الموضوع: مخططي لشهر العسل بليييز أبا رايكم

السلام عليكم ورحمة الله وبركاته
أسعد الله صباحكم/ مساكم ..

قبل ما ابدء أحب أقدم الشكر لأعضاء المنتدى على الجهود اللي يبذلونها والشهادة لله اني اعتمدت على كثير من المواضيع المطروحة في هالمنتدى الطيب لتنفيذ مخطط شهر العسل .. يعطيكم الف عافية وماقصرتوا والله يجزيكم كل خير

حبيت آخذ رايكم في مخطط سويته حق شهر العسل وأتمنى من أصحاب الخبرة انهم يعطوني رايهم في الأماكن والفنادق و ترتيب الرحلة بالكامل .. للعلم هاذي أول مره اخطط حق سفر واعتمد على نفسي في الحجوزات بعد .. و الصراحة أبا أطمن من كل النواحي عشان جي قررت آخذ رايكم و أتمنى انكم ما تبخلون عليه واذا في أي تعديلات أو مخطط أحسن من هذا ياريت تخبروني عنه

على فكرة ماعرفت وين انزل الموضوع بس اخترت هالقسم لأنه حلمي اني أزور سويسرا والحمدلله انه جريب يتحقق

بسم الله نبدأ

مدة السفر : 10 أيام من تاريخ 12 -5- 2012 إلى 22 -5 -2012
على متن طيران الإمارات والاقلاع من مدينتي الحبيبه دبي
الرحلة كالتالي : ميونخ، زيلامسي، لوزيرن، انترلاكن، ميونخ

بنأجر سيارة من شركة يورب كار وبنستلمها و بنسلمها من ولمطار ميونخ ان شاء الله
الترتيب كالتالي: زيلامسي 3 أيام ... لوزيرن يوم واحد ... انترلاكن يومين ... ميونخ 4 أيام

الفنادق كالتالي:
زيلامسي : GrandHotel
لوزيرن : Seehotel Hermitage
انترلاكن : Goldey Swiss Quality Hotel
ميونخ : Novotel München City

الأماكن السياحية كالتالي:

زيلامسي : Kaprun village .. sommer Rodel Bahn اللي هم القمة الثلجية و الزحليقية الصيفية
لوزيرن : راحة فالفندق
انترلاكن : Jungfrau القمة الثلجية
ميونخ : تسـوق و تسوق ليييين ما ارجع دبي

شو رايكم فالترتيب والفنادق ؟ و شو تنصحوني أعدل عالمخطط ؟
اتريا ردودكم لأني أبغي أتوكل على الله و أحجز بس قلت باخذ رايكم أول فالنهاية أنتوا ادرى مني

والشكر موصول مقدما لكم يالغاليين


أختكم

مواضيع عشوائيه ممكن تكون تعجبك اخترناها لك:

• رايكم في رحلتي ايام انترلاكن
• مقعد الطائرة مشكلتنا
• نقطه توقف من لوزيرن الي ميونخ
• مطار زيورخ والتاكس فري
• من يضبط لي الطريق من زيلامسي الى انترلاكن عاجل يالطيبيبن
• الدخول لاهل الخبره فقط
• استفسار عن التكاسي
• مدينة بالقرب من باريس أو جنيف مناسبة للاقامة مدة شهر
• فضلا لا أمراالكل يكتب اسم الفندق اللي سكن فيه بإنترلاكن
• مخطط جاهز لرحله لسويسرا لمده ايام تفضلو
• مخالفة ساهر بزيوريخ
• ابغي حد ينصحني بجدول رحلة من ميلان الى باريس
• الزحليقة الصيفية شتاء
• أبو عزيز تكفى وما يهون البقية
• سفرتي في نوفمبر ان شاء الله واحتاج مشورتكم
• الفزعه ياهل الفزعه ماحصلت سكن
• ساعدوني أبي حل لمشكلتي
• اول زياره لــ اوروبا وبالاخص سويســــــرا
• أرجو المساعدة إخواني جميعا
• مصافحة اولى لاوروبا ولا نستغني عنكم

وينكم يا جماعة الخير تراني اتريا ردودكم وبعدني ما حجزت غير التذاكر
ابغي أطمن من ناحية ترتيب الرحلة والفنادق
اللي عنده فكرة لا يبخل عليه بليييز

انا بس بوضح لك شي
من زيل ام سي إلى لوزيرن أكثر من 5 ساعات وبتسكن يوم واحد بس
ومن انترلاكن إلى ميونخ أكثر من أربع ساعات

لو تخليها بين ميونخ وسالسزبورغ وزيل أم سي بترتاح وتستمتع أكثر

1 يوم ميونخ للراحة
2 سالسزيورغ
5 زيل أم سي
2 ميونخ

واذا ودك أيام أكثر للتسوق في ميونخ شيل ايام سالسزبورغ وخلها تصير 4 في ميونخ وتزور سالسزيورغ يوم من زيل ام سي

المشاركة الأصلية كتبت بواسطة mhe5
http://www.arabtravelersforum.com/tr...1/#post6745465

انا بس بوضح لك شي
من زيل ام سي إلى لوزيرن أكثر من 5 ساعات وبتسكن يوم واحد بس
ومن انترلاكن إلى ميونخ أكثر من أربع ساعات

لو تخليها بين ميونخ وسالسزبورغ وزيل أم سي بترتاح وتستمتع أكثر

1 يوم ميونخ للراحة
2 سالسزيورغ
5 زيل أم سي
2 ميونخ

واذا ودك أيام أكثر للتسوق في ميونخ شيل ايام سالسزبورغ وخلها تصير 4 في ميونخ وتزور سالسزيورغ يوم من زيل ام سي

هلااا
مشكوور عالرد وماقصرت
هيه انا اعرف انه الدرب بين زيلامسي و لوزيرن طويل بس كل حد يمدح الدرب و انه حلووو و ما ودك يخلص لوول ,,
وانا من زماااان خاطري اسير سويسرا عشان جي سويت هالمخطط وخاصة انترلاكن وايد خاطري ازورها

الحين ابغي اعرف الفنادق اللي مختارتنها زينه والا ؟

mhe5
نسيت شي

مخططك وايد حلو ما شاء الله ,, بس نفسه بالضبط كان مخطط سفري ويا أهلي السنة اللي فاتت
هالمره حبيت أغير و اسير أماكن ما سرتها قبل مثل لوزيرن و انترلاكن ,, وهذا سبب اختياري للمناطق هاي

مشكوور مره ثانيه