الموضوع: بليز اللي عنده فكره عن الهندسه المعماريه

بسم الله الرحمن الرحيم
اخواني واخواتي الكرام
اردت ان استشيركم بشان دراسه الهندسه المعماريه بامريكا وهندسه الديكور
انا عندي اخت خلصت الثانوي وتبي تدرس هندسه ومحتاره بين الهندسه المعماريه وهندسه الديكور
طبعا ما راح تكون ببعثه راح تروح على حسابها الخاص
بس بالنسبه للتخصص احنا ندري ان الدراسه بامريكا تختلف عن الدول العرييه من نواحي كثير
فياليت اللي عنده اي معلومه يساعدنا
وش الانسب لها وش اللي مجاله اكبر المعماريه او الديكور
مع العلم انها بالرسم ماعندها خلفيه
وبالنسبه للمواد اللي يدرسوها في الهندسه المعماريه وش راح تكون بمعنى التركيز على اي مواد؟
وكم سنه مدتها ؟؟

لوسمحتوا لا تحرمونا من معلوماتك ابغى تفاصيل كافيه عن القسمين ورايكم الشخصي عنهم بليز مره يهمني رايكم

مواضيع عشوائيه ممكن تكون تعجبك اخترناها لك:

• استفسار مهم لخبراء بريطانيا
• البحث عن أفضل معاهد اللغة الانجليزية في الولايات المتحدة الامريكية
• جامعة كــــــارنـــفـــلد
• سؤاااااااااااال ضروري
• متى تبدأ الزوجة باستلام مخصصها المالي ؟؟؟
• مراحل اللغه؟؟؟؟؟
• والله محتااار ابي احد يشووور علي
• ممكن اي احد يفيدني ضروري ؟؟
• الله يفرج همكم ساعدوني
• مبتعث جديد الى نوتنجهام ، محتاج خبرتكم
• أوقات العمل في الملحقية الثقافية
• ايش تعرفون عن امر اركاب ۔ ارجو المساعده
• بخصوص من ينتظر قبووول الملحقية؟؟تقدر تفيدنا
• حاضر ومستعد
• أسعـار معهـد غـاليـة أو منـاسبـة مقـارنـة بـالـي زييـه الأسعـار بالداخـل
• الحمد لله بعد عناء وصلت واشنطنتفضل بالدخول
• انا رحت في خبر كان يالله القى مخرج من هالمشكلة
• هل احد يعرف فندق في واشنطن مناسب سعره؟؟
• يا شباب تكففوون
• مشكلة في مدة الفيزة الثلاث شهور

الله يسعدكم ليه محد رد علي بلييييييييييييييييييييز لو فكره بسيطه على الموضوع

السلام عليكم معليش اختي لكن التخصصين كلهن فاشلات ومافي مجال عمل لهن لان برامج الرسم اخذت محل المهندس المعماري واذا كنت في السعودية هذه مشكلة لان مجال عمل المهندسات محدود جدا واذا تبين نصيحتي ادرسي تخصص طبي افضل او علمي غير الهندسة .شكرا واتمنى اني ساعدتك

هلا ومرحب اخوي تراك حطمتني والله وش دعوى الهندسه الحين صارت ما تنفع
اجل وش اللي ينفع بهالايام انت تكرمت وقلت لي طب بس انا مالي ابد بالطب ابد ابد مو ضابطه

مشكوووووووووووووور اخوي

المشاركة الأصلية كتبت بواسطة غصن الحب
http://www.arabtravelersforum.com/tr...4/#post3432184

هلا ومرحب اخوي تراك حطمتني والله وش دعوى الهندسه الحين صارت ما تنفع
اجل وش اللي ينفع بهالايام انت تكرمت وقلت لي طب بس انا مالي ابد بالطب ابد ابد مو ضابطه

مشكوووووووووووووور اخوي





السلام عليكم هلا اختي انا ما اقول ان الهندسة فاشلة انا اصلا مهندس كيف اقول انها فاشلة ثاني شي الرسم المعماري في الاصل مايندرج تحت الهندسة لكن حنا للاسف في الدول العربية اذا قال الواحد هندسة راح باله مهندس ممعماري .وكثير من الناس اذا سألوني وش تخصصي اقول مهندس كهربائي يقول وشلون تصلح لمبات لكن انا ماألومهم لان مايعرف تخصصات الهندسة الا المهندسن وبعدين ياختي الله يحفظك لو فرضنا انك درستي هندسة كهربائية او مدنية او غيرها وين تبين تتوظفين ماتوظفك الا شركة ارامكو ولا راح ترتاحين فيها وانا والله ياختي ماودي الا مصلحتك وانت سألتيني عن رأيي في الهندسة المعمارية فيه تخصصات كثيرة حلوة ومناسبة والقرار الاخير راجع لك شكرا للك وارجو ان تتقبلي كلامي بصدر رحب والسلام عليكم

اكيد اخوي انا متقبله رايك بكل صدر رحب ولا ما كنت سالت من الاساس
عموما مشكور وما قصرت والله يسهل

مع التحفظ لمن قال ان التخصصات فاشله انا مهندس معماري واقول لك برامج الرسم المعماري خرجت عشان تدعم المهندسين وليس لتقضي عليهم

هناك جانب ابداعي وجانب ذوق وفن غير موجود واستحالة يكون موجود في برامج الرسم المعماري لانه مستحيل برنامج رسم يتفهم احتياجات التصاميم والاحتياجات الشخصية والاجتماعية المصاحبة للتصاميم هي مثل ماقلت لك وسية تدعم المهنة فقط لاغير


اختي بالنسبة للتخصص انصحك وبقوة التوجه للتصميم الداخلي انسب للسيدات اكثر وهن مبدعات بشكل غير معقول في هذا المجال والمجتمع بدا يثق فيهم اكبر واتوقع ان يكون هناك فرصه غير طبيعية مستقبلا للمنتساب لهذا التخصص وبالتوفيق

مشكور اخوي على المساعده بس حبيت استفسر منك هل من الضروري الواحد يكون عنده موهبه الرسم او ما في ما في مشكله على حسب ما سمعت من ناس انهم يدرسون الواحد من الالف للياء

لا ماهو شرط انا رسمي كان سيء جدا جدا جدا وعلمونا أساسيات الرسم والرسم ثلاثي الأبعاد لكن اللي كان رسمهم جيد كان ادائهم افضل ودرجاتهم افضل ولم تكن تصاميمهم الأجمل دائما ولكن اعمالهم كانت اميز

مشكور اخوي نواف على تفاعلك بموضوعي وبصراحه انك رفعت معنوياتي كثير
مشكور للمره الثانيه وانشالله نخدمكم بالافراح

الله يوفقك وتحصلين مبتغاك وتسعدين اهلك