الموضوع: تقرير رحلتي المصوره الى سويسرا والنمسا صيف

المشاركة الأصلية كتبت بواسطة أبو مانع


عليكم السلام ورحمة الله وبركاته
الله ياربي يسلمك ويحفظك من كل شر
وأنا قبل ماأروح زيورخ كنت متردد كون القليل يمدحها
لكن توكلت على الله كونها قريبه من النمسا ومن باب اني رايح جنيف قبل وماعجبتني
==
والحمدلله لما رحتها تأكد لي بأن انت من يقيم المكان بنفسك كون مافي عيوب كبيره تعيبه
بفضل الله ثم باجتهاد شخصي خليت الاقامه في زيورخ جدا مميزه
وارتحت أنا والأهل هناك واستمتع ولدي مانع فيها كثير وكان كل وقته عند باب الغرفه يبغي يطلع
==
بخصوص استفسارك عن الصعوبات ان كانت موجوده
أولا بخصوص الطائره ...
طيران الامارات عندهم مكان مخصص للتغيير عن الأطفال ومافي أي مشكله من هالناحيه
ونحن في سيرتنا ورجعتنا كنا حاجزين كله أول كراسي فالسياحيه
أول شي كونها واسعه وانت وراك رحله مدتها حول 6 ساعات
وثانيا أمامك مباشرة سرير خاص بالأفطال معلق
وقت ماينام طفلك تحطه داخله وحتى لو تبغي تغير ملابسه فيه بامكانك هالشي
==
والتنقل نفس الشي عن طريق القطارات يعتمد عليك وعلى الحقائب اللي عندك
فاذا كنت تحمل كثير فأكيد بتتعب كون ماتبغي تخلي أهلك داخل القطار وترجع للحقائب .. الخ
لكن لو عندك من يساعدك في حملها فالامور بسيطه وبتهون ان شاء الله
==
بالنسبه للرحلات السياحيه فلاتحاتي هالناحيه
لأنك أصلا تتوقف كل شوي في محطه للراحه والاستمتاع أو حتى فترة غداء وماشابه
وهم مقدرين هالامور وفي محطات فكل رحله سياحيه لأخذ راحه وتحريك الجسم والانتعاش بالطبيعه والجو والأكل
وكل هذا بوجود حمامات ( أكرمكم الله )
==
بالنسبه للأشياء الضروريه والمستلزمات والاحتياطات اللي تاخذها للطفل
1- لاتنسى تأخذ معك الأدويه الضروريه
2- حفاظات تكفي المده
3- ملابس شتويه للطفل ( سواء داخليه أو جاكيتات للبرد وغطاء للرأس )
( وهنا أشير الى انك ماراح تستعملها لكل الوقت .. لكن لبعض الأوقات والأماكن )
4- عصائر منوعه + كرامل وكستر ( الخاصه بالأطفال حسب الذوق )
5- الحليب الخاص بالطفل حجم كبير ( مثل حليب نان وماشابه )
6- شامبو وصابون وكريمات الخاصه به
7- التنويع فالملابس بين كم طويل وكم قصير وبناطلين وشورتات ( حسب الجو )
8- الاكثار من الجوارب
9- الاكثار من الملابس ( اذا ماراح تغسلو )
==
هذا اللي يحظرني حاليا ... ولو في أحد من الاخوان بيزيد ويفيد مرحبا به
==
أتمنى اني أفدتك بشي استاذي
مع تمنياتي لك برحله سعيده وممتعه في ربوع النمسا وألمانيا



الله يوفقك ويسعدك مثل مااسعدني ردك ولطف اسلوبك.. ويخلي لك مانع واخوانه ان شاء الله
مشكوووور وماقصرت .... بصراحه بروعة اسلوبك دخلت في راسي سويسرا مع اني ماكنت حاطها بسفرتي كم المسافه بين زيورخ وفينا؟

شحالك بو مانع انشاءالله مستمتع بالرحله؟:24:
مشكور عالنصيحه :113:
الصراحه انا حصلت من المكاتب السياحيه فالشارجه عندنا
فندق الكروان بلازا 3 ليالي في فيينا+ 5 ليالي فندق هينزمان اظنيه في زيلامسي ب 6100 درهم شو رايك فيهم والسعر؟:114: وحصلت في شقق ليفنت لادون فيينا بس عن طريق النت ب351 يورو 3 ليالي وعن طرق مكتب سياحي فدبي ب درهم1950 تقريبا بس بعدين جيكت فالشارجه ومن مكتب سياحي قال لي السعر في نفس المكان 2000 درهم فاليوم ما ادري منو اصدق:114: ؟
رجعت دقيت حق مكتب دبي قال لي السعر ب 3500 قلت له امس قلت لي غير قال لا سعر امس كان على أساس غرفه بس :109: :109: شو السالفه؟
شورايك احجز عن طريقهم ولا عن طرق النت بس لازم أتريا اسبوع لين ما تطلع بطاقة الكريدت كارد من البنك:109: :112: افتر مخي الصراحه شو تنصحني بومانع؟:114:

السلام عليكم ورحمة الله وبركاتة

اخي الحبيب.... ابومانع

قلت في مستهل موضوعك ان تقريرك متواضع...

اما انا فاقول .....ان تقريرك ابداع متواصل....وتصوير متاصل....وحروف شاعر...

فلك منى كل التقدير

محبك
ابولمى

السلام عليكم ورحمه الله وبركاته ..

اخوي ابو مانع الحمد لله على السلامه ..
ويعطيك العافيه على هذا التقرير الرائع منذ بدايته .. في الحقيقه انا كنت محتاره انا وزوجي في الفنادق وطريقه السير والمناطق الي راح نزورها لكن بفضل الله وثم بفضلك سوف نمشي على جدولك ..

سؤالي متاخر شوي لكن لاني في الواقع توني الاحظ تقريرك واقراه اليوم ..
الي ابي اعرفه اخوي الفاضل ماهي الاسواق الافضل في سويسرا ولا اقصد الغاليه منها لكن اسعارها تكون جيده وفيها تنوع ويمكن نتسوق منها لانه مثل ماتعرف النمسا لا يوجد بها ذاك التسوق المطلوب ..

ياريت اخوي تفيديني يعطيك العافيه ..

روعة يأبو مانع تقرير مثير وصور ولا أحلى

المشاركة الأصلية كتبت بواسطة @ أيــــــ ayad ــــــاد @


مشكووووووور اخوي ابو مانع
نترقب اليوم الخامس
سريعااااا



حياك حبيبي

ولاشكر على واجب

المشاركة الأصلية كتبت بواسطة حور الإمارات


ياااااااي على هالصور اللي تجنن ..
اخوي ابو مانع شوقتنا لزيارة سويسرا



رأي شخصي ... ان تنظيم الرحلات في سويسرا أفضل عن النمسا

صحيح ان الرحلات في سويسرا أغلى .. لكنها تستاهل وممتعه جدا

==

ان شاء الله تروحو وتستمتعون بكل أوقاتكم يارب

المشاركة الأصلية كتبت بواسطة s&s


الله يوفقك ويسعدك مثل مااسعدني ردك ولطف اسلوبك.. ويخلي لك مانع واخوانه ان شاء الله
مشكوووور وماقصرت .... بصراحه بروعة اسلوبك دخلت في راسي سويسرا مع اني ماكنت حاطها بسفرتي كم المسافه بين زيورخ وفينا؟



واجبنا طال عمرك وتسلم على هالدعاء الصادق

والمسافه من زيورخ وفيينا ممكن يفيدك فيها حد من الاخوان

أنا عن نفسي رحت من زيورخ لسالزبورج وذاكر المده فالتقرير لو بتتابعه

لكن المسافه بين زلامسي وفيينا ( 418 ) كيلومتر

==

وبالتوفيق استاذي

المشاركة الأصلية كتبت بواسطة مضيع الدرب


شحالك بو مانع انشاءالله مستمتع بالرحله؟:24:
مشكور عالنصيحه :113:
الصراحه انا حصلت من المكاتب السياحيه فالشارجه عندنا
فندق الكروان بلازا 3 ليالي في فيينا+ 5 ليالي فندق هينزمان اظنيه في زيلامسي ب 6100 درهم شو رايك فيهم والسعر؟:114: وحصلت في شقق ليفنت لادون فيينا بس عن طريق النت ب351 يورو 3 ليالي وعن طرق مكتب سياحي فدبي ب درهم1950 تقريبا بس بعدين جيكت فالشارجه ومن مكتب سياحي قال لي السعر في نفس المكان 2000 درهم فاليوم ما ادري منو اصدق:114: ؟
رجعت دقيت حق مكتب دبي قال لي السعر ب 3500 قلت له امس قلت لي غير قال لا سعر امس كان على أساس غرفه بس :109: :109: شو السالفه؟
شورايك احجز عن طريقهم ولا عن طرق النت بس لازم أتريا اسبوع لين ما تطلع بطاقة الكريدت كارد من البنك:109: :112: افتر مخي الصراحه شو تنصحني بومانع؟:114:



انا بخير طال عمرك وحالي يسرك ولايضرك

ماقدر أفتي لك بالسعر

انت مر وشوف أحكثر من شركه وقارن

أنا عن نفسي أرتب من 3 شهور تقريبا قبل السفر

والحمدلله لاحظت فرق الأسعار واستقريت على أفضل شركه من ناحية العرض

وحتى لقيت الفرق عند بعض الشركات أكثر من 7000 درهم

كان حجزي للتذاكر والفنادق ب 15000 درهم اللي استقريت عليه

وبعض الشركات عطتني 22000 - 23000 درهم

==

اسأل المكاتب اللي تروحها اذا كانو يتعاملو مع شركة ( أكسس هوليدي )

( وهي شركة توزع عروضها على السفريات بسعر منافس جدا )

وان شاء الله تلقى أفضل العروض وأفضل الفنادق والخدمات

مشكور الشيخ على النصيحه بس سؤال انتوا بعدكم فالنمسا أقصد يعني بعدكم مسافرين ولا رديتوا:114: لأني مب قادر اركز من السهر على مباريات كاس العالم هههههههههه:109:
الصراحه انا حجزت على هيلتون الدانوب فيننا3 ليالي وليله مجانا وما في اذني ماي:109:
أشوفه وايد جميل وغرفه يقولون من أكبر الغرف في فنادق فيينا...
الحين بحاول احجز في الكابرون يقولون انها ارخص من زيلامسي بالنص تقريبا وما تبعد غير 3/4 كيلو انا ابي أأجر سياره والف اشوف الطبيعه فالمسافه هاي مب وايده مثل الشارجه وعيمان صح؟:109:
بس اذا بتنصحني كيف أسير من زيلامسي لين بروكسل /بلجيكا بكون شاكر لك وكيف اسير بالقققطارولا سياره وكم المده والمسافه اسف اخويه ما بشغلك وايد بس اذا رمت:24:
الله يحفظكم ويحفظ مانع انشاءالله ويرزقكم باخوان له..
تدري يا خويه الصغار عندي شما 8 سنوات ولمياء 7 واحمد 4 سنوات يقولون يو ادش الموقع بابا نبا نشوف مانع ههههه عيبهم المكان والخضره وصورة مانع الله يحفظه لكم:109: :109:

أول شيء الحمدلله على السلامة يالطيب

وأحب أسألك هالأسئلة

وين أحلي

سالزبورغ ولا زيوريخ

وين تنصحني بالذهاب

انا محتار

النمسا ولا سويسرا

شو تشوف الأفضل والأرخص

صح لسانك ابوماتع

قصيدة رائعة بروعة صاحبها

ومشكور على الاهداء طال عمرك

سعداء بتواجدك

هلا وغلا أخوي الحبيب : بومانع

الحمدلله على السلامه ... والله يحفظك هالقمر مانع ...

وبصراحة تقريرك أكثر من رائع ...

ورحلة جميلة ورائعه ... وتصوير أروع ...

ولك رساله عالخاص طال عمرك ...

تحيتي لك ...

السلام

الحمد لله على السلام اخوي ابو ماانع
تشكر يا عسل على التقرير الروعه

و الصور الاروع انا اناظر الصور واحس ان الجو بااااااااااااااااااااااااااارد بالنسبه لدرجة حرارة 50
ما اطول عليك بانتظار اليوم الخامس على احر من الجمر

و السلام


اخوكم


ابو عشوان

[blink]صح لسانك [/blink]

يابو مانع وأسلمت يالشاعر مشاء الله عليك كلمات ومعاني وصوت لايعلي عليه ربي يحفظك ... لك كل التقدير والأحترام :x1:

من جمال وروعه الصور ما اعرف اختار اى صوره لخلفيه الشاشه :108:

ماشاء الله تبارك الرحمن الله على الصور الجميله التي ابهرتني وابهرت الجميع فعلا جنة ياجماعة الخير وتقدم وتطور وراحة بال الله يكتب لنا زيارتها مشكور ياخوي قلبت المواجع علينا كيف لو أني ساكن هناك على طووووول بصراح تقرير رائع وهادئ وله معنى بالنفس جميل تحياتي الك .

يعطيك العافية اخوي ابو مانع تقرير افادني كثير خصوصاً ان سفرتي باقي عليها طعش يوم ان شاء الله

بس ودي اعرف انا اقامتي راح تكون بين جنيف ومونترو وانترلكن وبصراحة شوقتني اروح لهايدي لاند

كيف اقدر اروح لها وانا غير مقيمة في زيورخ ؟؟ اقدر اروح لها رحلة يوم واحد لزيورخ ؟؟ بس احس ان

الرحلة طويلة مدة 8.30ساعات ومعي طفلة ؟؟ وتقول سعرها 100 يورو ؟؟؟

الله يعطيك الف عافيه وصراحه حنا في شوق الى متابعة باقي الرحله لاننا عشنا السفره معكم

الله يعطيك الف عافيه وصراحه حنا في شوق الى متابعة باقي الرحله لاننا عشنا السفره معكم بس سوال الله لايهينك كيف اللبس ثقيل والى خفيف لاني طالع بعد 10 ايام يعني كم درجة الحراره تقريبا

المشاركة الأصلية كتبت بواسطة Abdulaziz


السلام عليكم ورحمة الله وبركاتة
اخي الحبيب.... ابومانع
قلت في مستهل موضوعك ان تقريرك متواضع...
اما انا فاقول .....ان تقريرك ابداع متواصل....وتصوير متاصل....وحروف شاعر...
فلك منى كل التقدير
محبك
ابولمى



عليكم السلام ورحمة الله وبركاته

الاستاذ القدير .... أبو لمى

أولا استنار موضوعي أكثر بحضور شخص من مستواك الفكري والشخصي

وأحب أهنيك على هالموقع وبالأخص المنتدى اللي أعتبره أفضل المواقع عندي

ومن غير مبالغه .... منتدى العرب المسافرون يحتل المركز الأول فالنت عندي من حيث الزياره بعد موقعي

بحيث انه أكثر موقع أزوره وأستفيد من خلاله فامور كثيره

ودايم ماأنصح كل معارفي سواء أصدقاء أو زملاء عمل أو حتى ناس ألتقيهم في مجالس يتكلمون عن السفر

دايم ماأنصحهم بالتوجه الى النت وزيارة منتدى العرب المسافرون لاستكمال الرحلات اللي ينوون لها وأخذ النصائح من أعضائها اللي أبد مايبخلون على أي عضو سواء قديم أو حتى حديث

أنا عن نفسي من عرفت موقعكم وأنا أدمنته ... وحاليا أتعالج من الادمان ( لاحد يفهمها غلط )

بس عن جد استاذي أهنيك على فكرتك لبناء وتأسيس هالموقع

اللي بالفعل أصبح مرجع لكل عربي مسافر ينوي التوجه الى أي وجه في العالم

فلك كل الشكر والتقدير على اتاحة هالفرصه سواء لي أو لاخواني الأعضاء

وتأكد بأننا موجودين معاكم وبنحاول نلبي نداء كل من يحتاج لنا قدر استطاعتنا

والكلام فيكم يطول .. لكن خير الكلام ماقل ودل

==

وثانيا أشكر لك هالحضور اللي يبعث البهجه في نفوسنا

وأشكرك ياذوق على تعابيرك الجميله

والزين مايطلع منه غير الزين

المشاركة الأصلية كتبت بواسطة ملاك الكويت


السلام عليكم ورحمه الله وبركاته ..
اخوي ابو مانع الحمد لله على السلامه ..
ويعطيك العافيه على هذا التقرير الرائع منذ بدايته .. في الحقيقه انا كنت محتاره انا وزوجي في الفنادق وطريقه السير والمناطق الي راح نزورها لكن بفضل الله وثم بفضلك سوف نمشي على جدولك ..
سؤالي متاخر شوي لكن لاني في الواقع توني الاحظ تقريرك واقراه اليوم ..
الي ابي اعرفه اخوي الفاضل ماهي الاسواق الافضل في سويسرا ولا اقصد الغاليه منها لكن اسعارها تكون جيده وفيها تنوع ويمكن نتسوق منها لانه مثل ماتعرف النمسا لا يوجد بها ذاك التسوق المطلوب ..
ياريت اخوي تفيديني يعطيك العافيه ..



عليكم السلام ورحمة الله وبركاته

الله يسلمج اختي ملاك ويعطيج ألف عافيه على تعابيرج الحلوه

بخصوص التسوق في سويسرا اعذريني الشيخه ماعندي فكره عنه

لأنها كانت المحطه الاولى ونحن بالعاده نشوف الأسواق فآخر محطه

لأن مانبغي نثقل على نفسنا واحنا بعدنا فبداية سفرتنا كوننا بنتنقل لأكثر من مكان

فاعتمدنا على التسوق فآخر محطه اللي كانت فيينا

وشي أكيد اختي ان التسوق في سويسرا راح يكون غالي مقارنة بالنمسا

كون الايجارات عندهم مرتفعه هذا من غير الضرائب ورواتب العمال

==

أتمنى أحد الاخوان يقدر يفيدج بهالتساؤل عن سويسرا

ومتأكد انهم ماراح يبخلو عليج

المشاركة الأصلية كتبت بواسطة القائد المحنك


روعة يأبو مانع تقرير مثير وصور ولا أحلى



من ذوقك حبيبي

وان شاء الله تستمتعو فباقي الرحله

المشاركة الأصلية كتبت بواسطة مضيع الدرب


مشكور الشيخ على النصيحه بس سؤال انتوا بعدكم فالنمسا أقصد يعني بعدكم مسافرين ولا رديتوا:114: لأني مب قادر اركز من السهر على مباريات كاس العالم هههههههههه:109:
الصراحه انا حجزت على هيلتون الدانوب فيننا3 ليالي وليله مجانا وما في اذني ماي:109:
أشوفه وايد جميل وغرفه يقولون من أكبر الغرف في فنادق فيينا...
الحين بحاول احجز في الكابرون يقولون انها ارخص من زيلامسي بالنص تقريبا وما تبعد غير 3/4 كيلو انا ابي أأجر سياره والف اشوف الطبيعه فالمسافه هاي مب وايده مثل الشارجه وعيمان صح؟:109:
بس اذا بتنصحني كيف أسير من زيلامسي لين بروكسل /بلجيكا بكون شاكر لك وكيف اسير بالقققطارولا سياره وكم المده والمسافه اسف اخويه ما بشغلك وايد بس اذا رمت:24:
الله يحفظكم ويحفظ مانع انشاءالله ويرزقكم باخوان له..
تدري يا خويه الصغار عندي شما 8 سنوات ولمياء 7 واحمد 4 سنوات يقولون يو ادش الموقع بابا نبا نشوف مانع ههههه عيبهم المكان والخضره وصورة مانع الله يحفظه لكم:109: :109:



نحن رجعنا استاذي بالسلامه ... عقبال ماتروحو وترجعو بالسلامه ان شاء الله

==

أما مايخص فندق ( هيلتون الدانوب ) فهو صحيح من أكبر الغرف لكنه بعيد عن السنتر

مادري بك بتشوف بديل أو بتستقر عليه

( مع العلم تتوفر باصات مجانيه من هالفندق للسنتر )

وتقدر تراجع هالوصلات للاستزاده

http://www.travel4arab.com/vb/showthread.php?t=39024

http://www.travel4arab.com/vb/showthread.php?t=68964

وراجع هالرد للاخت غدير بخصوصه

http://www.travel4arab.com/vb/showpo...8&postcount=14

وهذا موضوع خاص فيه

http://www.travel4arab.com/vb/showthread.php?t=64547

==

عن كابرون ... المسافه بينهم صحيح قريبه لكن مش 3 أو 4 كيلو

أنا زرت كابرون وكانت المسافه تقريبا 12 - 15 كيلو

أنا شفت اقتراح أحد الاخوان بهالشي ... بس نصيحتي لك لاتاخذ هناك اذا ماعندك سياره

خذ لك فزلامسي والتمشيات فيها والبرامج أكثر من كابرون

==

زلامسي وبروكسل حاول بالبحث فالمنتدى وبتلقى اجابتك باذن الله

==

وسلم لي عالكتاكيت شما ولميا وبو شهاب

وقولهم ان مانع يسلم عليهم ويرسل لهم أكبر بوسه

المشاركة الأصلية كتبت بواسطة عاشق الإجازات


أول شيء الحمدلله على السلامة يالطيب
وأحب أسألك هالأسئلة
وين أحلي
سالزبورغ ولا زيوريخ
وين تنصحني بالذهاب
انا محتار
النمسا ولا سويسرا
شو تشوف الأفضل والأرخص



الله يسلمك حبيبي من كل شر

أنا من رأيي لو كانت اجازتك حول 14 يوم تقسمها بين سويسرا والنمسا

كل منطقه سواء زيورخ أو سالزبورج لها حلاوتها

زيورخ تنظيم الرحلات من زجهة نظر شخصيه انها أحلى عن سالزبورج

يعني تلقى تنوع وترتيب للرحلات وأماكن تستحق الوقوف

يعني نحن دفعنا 100 يورو لرحله وحده مدتها 8 ساعات ونصف

لكن هالرحله ماتنسى واستمتعنا فيها كثير وقلنا ان المبلغ حلال عليها

لكن رحلات النمسا مش بالمستوى التنظيمي لرحلات سويسرا ولو انها أقل سعرا

==

سالزبورج فيها برامج حلوه أيضا .. لكن كعائله راح تستثني بعض هالرحلات

لأن فيها مشقه عليك وعلى عائلتك خاصة بوجود أطفال مثل الكهف الجليدي

وكونها في النمسا راح تلقى الأسعار سواء الرحلات أو حتى الأكل أقل

==

في سويسرا على سبيل المثال ... سندويتشة الشاورما قيمتها 5 يورو

أما في النمسا قيمتها 3 يورو

وحتى الأكلات السريعه مثل ماكدولاند في سويسرا أغلى عن النمسا

فهنا تلقى اللي ينفرك واللي يذجبك لكل منطقه

بس بعد لاتنسى ان التغيير حلو ويرسخ ذكريات حلوه لك انت وأهلك

==

تمنياتي لكم برحله سعيده اخوي

المشاركة الأصلية كتبت بواسطة ابومحمد


صح لسانك ابوماتع
قصيدة رائعة بروعة صاحبها
ومشكور على الاهداء طال عمرك
سعداء بتواجدك



غالي والطلب رخيص

وصح الله بدنك شيخي

وأنا أسعد بهالحضور وهالحفاوه منكم

المشاركة الأصلية كتبت بواسطة المعالي


هلا وغلا أخوي الحبيب : بومانع
الحمدلله على السلامه ... والله يحفظك هالقمر مانع ...
وبصراحة تقريرك أكثر من رائع ...
ورحلة جميلة ورائعه ... وتصوير أروع ...
ولك رساله عالخاص طال عمرك ...
تحيتي لك ...



الله يسلمك استاذي ويحفظك ان شاء الله من كل شر

وتسلم حبيبي على ابداء صراحتك بهالجمال

وحياك طال عمرك وبانتظارك على الخاص

برافووووووووووووووووووووووووو عليك ويعطيك العافيه

المشاركة الأصلية كتبت بواسطة Abdulaziz


السلام عليكم ورحمة الله وبركاتة
اخي الحبيب.... ابومانع
قلت في مستهل موضوعك ان تقريرك متواضع...
اما انا فاقول .....ان تقريرك ابداع متواصل....وتصوير متاصل....وحروف شاعر...
فلك منى كل التقدير
محبك
ابولمى



حبيت أقدم خدمه لك ولجميع أعضاء العرب المسافرون وتوقيتها مناسب هالوقت اجازة الصيف

شو رايك بلقاء صحفي لموقعكم الموقر وتخصص لكم نصف صفحه في أشهر جريدة اماراتيه ؟

تتكلم فيها عن الموقع بكل مافيه

اذا حابب تعمل المقابله راسلني استاذي على الخاص وبنرتب الامور ومايصير خاطركم الا طيب

==

واذا اخونا أبولمى مانتبه للكلام ... أتمنى أي اداري أو مشرف يبلغه بهالشي

ونخدم العرب المسافرون باللي نقدر عليه ... لأنكم فعلا تستاهلو

الحمد لله عالسلامه ومشكور بومانع عالنصيحه
الله يحفظك ويحفظ عائلتك يا رب....والبوسه للصغار وصلت

الحمد لله على سلامة الوصول وشكرا للتقرير الرائع

مشكوووور وماتقصر حبيبي

ما شاءالله صورغاية في الروعة لمناظر خلابة سبحان الخالق ..

لك كل الشكر لإمتاعنا ونقل كل ذلك الجمال ..

بارك الله بكم وبصغيركم مانع وحفظه من الشر ..

أخي أبو مانع
رائع بكل كلمة كتبتها
بكل صورة صورتها
بكل نصيحة أسديتها
ورائع بأخلاقك
تعجز حروفنا عن شكرك , لك منا الشكر والدعاء بأن يوفقك الله وييسر أمورك
شوقتنا للنمسا , وعندما قرأت ماكتبته عن سويسرا تعلق قلبي بها
الله يكتب لنا سفرة لتلك الديار
تحياتي

المشاركة الأصلية كتبت بواسطة النفيسي


برافووووووووووووووووووووووووو عليك ويعطيك العافيه



الله يعافيك استاذي وكلك ذوق ونظر

المشاركة الأصلية كتبت بواسطة مضيع الدرب


الحمد لله عالسلامه ومشكور بومانع عالنصيحه
الله يحفظك ويحفظ عائلتك يا رب....والبوسه للصغار وصلت



الله يسلمك شيخي

وأفا عليك استاذي واجب ونقوم به ومستعدين وفالخدمه

والله يحفظ الجميع ان شاء الله

المشاركة الأصلية كتبت بواسطة moshaal


الحمد لله على سلامة الوصول وشكرا للتقرير الرائع



الله يسلمك استاذي

ولاشكر على واجب

المشاركة الأصلية كتبت بواسطة R0o0Ny_X


مشكوووور وماتقصر حبيبي



تستاهلو كل خير طال عمرك

المشاركة الأصلية كتبت بواسطة أوبرا

ما شاءالله صور غاية في الروعة لمناظر خلابة سبحان الخالق ..
لك كل الشكر لإمتاعنا ونقل كل ذلك الجمال ..
بارك الله بكم وبصغيركم مانع وحفظه من الشر ..

وأنا بدوري أشكرك على هالحضور والرد المتميز

والله يبارك فيك ويحفظ لك عيالك ويخليك لهم يارب

المشاركة الأصلية كتبت بواسطة تلفريك


أخي أبو مانع
رائع بكل كلمة كتبتها
بكل صورة صورتها
بكل نصيحة أسديتها
ورائع بأخلاقك
تعجز حروفنا عن شكرك , لك منا الشكر والدعاء بأن يوفقك الله وييسر أمورك
شوقتنا للنمسا , وعندما قرأت ماكتبته عن سويسرا تعلق قلبي بها
الله يكتب لنا سفرة لتلك الديار
تحياتي



صدقني حبيبي ماكتبت حرفي ولاطرحت صوري الا لأمثالكم

كلكم تستاهلون الخير .. والخير ساسكم

قرأت قبل سفري الكثير من المواضيع لتجارب الاخوان

واستفدت منها وبناءا عليها رتبت سفرتي الى أن وفقت فيها مثل ماتلاحظون

فواجب عليّ اني أفيد كل قلم كتبت لي وفادني

وواجب عليّ اني ماأبخل بأي علم أو خبر أعرفه

ومثل ماقلت فبداية موضوعي .. اني مستعد لأي استفسار

==

أدعو المولى أن يوفقك في زياره قريبه لهذه الأماكن

وباذن الله تتوفق في جميع سفراتك

ماشاءالله تبارك الله
اخي القدير ابومانع
جعل مانع يصير مثل ابوه يارب ...

تسلم يداك على هذا التقرير والصور الجميلة والتي لا نستغربها من شخص كذوقكم الرفيع ..
صورت وابدعت .. كتبت وأجدت ...

وبأنتظار تكملة التقرير والذي لا أخفيك احتفظت فيه بأرشيفي الخاص لأهم مواضيع السفر لسويسرا و النمسا للرجوع لها مستقبلاً ..

تحية وتقدير

تسلم على هالتقارير الراااااائعة ... ذكرتنا بأيام قد خلت

مشكور يا ابو مانع على هذا التقرير الرائع وبصراحة ودي اسال مانع الله يخليه لكم ماتعب من كثر التنقلات لان بنتي ودي اخها واخاف عليها تتعب من كثر التنقلات وعمرها سنه وش تنصحني

يعطيك ربي الف عافيه اخوي ابو مانع

ونحن في انتظار اليوم السادس

ودمتم بحفظ الله

المشاركة الأصلية كتبت بواسطة Hesham


ماشاءالله تبارك الله
اخي القدير ابومانع
جعل مانع يصير مثل ابوه يارب ...
تسلم يداك على هذا التقرير والصور الجميلة والتي لا نستغربها من شخص كذوقكم الرفيع ..
صورت وابدعت .. كتبت وأجدت ...
وبأنتظار تكملة التقرير والذي لا أخفيك احتفظت فيه بأرشيفي الخاص لأهم مواضيع السفر لسويسرا و النمسا للرجوع لها مستقبلاً ..
تحية وتقدير



نورتنا استاذ هشام وزانت صفحتنا المتواضعه بحضوركم

الله يجعل فيك وفيه الخير ان شاء الله والله يسلمك يارب

ونحن ماغير تلاميذ أمامكم استاذي

ولنا الشرف بأن شي من كتاباتنا نال اعجابكم

المشاركة الأصلية كتبت بواسطة نتالي


تسلم على هالتقارير الراااااائعة ... ذكرتنا بأيام قد خلت



ومن قال سالم اختي

ان شاء الله ان كل أيامكم سعيده اللي خلت والمستقبليه

المشاركة الأصلية كتبت بواسطة اضواء المدينة


يعطيك ربي الف عافيه اخوي ابو مانع
ونحن في انتظار اليوم السادس
ودمتم بحفظ الله



الله يعافيكم يارب

وشاكر لكم هالمتابعه المستمره

وباذن الله لنا رجعه فالقريب مع باقي الأيام

اشكرك مره اخرى على هذا التقرير الاكثر من رائع لان بصراحه عرفت اماكن ورحلات مرة حلوة وشيقه خاصة عالم هايدي اللي حسيت اني وصلت وتمشيت قبل لا اسافر وان شاء الله راح تكون ضمن برنامجنا السياحي تلك الرحلات لكن اود ان اسالك ابو مانع هالرحلات مثل (عالم هايدي )(وولف)من وين نحجز لهالرحلات الحلوه

المشاركة الأصلية كتبت بواسطة رسيل2005


اشكرك مره اخرى على هذا التقرير الاكثر من رائع لان بصراحه عرفت اماكن ورحلات مرة حلوة وشيقه خاصة عالم هايدي اللي حسيت اني وصلت وتمشيت قبل لا اسافر وان شاء الله راح تكون ضمن برنامجنا السياحي تلك الرحلات لكن اود ان اسالك ابو مانع هالرحلات مثل (عالم هايدي )(وولف)من وين نحجز لهالرحلات الحلوه



أتمنى الفايده لكم ولكل قارئ لهذا التقرير .. وهذا المقصد من كتابة تقريري

بخصوص ( عالم هايدي ) بكل بساطه تحجزون له من الفندق اللي تسكنو فيه

كل ماعليكم انكم تقولو لهم نبغي رحلة ( هايدي لاند ) وهم يعطوكم باقي التفاصيل

وبعد راح يسهلو عليكم الموضوع ويعطوكم كتيب صغير فيه كل الرحلات فالمنطقه مع صورها ومعلومات عنها ومن ضمن الرحلات ( وولف قنق )

( وللفايده تقدرو تحصلو فكل فندق وفأي منطقه تسكنوها كتيبات عن الرحلات في هالمنطقه )

فقط أول ماتعملو تشك ان للفندق تطلبو هالكتيب وتشوفوه على راحتكم وتقررو الرحله اللي تبغوها للغد وتقولو لهم وهم بدورهم يرشدوكم بكافة التفاصيل

==

رحله سعيده وموفقه باذن الله

صباح الخير نسيت اسال عن التنقلات في النمسا وسويسرا خاصة واحنا بنروح ست مدن ثلاث بالنمسا فينا/سالزبورغ/زالامسي وثلاث مدن بسوسيراانترليكن ولوسيرن وزيورخ هل نستاجر سياره ام القطارات والترام والباصات كفايه وخاصة الاماكن الجبليه ارجو الرد

مرحبا اخوي ابو مانع :101:
ممكن اعرف كم خذيت الماريوت اللي بزيورخ الغرفه باليووم :108:

المشاركة الأصلية كتبت بواسطة رسيل2005


صباح الخير نسيت اسال عن التنقلات في النمسا وسويسرا خاصة واحنا بنروح ست مدن ثلاث بالنمسا فينا/سالزبورغ/زالامسي وثلاث مدن بسوسيراانترليكن ولوسيرن وزيورخ هل نستاجر سياره ام القطارات والترام والباصات كفايه وخاصة الاماكن الجبليه ارجو الرد



صباح الليل

التنقل بالقطار والترام يكون سهل واقتصادي اذا كنتو شخصين مع طفل

لكن اذا كان العدد حول 5 أشخاص فالسياره العائليه تعتبر اقتصاديه وأكثر متعه

المشاركة الأصلية كتبت بواسطة مضيف جوي11


مرحبا اخوي ابو مانع :101:
ممكن اعرف كم خذيت الماريوت اللي بزيورخ الغرفه باليووم :108:



مرحبا بك الشيخ

ماريوت زيورخ خذت الليله ب 950 درهم اماراتي

اخي بو مانع.
رغم أنني من المتواجدين الدائمين في هذة البوابة الجميلة ،
لكنني ومنذ عودتي من سفرتي الأخيرة لإيطاليا أصبح الوقت لا يسمح لي بالدخول لبوابات أخرى إلا في ما ندر .
حيث أصبحت أتنقل بين بوابة إيطاليا ومعرض الصور ، وبالطبع واحة العرب المسافرون التي لا غنى لها.

لذا استميحك العذر أخي على تاخري عن مواكبة هذا التقرير الجميل.
وهذة الرحلة الرايقة جدا.

الله يحفظ مانع ويخليه لكم .

وبإنتظار حلقات جديدة من هذا الموضوع الجميل.

صح لسانك يابومانع على القصيدة

ومشكور على الصور الحلوة والتقرير الرائع وبانتظار المزيد

مرررررررررررررره شي رووووووووووووووعه

انا مسافر للتشيك عن طريق زيورخ ... تنصح بالتوقف بزيورخ وكم يوم يكفي لان رحلتي 18 يوم

ابداااااااااااااع اخوي ابومانع والله يخلي لك مانع ويحفظه من كل شر
وبانتظار بقيه تفاصيل

المشاركة الأصلية كتبت بواسطة السيدة درجة أولى


اخي بو مانع.
رغم أنني من المتواجدين الدائمين في هذة البوابة الجميلة ،
لكنني ومنذ عودتي من سفرتي الأخيرة لإيطاليا أصبح الوقت لا يسمح لي بالدخول لبوابات أخرى إلا في ما ندر .
حيث أصبحت أتنقل بين بوابة إيطاليا ومعرض الصور ، وبالطبع واحة العرب المسافرون التي لا غنى لها.
لذا استميحك العذر أخي على تاخري عن مواكبة هذا التقرير الجميل.
وهذة الرحلة الرايقة جدا.
الله يحفظ مانع ويخليه لكم .
وبإنتظار حلقات جديدة من هذا الموضوع الجميل.



ألف حمدلله عالسلامه اختي

مسموحه طال عمرج بالحل والتقرير مازال فبدايته

وأنا بالعكس شاكر لج هذ الحضور وهذا الكلام اللي يدل على حسن ذوقج

وانتي المفروض من يعذرنا .. عالأقل تكرمتي علينا بهالحضور وأما نحن بعدنا

وأنا فعلا مقصر فباقي أقسام المنتدى .. لكن باذن الله من أخلص تقريري أسير عليكم مع باقي الأقسام

==

والله يحفظ الجميع الشيخه ويخلي لكم عيالكم يارب

المشاركة الأصلية كتبت بواسطة سلوم


صح لسانك يابومانع على القصيدة
ومشكور على الصور الحلوة والتقرير الرائع وبانتظار المزيد



صح الله بدنك استاذي

وانا من يقدم لك الشكر على هالهمه فالمنتدى

وماشاء الله عليك شخص خدوم وماتقصر ويا الكل

ودائما تشرفني بردودك الجميله يعطيك العافيه

المشاركة الأصلية كتبت بواسطة هاوي سفر2004


مرررررررررررررره شي رووووووووووووووعه
انا مسافر للتشيك عن طريق زيورخ ... تنصح بالتوقف بزيورخ وكم يوم يكفي لان رحلتي 18 يوم



هذا تقريري طال عمرك وانت تشوفه وتشوف زيورخ اذا تستاهل توقف أو لا

أنا قعدت 3 ليالي ... وانت على حسب جدولك 3 أو 4 ليالي كفايه

==

وتروح وترجع بالسلامه الشيخ