقع ومواقف السيارات هناك الموقع جمع مجمعات وكافي شوبس وهنا لا بس ادا معاك سياره مو مشكله هدا الموضوع والشي الثاني هناك زحمة ومافية مواقف للسيارات عكس ايبيس شرق المواقف وين ماتروح والسعر مع الخدمة في ايبيس شرق ب 28دينار و750 فلس وبالسالمية 33دينار و500 فلس وايبيس شرق بعد فتره بيفعوا سعره وبيخلوه مثل السالمية وانت براحتك وتقضي وقت ممتع بالكويت

زين سووويت و حجزت

شرق افضل مواقفه اوسع

السالميه مواقفه شويه :\