المشاركة الأصلية كتبت بواسطة كاسر الكواسر
http://www.arabtravelersforum.com/tr...7/#post3932747
اخوي صقيع الله يعطيك العافية
ماقصرت
صراحة غيرت فكرتي عن بالي بعد تقرير اخوي نجم الكويت
رووعه بس شكلها غلاااااا
الله يعطيك العافية
وش رايك بموقع BOOKING.com
ابي احجز الفنادق منه
ويش رايك
...؟
الله يعافيك اخوي
اخونا نجم ماقصر عطانا فكره واخوي نجم ماقصر على نفسه لانه يبغى يروح يستانس ، وماقصر ذكر لك الغالي والمعقول .
عالعموم عزيزي الانسان ماهو بكل يوم شايل شنطته بيده ومسافر بالعكس يمكن مايسافر الا من سنه للسنه ويمكن مره كل سنتين بما ان الله اكرمني وقدر اني اسافر فليه ماابسط نفسي .
الغلا راح تلاقيه في كل مكان فمثلا انت في بلدك راح تلاقي الغالي والرخيص والمعقول فما بالك بجزيره جدا جميله وياتيها السواح من كل مكان لدرجه من كثر السواح زوجتي تضحك وتقول انت متاكد ان هالجزيره من اندونيسيا والا من اوروبا ؟؟؟؟
عزيزي انا يوم تزوجت حجزت واحد من الفنادق الجديده بالمملكه للاسف ماكان عندي اجازه كافيه اسافر فيها وكان قيمه الغرفه بالفندق 1200 ريال لليوم الواحد بينما لو رحت بالي بتاخذ لك فله مو غرفه بالسعر ذا او حتى اقل شوي لا وخدمات وجو ومناظر طبيعيه مو لما اطالع مع شباك الغرفه مااشوف اي منظر يحمس .
و بالنسبه للحجز عن طريق موقع BOOKING.com كثير جربوه و مدحوه لكن انا يوم وصلت هناك حجزت من مكتب كاها للفنادق اللي في جاكرتا وباندونق والجبل حجزت من هناك مباشره من فندق سيروني 2 اما بالي اول ماوصلت هناك حجزت عن طريق احد المكاتب الموجوده في المطار حجزت الفندق والسواق .
رحله موفقه عزيزي وصدقني اذا سافرت بالي راح تكون بالي كوم وباقي المناطق الباقيه كوم وبتتمنى انك تقضي كل ايامك هناك .
تقبل تحياتي ومروري ...... ودمت بخير وصحه
المفضلات