الموضوع: يا أهل الكويت الطيبين ،، أحتاج مساعدتكم

السلام عليكم ،،

حبايبي أهل الكويت ،، لأول مرة راح أزور الكويت ، في مهمة رسمية ( حضور مؤتمر ) مدة الرحلة راح تكون 5 أيام ،،
مكان انعقاد المؤتمر فندق راديسون ساس ،،

أبي أعرف الفنادق القريبة من راديسون ساس ... ويكون سعرها حلو ومناسب ،، عشان الاقامة وراح أكون صريحة معاكم ما أبي شي غالي وااااااااايد واااااااااااايد ... ... لأني ما راح أكون متواجدة في الفندق الا الليل راح أطلع من الصبح لليل ،، تهمني النظافة والهدوء

متعشمة فيكم خير ،،

مواضيع عشوائيه ممكن تكون تعجبك اخترناها لك:

• زيارتي الأولى للكويت
• هل السعر مناسب ام ابحث عن بديل ؟
• مساعدة مضيع شقق
• حلويات أوبرا يا أهل الكويت
• استفسار عاجل اليلة السفر للكويت الحبيبة
• يشارك الكويت باحتفالاتها الوطنية
• استفسااااار لزوار و سياح و أهل الكويت
• أفضل مطعم بخدماته ونظافته وبسعرهالخ
• مطعم ساسو شغل عدل
• مساعدتكم مطلوبه
• ستار بكس حولي
• شقق الجهراء؟
• بخصوص مهرجان فبراير
• نبرفانا
• بغيت كوفى شوف لمشاهده الدورى الانجليزي
• مجمع الكوت والعوضي
• اذا سمحتوا ضروري
• استعلام عن شقق راقيه مستعجل
• الفزعة يا اهل الكويت
• آلسفر من الكويت الى الدمام

حياج الله تشرفينا عندج فندق موفنبيك البدع وفندق النخيل والريجنسي على خط واحد وقراب من بعض اما الاسعار اعتقد ما تتعدى 70 دينار للغرفة المزدوجة وفيه ارخص شقق فندقية بالسالمية مثل بودل وكازا للشقق الفندقية تحياتي لك

حياج الله اختي ..توصلين بالسلامة ان شاء الله

في عندج هوليدي ان السالمية ... قريب و نظيف و اسعاره ممتازة

تقريبا 50 دك على بوكنغ booking

أنتظر آراء البقية ،، يا ريت تحددون لي جم المسافة بينهم وبين الراديسون ساس بالسيارة ،،

خبركم آنا بروحي وما أبي أتبهدل ...

شرايكم في فندق Hawthorn Hotel & Suites شلون خدماتهم ؟؟؟ لقيته وآنا أحوس في موقع booking

وشلون عن المسافة بينه وبين الراديسون ساس ... أدري هذرتي ما تخلص بس أحس اني محتاسة خاصة إني بروح بروحي

Hawthorn Hotel & Suites هونت ما أبيه الردود في بوكينغ ما شجعتني ...

أنتظر اقتراحاتكم ،،

اختى الفندق هذا بحولى وصعبة منطقة حولى الصبحة كلها مدارس خاصة وزدحام شديد فندق هوليدان السالمية تقريبا

15 دقيقة الى فندق ساس عندج فندق بودل هم رخيس تقريبا 30 وقريب 10 دقايق الى فندق

السلام عليكم

اختي لا تحتاسين ولا شي ترى كل شي سهاله والكويت صغيره يعني اي مكان تسكنين ماكو مشكله اذا تبين مكان رخيص انصحج تسكنين بالسالميه ترى 10 دقايق وانتي بمكان المؤتمر لان السالميه فيها شقق وفنادق ارخص من الفنادق الملاصقه لراديسون ساس . اذا تبين فنادق 5 ستارز قريبة من الراديسون عندج الريجنسي.

اذا تبين بالسالميه مثل ماقلت لج قريبه حيل من مكانج بس حددي جم يناسبج السعر واحنا بالخدمه والكويت كلها اهلج ماراح تكونين بروحج ان شاء الله. لا تحاتين وايد.

مارينا الكويت السالمية خمس نجوم 22230030 - 25719000 22248343
ريتز السالمية السالمية خمس نجوم 25711001 - 25739964 25739940
كويت ريجنسي السالمية خمس نجوم 25766666 25766999
راديسون ساس البدع خمس نجوم 25756000 25750155
كوستا ديل سول الشعب البحري أربع نجوم 1830083 -
هوليدي ان الكويت السالمية أربع نجوم 25760000-1847777 25759809
هواثرون حولي حولي اربع نجوم 22626111 22662187
فندق ومنتجع شيك فلامنغو البدع فندق ومنتجع 25725050 25725151
فندق ومنتجع شاطئ النخيل سلوى فندق ومنتجع 1824060 - 25616185 25637277
مارينا ريزيدينس حولي شقق فندقية 1882222 22402514
الربيع كونتيننتال السالمية ثلاث نجوم 25742655 - 25742620 25742612
شركة الفندق الدولي السالمية نجمتـان 5741788 - 5745544 25741799
رويال إن السالمية شقق فندقية 25716111 25716222
قصر الثريا السالمية شقق فندقية 5756100 25756116
غني بالاس السالمية شقق فندقية 25710301- 25710317 25727130
ميراج للشقق الفندقية السالمية شقق فندقية 25750001 - 25752624 25714727
فلوري هويليدز سويت للشقق الفندقية السالمية شقق فندقية 7/6/25732605 25732604
ميراج سويت للشقق الفندقية الشعب شقق فندقية 22663131 22657858
بودل للأجنحة الفندقية السالمية شقق فندقية 25757881 - 25757999 25757886
ساره بلازا للشقق الفندقية السالمية شقق فندقية 7/6/25755304 25757448
كويت حياة للأجنحة الفندقية حولي ثلاث نجوم 25634200


هذى الفننادق قريبةمن الفندق ابعد فندق 25 دقيقة

بيت الكويتي ،
كويتي1968
bint elQ8t
كابرون 1

مشكورين وماقصرتوا ،،،

كويتي 1968 خلاص راح أسكن في السالمية ، وما أبي خمس نجوم ... مثل ما قلت لك هذي أول زيارة لي الكويت فأبيكم ترشحون لي على الاقل أحسن وأقرب ثلاثة وآنا أختار ،،


( لا تقولون بخيلة بس حرام أقط 500 دينار وأكثر فمكان ما راح أقعد فيه ... خاصه اني أسوي لي برنامج عقب طلعتي من المؤتمر عالاقل كل يوم مكان ميته على سوق الكويت هههههه)

أدري تعبتكم معاي بس استحملوني ( ترا لي الحين ما وصلنا لبرنامج التسوق هههه)

شوفي فندق ريجنسي يمكن اسعاره حلوة ومعقولة او شوفي كازا للشقق الفندقية او بودل اعتقد اسعارهم حلوة واذا خلصتي من السكن واستقريتي عليه عطينا خبر علشان اقولج وين تتسوقين ههههههههههههه ملاحظة هامة اذا ما رحتي الافنيوز وجلستي على كافيه لورينزو واكلتي عندهم سويت ملفيه ما يصير عندج سالفة ههههههه ترى مو اي واحد انصحه بسويت ملفيه لانك اول مرة تزورينا

كازا أو بودل خلاص كلام نهائي بس أي واحد أحسن ؟؟؟




كابرون 1 خلاص ولا يهمك الافنيوز ما يتفوت ،،

كويتي1968 مشكووووووووووووووووور ما قصرت بس شنو رايك في اختياري وأي واحد تفضل ... ؟؟ أحتاج رقم كازا إذا ممكن ما حصلته ،،

كازا كله سويتز ، مافي غرف ،، بودل اتصلت وعندهم غرف الكبيرة 35 والصغيرة 25

راح آخذ كبيرة بس انتو شنو رايكم في المكان ؟؟؟؟ وبالمرة شنهي الاماكن القريبة شعبية ومجمعات

بودل بشارع المطاعم بالسالميه , الصراحه فيه ازعاج وايد وزحمة سيارات بس ماعتقد يأثر

قريب منج المركز العلمي , مجمع مارينا مول اسواق ومجمعات السالميه وبعد مو بعيد عن مكان المؤتمر

بالنسبه للسالميه كل شي قريب منج الابراج , سوق شرق . المباركيه كلهم على شارع الخليج يعني شارع واحد تمشينه واهو شارع الخليج العربي بس طبعا بالسياره ابعد مكان عندج 15 دقيقه بالسياره واهو سوق المباركيه سوق شعبي وتراثي قديم.

بالنسبه للافنيوز و360 شوي ابعد بس لاتخافين الكويت صغيره يعني من 20 الى 25 دقيه انتي واصله واذا ماكو زحمه اقل من جذي

اخذي لج يوم في الفحيحيل ( مجمع المنشر - مجمع الكوت واسواق شعبيه وايد ) قريب منه ابو حليفه فيها مجمع كويت ماجيك ومجمع مطاعم كبير.


حياج الله وحاظرين لاي استفسار

ازعاج ومطاعم .... فأتوقع المكان زحممممممممممة ...

كويتي أدري رفعت ضغطك بس شلون عن Spice Boutique Hotel ؟؟؟ موقع هادي ولا بنفس المنطقة ؟؟

انا انصحك بودل صج زحمة بس الموقع حيوى ماتخاف كل شى قريب منك

المشاركة الأصلية كتبت بواسطة أحبج يا بحرين
http://www.arabtravelersforum.com/tr...4/#post4544294

ازعاج ومطاعم .... فأتوقع المكان زحممممممممممة ...

كويتي أدري رفعت ضغطك بس شلون عن Spice Boutique Hotel ؟؟؟ موقع هادي ولا بنفس المنطقة ؟؟




لا عادي اخذت حبوب الضغط اتغشمر

بودل بمكان زحمه مثل ماقلت لان شارع مطاعم وشباب رايحين ورادين بسياراتهم بس مسوين زحمه بالشارع .واغلب الفندق شباب وهو له افرع بالسعوديه واعتقد 90 % من الاخوه السعوديين يسكنون فيه.

سبايس مكانه اكثر هدوء

صباح الخير ،،،

كويتي من وصفك حسيت أجواء المكان ما تناسبني بالمرة ،،

منظمين المؤتمر مقترحين فندق موفنبيك ( 5 نجوم) وعن طريق الحجز في booking راح احصله ب 305 دينار ،،

خلاص راح اسكن هناك ... والانتقال من الموفنبيك لي الراديسون ساس راح يكون مجاني حسب ما خبرونا ،، وأغلب زوار المؤتمر راح يكونون هناك فما راح استوحش بروحي ( مسويه روحي فهيمة وأبي أوفر ما فكرت في شغلات مهمة وااااايد )

مشكورييييييييييين يأهل أحلى كويت ما قصرتوا معاي

ماسوينا شي هذا واجبنا . واذا احتجتي شي وانتي بالكويت لايردج الا كيبوردج ( كيبورد )

المشاركة الأصلية كتبت بواسطة أحبج يا بحرين
http://www.arabtravelersforum.com/tr...4/#post4556134

صباح الخير ،،،

كويتي من وصفك حسيت أجواء المكان ما تناسبني بالمرة ،،

منظمين المؤتمر مقترحين فندق موفنبيك ( 5 نجوم) وعن طريق الحجز في booking راح احصله ب 305 دينار ،،

خلاص راح اسكن هناك ... والانتقال من الموفنبيك لي الراديسون ساس راح يكون مجاني حسب ما خبرونا ،، وأغلب زوار المؤتمر راح يكونون هناك فما راح استوحش بروحي ( مسويه روحي فهيمة وأبي أوفر ما فكرت في شغلات مهمة وااااايد )

مشكورييييييييييين يأهل أحلى كويت ما قصرتوا معاي



عزيزتي اتوقع يقصدون فندق موفنبيك البدع.. ممتااااااااااااااز جدا جدا.. موقع وحواليج كل اللي يسرج وفي بالفندق مقهى بعد عاللوبي لها مطل عالبحر هالفترة ترد الروح..
رحلة موفقة.

يا بنت البحرين لا يكون وصلتي عندنا وضعتي ههههههههه بشرينا اخبار ديرتنا ان شاء الله عجبتك