يسعدني اني التقي معاكم في بوابة الصين للمره الثانيه
في 2007 سافرت الى الصين وبالتحديد لكوانزو، وكان الهدف البيت الجديد
وشراء أثاث واضاءه واكسسسوارات ... الخ
وهاي الرحله ماكانت بتكون لولاكم ، لأني ماكنت أعرف عن السياحة في كوانزو شي الا من خلال
تقاريركم ، ومنها يت الفكره لهاي الرحله ، ولاني استفدت وايد منكم ، كتبت تقريري
عن رحلتي عشان انتوا بعد تستفيدون مني ، والحمدالله اني قدرت أفيد الكثير ، وهذا
عرفته منكم سواء عن طريق الرسائل الخاصه أو من خلال ردودكم ، او من حليمه .
رابط تقريري لسنة 2007 ...
في سنة 2008 سرت الصين مره ثانيه ، وهاي المره ماكان الهدف هو البيت الجديد
بالتحديد ، وانما كان لغرض التسوق الشخصي ، لأنه في زيارتي السابقه تأسفت انه
ماكفاني الوقت وازور اسواق كوانزو للملابس واتسوق لي ولعيالي ، فكان عندي فضول قوي :114:
والحمدالله اني قدرت اسير مره ثانيه ، وتفاجأت بأسواقهم اللي تجنن:115:
ولأني استفدت وايد ، ولأنه عندي معلومات جديده ، ولأنه هاي السفره غير
قررت أكتب تقريري عنها :8888:
ومثل ماعوديتكم أحاول دايما أقدم مع المعلومه ، الاسلوب الممتع والفكاهي اللي مايخليكم
تملون من قراءة تقريري:101:
بعد هاي المقدمه الحلوه ، تعالوا عيشوا معاي يوم بيوم لرحلتي لكوانزو بكل ايجابياتها وسلبياتها ...
كوانزو
تاريخ السفر:.
من 27 / 11 / 2008 الى 6 / 12 / 2008
المسافرين :
أنا وزجي
المده:
9 أيام .
الناقل الرسمي :
طيران الامارات
وهي تسير رحلات يوميه مباشره الى كوانزو
الدرجه :
على الدرجة السياحيه ولكن بفضل نقاط سكاي وورد ترفعنا على درجة رجال الأعمال:8888:.
سعر التذكره السياحيه :
4000 درهم للشخص
السنه اللي طافت سافرنا على الكينيه ب 2000 درهم للشخص وكانت الطياره زينه
ولكن نحن اخترنا السنه طيران الامارات رغم ارتفاع سعرها علشان نترفع على درجة البزنس .
وقت الرحله:
تقلع الطائره الساعه 11 صباحا
موعد الوصول :
الوصول بعد 6 ساعات ونصف
الفندق :
جاردن هوتيل
موقعهم :
http://travel.yahoo.com/p-hotel-3859...garden_hotel-i
المترجم :
حليمه
فرق التوقيت :
فرق التوقيت بيننا وبين كوانزو 4 ساعات
(( يعني لو عندنا الساعه 12 الظهر يكون عندهم 4 العصر ))
العمله :
الرممبي وتعادل نص عملتنا يعني 100 ريممبي = 50 درهم تقريبا
حالة الجو في هذا التوقيت :
تتراوح درجة الحراره بين 10 – 20 درجه مئويه
في النهار شمس وبروده حلوه ، وبالليل بروده أكثر
يعني لااااازم جاكيتات ولبس يدفي
الهدف :
استكشاف أسواق كوانزو الرخيصة ، اسواق كوانزو لتقليد الماركات اللي مازرتها
التفاهم مع شركة الاضاءه حول استلامي لثريا مكسوره
زيارة بعض الاماكن السياحيه
تابعوني ....
مواضيع عشوائيه ممكن تكون تعجبك اخترناها لك:
- هـكذا رأيت الصين نوفمبر أكتوبر
- تقــرير عــن【 طوكيو ☀ اليابان 】 لـعـــام تمت إضافـة الفيـديـو الشخصي
- استفسار عن المقاهي في دمشق
- خط السير تكفون رأيكم وتجاربكم
- رحلتي الى جوانزو من جولاي تسوق واستكشاف
- مساااااااعدة عاجلة من زار باكستااااااان ؟
- رحلة ممتعة الى فيتنام
- من سنغافورة لماليزيا
- استفسار عن اليابان هل طوكيو فيها اماكن ترفيهيه للاطفال
- نأمل المساعدة في التخطيط للسفر لهونج كونغ
- فيتنام وكمبوديا
- ابي شي اروح له
- متعة الأطفال في سنغافورة
- بخصوص سنغافوره
- 20 نصيحة من أينشتاين لتصبح أكثر ذكاءً
- تقرير مصور لمسافر لاول مره هونج كونج وكوانزو
- في ضيافة سنغافورة الجميلة يوليو
- الى هونج كونج الجميلة
- سنغافورة
- استمتع معنا برحلتك السياحيه الى جمال شرق اسيا سريلانكا
المفضلات