الموضوع: ترتيب جدول 14 يوم في فلوريدا ميامي

اهلاً اخوي ..

فهمت من كلامك انك تود تقضي ال14 يوم في فلوريدا وتزور ميامي؟

بالنسبه لرايي تبتدي في ميامي وتقضي فيها 4 ليالي وبعدها بالسياره تروح اورلاندو ..

البرنامج في ميامي : الصبح البحر حلو .. والظهر تقدرون تتغدون او تتمشون على الاوشن درايف!
أو المغرب الى بي سايد مول .. هالمجمع حلو وقت وفيه مطاعم وايد تقدرون تتعشون فيها ..

مجمع اخر يفضل ينراح له الصبح .. لانه يسكر من وقت وكله ماركات اسمه بيل هابر مول ..

الاوت لت في ميامي دولفين مول ..

وعندكم مطعم جيز كيك فكتوري في افنتورا مول و كوكو والك ..

وفي مجمع كبير او حلو اسمه ديدلاند ..

اما اورلاندو فبرامجها معروفه .. الحدايق تحتاج كل وحده يوم
يعني دزني 4 ايام ويونيفرسال يومين ويوم لمنطقة الداون تاون ومجمع ذا مول ات ملينيا
يوم للسي ورلد ومجمع فلوريدا مول

والاوت لت

بريميم اوت لت
وبرايم وان اوت لت

وبالسلامه ان شاءلله

شكرا بارك الله فيك لك منياجمل التحية