الموضوع: ورحلته للقارة الأمريكيه لتجديد شهر العسل

بسم الله الرحمن الرحيم

في البداية ما أدري شنو أقول وماني عارف إشلون أعبر عن شعوري بالفرح والسعاده اللي عمت علي أنا ويا حرمي المصون في هذه السفره اللي كانت من أجمل سفراتنا وتوفقنه فيها بإذن من الله ومجهودتكم اللي كان معاي وتفاعلكم معاي وردودكم على إستفساراتي الصراحه ما أدري اشلون أجازيكم وأرد لكم بعض من جمايلكم علي وكل اللي أقدر أقدمه لكم الحب والتقدير والاحترام لكل شخص متواجد في هذا المنتدى اللي أقدر أقول عنه أكثر من روعه بكل ما يحتويه من أقسام ومن مشرفين وأعضاء والله يعطيكم على قد نيتكم ويوفقكم دنيا والآخره .


أقدم كل الشكر والتقدير لكل الأخوان اللي ساعدووني في رحلتي بكل استفساراتي وعلى رأسهم اللي ساعدني وايد وما قصر معاي بكل شئ دون التقصير بالباجي الاخ Impact الأخ fms هذولي الاثنين قدموا لي الكثير في مساعدتي بأغلب الأمور في هذه السفره اللي أقدر أقول عنها رحلة العمر أتمنى لكم التوفيق :24:.

اليوم حاب أبدأ في كتابة التقرير وان شاء الله الله يوفقتني واكتب لكم تقرير متميز ويساعدكم في رحلاتكم الجايه وسامحوني على أي تقصير من الحين :101:

:smile127: أقدم هذي الورده بالبداية لكل أعضاء المنتدى :8888:

مواضيع عشوائيه ممكن تكون تعجبك اخترناها لك:

• مساعدة ظروري للغاية
• صديقة امريكيه تبغي تساعدني
• حجزنا حجز مبدئي ممكن رايكم؟؟
• سؤال ايش ارخص مدينة لدراسة اللغة
• ياليت مساعده
• للمغامرين بس
• كيف تسيطر على اتزانك و تظهر ثقتك بنفسك يوم المقابلة؟؟
• الدراســــة في امـــريكا
• افضل خط سير الى ميسولا
• الوقت الكافي للمواصلة
• في امكانيه لفتح حساب بنكي اثناء زياره إلى نيو يورك؟
• استفسار الفيزا
• ممكن معلومات عن مدينة كليفلاند
• اللي شحن سيارة من أمريكا يتفضل هنا
• وش رايكم باللي صار؟؟؟؟يهمنا تجاوبكم
• الرجاء عدم التطنيش ساعدوني
• تمت المقابلة اليوم بالرياض لكن
• استفسار عن فندق
• استفسار الى اخي امباكت وجميع الاعضاء
• دبي الامارات العربي المتحدة

بسم الله الرحمن الرحيم

نبتدي بكتابة التفاصيل الأوليه للتقرير

خطتة السفرة كانت كالآتي مع ذكر عدد الأيام والمناطق التي تمت زيارتها

إجمالي عدد ليالي الرحله 35 ليله أي ما يعادل 36 يوم

نيويورك 4 ليالي
فلوريدا ( أورلاندو 11 ليله )
فلوريدا ( ميامي 3 ليالي)
نيفادا ( لاس فيغاس 3 ليالي)
كاليفورنيا ( سان دييغو ليلتين)
كاليفورنيا ( جنوب لوس أنجلوس ليلتين)
كاليفورنيا ( شمال لوس أنجلوس 5 ليالي )
كاليفورنيا ( سان فرانسيسكو 5 ليالي )

وسائل النقل التي استخدمت بالرحله كانت عباره عن ( طائرات+ سيارات )
وسائل الدفع التي استخدمت بالرحله كانت عباره عن ( كاش + فيزا + ماستر )
طريقة الحجوزات التي استخدمت بالسفره كانت عن طريق ( الانترنت )

الرحله كانت من الكويت الى نيويورك والطيران اللي كان مستخدم في هذه الرحله الخطوط الجويه الكويتيه



الموقع الرسمي لشركة الطيران
http://www.kuwait-airways.com/

حلق بنا الطائر الأزرق من دولتنا الحبيبه الكويت إلى بريطانيا في مطار هيثروا ترانزيت ومن بعدها تم الانتقال الى مطار JFK نيويورك



:24: يتبع

بسم الله الرحمن الرحيم



نبدأ بالمدينة الأولى وهذا هو الجزء الأول من التقرير :smile:

نيويورك


نيويورك غنية عن التعريف المدينة التي بها أكبر وأضخم شاشات إلكترونية بالعالم وتتميز بأجمل المعالم السياحيه بها ومن أهم المعالم التي تتميز بها تمثال الحريه الشهير ومابي أتكلم عن نيويورك وايد شوفوا الصور احسن خلها اهي اللي تتكلم :smile:

كانت الاقامة في نيويورك في فندق ميلينيوم برودوي millenium broadway من فئة 4 نجوم ويقع في التايم سكوير لمدينة نيويورك فندق ممتاز وجميل وموقعه جدا جميل وسعره كان مناسب والخدمة فيه ممتاز :24:

الموقع الرسمي للفندق
http://www.millenniumhotels.com/mill...ork/index.html

تم حجز الفندق عن طريق موقع booking
http://www.booking.com/?aid=1329869?aid=358324

قيمة الغرفة king size للأربع ليالي شامله الضريبه والخدمه 946.5 $ دولار

متوفر به انترنت لكن برسوم ما اذكر جم بس شئ رمزي :109:

هذي صورة للفندق من التايم سكوير





وهذي صورة الغرفه









وهذي صورة للتايم سكوير من شباك الغرفه :smile:




يتبع ... :24:

بدايه موفقه . . تراني متحمس لتقريرك .. خصوصا انه من اول تقارير هذا الصيف..

ياليت ما تتأخر علينا

اخبارك اليوميه المختصره كانت مشوقه


فما بال التقرير



في انتظار التقرير بفارق الصبر

هياااااااا بدا التقرير

متااااابعيين

الحمد لله على سلامتكم ..

و الحمد لله انكم توفقتوا بسفرتكم



متابعه معكم

يعطيك العافيه وتقرير مشوق من بدايته ويستاهل المتابعه


كمل تواصل في التقرير وبتابع معاك للأخر . . . .


وتقبل تحياتي

الحمدلله على السلامة الله يجعل ايامك كلها عسل انت وحرمك المصون ان شاءالله

fms + sager33 + q8ya metnaqla + mzoon + qatar3333 + المسافر عربي

مشكووورين كلكم على الردود وأتشرف فيكم بأنكم أول ناس تقرأ التقرير ومشكورين كلكم على المتابعه لي من بداية سفرتي وبالتوفيق للجميع

سجلني متابع للتقريرك بقوه ان شاء الله يمديني استفيد قبل سفرتي

الحمد لله على السلامة ياغالي ...

بالفعل بداية رائعة ومرتبة لاكن لا تحرمنا من التفاصيل !!

لو تعرف قد ايش متحمس لرحلتك فلا تبخل علينا بالصور والتفاصيل !!


تقبل مروري وبالتوفيق

نعود إليكم من جديد ونكمل مسيرة الرحله في نيويورك :8888:

طبعا بأول يوووم وصلنه فيه إلى نيويورك كانت الساعه تقريبا 8 ونص بالليل الى الفندق فلم يكن لدنيا وقت كافي علشان نطلع ونفتر فإستقرينا بالفندق ورتبنه أغراضنه وريحنه اشوي وطلعنه نتمشى بالتايم سكوير اشوي علشان نكتشف المكان :101:

واليكم بعض الصور التي تم التقاطها للتايم سكوير في المساء والدنيا كانت منوره من كثرة الشاشات وحجمها العملاق في الشارع :101:















يتبع .... :24: شكرا عفوا

متابعه للتقرير وبقوه

إن شاء الله يكتمل قبل مااسافر

شكل الرحلة واااو

استنى توصل لتقارير لاس فيغاس وكاليفورنيا

تقرير اكثر من روعه !
والحمدالله انك انبسطت وتسهلت رحلتكم .. متابعين معاك ..!!
واصل بتفاصيل وصور اكثر !

ماابي اسافر راح تشوف بعينك اشلون الرحله روعه من أجمل السفرات اللي سافرتها بحياتي أتمنى لك متابعه جيده وان شاء الله تنبسط بالتقرير وتستفيد منه .

shaaadn مشكور حبيبي على كلامك الحلو والحمدلله ألف مره ان الامور تسهلت ويانه وما لقينه صعوبه كبيره بالسفره وهذا بفضل من الله ومن مشرفين وأعضاء المنتدى اللي ما قصروا وياي بولا شئ وان شاء الله راح تشوف تقرير يسرك وصور راح تحبها

ما شاء الله تقرير ممتاز من أوله

بالمناسبة ترانا تونا اللحين واصلين أمريكا

إحنا اللحين في Westwood و المكان رائع و الجو و لا أحلى

تابع و إحنا معاك

مع ودي
أم عالية

المشاركة الأصلية كتبت بواسطة أم علالي
http://www.arabtravelersforum.com/tr...7/#post3079157

ما شاء الله تقرير ممتاز من أوله

بالمناسبة ترانا تونا اللحين واصلين أمريكا

إحنا اللحين في Westwood و المكان رائع و الجو و لا أحلى

تابع و إحنا معاك

مع ودي
أم عالية



حمدلله على سلامتكم واتمنى لكم سفره موفقه يارب استانسوا قد ما تقدرون ولا تخلون شئ بخاطركم :109: وبالتوفيق لكم يارب :24:

اولا الحمدلله على السلامه اعذرني وصلت متأخرة لأني بحوسة الترتيب للسفر عقب باجر سفرتنا ادعي لنا بالتوفيق

وماشالله لا مو صج شهالتقرير القوي من اوله حسافة راح تطوفني اجزاء لكن بحاول اشبك كثر ما اقدر هناك واتابع التقرير

موفق ان شاء الله وسلم على المدام قول لها ام عزيزان تسلم عليج وتبي دعائج لنا ان الله يسهل امورنا

المشاركة الأصلية كتبت بواسطة sullmish
http://www.arabtravelersforum.com/tr...9/#post3079289

اولا الحمدلله على السلامه اعذرني وصلت متأخرة لأني بحوسة الترتيب للسفر عقب باجر سفرتنا ادعي لنا بالتوفيق

وماشالله لا مو صج شهالتقرير القوي من اوله حسافة راح تطوفني اجزاء لكن بحاول اشبك كثر ما اقدر هناك واتابع التقرير

موفق ان شاء الله وسلم على المدام قول لها ام عزيزان تسلم عليج وتبي دعائج لنا ان الله يسهل امورنا



ثانكس على المرور وما عليه انشاء الله تلحقين على الباجي المهم زهبي أغراضكم ولا تنسون شئ وبالتوفيق لكم ان شاء الله وديروبالكم على أنفسكم ولا تحاولون تطوفون ولا شئ لانه كل شئ حلو واستانسوا قد ما تقدرون ولا تخلون شئ بخاطركم اوكي :24: والله يسهل اموركم ان شاء الله وترجعون لنا بالسلامه وحاولي تتابعين التقرير في مفاجئات سويتها حق المدام خليها تنصدم اشوي ودموعها تنزل ما توقعت اني مسوي كل هذا علشان اعيونها :109: ووصل السلام لا تحاتين موفقه ان شاء الله

الله يعطيك العافية على هذا التقرير الحلو من اوله:24: ياليت تفيدني عن سكنك في لوس انجلس وتقيمك لة :114:شكل لوس انجلس في الاخير وحنا مستعجلين وشكررررررررررررررررررررررررا

الحمدلله على سلامة الوصول
تقرير اكثر من رائع
ننتظر البقيه

جزء حلو عن نيويورك ..

وحمد لله على السلامه اختي ام علالي ..

كمل يا بطل واحنا معاك

ولا تحاول تقلد في حكاية المفاجئات

الحمدلله على السلامة

بداية تقرير رائع وخطييير

ننتظر البقيه وخاصة جزء كاليفورنيا ( أنتظره على أحر من الجمر )

.. لاتتأخر علينا ما باقي شي على الرحلة ..

ما شاء الله بداايه موفقه و الصور ممتازه
ومتابعينك لي الآخر ان شاء الله

الحمد لله على السلامة اخوي ...

good afternoon


ماشاء الله تقريرك روعة ومتابيعنك ننتضر الجزء التالي .., :smile:


وجزاك الله خير على الافادة بس عندي استفسار .,




تحياااتيـــ ...,

الحمدلله على السلامه اخوي وقرت عينك ,, ها عيل عجبتك امريكا اشوف :109:

مشالله كم صارلك من وصلت البلاد ؟

متابعينك على احر من الجمر ومثل ماقالو الاخوان بالتفصيل الممل

:101:

بداية ممتازة وممتعة لتقريرك وأتمنى انه ينتهي مبكرا لان رحلتي بعد 19 يوم الى فلوريدا ( اورلاندو - ميامي ) ثم نيويورك

مع ذكر أبرز ايجابيات وسلبيات الرحلة وإجراءات المطار.

المشاركة الأصلية كتبت بواسطة ot1414
http://www.arabtravelersforum.com/tr...7/#post3080537

الحمد لله على السلامة اخوي ...

good afternoon


ماشاء الله تقريرك روعة ومتابيعنك ننتضر الجزء التالي .., :smile:


وجزاك الله خير على الافادة بس عندي استفسار .,




تحياااتيـــ ...,







وحبيت استفسر عن محل M&M's اين يوجد وكم اسعارهم تقريباًًوكل التفاصيل:101:

لاني ان شاء اله الصيف بروح وحبيت اروح لة :surf

وجزاك الله الف خير على التقرير

:113::113::113::113::113:




تحياااتيـــ ...,

سجلني من المتابعين بقوووووه ،،

مشالله سردك جميل و حلووو ،،

والله يبشرك بالخير طمنتني على الفندق ،، كنت شايل همه ،، لاني حاجز عليه الشهر الجاي Mellinum Broadway



واصل يا بطــل

تقرير رائع ومتابعينك بشغف ايام ماكنت مراسلنا في امريكا:24:

وانا ماشي بعد بكره لامريكا مع العائلة مدة شهرين واول نقطة وصول لي نييويورك وجالس فيها 5 ليالي وحاجز في نفس الفندق حقكم عن طريق موفع booking وبعدها الى اورلاندو وجالس فيها 14 يوم ومنها الى لاس فيجاس وكاليفورنيا وسوف امشي على خطة رحلتك بالضبط بس تكفى لاتطول علينا عشان مانضيع ولا ندري وش نسوي:109:

تحياتي وتقديرري والله يديم المحبه بينكم

مشكوووورين على الردووووود جمييييعا ويعطييكم ألف عافيه وبالنسبه للأخت اللي استفسرت عن السكن في لوس انجلوس الحين مو وقته بس بقول السكن كان في منطقتين في الجنوب في مطقة انهايم بفندق رامادا بالداون تاون دزني لاند والفي شمال لوس انجلوس في منطقه هوليوود وكان الفندق ديز ان بجانب شارع النجوم وبالنسبه للسكن كان ممتاز والمواقع اللي اخترته كانت جدا ممتازه وقريبه تقريبا من كل الاماكن اللي كنت بزورها

واخوي امباك لا تخاف انا ما اقلد مفاجئاتي غير عنك لا تخاف

وبالنسبه حق محل M&m محل كبير وفي كل شئ على ام اند ام واسعاره مو رخيصه انا اللي شفته عندهم فرع بنيويورك وشفت الفرع حقهم في نيويورك بمجمع فلوريدا مول واسعاره مو رخيصه تره وبالتوفيق

مشكورين على المرور كلكم وسامحوووني اذا قصرت بأي إجابه عن أي استفسار وأتمنى التوفيق للجميع

نتابع معاكم تكملت جزء نيويورك

نكمل وياكم اليوم الجزء الباقي في نيويورك من اليوم الثاني لنه اهناك بعد ما ردينه التايم سكوير تمشينه اشوي ورحنه أكلنه في مطعم سباروووو وكان الأكل ممتاز :24:


وبعدها قلنه نروح الى متحف الشمع الشهير ( مدام تيسوو madame tussauds ) ولكن للأسف ما عجبني كثر اللي رحت له بلندن :108:
طبعا كان فيه شخصيات مو موجوده في لندن بس اللي اهناك بلندن وايد احلى ما أدري ليش :114: مو مشكلتنه اي واحد اللي احله خلكم مع الصور وشوفوا :115:

طبعا الفندق عطاني كريت خصم 5 $ على كل تذكره واخذته معاي اهناك وعطوني خصم على التذكره ما أذكر بالضبط جم كان سعر التذاكر سوري :smile:

وهذا موقعهم على الانترنت

http://www.madametussauds.com/NewYork/







وهذي صور بعض الشخصيات اللي كانت بالمعرض
























وبعدها طلعنه من المتحف وقعدنه نتمشى بالتايم سكوير طبعا الناس مليانين وفي صينيين يقعدون بالتايم سكوير ويرسمون الناس وقعدنه انا ويا زوجتي وخليناهم يرسمونه :smile: وبس استانسنه اشوي بالتمشي لمه تعبنه وبعدين رحنه الفندق علشان ننام :smile: لانه هلكانين :36_15_6:




يتبع ....:24: شكرا عفوا

متخف الشمع .. انا من بعد حق لندن ما ودي ادخل اي واحد ثاني لان احس ما راح يطلع احلى من حق لندن ..

من جد متعه ثانية متحف الشمع في لندن.

سؤال : ايش وسيله تنقلك من مكان الي اخر


بسياره ولا بل اندرقراوند ولا عن طريق مرشد سياحي


ويعطيك الف عافيه على التقرير المدهش

FMS اي والله اللي بلندن غير ما ادري ليش احس انه عالم ثاني

qatar3333 وسيلة التنقل مالتي كانت رجولي والباص السياحي فقط وخريطه منهاتن أخذتها من الفندق فيها كل المعالم السياحيه اللي بمنهاتن وحته الخريطه اللي عطوني اياها شركة الباص اللي تبين لي مسار الباص اللي يمشي فيه هم كانت وايد قويه وفادتني لانه من خلالها كنت اختار المحطات اللي انزل منها علشان اروح الاماكن السياحيه وبس

وبعدها رحنه ركبنه الباص السياحي وكملنه جولتنه بعد ما كنه متوقفين عند المحطه اللي بجانب المرسي اللي يودينه حق تمثال الحريه كملنه الجوله لحد التايم سكوير علشان نرجع الفندق نريح اشوي ونطلع بعدها

واحنه في جولتنه الي التايم سكوير مرينه على مبنى الأمم المتحده بس للأسف كنه تعابه وما دخلنه وهذي صورة المبنى من الخارج





وطلعنه بعدها رحنه أكلنه في مطعم الوجبات السريعه المشهور وهو برجر كنج ( burger king )



وظلمت الدنيا وتمشينه اشوي بالتايم سكوير وتسوقنه اشوي ودخلنه السوبر ماركت وزوجتي ما قصرت بالكاكاو على اشوية عصاير على اشوي شبس للتسليه تالي الليل :109: وبعدها ردينه الفندق لانها كانت جولتنه اليوم قويه ومتعبه وفيها مغامرات حلوه وجميله ولن تنسى ووصلنه الفندق وصعدت زوجتي فوق وانا ضليت بالرسبشن كنت ابي اسأل عن شغله وضاق خلقي وصعد فوق والى النوم بعدين باجر اقولكم ليش ضاق خلقي وتكدرت الى اللقاء في الجزء القادم

يتبع .... مع تحياتي the-wise-man شكرا عفوا :24:

المشاركة الأصلية كتبت بواسطة mzoon
http://www.arabtravelersforum.com/tr...4/#post3083144

مرررره ممتع تقريرك ماشاءالله و اسلوبك بسيط و حلو ..

الله يخليكم لبعض انت و زوجتك



تسلمين يا الغاليه على مرورج وكلامج الطيب هذا وما تقصرين وان شاء الله التقرير ينال على اعجابكم :24:

رررررررررررررررررررررررررروعة واصل وحنا معك the-wise-man

مشاء الله .. تقرير أكثر من رائع ..

متابع =)

حلوه المفاجاة .. و وسلامات وشو الي ضيق صدرك

المشاركة الأصلية كتبت بواسطة the-wise-man
http://www.arabtravelersforum.com/tr...0/#post3082390


واخوي امباك لا تخاف انا ما اقلد مفاجئاتي غير عنك لا تخاف



:109:

والله انك ضحكتني !

تراني امزح معاك ياغالي ..

الله يسعدكم انت وزوجتك ويرزكم ويرزقنا الذرية الصالحة يارب


اجزاء جميلة ورائعة وسردك بالفعل يحمس .

بس معليش فيه ملاحظة بسيطة : ياريت تكتب مجتمعه مو كل شوي جزء ويتخللها ردوود علشان الاعضاء يستفيدوا من الشرح وما يتعبهم الردوود !!

وان شاء الله بعد ما تخلص تسويلهم ملخص للرجوع اليه !!

وعلشان تتحمس اكثر تستحق تثبيت الموضوع مادام التقرير يحمس " يثبت "


بالتوفيق وفي انتظار الاجزاء القادمة

رااااااائع

شي جميل ويعطيك العافيه مابي شي على سفرتي وان شاله هم بعد بنزل التقرير

برافو عليك the-wise-man
تقريرك يشوق الصراحة

مشكووورين كلكم ويعطيكم ألف عافيه على الردود الجميله وتشجيعكم لي على التواصل بكاتبة التقرير وان شاء الله الله يقدرني واخليكم تستانسيون من التقرير وتستفيدون منه

Impact لك جزيل الشكر على اهتمامك بمواضيعه والله يعطيك على قد نيتك ولا تخاف احنه اخوان ما نزعل من بعض ويخليك لزوجتك ويرزقك العيال ان شاء الله

fms اللي ضيق خلقي راح تعرفه بهالجزء ان شاء الله

جزء حلووو. و يمكن خيره انك ما رحت للشلالات وان شاء الله تعوضها بالمرات الجاية. بالنسبة للسيرك انا رحت له مع اخوياي وانبسطنا فيه حليووو وغيرنا جو.

ننتظر تقرير اورلاندووو ولا تتاخر علينا لان في كثير قرب سفرهم.

يعطيك الف عافية:113: على هذا التقرير الرائع
والوداع المميز لهذه المدينة الرائعة ونتظر
التقرير القادم عن مدينة اورلاندو بفارغ
الصبر لا تتأخر علينا .................:24:

جزء رائع وسلس كالعاده

ما زلت مستمتعه

بس بسألك عن الباص السياحي .. كنت كل يوم تركبه .. كل مره تاخذ تيكت جديده و لا انت اصلاً ماخذ تيكت لكذا يوم .. و بسألك برضو عن السعر كم كان ..


يعطيك الف عافيه

مشكووورين كلكم على المرور الجميل وعلى الكلام الحلو والتشجيع اللي قاعدين تشجعوني علشان استمر واكمل الموضوع

fms ان شاء الله تكون خيره والله كريم ويعوضنه في المرات القادمه

mzoon اختي انا حجزت بكج كامل تذكر الباص السياحي لمدة 3 أيام وعطوني وياه تذكره دخول برج Empire state + تذكره دخول تمثال الحريه والسعر كان لشخصين 140 $ وتنقلاتي كانت كله بالباص السياحي وبالتايم سكوير مشي لانه كل شئ كان قريب علي الحلو اللي في الباص انه يوفر كثير من المال بالتنقل للأماكن السياحيه والنقاط اللي يتوقف عندها الباص كانت عند الأماكن السياحيه المهمه في منهاتن يعني مثال برج ُEmoire state و عند الميناء اللي تطلع منه العباره حق تمثال الحريه وعندك السنترال بارك وعندج مبنى الامم المتحده وعندج الشاينه تاون وعندج بالتايم سكوير وعندج الحي الايطالي تقريبا كل الأماكن السياحيه اللي يقدر يزورها السائح في منهاتن بالاظافه انه يمر في على وايد مباني مهمه ومعروفه في منهاتن وبس

وبالتوفيق لكم جميعا

الحمد لله على السلامه

مو بالعاده أتابع تقارير كثير لكن تقريرك شدني :wink:

صور حلوه لمدينه جدا رائعه و نابضه بالحياه

بانتظار أورلاندو :smile:

المشاركة الأصلية كتبت بواسطة طبشوره
http://www.arabtravelersforum.com/tr...0/#post3087040

الحمد لله على السلامه

مو بالعاده أتابع تقارير كثير لكن تقريرك شدني :wink:

صور حلوه لمدينه جدا رائعه و نابضه بالحياه

بانتظار أورلاندو :smile:



ثانكيوو خبيرتنه هذا من ذوقج وان شاء الله راح تنبسطين بالأجزاء الجايه :24:

اليوم تذكرتك .. كنت في التايمز سكوبر ومرينا من جنب هالمسرح ..



وكان في زحمه الناس يدخلون للعرض. واشوف البنات الصغار يشترون اغراض عليها شخصيات المسرحيه.

الأخ العزيز the-wise-man

أرفع القبعة احتراماً لهذا التقرير الرائع :24:

رغم أني توني جاي من نيويورك لكن نيويورك في تقريرك لها طعم خاص مع وصفك الجميل

متابعين معاك أخوي حتى لو قصرنا معك بالكلمات :smile:

تحياتي

fms العرض تقريبا كان فل كبار وصغار مليان المسرح شنو نسوي بعد ما أبي أزعل زوجتي دخلنه المسرحيه علشانها

طموح ماله حدود أفا عليك بس وانا أرفع عقالي احتراما لك وتقديرا على كلامك الحلو والجميل وامنيتي انك تكون منبسط بالتقرير انت وبقية الأعضاء وتستفيدون منه ان شاء الله مع خالص تحياتي وتقديري للجميع

جزء ممتع جدا
واشوى ما رحت لنيقرى ..تعرف ليه لان من جهه كندا الشلالات منظرها اجمل
بس من الجهه الامريكيه محدود المنظر !!
فيها خيرها لا تنكد على نفسك خليها من كندا الزياره لنيقرى واقعدو فيها 5 ايام يالله تشبع من هالمنظر الخراااافي
والاتراكشن الموجود في الجانب الكندي كثيره جدااااا !!

متابعيــــــــــن !

بصرااااااااااااااحة البداية روعة
ننتظر التكملة على احر من الجمر