الموضوع: الفزعة يالربع انا رايح لوس انجلوس

شباب تكفون ابيكم تساعدوني انا مسافر الاثنين الجاي علي اليونايتد ارلاين حق لوس انجلوس
1- ابي فندق كويس ورخيص شرايكم ب رمادا
2- الحجز علي النت امن موثوق فيه اذا كان مو امن دلوني علي مكتب بالكويت يحجز لي فندق
3-في مطار لوس انجلوس المعاملة نفس مطار نيورك
4-في المطار يسئلون عن حجز الفندق او بس يكتفون بعنوان الفندق
5-فلل النيو بورت بيتش شلون احجز فيها
ولكم جزيا الشكر:24:

مواضيع عشوائيه ممكن تكون تعجبك اخترناها لك:

• مسجد داخل جامعه اوكلاهوما ستيت يونفرستي
• باقي اسبوعين عندي سؤال واحد فقطـــ ؟؟
• دخول امريكا بالجواز الامريكي؟
• مسافره إلى أمريكا وأبي مساعدتكم
• ساعة في
• مقارنة بين المعيشة في بريطآنيآ وأمريكآ بآلنسبة لطآلب سعودي
• التسوق والشراء من امريكا
• ارجوا إفادتي عن مدينة رينو بنيفادا
• والله ازعجتكم بس عاد ضروري ؟؟
• عاجل عاجل ارجو الدخوووووول
• استفسار بخصوص تجديد الفيزا بالكويت؟
• بالله كلمة راس
• شباب تايهين رايحين لوس انجلس
• مرحبــــــا ممكن تساعدوني بدي معلومات عن هاواي وصور عنها لو سمحتو
• أول موضوع
• العيش في امريكا
• الفزعة يالربع
• ولاية ميرلاند
• استفسار عن شركات الاتصالات لفتره طويله
• ايش رايكم اختار اي ولاية اوهايو انديانا تكساس كاليفورينا

هلا اخوي..

انا ساكن في منطقه انهايم..

منطقه هاديه مره ولا فيها زحمه.... وقريبه مره لديزني.. سبع دقايق بالسياره..

انا حاجز في فندق صغير.. تصميم مكسيكي..

حلو بصراحه بس مو فخم... وسعره مره مناسب..

خذته ب80 دولار


هذا موقعهم


http://www.hotel-peppertree.com/

نسيت اقولك..

انا متواجد فيه الحين.. واذا بغيت اي خدمه..فانا حاضر.. يكفي انك من الكويت الحبيبه..:24:

الشي الثاني..

كل غرفه.. فيها مطبخ صغيرون...وثلاجه... وبلكونه.. والدور الارضي.. البلكونه حقته مسكره.. يعني تجلس ويا المدام.. محد يمكم...:115:

المشاركة الأصلية كتبت بواسطة كويتي بريطاني
http://www.arabtravelersforum.com/tr...5/#post3027257

شباب تكفون ابيكم تساعدوني انا مسافر الاثنين الجاي علي اليونايتد ارلاين حق لوس انجلوس
1- ابي فندق كويس ورخيص شرايكم ب رمادا
2- الحجز علي النت امن موثوق فيه اذا كان مو امن دلوني علي مكتب بالكويت يحجز لي فندق
3-في مطار لوس انجلوس المعاملة نفس مطار نيورك
4-في المطار يسئلون عن حجز الفندق او بس يكتفون بعنوان الفندق
5-فلل النيو بورت بيتش شلون احجز فيها
ولكم جزيا الشكر:24:




1- جاوبتك عليه

2- الحجز ان شاء الله مأمون... اهم شي ادخل مواقع كويسه


شف هالموقعين


http://7ojozat.com/



http://www.kayak.com/

يعطيك مقارنه بين اكثر من سبع مواقع... واختار افضل سعر

3- انا جيت عن طريق نيويورك... مدري عن لوس انجلس

4- يسئلونك عن اسم الفندق وعنوانه بس...

5 - لا اعلم مع الاسف

الله يعطيك العافية اخوي صندوق
وما قصرت اذا ممكن تحجز لي انا جاي يوم 23وقاعد 5 ايام وبعدين اقرر يا اما اكمل في لوس انجلوس او اروح لاس فيغس

وبعدين شلون الجو عندكم بارد او عادي
حتي اعرف شنو اجيب من ملابس

المشاركة الأصلية كتبت بواسطة كويتي بريطاني
http://www.arabtravelersforum.com/tr...7/#post3027687

الله يعطيك العافية اخوي صندوق
وما قصرت اذا ممكن تحجز لي انا جاي يوم 23وقاعد 5 ايام وبعدين اقرر يا اما اكمل في لوس انجلوس او اروح لاس فيغس



23 ايش؟

جون ولا جولاي؟

بالنسبه للحجز... بكره بكلمهم لك ان شاء الله بس انت عطني الموعد


الشي الثاني...

اذا تبي نصيحتي..

رح لاس فيجاس اول... لسبب..

طريق لاس فيجاس ممل ومعفن.. طريق صحراوي ومافيه اي متعه...

فبيكون ممل لو تروح وترجع من نفس الطريق .. يعني يكون مشوارك واحد افضل احسن لك..

ولاس فيجاس.. بصراحه ديره حيه ورائعه... وخاصه باليل.. بس للاسف.. حدها يومين :110:

المشاركة الأصلية كتبت بواسطة كويتي بريطاني
http://www.arabtravelersforum.com/tr...3/#post3027693

وبعدين شلون الجو عندكم بارد او عادي
حتي اعرف شنو اجيب من ملابس



الجو على كيف كيفك :24:


بالنهار ما فيه احسن منه..

وباليل.. يجيك احيانا نسمه برد..

بالنسبه لي.. البس صيفي.. وبالنهار.. البس شورت :101:


خذ معك جاكيت احتياط..

بس لاس فيجاس.. بتمشي وانت فاصخ التي شيرت:109:

ما قصرت يا خوي صندوق علي المجهود الرائع اللي مو غريب علي اهل الفزعة اهل الكويت
انا جاي يوم 23 /6 اي يوم الثلاثاء الجاي اطير من الكويت يوم الاثنين القادم
واخوي صندوق انت بروحك والا معاك العايله
وشكرا لك

[b]والله اخوي

احنا اليوم بنقعد انقرر وين بنسكن ليلحين ما رسينه

سالنا عن المناطق اللي فيها امان و زينه

اذكروا لنا

newport beach وايد حلووه شفتها بالنت بس شوي اسعارها مرتفعه مقارنه بغيرها من المناطق اللي حواليها
تبعد عن سنتر لوس انجلوس حوول 50 دقيقه

و تصير يمها منطقه اسمها irvine بعد مادحينها كسكن

و هالمنظقتين بالجنوب يصيرون قراب حق orange county - sandiego

و orange county بعد حلووه كل ما سالت احد يرشحها كسكن

و anaheim اللي ذكرها اخونا ما قصر بعد مادحينها اتصير يم orange county

اما اذا تبي صووب الشمال مدحولينا

century city شفتها مادري حسيتها ميته اهي منطقه تجاريه

هذي اتصير صوب beverlly hills - hollywood - santa monica - orded drive - univereal studio

و حييل مادحين san francisco بس شوي بعيده يقولون بو 7 ساعات درب


واذا تبي تروح فيغاس لا تنسي تحجز حق الشو

اخوي صندوق ليش فيقاس واجد عليها يومين ؟!!
على كثر اوتيلاتها والشو ما يمدي يومين؟
وانا معاي اطفال اي اوتيل تنصحني اسكن في فيقاس يكون قريب من كل شي !
ومعاي عيالي 14 و 10 و 3 سنيين اي شو تنصحني ادخله ويكون ممتع ..!!

المشاركة الأصلية كتبت بواسطة كويتي بريطاني
http://www.arabtravelersforum.com/tr...2/#post3031122

ما قصرت يا خوي صندوق علي المجهود الرائع اللي مو غريب علي اهل الفزعة اهل الكويت
انا جاي يوم 23 /6 اي يوم الثلاثاء الجاي اطير من الكويت يوم الاثنين القادم
واخوي صندوق انت بروحك والا معاك العايله
وشكرا لك



حياك الله اخوي..

انا مع الاسف مو كويتي.... :110:


سعودي ولله الحمد :101:

بس حبي للكويت واهلها ما يعلم فيه الا الله سبحانه...

انا معاي زوجتي وولدي ...

واذا محتاج حق اي شي انا بالخدمه :101:

المشاركة الأصلية كتبت بواسطة shaaadn
http://www.arabtravelersforum.com/tr...9/#post3031969

اخوي صندوق ليش فيقاس واجد عليها يومين ؟!!
على كثر اوتيلاتها والشو ما يمدي يومين؟
وانا معاي اطفال اي اوتيل تنصحني اسكن في فيقاس يكون قريب من كل شي !
ومعاي عيالي 14 و 10 و 3 سنيين اي شو تنصحني ادخله ويكون ممتع ..!!



صدقت اخوي..

الاوتيلات كثيره مره.. بس كلها متداخله مع بعض وجنب بعض... ما بينها شي.. وتقدر تخلصها بيومين..


يعني تدخل اوتيل وتطلع من اوتيل بدون ما تدري...

الشي الثاني..

بالنسبه للشوز...

للاسف انا رحت ومعاي ولدي وعمره سنتين... وما يدخلونه للشوز


لو يعرضون على الشو ببلاش وفوقها هدايا وغيرها.. مستحيل ادخل بدونه :101:

انصحك بالسكن وبكل امانه في كذا فندق..

اولهم..

Vention

وجنبه على طول... Plazzo

وفيه كذلك بلاجيو وواين...

هذي الاوتيلات الي عليها الكلام..

وفيه اوتيل حلو مره وسعره روعه.. وجنبه مول اسمه فاشن مول...


اسم الاوتيل...The Trump

سكنت فيه انا.. غرفه اثاثه مودرن.. وراقي مره.. والي عجبني فيه.. ان ما فيه صالات قمار وخربطه :24:

ولا فيه زحمه..

عموما لا تسكن الا على السترب...

وحبيت اقولك..

فيه مطعم ايطالي في مول فندق Vention.. جنب الفود كورت.. مطعم صغير بس اكله مره حلو.. :24:

لاس فيقس تختلف ايام سكنها على حسب اذواق المسافرين !!

فيقس مليانه فنادق وصخب وممكن تخلص في 3 اياملان كا فندق فيه مولاته الخاصة ومطاعمه !!

فيها عروض وشوز كثييير لو تتفرج كل يوم على شو ما بتخلص في 20 يوم

فيها اوتليت للتسوق رائع وهذا لمحبي التسوق وهو رخيص

ان شاءالله تكون الفكرة واضحة !!

بالتوفيق

اخي صندوق اتشكر ردك وشرحك ..ما قصرت !
بس احترت بالاتيلات اختر لي واحد منهم يكون سعره معقول ومكانه حلو
كنك ما جبت لي سيره عن اهم الشو وينفع لعمر عيالي !!

اهلا يا خبير !!
شكرا لذكرك الاسواق لانها من الاهتمامات الاولي في السفر ..بس ليطمئن قلبي هذا الي تقصده!!


هذا الموقع !
http://www.premiumoutlets.com/outlets/outlet.asp?id=58

هلا وغلا , شرايكم بفندق Wynn في لاس فيجاس حاجزين 3 ليالي فيه

المشاركة الأصلية كتبت بواسطة Om-Khalody
http://www.arabtravelersforum.com/tr...5/#post3034515

هلا وغلا , شرايكم بفندق Wynn في لاس فيجاس حاجزين 3 ليالي فيه



:24::24:

لا تغيرينه ابد

المشاركة الأصلية كتبت بواسطة shaaadn
http://www.arabtravelersforum.com/tr...8/#post3034488

اخي صندوق اتشكر ردك وشرحك ..ما قصرت !
بس احترت بالاتيلات اختر لي واحد منهم يكون سعره معقول ومكانه حلو
كنك ما جبت لي سيره عن اهم الشو وينفع لعمر عيالي !!

اهلا يا خبير !!
شكرا لذكرك الاسواق لانها من الاهتمامات الاولي في السفر ..بس ليطمئن قلبي هذا الي تقصده!!


هذا الموقع !
http://www.premiumoutlets.com/outlets/outlet.asp?id=58




لا اقصد هذا !!





هذا موقعه : http://www.premiumoutlets.com/outlets/outlet.asp?id=61

ميزته انه قريب داً في بداية المدينة وانتوا جايين من كالفورنيا !!

مغطى مو زي الاوتلتزالمفتوحة وخاصة في حر فيقاس الي يخلي الواحد يغلي في الصيف !!

مكيف ورائع !!


وهذا رابط لبداية جزء لاس فيقس في تقريري لعام 2008م ممكن تاخذوا فكرة عنه ومحلاته !!

http://www.arabtravelersforum.com/tr...3/#post2590480

بالتوفيق









المشاركة الأصلية كتبت بواسطة Om-Khalody
http://www.arabtravelersforum.com/tr...5/#post3034515

هلا وغلا , شرايكم بفندق Wynn في لاس فيجاس حاجزين 3 ليالي فيه




بكل اختصار اقولكم رائع

السلام عليكم

الاخ صندوق المحترم طلب خاص ولا عليك امر انا دخلت على موقع الفندق وكل ماحاولت احجز فيه يطلع لي لازم ادخل العنوان والظاهر الموقع خاص لي يحجز من داخل امريكا وانا من الكويت فممكن تشوفلي اذا احنا نوصل يوم 25جون في غرف فاضيه احجزها لم اوصل نظام سريرين دبل مع مطبخ انا شفتها بالموقع 91 دولار بالليله ابيها 4يام ومكن امدد اذا ارتحنا اسمحلي اخوي بلشتك معاي

المشاركة الأصلية كتبت بواسطة شراع الهوى
http://www.arabtravelersforum.com/tr...6/#post3035186

السلام عليكم

الاخ صندوق المحترم طلب خاص ولا عليك امر انا دخلت على موقع الفندق وكل ماحاولت احجز فيه يطلع لي لازم ادخل العنوان والظاهر الموقع خاص لي يحجز من داخل امريكا وانا من الكويت فممكن تشوفلي اذا احنا نوصل يوم 25جون في غرف فاضيه احجزها لم اوصل نظام سريرين دبل مع مطبخ انا شفتها بالموقع 91 دولار بالليله ابيها 4يام ومكن امدد اذا ارتحنا اسمحلي اخوي بلشتك معاي



انا توني مشيك موقعهم اخوي...

مستحيل تلقى الفندق هذا بهالسعر

لقيت السعر فوق ال300 دولار..!!! ومن موقعهم نفسه.. وقارنت لك مع مواقع ثانيه... لقيته نفس السعر..


شف الي يجوز لك اخوي.. وابشر بسعدك..

فيه فندق حلو وقريب مره من هذا الفندق.. والي يعجبني فيه ان ما فيه صالات قمار ولا خربطه.. هو فندق The Trump

وفيه عندك فندق الVention,,, سعره بحدوده ال180 دولار

تفضل اخوي هالرابط وشف سلسله الفنادق


http://www.kayak.com/r/Fzbq4F


http://hotels.7ojozat.com/SearchResu...=1&pageSize=15



معليش.. بطلع الحين...

حط ردك وان شاء الله اذا رجعت ارد عليك

http://hotels.7ojozat.com/SearchedHo...26scroll%3D308

شف هذا الفندق

هلا اخوي صندوق
سويت لي الحجز انا جاي يوم الاثنين الجاي الله يطول لي عمرك واحنا والسعودية اهل وانتم راعين الاوله في الفزعات

توني عند الريسبشن

كم عددكم اخوي..؟؟

وش اسمك الاول

والشي الثاني..

جاي شباب ولا عائله؟

بسرعه

طيب ماعليك امر اسالي عن غرفه تكفي ل2 كبار و3 اطفال لمده 4 ايام ليوم 25 جون

المشاركة الأصلية كتبت بواسطة شراع الهوى
http://www.arabtravelersforum.com/tr...0/#post3038590

طيب ماعليك امر اسالي عن غرفه تكفي ل2 كبار و3 اطفال لمده 4 ايام ليوم 25 جون



اي اوتيل تبي اخوي؟

اللي انت فيه وحطيت الرابط باول رد لك وقلت انه ب80

المشاركة الأصلية كتبت بواسطة شراع الهوى
http://www.arabtravelersforum.com/tr...5/#post3038685

اللي انت فيه وحطيت الرابط باول رد لك وقلت انه ب80



الي في انهايم؟

مو انت الي تبي في لاس فيجاس؟

تأكد اخوي

شكلي بقلبها بزنس

ترا اخذ عموله ع الحجز 15 بالميه :109:

اي انا اللي اقصده بانا هايم بس انت تلخبطت لاني دخلت عرض بالموضوع ماعليه طوفلي والعموله تستاهلها واذا تبي رهش ودرابيل من الكويت بييبلك معاي

اووووه معليش اخوي

توقعت انك تبي لاس فيجاس

انت تبي الفندق الي انا ساكن فيه الحين

بكلمهم لك ان شاء الله

تامر امر

ابي والله مطعم ميس الغانم بكبره


اسمع ابي اسمك الاول لو تكرمت

مره ثانيه يا جماعه..

عشان محد يحقد علي..

ترا الاوتيل الي انا ساكن فيه.. حليو ومو فخم.. والخدمه ذاتيه.. ما عدا انهم ينظفون غرفتك..

وموقعه بالنسبه لي مناسب.. ما فيه ازعاج ولا زحمه.. والمنطقه هاديه مره باليل.. بس مو موحشه.. اطلع الساعه ثنيتن وثلاث الفجر محد حولك.. امان


اخوي شراع الهوى


تكلفه الاقامه للغرفه 2 كبار مع 3 اطفال 402 دولار شامله الضريبه والخدمه والافطار

والغرفه فيها طبخ.. وفيه في الاوتيل حمام سباحه..

عطني اسمك الاول وبحجز لك.. واعذرني.. انا طالع يوم 24 جون..

اوكي يالغالي بس تحجزلي بالاسم ولما اوصل ادفع ولك الف شكر شلت عني هم كبير والله العالم الاسم الاول احمد والثاني صالح مشكور ياصندوق ولا تخاف محد يحقد عليك احنا متعودين بس اهم شي النظافه ويكون عائلي

اخوي صندوق بيض الله وجهك وجعل والدينك مثاوهم الجنه على مساعدة اخوانك .. اخوي انا دخلت على موقع الفندق وصراحة حلوه الصور .. اللي بغيت اساله عندهم غير الاستيديو ولا بس غرف واستيديو ؟ واذا العدد 3 كبار وطفلين شيعطونا ؟

وجزاك الله خير

المشاركة الأصلية كتبت بواسطة شراع الهوى
http://www.arabtravelersforum.com/tr...6/#post3038786

اوكي يالغالي بس تحجزلي بالاسم ولما اوصل ادفع ولك الف شكر شلت عني هم كبير والله العالم الاسم الاول احمد والثاني صالح مشكور ياصندوق ولا تخاف محد يحقد عليك احنا متعودين بس اهم شي النظافه ويكون عائلي



اخوي احمد


تم الحجز... وحجزت لك فالدور الثالث.. وطلعت شفت الغرفه وتراها جدا منتازه ونظيفه... وعندي رقم حجزك... بس مدري كيف اعطيك اياه... هذا شي..

يا ليت اداره الموقع يسمحون بوضع الايميل او استخدام الرسائل الخاصه

وبالنسبه للسعر..

حاولت يخفضون بس والله ما رضوا الا بهالسعر 391 دولار بعد المكاسر والطقاق :112:تكلفه الاقامه كامله شامله الضريبه والخدمه والفطور... مقعطين هالامريكان :112:

اذا كنت حاب... فراح اكتب لك ورقه بابرز الامكان ووين تروح ووين تجي... وفيها رقم تلفوني اذا بغيت شي... هذا اذا كنت تبي هالشي :101:


وعندي طلب صغيرون..

قبل ما تجي.. رح ميس الغانم :106:


مره ثانيه..

اذكركم يا اخوان..

حللوني قبل اي شي..

الفندق بسيط وما يتميز بالفخامه... لكنه مريح نفسيا

الموقع.. اشوفه جدا مناسب... بعيد عن الازعاج والزحمات..

يبعد عن ديزني 7 دقايق بالسياره..

وعن هوليود وبفرلي هلز وسانتا مونيكا تقريبا نص ساعه بالسياره اذا ما فيه زحمه

وعن سان ديغو... ساعه ونص..

وعن ارفاين... ثلث ساعه او اقل...

الموقع قريب للمحلات العربيه وفيه كذا مطعم عربي منهم شجره الزيتون وفيه كذا بقاله عربيه... بس مو قريب مره.. لازم سياره... وبالسياره من الفندق تقريبا 3 دقايق..

الشي الثاني... ما فيه لوبي كبير.. فيه لوبي صغيرون... وانا جالس فيه الحين..

النت مو سريع مره وهو مجاني بالغرف... بس باللوبي.. حلو

اتمنى اني اكون وفقت في نقل صوره صحيحه عن الفندق..

المشاركة الأصلية كتبت بواسطة Stranger Man
http://www.arabtravelersforum.com/tr...9/#post3039619

اخوي صندوق بيض الله وجهك وجعل والدينك مثاوهم الجنه على مساعدة اخوانك .. اخوي انا دخلت على موقع الفندق وصراحة حلوه الصور .. اللي بغيت اساله عندهم غير الاستيديو ولا بس غرف واستيديو ؟ واذا العدد 3 كبار وطفلين شيعطونا ؟

وجزاك الله خير





حيا الله ربع حمد التميمي :106: حيا الله عيال العم :24:

اخوي.. سئلت عن وضعكم..

يعطونكم شقه... فيها غرفه نوم وصاله... ثلاث اسره.. بس للاسف سعرهم ثابت مره :112:


الايام العاديه... 129 دولار زائد الضريبه (الضريبه تقريبا 9%)

الويك اند... 149 دولار زائد الضريبه

اخوي صندوق
احجزي انا جاي الاثنين الثلاثاء القادم يوم 23/6
والسعوديين والكويتين اخوان وانتم اهل الفزعات
انا بروحي والاسم الاول khalafوالاخير sayer
واحتمال اقعد 5 ايام ويا امدد او اروح ولاية ثانيه
جم راح يطلع في الليله الواحده الفندق وهل في الفندق حمام سباحة

اخوي خلف..

تبي غرفه بروحك يعني؟

مشكور ماقصرت والله احرجتني بطيبك وياليت تحط لي الورقه اللي قلت عليها ومادري شلون اشكرك وكيف اخذ رقم حجزي ويااخي انت وايد تحاتي من ناحيه الفندق يااخي تطمن احنا ماتهمنا الفخامه ولا اسم الفندق انا ادور الموقع والنظافه والسعر الزين وبعدين قولي شتحب تاكل في ميس الغانم ؟
انت بس تعال الكويت وابشر بسعدك
مشكور مره ثانيه صج فكيتني من هم الحجز الله يفكك من الشر والهم ومشكور بعد على الخصم

ولاتنسى شوفلي طريقه اخذ رقم الحجز

العفو اخوي شراع الهوى..

وما بينا شكر.. والله يتقبل دعائك.


واهل الكويت... حبايبنا..

ما انسى كلمه اخت كويتيه لي ولزوجتي.. في الكويت.. لما ضيعنا طريق مول الرايه...

خذتنا من المكان الي سئلناها فيه.. وودتنا لين باب المول... وكان المشوار بعيد مره مره..

وقالت بالحرف الواحد..

انتم اهلنا وحبايبنا... وحياكم الله في ديرتكم..

وانا زرت الكويت مرتين.. وان شاء الله باقرب وقت بزروها.. بصراحه احس براحه نفسيه فيها...

ديره حلوه.. وشعب راقي وحبوب..

معليش تحملوني.. بس والله هذا الي بالخاطر عن الكويت واهلها..

وبالنسبه لميس الغانم..

ياخي هالمطعم فضيع فضيع فضيع..

حتى البيبسي عندهم طعمه غير


بالنسبه لرقم الحجز..


اذا ما عندك مانع... وش رايك اكتبه هنا؟

عموما بجهز لك الورقه وفيها رقمي وان شاء الله تنبسطون وتوصلون بالسلامه...

المشاركة الأصلية كتبت بواسطة كويتي بريطاني
http://www.arabtravelersforum.com/tr...9/#post3042079

اخوي صندوق
احجزي انا جاي الاثنين الثلاثاء القادم يوم 23/6
والسعوديين والكويتين اخوان وانتم اهل الفزعات
انا بروحي والاسم الاول khalafوالاخير sayer
واحتمال اقعد 5 ايام ويا امدد او اروح ولاية ثانيه
جم راح يطلع في الليله الواحده الفندق وهل في الفندق حمام سباحة



اخوي خلف...


تم الحجز...

وتكلفه الاقامه خمس ايام... 474 دولار بعد الخصم شامله الضريبه والخدمه والفطور..

والفندق فيه حمام سباحه

اخواني احمد صالح وخلف ساير

يا ليت تقولون لي متى موعد وصولكم تقريبا (بالساعه)

الله يطول عمرك ويامرحباباك يالتميمي والنعم بك وجعلك سالم على السؤال عن السعر وقول يارب اني اخدمك في يوم

اخوي صندوق اولا اشكرك جدا على الكلام اللي قلته بحق الكويت وماعليكم زود ياهل السعوديه وانت مثال حي للشعب السعودي ممثل ماقلت احنا اخوان والبلد واحد الله لايغير علينا

بالنسبه لرقم الحجز انا كلمة الاداره وقالي المشرف اكتب ببوابه الحلول والاقتراحات موضوع اذكر فيه رقم الحجز واطلب منهم ان يوصلون لي الرقم او ينشرون موضوعك لي لانه البوابه هذي المواضيع خاصه بالعضو فقط مايطلع عليها غير الغضو صاحب العلاقه
ودي اسأل عن الفندق فيه مواقف للسيارات

نسيت اقولك بالنسبه لموعد الوصول اتوقع الساعه 2الظهر بس خليني اتاكد من التذاكر وارد اكتب لك

المشاركة الأصلية كتبت بواسطة Stranger Man
http://www.arabtravelersforum.com/tr...4/#post3044924

الله يطول عمرك ويامرحباباك يالتميمي والنعم بك وجعلك سالم على السؤال عن السعر وقول يارب اني اخدمك في يوم



وش دعوه..

ما سوينا شي :101:

اذا تبي شي انا حاضر

اخوي صندوق شنو صار على رقم الحجز

تكفى اكتبلي اياه على بوابة الدعم الفني والاقتراحات والحلول افتح موضوع واطلب منهم يوصلون الموضوع لشراع الهوى
لاتنساني انا بالانتظار ومشكور ابلشتك واذيتك معاي ادري

اخوي انا جاي يوم الثلاثاء القادم 23/6 ياريت تضبطلي حجز في فندقكم واكون ممنون لك
انا لوحدي وراح اجلس 5 ايام ويمكن امدد
الاسم الاول khalaf ولالاخير sayer
ولك جزيل الشكر
علي فكره الفندق فيه حمام سباحة والا لا:24:

المشاركة الأصلية كتبت بواسطة صندوق
http://www.arabtravelersforum.com/tr...8/#post3044228

اخوي خلف...


تم الحجز...

وتكلفه الاقامه خمس ايام... 474 دولار بعد الخصم شامله الضريبه والخدمه والفطور..

والفندق فيه حمام سباحه




اخوي كويتي بريطاني سوري على لقافتي
بس اخوي صندوق الله يعطيه الصحه والعافيه رد عليك

و اسفه مره ثانيه على لقافتي

المشاركة الأصلية كتبت بواسطة شراع الهوى
http://www.arabtravelersforum.com/tr...0/#post3046700

اخوي صندوق شنو صار على رقم الحجز

تكفى اكتبلي اياه على بوابة الدعم الفني والاقتراحات والحلول افتح موضوع واطلب منهم يوصلون الموضوع لشراع الهوى
لاتنساني انا بالانتظار ومشكور ابلشتك واذيتك معاي ادري






كلم المشرفين يعطونك الرقم


حياك الله يبو صالح:101:

اخوي صندوق يعطيك الف عافيه وما قصرت واسمحلي تري ما كنت منتبه علي ان الصفحات 4 من 1 الي 4 وكنت ابحث عن اللي كاتبه ما شوفه بالصفحة الاولي وعلي بالي انه في مشكله بس الحمدلله اني انتبهت وما قصرت علي الحجز
انا اطير اليوم 22/6 الساعه 11 مساء علي اليونايتد وما ادري متي اوصل عندكم بس اول راح نطب في واشنطن وبعدين لوس انجلوس __ علي فكره المطار ما راح يسئلوني وين حجز الفندق او انهم يكتفون بس بالعنوان علما باني اول مره اسافر لامريكا

مشكور ياصنوق وبيض الله وجهك انا طلبته من الاداره وللحين ماكو خبر بس ان شاء الله اليوم

تامر على شي من الكويت اجيبه لك معاي

والله يحفظكم بسفركم ويردكم سالمين

المشاركة الأصلية كتبت بواسطة كويتي بريطاني
http://www.arabtravelersforum.com/tr...7/#post3049447

اخوي صندوق يعطيك الف عافيه وما قصرت واسمحلي تري ما كنت منتبه علي ان الصفحات 4 من 1 الي 4 وكنت ابحث عن اللي كاتبه ما شوفه بالصفحة الاولي وعلي بالي انه في مشكله بس الحمدلله اني انتبهت وما قصرت علي الحجز
انا اطير اليوم 22/6 الساعه 11 مساء علي اليونايتد وما ادري متي اوصل عندكم بس اول راح نطب في واشنطن وبعدين لوس انجلوس __ علي فكره المطار ما راح يسئلوني وين حجز الفندق او انهم يكتفون بس بالعنوان علما باني اول مره اسافر لامريكا





عطهم العنوان

اسم الفندق... وقلهم في انهايم

المشاركة الأصلية كتبت بواسطة شراع الهوى
http://www.arabtravelersforum.com/tr...8/#post3049658

مشكور ياصنوق وبيض الله وجهك انا طلبته من الاداره وللحين ماكو خبر بس ان شاء الله اليوم

تامر على شي من الكويت اجيبه لك معاي

والله يحفظكم بسفركم ويردكم سالمين





توصل بالسلامه.. وما ابي الا سلامتك ..

وبوس لي ارض الكويت :101:


واذا بتجيب لي شي من ميس الغانم :106: بتكون احسن واحد:109:

الله يسلمك وصلني رقم الحجز مشكور وايد

وابشر اجيبلك ميس الغانم بكبره تستاهل

معليش دخلت عرض

اخوي صندوق بس حبيت اسالك لان راسي بينفجر من حوسة الحجوزات

فالله يجزاك الجنه تنصحني بذا الاوتيل اللي كتبته في انهايم وهل فيه موقف سياره ووواير لس للنت وشامل للفطور السعر اللي كتبته

وكم يبعد عن بفرلي هلز

وهل يحتاج اني اغير لاوتيل ثاني عشان اكون قريب من بعض المناطق او لا

جزيت خيرا مقدما