السلام عليكم ورحمه الله وبركاته
اختي العزيزه ام فجر الله يعينك ويسهل لك امرك انتي وزوجك وتروحوا وتنبسطوا وترجعي لنا بتقرير حلو انا انصحك باندونيسيا كثير خاصه وانها اول سفره لكم .
الغامدي ما قصر عالعموم بفيدك باللي اقدر عليه بالنسبه للسكن عندك مكتب كاها احجزي منه لكل المناطق ماعدا الجبل يفضل انك تحجزي مباشره من هناك ويفضل روحتك للجبل تكون في الايام التاليه من يوم الاثنين الى الخميس او الجمعه هذي افضل الايام لزياره الجبل عشان ماتلاقي زحمه اهل جاكرتا في اجازه نهايه الاسبوع عندهم والسكن في فندق سيروني 2 او سيروني 3 .
اللغه ان شاء الله ماهي بعائق كبير بالذات في الجبل يعني عادي مشوا حالكم اهم شي الارقام بالانجليزي تكونوا عارفينها
عشان ماتضيعوا واقصد بالذات الفئات واغلب عمله هي الثاوزن اللي هي فئه الالاف اكثر فئه راح تتعاملوا معاها .
في الجبل برضوا راح تلاقوا الناس هناك يجي يزعجك الا تشتري من عندهم عشان ماعاد يزعجوكم قولي لهم مكاسي يعني شكرا وعقبها خلاص ماعاد احد راح يزعجك .
بالنسبه للميزانيه + تسوق ماودي اصعبها عليك بس بصراحه ماراح تكفي لان التذاكر لحالها بتطلع بحدود 4600 ريال انا سافرت بعد عيد الفطر وكانت اسعار التذاكر حلوه بالنسبه للصيف لان الصيف توصل لخمس الاف وزياده يعني يبقى لكم بحدود عشره الاف يعني لوتزيدوها الفين ثلاثه عشان تتسوقي صح وتتمشوا صح ورح تكفيكم مابين 12 الى 14 يوم .
بالتوفيق ورحله موفقه يارب واي استفسار احنا حاضرين .
المفضلات