الموضوع: لايفوتكم ترى فيه توزيع هدايا

تحية طيبة اخواني ..

انا ان شاء الله رايح لاندونيسيا بتاريخ 11/6/2010م لمدة 12 يوم موزعه مابين جاكرتا وبونشاك وبالي ...

والى الان وانا محتار ارجو انكم تساعدوني بالنسبة لاختيار الفنادق لشخص واحد .. وكمان في شي محيرني

كيف يكون تقسيم الايام انا شخص احب الاماكن اللي يكون فيها حركة وتسوق وترفيه مااحب الاماكن المنعزله

لاني سمعت ان منطقة بونشاك بعد الغروب يكون الوضع فيها موحش ولا يوجد اماكن يقدر الواحد

يروح لها ويسهر ويغير جو .. هل اسكن ببونشاك في فندق اوشقة ماذا تنصحوني ..

وكيف اقدر اروح لبالي , يعني كيف اقدر ارتب حجوزاتي من هنا ولا من هناك .. وما هو الافضل اذهب لبالي اول مااوصل

لاندونيسيا ولا اجلس بجاكرتا كم يوم بعدين اروح لبالي (اتوقع كذا راح يروح علي يوم على الفاضي تنقلات من والى المطار)

لذا اتوقع علطول من مطار جاكرتا لبالي اختصاراً للجهد والوقت ,, ولا ايش رايكم ..

وايش الفنادق المناسبة لبالي ..

وتكفون ابيكم تدلوني على سواق امين وكويس ونفسيته حلووووة .. في جاكرتا وبالي ...

استناكم مافيه وقت ... يلا حبايبي ...

واللي يبغى شي من هناك انا حاضر بس زبطوووني

مواضيع عشوائيه ممكن تكون تعجبك اخترناها لك:

• بغيت فزعتكم بترتيب برنامج لي للسفر لبلاد العمة
• استفسار عن حمل اغراض العزبه على الخطوط السعودية
• ممكن تفيدوني في رحلتي الاولى الي اندونسيا
• استفسار عن العزبه ،،
• استفسار بسيط من اهل الخبره
• بليز بليز افيدوني يأهل الخير
• الفيزا وعن الامان هناك انصحوني تكفون رحلتي بكرا
• استفسار الحصول على التاشيره الاندونيسيه مسبقاً
• ماهو الحل الأمثل للتعامل مع إستفزاز الشرطة؟
• احترت في الاختيار
• استفسار عن التذكره وعن التكالف في اندونيسيا
• هل جزيرة بالي مناسبة للعائلة ؟ وماهي اهم الأماكن السياحية ؟ ربي يسعد من يساعدني
• طلب برنامج لشهر العسل لاهنتم
• اااامل الاجابه للاهميه
• مكتب كاها وباقة بالي احترت فيها
• استفسار بسيط عن رحله اندونيسيا
• رحلتي بعدعشر ايام مايمديني اقرا التقاريروهذه خطتي
• انا الحين في العمه كم سؤال بعد اذنكم
• أرجو المساعدة غداً في الصباح رحلتي ولا أعرف الفنادق المناسبة
• ممكن اجابه لبعض الاستفساراتي

اولا : عشرين يوم وانت وحيد سوف تكون ممله
فأبحث عن الونيس والصاحب
ثانيا: المنتدى يمنع ذكر ارقام السائقين
ولكن يمكنك البحث عن طريق قوقل

8
8

غريبة كاني قريت رد لاحد المشرفين انه مافي مانع لوضع رقم السائق بشرط ان تضمنه وتضمن اخلاقه + ادراج وصف للسائق عشان لما تقابله تعرف انه مازحلطك لواحدن غيره

اخوي هزمني الشوق ياليت اقدر افيدك

سندي .. اعتقد ماقريت الموضوع زين هههههههه السفره مدتها 12 يوووووم

ثانياً .... وضع الارقام غير ممنوع حسب سياسة المنتدى ...

ثالثاً .. شكراً ع الافادة الجميلة..

هزمني الشوق

رحلتك على اي طيران؟؟ فيها ترانزيت ولا دايركت؟

اذا دايركت وكنت من النوع اللي يرقد في الطياره ويريح عمره..وطيارتك توصل الصبح رتب موضوع السفر لبالي في نفس يوم الوصول..وعندك طيران اسيا " مجرب " وطيران ليون " مجرب" والاعضاء يتكلمون عن بتافيا والجارودا وغيرهم طبعا لهم اكثر من رحله في اليوم الواحد..شوف متى بتوصل واحجز لك على بالي

اما اذا كنت من النوع اللي ما ترقد في الطياره..فاحجز لك فندق لاو يوم وصول ريح ويوم ثاني طيران على بالي

ودامك رايح بروحك وتبي تسكن في فندق فعندك كوتا فيها حركه من الصبح لين الليل
وهذي الموقع فيه الفنادق ..اختار اللي تبيه وعلى حسب ميزانيتك من نجمه لين 5 نجوم

http://www.asiarooms.com/en/indonesia/bali/kuta.html

كل اللي عليك ان تحط مدة الايام وبتطلع لك الاسعار

وبالنسبة للسواقين ترى في بالي وعلى حسب ما اشوف كلهم اوكي لانه بلد يعتمد على السياحه ومبتعد عن شي اسمه بخشيش
اذا انت عطيته زياده بيتم يشكرك ..زين ما يبوس راسك
ادخل على http://www.google.com واكتب bali drivers
وبتطلع لك صفحه متروسه ارقام للسواقين..وكل واحد سعره مختلف اختار اللي يناسبك وبعضهم يكتبون لك البرامج اللي يسونها يوميا.
واكثرية السواقين في بالي يتكلمون الانجليزي

اما بنشاك ماعمري زرتها فالسموحه ما اقدر افيدك بشي
وانا اشوف انك سفرتك قريبه وانت ما رتبت شي..وهالظاهره اشوفها على وايد من الاعضاء

اعيد واكرر
السفره الناجحه اساسها الترتيب والتنظيم المبكر

وخذ لك لفه في البواابه وبتستفيد

واي سؤال حاضرين ما يردك إلا كيبوردك

تحياتي لك

الاخ الفاضل / هزمني الشوق

بما أن مدة رحلتك 12 يوم فالتوزيع وخط السير الانسب راح يكون كالتالي

بأذن الله تعالى :-

جاكرتا لمدة يوم واحد + جزيرة بالي لمدة 7 أيام + بنشاك الجبل لمدة يومين + جاكرتا لمدة يومين ....

وبخصوص السكن أنصحك وأرشح لك التالي :-

جاكرتا أنصحك بالسكن في فندق منهاتن هوتيل ...

بنشاك الجبل أنصحك بالسكن في فندق سيروني 2 أو فندق سيروني 3 ...

أما جزيرة بالي فاأنصحك بالسكن بشاطى كوتا وتحديدا بالفنادق التالية :-

1- فندق هاريس هوتيل
2- فندق سيفيو كوتا
3- فندق بالي كوكونت

وبخصوص حجز الطيران لجزيرة بالي مقل ماتفضلت الاخت بحرينية الافضل

هو طيران آير اسيا أو طيران ليون وكل ماحجزت بدري حصلت سعر منخفض

وتمنياتي لك برحلة موفقة ورائعــه بأذن الله ...

اختي بحرينية .. اولا مشكورة ع اجابتك .. بالمسبة للرحلة عالخظوظ الاماراتية اقلاع من الرياض 4 فجراً وتوقف بدبي

لمدة 3 ساعات والوصول الى جاكرتا 10 ليلاً رحلة شاقه ...

الشغلة الثانية احجز اوتيلات من هنا ولا لما اوصل لمطار جاكرتا .. بس اخشى ان المكاتب هناك تكون مغلقه ..

ولا ايش رايك .. بعدين مالها داعي انام بالشارع ...

الشغلة الثانية وين القى سواق يكون موجود معاي طول فترة الرحلة ...

اتمنى تفيديني عاجلاً .. لاني بصراحة تشتت من كثر ماقريت اكثر من موضوع وكل عضو يفيد بشي مختلف عن الاخر

تحياتي اختي العزيزة

اخووووي ابن السعودية ياحوووووبي لك بس ..

بس اقولك وش رايك بفندق كراون بلازا هل هو افضل ولا منهاتن ...

الشغلة الثانية من وين احجز الاوتيلات من هنا ولا بالمطار بس اخشى اني اوصل للمطار واحصل المكاتب مغلقة ..

اعرف حظي نحس ... لاني حسب ماسمعت ان المكاتب بالمطار تغلق ليلاً وانا وصولي 10 ونص ليلاً

واذا تعرف سواق عطني ولو البيجر حقه الظاهر ماراح يمنعه المنتدى هههههههههههههههه

انتظرك

[QUOTE=هزمني الشوق;3901637]اخووووي ابن السعودية ياحوووووبي لك بس ..

بس اقولك وش رايك بفندق كراون بلازا هل هو افضل ولا منهاتن ...

الشغلة الثانية من وين احجز الاوتيلات من هنا ولا بالمطار بس اخشى اني اوصل للمطار واحصل المكاتب مغلقة ..

اعرف حظي نحس ... لاني حسب ماسمعت ان المكاتب بالمطار تغلق ليلاً وانا وصولي 10 ونص ليلاً

واذا تعرف سواق عطني ولو البيجر حقه الظاهر ماراح يمنعه المنتدى هههههههههههههههه

انتظرك[/QUOTE


نعم فندق كروان بلازا أفضل بكثر من فندق منهاتن هوتيل ...

بخصوص حجز الاوتيلات أسمع نصيحة أخوك وأحجزها

من هناك وتحديدا من مكتب كاها وتجد لهم فرع بمطار جاكرتا

أوفر وأحسن لك من المكاتب السياحية اللي بالسعودية بكثير ...

وبخصوص أرقام السائقين فيه موضوع خاص مثبت بقسم

الاستفسارات واليك الرابط http://www.arabtravelersforum.com/travel389407/ ...

اخوي ابن السعودية معليش تحملني ادري اني اشغلتك بس وش اسوي ...

استفساري هل مكاتب حجز الفنادق اللي بالمطار تغلق بالليل .. ولا 24 ساعة لان موعد وصولي بالليل واخشى مااحصل

مكتب ... ارجو الافادة والمعذرة مرة ثانية ..

المشاركة الأصلية كتبت بواسطة هزمني الشوق
http://www.arabtravelersforum.com/tr...9/#post3902319

اخوي ابن السعودية معليش تحملني ادري اني اشغلتك بس وش اسوي ...

استفساري هل مكاتب حجز الفنادق اللي بالمطار تغلق بالليل .. ولا 24 ساعة لان موعد وصولي بالليل واخشى مااحصل

مكتب ... ارجو الافادة والمعذرة مرة ثانية ..





اخوي هزمني الشوق
مساء الفل انا رحلتي بعدك ب 4 ايام وعلى الامارتيه ونفس الوصول
ياليت اذا مكتب كاها فاتح في وقت الوصول تكتب لي
وابي تفاصيل خط السير وماهي المعوقات الي واجهتك
انا اقلاعي 4 فجرا بتوقيت الرياض الي دبي وبعدها الي جاكرتا
اتمني ما تبخل بمعلوماتك ولك تحياتي

هزمني الشوق

انزين احجز على السعوديه ..اظن رحلاتهم دايركت وارخص من الاتحاد والاماراتية على حسب ما اقرا في تقارير الاعضاء
الشغله الثانيه انا كبنت احب تكون حجوزاتي كلها مأكده..يعني اوصل المطار اخذ تاكسي واروح للفندق دايركت كفايه تعب الرحله

بس الشباب ماشاء الله عليهم..يحبون شوي المغامره..ويروحون للمكاتب السياحيه الموجوده بالمطار للحجز

وحبيت افيدك بشي وهالشي ماخذته من تقارير الاعضاء..
انهم يخلون فندق في بالهم..ويوم يروحون لمكتب كاها يكون فل..فيضطرون يحجزون فنادق غير مدروسة او غير معروفه لهم وينخدعون بالصور الموجوده

فنصيحتي لك اذا حبيت تحجز من مكتب كاها خل في بالك كم فندق في حال عدم توافر الاول

والكراون بلازا ..فندق زين وجريب منه مجمع تجاري يعني مشي 5 دقايق وفيه اهم شي مطعم مغربي اكله يمممممممم

..

بوتركي

ان شاا ءالله مافي اي معوقات في سفرتك..بس اهم شي بعد ما ترد من الدوام ترقد وتريح عشان يوم بتنزل ترانزيت في دبي تكون مرتاح وتتسوق او تتمشى في السوق الحره..بتمر الثلاث ساعات بسرعه

تحياتي لكم

تحياتي لك

يابعد راسي اختي بحرينينة ... مشكورة ع الافادة

بالنسبة للحجز انا كنت ناوي ع الخطوط السعودية بس لقيتها فل ... حظي دايم نحس . عموماً انا قصيت التذكرة

بسعر 2150 ريال

والسائق ماقصروا الشباب انتهى موضوعه ورتبت معاه يستقبلني فب المطار ...

ممنون لك كثير اختي

ابو تركي ابد ازهله مالك الا اللي يفيدك .... بس عسى النت موجود بكل مكان ودعواتك لي

المشاركة الأصلية كتبت بواسطة هزمني الشوق
http://www.arabtravelersforum.com/tr...7/#post3901637

اخووووي ابن السعودية ياحوووووبي لك بس ..
بس اقولك وش رايك بفندق كراون بلازا هل هو افضل ولا منهاتن ...
الشغلة الثانية من وين احجز الاوتيلات من هنا ولا بالمطار بس اخشى اني اوصل للمطار واحصل المكاتب مغلقة ..
اعرف حظي نحس ... لاني حسب ماسمعت ان المكاتب بالمطار تغلق ليلاً وانا وصولي 10 ونص ليلاً
واذا تعرف سواق عطني ولو البيجر حقه الظاهر ماراح يمنعه المنتدى هههههههههههههههه
انتظرك



وبالنسبة لمكتب كاها .. بيكون مفتوح طالما هناك رحله قادمة من الخليج ..

المشاركة الأصلية كتبت بواسطة سندي محضار
http://www.arabtravelersforum.com/tr...8/#post3905908

وبالنسبة لمكتب كاها .. بيكون مفتوح طالما هناك رحله قادمة من الخليج ..



سندي هل انت متاكد من المعلومه
لا توهقني واصل باليل الساعه 11 مساء ومعي عائله واطفال
هزمني الشوق واثق من تفاعلك حبيب قلبي
وتاصل بالسلامه

تروحون وترجعون بالسلامة ان شاء الله


انا من رايي الشخصي لابد من وجود حجز مسبق لاول ليلة على الاقل خصوصا مع وجود العائلة والاطفال من وجهة نظري

ان الواحد واصل بعد طريج وتعبان الافضل له اخذ سيارة والتوجه الى الفندق مباشرة بدون انتظار و امكانية توفر حجز في

الاماكن اللي في بالك او لا...

موفقين ان شاء الله