الموضوع: ورحلته للقارة الأمريكيه لتجديد شهر العسل

اللـه واكبر على التقرير
من اجمل الموجود في المنتدى وانا اهنيك
والله استفدت منك كثــــــــــــــر لان بصراحة كنت محتاج اعرف الاماكن السياحية
لان سفرتي بعد 7 اشهر انا والمدام ان شاءالله
تسلم والله يوفقك يارب

ولكم تحياتي ،،،

مساء الخير
ياجماعة انا متطلع عندي الصور وش السالفة ؟؟

السلام عليكم


اول شي بقوله حرااااااام عليك عالسيزر سلاد كلش ماشهيتني عليها وعليكم بالعافيه


ماشاء الله عليك خووش تقرير ورحلتكم اتينن بس احس نيويورك ماتستاهل 5 تيام ...


صراحه كل شي حلوو من فنادق وتخطيط ,,,
وانا بخاطري اروح امريكا ملييت من اوروبا واستراليا عالاقل نغير ,, بس ريلي الله يهديييييييه على قولته امريكا يبيلها ناس تعرف وانا عاد نوعي قبل السفر اخطط واسوي جدول وكل شي احطه من ملاحظات وكل شي بس مايثق بمعلوماتي هههههههه يالله ماعلييه بس بقعد بخطط حق السنه اليايه

بسألك عن ميامي انا كنت مفكره اروحلها بس لمن شفت تقريرك حسيتها عادي اذا رحت لها او لا يعني ماتسوا ,, انتا شرايك؟؟
وبعد بسأل عن الباركنق بالتاون داون بكلفورنيا او بأي مكان ثاني ,, يعني مثلا في لوحة مكتوب عليها p عشان نسفط فيها يعني سهله نلقاها ولا نحوس
وعن دزني ويونيفيرسال والمجمعات عادتا متى تسكر بليل؟؟
وبسأل عن القارمن ماخذه من الكويت ولا من لمن اجرة سياره موجود فيها القارمن؟ واشلون طريقته سهل او لا؟؟
واشلون اقدر اشتري التذاكر يعني من الفندق او في كوشكات ولا عند المكان الي بروحله؟ لانه الي باوروبا لمن نحجز عند المكان الي بنروحله يكون زحمه ,,
وصج انا ملاحظه انتو وايد تروحون سووق ,, انا مشكلتي اموت بالسوق بس ريلي ههههههه مايداني شي اسمه سوق ,,
وبسأل عن ديزني و يونيفيرسال كلفورنيا اهوا نفسه الي باورلاندو؟ وأي واحد احلا الي في كاليفورنيا ولا الي في اورلاندو

وشفت ردك لاحد الاعضاء انك ماتمدح لوس انجلوس الجنوبي الي سكنت فيه ,, يعني مايحتاي اسكن فيه؟؟ ودزني لاند موجوده عند الجزء الشمالي او الجنوبي؟


انا بدعت بالاسأله سووري .. ومشكور ثاني مره

روعه الصور مشالله
شوقتيني لل سفر

تقرير ولا ارووع ..
و
الله يرزقكم بسفره احلى منها ..
و
يعطيك العافيه خيوو ..
و
يسلموو ..

مشكورين كلكم على الكلام الجميل اللي قاعدين تقولونه عن التقرير ويعطيكم الف عافيه وسامحوني لاني اتأخر عليكم بالردود بسبب انشغالي وعدم تفرغي بالانترنت بالفترات السابقه وبالنسبه لاستفساراتج اختي miss uk اذا تبين تستانسين انتي ويا اليهال روحوا اورلاندو ونيويورك اهم شي ولاس فيغس حق العروض المسرحيه اما ميامي انا ما شفت فيها زود اذا انتو من محبين البحر والتشمس كان بها او تحبون تطلعون رحله بحريه لمدة اسبوع تكون حلوه كتغيير وبالنسبه لمدن الملاهي اللي باورلاندو اكبر واحله فما تسوه تروحون لوس سان دييغو او جنوب لوس انجلوس اللي اهي انهايم اللي فيها مدن الملاهي لانه نفسها اذا تبون تروحون لوس امجلوس روحوا الشمال يعني هوليوود احله وفيها مدينة ملاهي قريبه منها مالت قطارات موت وفيها متاحف وشغلات حلوه ومنها تروحون سان فرانسيسكو اما بالنسبه لمواقف السيارات بلوس انجلوس وايد غاليه وحته الباركنج مالت الفنادق غاليه اما الجارمن انا شاريه من الكويت وسهل ما يبيله شي اما الموضوع الاهم اللي اهو السوق والتسوق اللي فهمت من كلامج تبينه نيي وياكم انا ويا زوجتي علشان ما تنحرمين من السوق ههههههه حجزيلنه واحنه بالخدمه وبالتوفيق انشالله واذا تبون اي شي احنه بالخدمه *

لا لا لا أبدعت يا ولد بلادي



تقرير رووووووووووووووووووووووووووووووووووووعة بحقة قليل كتبت كل صغيرة وكبيرة وما خليت شي

رديتنا لأحلى الذكريات في اورلاندو بصراحة رووعة بحقها قليل هالمدينة بس نصيحة مني للي يفكر يروح أورلاندو

أفضل وقت أخر يناير ووأول فبراير الجو رهييب يعني بعطلة نص السنة ما في زحمة أبد

لي درجة إني بشتري الفاست باس يقولولي مالة داعي مافي أحد وهذا شي أحييهم علية وهوا عدم الإستغلالية مو مثل إلي عندنا



ونسيت أقولك ألف مبرووووك على الجائزة وتستاهل أكثر صار مرجع لأمريكا بصراحة

تحياتي ،،

ماشالله تقريرررر رووعه عندي سؤال
شلون الكويتية بالسفر احس متعبه احنا نروح دبي يالله نتحمل شلونها بالاماكن البعيده؟
وشلون الشحن الوزن مفتوح يعني ما نحاتي بالسوق ولا محدد؟

حبيبي الملك بوفون ما سوينه شي كل الاعضاء بهالمنتدى يستاهلون وهذا قليل بالنسبه لكم

اما اختي نانسي بالنسبه للكويتيه ممتازه بالرحلات البعيده اما الوزن عطونه لكل شخص شنطتين كل شنطه 23 كيلو ولج هاند باج بالطياره 7 كيلو وجنطه لاب توب وانا كان معاي شويه وزن زايد مشوني ما اخذوا مني فلوس

Amazing report, it's very nice go head

thank you ,..
and have nice time with report

salam wise man,
very nice report and helped me a lot in planing my trip to orlando and miamt
i had a quick question if you don't mind.
about the he car rental, when i looked the national website it had double the price for the same care, and how can i choose the tourist from outside America option,
thanks and hope to hear from you soon

السلام عليكم

اخويthe-wise-man الصراحه تقريرك ابدااااااع فوق الوصف قعدت اقراه لمدة 3 ايام عشان اخلصه

وفعلا رحلتك كانت مميزه ماشاء الله عليك

وبانتظار تقراير حلووه منك زي هذا

يمي يمي m&m

أعتذر منك شخصيا لتعقيبي المتأخر على التقرير الأكثر من رائع .. سلمت يداك

لم أنتهي من قراءة التقرير !! .. ولكن أحببت أن أضع بين يديك انطباعي عن الأجزاء الرائعة في التقرير والتنظيم للرحله بشكل عام

ولم أستطع المقاومه وأحببت أن أعقب على الموضوع بعد نهاية جزء ( أورلاندو ) الرائعه والغاليه على قلبي

أتمنى لكم المزيد من الرحلات إلى أمريكا .. وأنتم بأتم صحه وعافيه

تقبل تحيات أخيك

السلام عليكم ورحمة الله وبركاته

الأخ العزيزthe- wise- man

أشكرك جزيل الشكر بغيت أقولك أن موضوعك من أهم الأسباب اللي دعتني للتسجيل فالمنتدى لتقديم جزيل الشكر لك على التقرير الأكثر من رائع شاكر لك جزيل الشكر وأنا أعرف كيف الواحد يمكن يضحي ببعض لحظات الاستمتاع عشان يرصد حدث ممكن يفيد أخوانه لكن الله يجعله في موازين اعمالك .
أشكرك مرة اخرى

تم الإنتهاء من قراءة التقرير ..

تقرير رائع جدا جدا ( ما شاء الله تبارك الله )

قدرت تغطي أغلب الأماكن المهمه في مدن الشرق والغرب في أمريكا

تحياتي واحترامي .. وأتمنى أن تكون بأتم صحه وعافيه : )

السلام عليكم
اشكر كل من تابع موضوعي وهذا العمل ما تم بانجازي انا لوحدي بل برحبوسعة صدر القروب الاكثر من رائع في بوابة الولايات المتحدة الامريكيه وخصوصا اخوي امباك اللي ساعدني بشغلات كثيره
وسامحوني على القصور وعلى التأخير بالردود بسبب انشغالي بامور خارجيه

ماشاءالله استفدت كثير من التقرير لأن سفرتي بعد شهر وجالسه اجهز ترتيبات السفر من مدن وفنادق وحجوزات داخليه وغيررره

تقرير عجييييييييييب
الله يعيط ألف عافيه
وسامحني على التأخير لأني واجهت مشكله مع حسابي القديم واضطريت اسوي حساب جديد للأسف

ان شالله نشوف منك المزيد من التقارير الرائعه

السلام عليكم ...ماشاء الله تبارك الله تقرير أكثر من رائع لدي إستفسار إن سمحت لي بخصوص سان فرانسسكو

هل ترى أن وجود سيارة ضروري كغيرها من المدن الكبرى ؟
أم يكتفى بالمواصلات العامة ؟

هل صادفت بعض الخطورة ليلا في منطقة اليونيون سكوير ؟

مع الشكر والتقدير