المشاركة الأصلية كتبت بواسطة i_love919
http://www.arabtravelersforum.com/tr...6/#post3878486
جدولك أخوي صقيع اهو الظاهر اللي راح أمشي عليه. اللحين نجي لمسألة التنقل. تصوري في التنقل كالآتي:
=========
أول يومين جاكرتا: التنقل بالتاكسي. واخر يوم الاتفاق مع سائق للذهاب الى بونشاك
=========
الجبل بونشاك لمدة خمس ايام: سائق باليوم والسفر الى باندونق مع السائق
=========
باندونق لمدة يومين: سائق باليوم والسفر الى بالي طيران
=========
بالي لمدة 6 أيام: الاتفاق مع سائق باليوم (هل هذا أفضل خيار في بالي!!!)
=========
الرجوع الى جاكرتا طيران والتنقل في جاكرتا بالتاكسي حتى موعد العودة من السفر
* كم يستغرق السفر بين هذي المناطق سواء برا أو طيران مع الاخذ بالاعتبار الانتظار في المطارات؟؟
* وبالنسبة للسفر بالسيارة هل الأفضل السفر في نهاية اليوم أم السفر في الصباح الباكر؟؟
هلابك عزيزي يسعدني اني اقدر اساعدك ولو بالقليل عالعموم خليني ابدا .
كل التنقلات بين المدن اوكي بس عندك مثلا جاكرتا اذا كانت تنقلاتك كثيره باليوم الواحد يعني لعده مناطق بالعكس من الافضل يكون معك سواق خاص باليوم بالذات لما تحب تتسوق في اليوم في اكثر من مكان بتقعد تتجول باغراضك من تاكسي للثاني صعبه عالاقل تخلي فكره التسوق والسياره اخر يومين ، وزي ماذكر اخونا ابن السعوديه عندك تاكسي بلو بيرد .
بالي شف لك مكتب حجوزات واتفق معاهم على سواق يضل معاك طول فتره اقامتك وطبعا الحساب باليوميه وراح تكون من 8 ساعات الى 10 ساعات ب 350000 روبيه اكثر من كذا لا تاخذ .
...............................
بالنسبه لمده التنقلات :
من جاكرتا الى الجبل ............. اربع ساعات .
الجبل الى باندونق ................ اربع ساعات .
باندونق الى جاكرتا ................... اربع ساعات .
زي ماشفت اغلبها بحدود اربع ساعات .
امابالنسبه لبالي :
طيران من جاكرتا الى بالي يستغرق تقريبا 1:50 يعني ساعتين الا عشر
....................
بالنسبه لوقت المغادره يفضل انك تتنقل الصباح عشان تعمل شيك اوت من هالفندق وتوصل تعمل شيك ان للفندق الثاني
ولا عشان توصل بدري تستكشف المنطقه من البدايه وتتفق لك مع سواق عشان ما يضيع عليك الوقت .
تقبل تحياتي ..... اي استفسار ثاني انا حاضر
المفضلات