الموضوع: صور من رحلتي للكويت بكاميرة الجوال

السلام عليكم ورحمة الله وبركاته
وكل عام وانت بخير واهل الكويت انشاء الله بخير :101:
في البداية والله الاخوان ما قصروا معي في نصائحهم كان رحلتي ميسره والفضل لله
ثم لهذا المنتدى واعضاءه اللي ماقصروا في اي استفسار اسئلهم عنه وبصراحة انا
وزوجتي كنا ماخذين فكره عن دولة الكويت وعن الشعب الكويتي سيئه جداً لكن والله
تغيرة النظره 180 درجه من كثر ما شفنا وسمعنا كن نتوقع شعب سيء الاخلاق من
( تأثير المسلسلات ) لكن والله شفت شعب قمة في الاخلاق صغير كان أو كبير ولكم الامثله
كنت انا وزوجتي نبحث عن محل تفصيل جلابيات وقفنا عند محل بالقرب من سوق المباركية
( اعلمكم اني اعرف الاسواق ) وكان فيه حرمه كبيره شوي في السن فقلت لزوجتي اسئليها
عن المحلات الزينه فقالت الحرمه ( معنى الحرمه : أي المرءه ولكن قراوى السعوديه ينطقونه هكذا )
فقالت انا الحين اخلص اللي في يدي واجي ادلكم بنفسي !!!!!!!!!!!!!!!!!!!!!!!!!!!
الموقف الثاني : كنت الصباح ادور محل اجهزة الكترونيات ودخلت محل وسئلتهم قال واحد في المحل
لحظه انا ابخذ الاغراض واجي معك اوريك المحلات انت مو من السعودية قلت له لا بس دلني وانا اروح
لزم الا يجي معي وقعدت الف انا وياه الاسواق لمدة ساعتين وبعدها كان عنده محاظرة وكان امام مسجد
ولزم الا اجي عنده في البيت انا وزوجتي واعطاني ارقام تليفوناته وفي اخر شي قال انا صايم !!!!!!
الموقف الثالث : لما جيت اطلع للسعودية وقفت عند الاشارة وسألت صاحب السيارة وين الطريق قال
صف على جنب عشان ادلك والرجال ما قصر كل شوي يقول الا اوديك الطريق وارجع وانا اقوله لا انت
بس وصف لي الطريق وانا ادل ووالله ما قصر لزم اخذ تلفونه يمكن اضيع ولا شي !!!!!!!!!!!!!
بصراحة ما كنت اتوقع شعب بهذي الاخلاق العاليه ويفرحون انهم يقدمون لك خدمة
والله رجعت وانا اتذكر حديث الرسول صلى الله عليه وسلم ( لا تحقرٍ من المعروف شيء
ولو أن تلقى اخاك بوجهً طلق ) والله اعلم وهذي بعض الصور من المطعم وبعضها من الفندق سفير بستكي





هذي وانا اكل في المطعم على فكرة البوفيه المفتوح عندهم في المطعم بــما يقارب 80 ريال ولا يشمل المشروبات بعد ما طلعت من فندق سفير بستكي وكنت ماخذ عندهم سويت بـــ46 دينار وكان السويت حلو
اقمت في فندق ميراج وانشاء الله انزل موضوع عن الفندق وكان سعر الغرفه 25 دينار
( صدق أو لا تصدق الصور في الاسفل من كاميرة تصوير نايكون والتي في الاعلى من كاميرة الجوال 1.2بكسل ايهم افضل )

مواضيع عشوائيه ممكن تكون تعجبك اخترناها لك:

• بنات الكويت لووسمحتوا
• افتتاح «دين ديلوكا» أكبر متجر للمنتجات الغذائية الفاخرة في «الأڤنيوز»
• بلييييييز ساعدوني الصين جننتني 😢😢
• استفسار
• مطلوب محلات غرف نوم راقية وتكون مو غاليه
• عيدكم مبارك يا اعضاء بوابة الكويت
• تقرير عن المدينة الترفيهية مع صور
• ماهي اكبر تسجيلات اسلامية في الكويت الحبيبة؟
• من فضلكم عنوان مكتب طيران الجزيره فى الكويت
• من وين أشتري لي ملابس للشتاء
• منسدح بحوض نخله يتسدح بالكويت
• الكويتيات فزعتكم
• زيارتي العائلية الممتعة للكويت الحبيبة
• أذيتكم بس استحملوني أرجوكم
• حلويات أوبرا يا أهل الكويت
• إنشاء برجا بتكلفة مليار دينار
• نصيحه اخويه
• مساعدة بسيطة
• اسواق بيع ملابس الأطفال
• مساعدتكم يأهل الكويت ارجو الاجابة؟

نورت الكويت أخي الحبيب وحمدالله على السلامة وأن شاء الله تكون أستانست

وفعلا المسلسلات شوهة صورة أهل الكويت ومايعرض لايمثل الكويتيين المحافظين

العارفين لربهم أنما هم شرذمة قليلة ( أغلبهم غير كويتين ) أظهرهم الأعلام الفاسد

تحياتي ،،،،،،،

الأخ شخابيط نورت الكويت وانشاء الله تكون رحلة جميله وموفقه وانشاء الله تتكرر زياراتك اما بخصوص مايعرض بالمسلسلات فهي امور للتجارة وكلها كلام فاضي الشعب الكويتي شعب محافظ والكويت مازالت التي تمنع الخمور والمراقص واليسكوات في الفنادق وجميع الفنادق والشقق تمنع اسكان العزاب

وفي النهاية حياك الله بالكويت واتمنى انها اعجبتك

الحمدلله على السلامة اخي شخابيط
الحمدلله انك غيرت نظرتك تجاهنا...
المسلسلات كلها كلام فاضي...
و اسعدتني يارتك لبلدك الثاني...
شكرا لك على الصور...

ياك الله اخوي شخابيط
وانشالله تكون ستانست بالكويت ؟
وعلى العموم فعلا شعبنا شعب الكويت وايد طيب ويحب يقدم المساعدات وخصوصا لأخواننا الزوار
وعلى طاري المسلسلات اهم مايكتبون شي من عندهم
بس اهم مثلوا قله قليله والذين يتصفون بالصفات السيئه
وما تطرقوا لهالمواضيع الا لمعالجتها
وحياك مره ثانيه بالكويت اخوي وارجوا انك ماتحكم على ناس الا من خلال معايشتك معاهم

اول شي حمدلله على السلامة
ثانيا نورت الكويت وانشاءالله تعود الزيارة وتكررها
ثالثا المسلسلات فعلا نقلت سورة سيئة جدا عن الكويت واهلها وخصوصا مسلسلات فجر السعيد وهم اظهروا اهل الكويت وحشيين وهم اكثر ماأساءوا اساءوا الى تجار البلد والعوائل التاجرة لان صورتهم بصورة ظلماء ياكلون الفقير متكبرين مجبرين وهم عكس هذا تماما بل معروف عن تجار الكويت خاصة واهل الكويت عامة حبهم للخير ومساعدة الناس والفقراء والمحتاجين وتسابقهم في عمل الخير سواء في بناء المساجد ام المستشفيات سواء كان داخل الكويت او خارجها واذا بذكر امثلة بطول وما راح اخلص واللي يقهرك بهالمسلسلات انه المثلين ثمانين بالمية منهم مو كويتيين ويمثلون ادوار كويتيين هههههههههه شيء مضحك ومحزن في نفس الوقت اذا اهمه مو كويتيين اشلون تبيهم يعطون الصورة الصحيحة للكويت لكن بالنهاية هذا تمثيل والتمثيل يظل تمثيل والواقع شي اخر

شكرا على الصور الحلوة بس والله صور الجوال افضل من تصوير الكاميرا النايكون

اخي العزيز شخابيط
تسلم اخي على الجهد الرائع عن معلومات (صور من رحلتي للكويت بكاميرة الجوال ) فعلا معلومات مهمة .
وكما تستحق كل الشكر على الصور حلوه وجميلة جدا تسلم وماقصرت يالغالى .
تحياتي لك

[align=center]
[cell="filter:;"][align=center] الاخ العزيز شخابيط
حياك الله وعلى الرحب والسعة انت والاهل وأهل الكويت أن شاءلله ان فيهم الخير مثل باقي دول خليجنا والحمد لله ان النظرة تغيرت لديك عزيزي شخابيط .
بخصوص المسلسلات فأذا حبيت أعطيك من منهم الكويتي ومن منهم الغير كويتي وهم أكثر من 90%(( خاصة الممثلاث الصغار السن الذين يطلعون في الوقت الحالي في المسلسلات الجديدة )) فأنا حاظر وثق عزيزي شخابيط أن أهل الوسط الفني وسط غير أخلاقي بالدرجة الاولى وهم يمارسون كل ماهو ملفت ويدخل إليهم الربح المادي السريع .

عموماً حياك الله بين أهلك وأخوانك يالغالي [/align][/cell]
[/align]

وعليكم السلام ورحمة الله وبركاته

حياك الله و ياهلا ومسهلا فيك أخوي شخابيط
و الحمد لله على السلامه وشرفتونا بزيارتكم الكريمه و إلي نتمني إنها تتكرر و بأقرب فرصه ..
وحيا الله الكل والجميع ...
والحمد لله إلى استانستوا ...

وبالنسبة للمسلسلات أخي الفاضل فخلها على الله
يقولك يسلطون الضوء على عيوب المجتمع طيب وبعدييييييييييين ,,,, أبي هالكم نفر إلي سلطوا الضوء على عيوبهم حسوا فيهم و إلا دروا عنهم وإلا هي بس إثارة للترويج و تحصيل الفلوس و على حساب سمعتنا .. :112:
ولو صج مسلسلاتهم تسليط ضوء على عيوبنا طيب وين بنات الكويت ما يرضون يمثلون وياهم مو كان حصلوا مئات البنات ؟؟؟؟؟؟
وبعدين شلي يمنع بالله مسلسل واحد خلوه لتسليط الضوء على العيوب بس عشره سلطوا فيهم الضوء على الحسنات ؟؟؟
حسبنا الله ونعم الوكيل على هالمؤلفين و المخرجين وكلن يشوف الناس بعين طبعه وعين من عاشر ..
طبعا إحنا ما ننفي وجود السيء بس هذا مو معناه أن نعممه .:108:
و عسي الله يهدي الجميع ويوفقهم لكل ما يحبه ويرضاه .......

( ما عليه إنفعلت وكأني ما صدقت :101: )


تحياتي ..............

الله يحيــيـــك ياخــــــوووي والساعه المباركة اللي تشرفونا فيها

حياك الله أخوي شخابيط بين أهلك وأخوانك ياالغالي

وبالنسبة للمسلسلات السخيفة التي ابتلانا الله بها أغلب اللي يمثلون فيها غير كويتيين وخاصة البنات

تلقاهم من جنسيات عربية ويعتقدون أنهم يتقنون اللهجة الكويتية لذلك من كلامهم بالمسلسلات نعرفهم

ونكشفهم. لكن أغلب الخلييجيين مايميزون لهجتهم ويعتقدون انهم كويتيات

أما القلة القليلة من الممثلات الكويتيات فمعروف أصلهم من وين

الحمدالله على سلامتك اخوي شخابيط شرفتونا بزيارتكم الميمونه


الصور اكثر من رائعة تسلم ايدك

الحمدلله على السلامه

تسلم الايادي على هالصور الرائعه...





يعطيك الف عافيه يالغالي..

تعليقا على موضوع المسلسلات .. فعلا كلها كوم ومسلسل عديل الروح كوم !!
تطرق لمواضيع صحيح إنها ظاهرة في دول الخليج لكن ليس كل ما يعلم يقال ؟!

انا شخصيا كنت ناوي اتصل على الاذاعة الكويتية في أي برنامج مباشر واعترض على الصورة اللي أخرجها المسلسل عن أهل الكويت الطيبين , وبعدين ما دام عندكم منابر حرة قد لا توجد في دول أخرى , ليه ما طالبتوا الرقابة بحذف المسلسل أو تعديله قبل العرض , وأما قناة الراي وما تعرض فلها موضوع مستقل إنشاء الله .

حيأأك الرحمن يالحبيب

[color="Black"]صدقت أخوي

والله العظيم زوجي كان معارض نروح الكويت مو بس بسبة المسلسلات ( واللي لها تأثير
كبير بالطبع )) ولكن بسبة الكلام الفاضي اللي نسمعه من سنين ان الكويتيين مايحبون
السعوديين والسعوديين مايحبون الكويتيين :ranting2: :016: ....

وحنا في الطريق والله ميته خوف يصير لنا أي موقف يعكر صفو الرحلة [blink]




فقالت انا الحين اخلص اللي في يدي واجي ادلكم بنفسي !!!!!!!!!!!!!!!!!!!!!!!!!!!



صار لنا نفس الموقف :smile:

....

أيضا مره سألنا دورية الشرطه عن مكان وقالوا لحقونا ووصلونا له ...وسلموا علينا ومشوا.:x1:

...

ومره في سوق المباركيه زوجي سأل واحد عن مجمع ..والله الرجال قطع نفسه وهو يشرح
وأهله واقفين ينتظرونه ..ويرسم كروكي ويعيد الشرح وعساك فهمت ؟؟...وحلفتك تلحقني ...:smile:

من جد مو مبالغه ...

حبيتها بقوه :36_3_16: مع أني ما كنت أكرهها أصلا :101:

وأخيرا...
الحمد لله على سلامتكم .
تحياتي .

بالحقيقة انا استغرب ان البعض ماخذ فكرة سيئة عن الكويتين ياجماعة يوجد بالكويت اكثر من 135 جنسية تعيش بالكويت وجميعها لديها انطباع رائع عن الكويت وهناك اعداد كبيرة جدا من السعودين والخليجين مقيمين بالكويت ودرسوا وتعلموا بالكويت الكثير من ابناء الخليج قد درسوا بالكويت وتخرجوا من جامعة الكويت .
المسلسلات بالكويت قد تكون جريئة ولكن يجب ان نتعرف بان هناك مشاكل اجتماعية يجب تسليط الضوء عليها وليس اخفائها وعدم مناقشتها

الصراحه زي ما قلت الكويت بلد حلوه واهلها طيبين انا من اول ما زرتها استانست
انا وعيالي كثير
فيها اماكن حلوة كثير وصرت لازم ازورها كل فترة وانا دايم اسكن في شقق مفروشة للعئائلات بالمرة حلوة ورخيصة مطله علي البحر في منظر خلاب وموقها بالقرب من مجمع مارينا في الخلف في السالمية اسمها مارينا رويال ورقم تلفونهم
5752582 طبعا لازم تزيد مفتاح الكويت اذا كنت تتصل من خارج الكويت 00965
ولا تنسونا من دعائكم

اولا الحمدلله على سلامتكم وثانيا وهذا المهم

ليش السعوديين ماخذين عنا فكرة سيئه وبالاخص حنا نروح السعوديه والشعب السعودي يعرفنا

بس حنا صرنا نفس الانكليز اللي يسألنا لازم ندليه حتى لو نوصله بس الي عليكم انكم تسالونا

وصدقوني والله ماكو بينا وبين اخونا من الخليج اي شي بس نرحب فيهم اذا شفناهم

اما بالنسبه للمسلسلات فحدث ولاحرج والاخوان كفو ووفووووووواااااااااا

الحقيقه انا اليوم عندي عيد عشان اهلي رضوا ان الاسبوع الجاي نجي الكويت
ياحبي لها والله

بس تكفون اخواني عطوني مطاعم حلوه وسعرها معتدل بالسالميه

السلام علييكم
مشاااااااااء الله مرررررررررره
كل مرره افكر اروح لها لاكن اقول مررره ثانيه
والمسلسلات فعلا شوهت صوره الكويت وكل الي يمثلون فيها اتوقع انهم مو كويتين اصل
برنامح صاااااااااااااااااادوه فضحهم:24: :24: :24: :24:

وشكر على الصوررر

مشكورين للابــــــــــــــــــــــــــــــــــــــــــــــ ــــــــــــــــــــــــــد

حمدالله على سلامتك
نورتنا
و يعطيك العافيه عالموضوع الحلو..

اخواني مستحيل المسلسلات تشوه صوره الكويت والكويتيين.من وعينا على الدنيا واحنا نشوف المسلسلات الكويتيه وحبنا لاهل الكويت ما نقص بالعكس يزيد.تحيه لجميع أهل الكويت والله أهل البحرين يحبونكم من كل قلبهم.

تحياتي

والله الكويت محلينها اهلها
والزين والشين في كل مكان بس الشر يعم والخير يخص
والحمدلله على سلامتك

اشكرك انك نقلت تجربتك الشخصيه وتاكد ان المسلسلات لا تمثل حياة الشعوب فى الواقع انما هدفها شد الانتباه ولفتة النظر وللمشاهده ومتابعة الاحداث اما الشعب الكويتى الاصيل متمسك فى اخلاقه واحترام العادات والتقاليد مثله كمثل سائر الشعوب الخليجيه .
واشكرك على هذا التقرير الرائع عن الكويت وشعبها وحياك الله فى بلدك الثانى الكويت .

المشاركة الأصلية كتبت بواسطة شخابيط
http://www.arabtravelersforum.com/tr...56/#post466694

السلام عليكم ورحمة الله وبركاته
وكل عام وانت بخير واهل الكويت انشاء الله بخير :101:
في البداية والله الاخوان ما قصروا معي في نصائحهم كان رحلتي ميسره والفضل لله
ثم لهذا المنتدى واعضاءه اللي ماقصروا في اي استفسار اسئلهم عنه وبصراحة انا
وزوجتي كنا ماخذين فكره عن دولة الكويت وعن الشعب الكويتي سيئه جداً لكن والله
تغيرة النظره 180 درجه من كثر ما شفنا وسمعنا كن نتوقع شعب سيء الاخلاق من
( تأثير المسلسلات ) لكن والله شفت شعب قمة في الاخلاق صغير كان أو كبير ولكم الامثله
كنت انا وزوجتي نبحث عن محل تفصيل جلابيات وقفنا عند محل بالقرب من سوق المباركية
( اعلمكم اني اعرف الاسواق ) وكان فيه حرمه كبيره شوي في السن فقلت لزوجتي اسئليها
عن المحلات الزينه فقالت الحرمه ( معنى الحرمه : أي المرءه ولكن قراوى السعوديه ينطقونه هكذا )
فقالت انا الحين اخلص اللي في يدي واجي ادلكم بنفسي !!!!!!!!!!!!!!!!!!!!!!!!!!!
الموقف الثاني : كنت الصباح ادور محل اجهزة الكترونيات ودخلت محل وسئلتهم قال واحد في المحل
لحظه انا ابخذ الاغراض واجي معك اوريك المحلات انت مو من السعودية قلت له لا بس دلني وانا اروح
لزم الا يجي معي وقعدت الف انا وياه الاسواق لمدة ساعتين وبعدها كان عنده محاظرة وكان امام مسجد
ولزم الا اجي عنده في البيت انا وزوجتي واعطاني ارقام تليفوناته وفي اخر شي قال انا صايم !!!!!!
الموقف الثالث : لما جيت اطلع للسعودية وقفت عند الاشارة وسألت صاحب السيارة وين الطريق قال
صف على جنب عشان ادلك والرجال ما قصر كل شوي يقول الا اوديك الطريق وارجع وانا اقوله لا انت
بس وصف لي الطريق وانا ادل ووالله ما قصر لزم اخذ تلفونه يمكن اضيع ولا شي !!!!!!!!!!!!!
بصراحة ما كنت اتوقع شعب بهذي الاخلاق العاليه ويفرحون انهم يقدمون لك خدمة
والله رجعت وانا اتذكر حديث الرسول صلى الله عليه وسلم ( لا تحقرٍ من المعروف شيء
ولو أن تلقى اخاك بوجهً طلق ) والله اعلم وهذي بعض الصور من المطعم وبعضها من الفندق سفير بستكي





هذي وانا اكل في المطعم على فكرة البوفيه المفتوح عندهم في المطعم بــما يقارب 80 ريال ولا يشمل المشروبات بعد ما طلعت من فندق سفير بستكي وكنت ماخذ عندهم سويت بـــ46 دينار وكان السويت حلو
اقمت في فندق ميراج وانشاء الله انزل موضوع عن الفندق وكان سعر الغرفه 25 دينار
( صدق أو لا تصدق الصور في الاسفل من كاميرة تصوير نايكون والتي في الاعلى من كاميرة الجوال 1.2بكسل ايهم افضل )







نظراً لتحول روابط المنتدى من

http://www.travel4arab.com

إلى

https://travel.maktoob.com

قمت بتعديلها

صور المطاعم
















شوارع من فندق سفير البستكي

الحمدلله على السلامه

الصراحه كلامك يفرح القلب

والحمدلله انك عرفت طينة اهل الكويت واصلهم

والخوات كفو ووفوا عن موضوع المسلسلات

وان شاء الله تكون رحله ممتعه

شكراً على التقرير الرائع ...

الحمدلله على السلامة وان شاءالله تشرفونا مرة ثانية ونقوم بالواجب ..........
اما عن المسلسلات اصلا مافي كويتية تمثل واغلب الممثلات من الجنسيات العربية الاخرى اللي خربوا سمعتنا احنا بنات الكويت وفي بعض الكاتبين الله يهديهم قصة مسلسلاتهم حدها من الخيال وتافهة عيل في وحدة تنام بمكياج كامل وبف شكبرة بشعرها او واهي ببيتهم مكياج كامل وكشخة عالاخر عيل شخلوا حق الطلعة والله هالشي باللوة وابتلينا فيها وبعدين اخوي ترى بنات الكويت مثل اي بنت خليجية وعاداتنا مثل عاداتكم وبعد تقاليدنا من تقالديكم ... واخيرا الحمدلله انك شفت بعينك الحقيقة وتسلم اخوي وحياكم الله بديرتكم الثانية تشرفووووووووووووونا واذا ماشالتكم الارض نشيلكم بعيووووووونااااااااااا

هذي الكويت وصل على النبي


والله موعشان آنا كويتي بس الصج ينقال الكويت حلوه وبسيطه آنا ألحين بغربه والساعه تقريبا 10 بليل وميت يوع والديره الي آنا فيها أوربيه ( بلجيكا ) ماكوا ولا شي فاتح آآآآخ مغير حاط الككاو والعلوج والحلاو أسد يوعي لوبالكويت جان دقيت على أكبر مطعم وياب الأكل ليلبيت