الموضوع: طلب وصف طريق الرياض دبي عن طريق سعد خريص

مساء الخيرات يا قمر بالنسبة للطريق أنا رحت مع الطريق مرتين وهو طريق رائع وسيدين من يوم طلعت من بيتي حتى وصلت دبي والطريق سيدين الوصف على حسب ما أذكر كتالي : اولاً تمسك طريق الدمام 100 كيلو حتى مخرج منتزه سعد وخريص وبعدين تفرق مع المرفق وتمشي تقريبا 200 كيلو أو أكثر بعشرين كيلو أو أقل بعشرين كيلو والله ما أذكر المهم بتوصل الحساء بعدين بيجيك مفرق مكتوب سلوىوبعدين تمشي تقريبا 120كيلو ويوصلك دوار سلوى وتفرق مع الدوار يمين وتمشي 180 كيلو وتوصل البطحاء وبعدين تمسك خط دبي أبو ظبي وتوصل بالسلامة أبو ظبي 400 كيلو ودبي 500 كيلو

كفى ووفى اخوي الهلالي

شف يا طويل العمر والسلامة

تطلع من الرياض على طريق الدمام 255 كيلو بالضبط وبعدها بيجيك مفرق يقول لك الأمارات يمين
بعدها 120 كيلو إلى الأحساء قبل الأحساء في مفرق انتبه له مو واضح يقول لك الأمارات وقطر يمين وهو طريق يخليك ما تدخل الأحساء
بعد الأحساء 90 كيلو تقريباً وأنت في سلوى

تروح يمين 180 كيلو وأنت في البطحاء

الطريق كله سيدين

حاول تعبي بنزين من الأحساء ومن سلوى لأن المحطات قليله



تحياتي

المشاركة الأصلية كتبت بواسطة الملازك هتلر
http://www.arabtravelersforum.com/tr...5/#post3971575

شف يا طويل العمر والسلامة

تطلع من الرياض على طريق الدمام 255 كيلو بالضبط وبعدها بيجيك مفرق يقول لك الأمارات يمين
بعدها 120 كيلو إلى الأحساء قبل الأحساء في مفرق انتبه له مو واضح يقول لك الأمارات وقطر يمين وهو طريق يخليك ما تدخل الأحساء
بعد الأحساء 90 كيلو تقريباً وأنت في سلوى

تروح يمين 180 كيلو وأنت في البطحاء

الطريق كله سيدين

حاول تعبي بنزين من الأحساء ومن سلوى لأن المحطات قليله



تحياتي



يا أخي حرام عليك تتوه الأعضاء شف ردي إلي قبل هذا هو الطريق الأقرب والأحسن على فكره أنا أكلت الطعم قبل ثلاث سنوات ورحت مع الطريق إلي تقول أنت وبصراحه فرق بين طريقي وطريقك يعني أسأل مجرب ولا تسأل طبيب

اخوي ان بتأخذ نصيحتي :
ترى طريق حرض أفضل وأقرب
وعلى فكرة يختصر مسافة كبيرة مو زي ماقلت 40
انا اتوقع فوق 140 ويمكن أكثر .. وأفضل من ناحية الاسفلت
وبالنسبة للأمان كل الطرق فالسعودية أمينة بأستثناء بعض
الحالات الشاذة وعلى فكرة ترى طريق خريص هو اللي صار
فيه مشكلة لبطل الراليات المشهور الراجحي ,
انا انصحك بطريق حرض وانت بكيفك انا ماشيه اكثر من مرة
واغلبها فالليل والله ماشفت الا العافية

للفائدة والعلم,,,,,,,,,,,,,,,,,,,,,,,,,,,,,

تبي رايي

طريق حرض ما مثله بالروحه

وبالرجعه طريق الاحساء


كل روحاتي كذا

طريق حرض جربته كم مره

المشكله فيه من الخرج الى ان تعدى المزارع انواع التريلات والقلق

1 . طريق حرض يختصر 140 كيلو
2. طريق حرض حي وفيه حركة
3. الطريق اللي يقول الهلالي المسافر ما اعرفه واللي يقول هتلر (مقطعععععة) قسم بالله رحت معه مره حوالي 200 كيلو الحااااااااااالي ومعي عايله كل شوي اتخيل اني تعطلت والله محد يمر الا بعد 3 ايام ههههههههههههههه والاتصالات يقولون غطيناها لكن سبحان الله ما تنقطع الا في مكان مافيه ارسال هههههههههههههههههه
4. تعديل بسيط على كلام الهلالي اذا ختمت في البطحاء (آآآآآآه) الى ابو ظبي 365 كيلو ومنها الى دبي 160 كله سيدين ولا فيه تفتيش ولا لقط سرعة والسرعة القانونية 160 وبعدها تلقطك الكاميرات


المهم خل عنك حرض بس يااازين الطيارة زيناه لو تتعطل (لا تقول موتري جديد) بيكلفك قيمة التذكرة ولعنة الشمس او اكثر وقيمة التكاسي بدبي وبالمناسبة تكاسيهم مهيب غاليه

بعد تفتيش الاحساء 2إشارة يمين 2دواريسار 2دواريمين وامسك الخط
معلم بعد الدوار الثاني كلية معلمين البنين
واحد توه رايح من خط خريص ويقول تغيير رايح من أسبوع ودي بخريص ولا حرض هالتريلات اللي يكفينا وياكم شرها تكرهك في الخط وشلون سايد واحد وش ورانا نتمشى أهم شي السلامه والعافيه ماطرنا
والطياره ياخوي زينه بس لوحسبت أنها بتكلفك حق سكن 6 أيام تتنازل والشكوى لله

انصحك تروح مع الخرج ثم حرض ثم الطويلة ثم البطحاء
أكثر حركة وآمن ومزارع ومصانع زراعية وغيرها .. وأقرب من طريق سعد الاحساء

طيب يا شباب ابي بمشي من الرياض الى الاحساء متجه الى الاحوال المدنيه بالاحساء
شنو افضل طريق اسلكه

بصراحه كلها تودي للامارات لكن البلا وش ورا المنفذ لابوظبي 360 كم ثم 140 لدبي

ولا فيه استراحات ولا شقق مفروووشه قبل ابو ظبي تريح بها

يا حلووووووو السعودية شقق مفروشه و برخص التررراب و محطات بكل مكان و مغاسل غسيل وكوي

ب 2 ريال مهو بدبي كوي ب 17 درهم و الغسيل و الكوي ب 25 درهم

رحت سيارة وحرمت اني اروح يوم دخلت المنفذ على بالي اني وصلت دبي

صار باقي عليها 00 5 كيلو جان احباط ولا فيه لافنادق ولا شقق مثل

مافالو الاخوان ورحت طيارة كلها نص ساعه وانت في دبي يازين

الطيارة زيناه

المشاركة الأصلية كتبت بواسطة الهلالي المسافر
http://www.arabtravelersforum.com/tr...1/#post3972401

يا أخي حرام عليك تتوه الأعضاء شف ردي إلي قبل هذا هو الطريق الأقرب والأحسن على فكره أنا أكلت الطعم قبل ثلاث سنوات ورحت مع الطريق إلي تقول أنت وبصراحه فرق بين طريقي وطريقك يعني أسأل مجرب ولا تسأل طبيب



أخوي أولاً جزاك الله خير لظنك فيني أني أبي أتوه الناس

الطريق لدبي رحت معه على عدد شعر راسي سواء من الأحساء أو حرض أو خريص

طريقك جربته مقطعه غير طبيعية ويوصلك للأحساء وأنا طريقي 255 كيلو بطريق الدمام وأنت تقول 100 كيلو بطريق الدمام

والطريق اللي قلت لك 90 كيلو للأحساء وأنت تقول 200 كيلو أكثر أو أقل بينما هو 240 كيلو

سؤالي أيهما أطول مقطعه ؟؟؟!!!!!


أخوي اللي يسأل والل يبي يستفيد

أنا أفضل طريق الأحساء أبي أحط لك كروكي للطريق

طريق حرض أقرب بـ 140 كيلو تقريباً لكن المشكله فيه أنك من تمسك الخط حتى توصل للحد على أعصابك بسبب التريلات والنفود اللي على الخط وسيد واحد ما تقدر تثبت السرعة وهو طريق مشهور بالحوادث بسبب الرمال على الطريق يعني تمشي في أمان الله ما تدري إلا راقي طعس على يمينك أتكلم عن الليل وفي النهار ما تدري إلا بواحد مقابلك وجه لوجه يا أنت موخر عن طعس أو هو موخر

طريق خريص اللي يقول الأخ مقطعه 240 كيلو تمشي لحالك حتى توصل وهي منطقة قطاعين طرق

الأحساء قلت لك مشكلته أبعد 140 كيلو لكن سيدين ومريح تبدأه بـ 255 كيلو بطريق الدمام بعدها 90 كيلو للأحساء منطقه عاديه يعني مو مقطعه مره
بعدها 120 كيلو إلى سلوى هي المقطعه لذلك نصحتك بردي السابق أنك تعبي أو ما تتعدى الأحساء
بعدها 180 كيلو للبطحاء وثم 340 لأبوظبي و120 لدبي


هذا رأيي للطريق وهي وجهة نظري أنا فقط

وهذا كروكي للطريق سبق وأخذته من أحد الأعضاء الكرام هنا

اخي الكريم الملازك هتلر,

حبيت أستفسر عن طريقك الدمام 255, إذا أنا طالع من الدمام ورايح دبي هل من الأفضل لي أن أسلك هذا الطريق علشان أتجنب تحويلات وبلاوي خط الدمام الأحساء, وكذلك حتى لا أدخل في متاهات الأحساء؟

أخوي ما فهمت عليك

أنت بتروح من الدمام لدبي ؟؟

عموماً قلت لك أنا أفضل هذا الطريق
وفيه لوحة قبل الأحساء توديك يمين مكتوب عليه الأمارات وقطر بس مو واضحه مره

تخليك ما تدخل البلد

فعلا طريق أخوي الملازك هتلر أفضل ، ومثل ما قال أخوي حرض أقرب لكن تكون على أعصابك حتى بعد ما توصل بالسلامة تحس بالتريلات وانت نايم فالطريق من الأحساء أريح بس خل بالك وانت بطريق الدمام السريع بعد تقريبا 250 كلم المفرق مكتوب عليه الهفوف بس مو مكتوب عليه الإمارات ، بعد ما تدخل المفرق تجيلك لوحة الأمارات - قطر .

أتمنى إني أفدتك

هل يمكن من احد الاخوان يسوي رسم كروكي لطريق الرياض - سعد - خريص

اسمع ياخوي
انا وزوجي وعيالنا رحنا قبل سنه
عن طريق الخرج وحرض وكان الطريق يروع وكله تريلات وصحيح سايدين بس ضيق وماتقدر تسرع
يعني الفرق الي تاخذه بالمسافات بالكيلو تبي تبتلش فيه ماتقدر تسرع
وكله كوم وتجيك مملوحه ساقطه على اختها المملوحه الثانيه وانت وسيارتك تقل قعس مقابلهم

وبالرجعه رجعنا عن طريق الهفوف ومنها لطريق طبينا فيه على طريق الدمام وش حليله بس فاضي انا والعيال خايفين
وابوهم مسوي قوي

ونبي نمشي عقب اسبوع وبناخذ طريق الهفوف

موفقين جميعا

المشاركة الأصلية كتبت بواسطة غادة الرياض
http://www.arabtravelersforum.com/tr...6/#post3999946

اسمع ياخوي
انا وزوجي وعيالنا رحنا قبل سنه
عن طريق الخرج وحرض وكان الطريق يروع وكله تريلات وصحيح سايدين بس ضيق وماتقدر تسرع
يعني الفرق الي تاخذه بالمسافات بالكيلو تبي تبتلش فيه ماتقدر تسرع
وكله كوم وتجيك مملوحه ساقطه على اختها المملوحه الثانيه وانت وسيارتك تقل قعس مقابلهم

وبالرجعه رجعنا عن طريق الهفوف ومنها لطريق طبينا فيه على طريق الدمام وش حليله بس فاضي انا والعيال خايفين
وابوهم مسوي قوي

ونبي نمشي عقب اسبوع وبناخذ طريق الهفوف

موفقين جميعا




الله يعطيك العافية


تروحون وترجعون بالسلامة